মরুপশিং,
নখোয় পুম্নমক্না কোরোনাগী অনিশুবা ৱেব অসি থেংনবদা য়াম্না কন্না অমসুং লেপ্পা লৈতনা হোৎনখি। নখোয় কয়ানা নখোয় নশামক কোরোনা পোজিতিব ওইরবসু নখোয়গী জিলা অদুগী থৌদাং অদু মখা তানা লৌখি। মসিনা জিলা অদুগী অতৈ মীওইদা থৌনা পীখি অমসুং অদোমনা ইথিলসু পীখি। নুমিৎ কয়ানি ময়ুমদা চৎপা ফংদবা, মখোয়গী ইমুং-মনুংশিং উন্নবা ফংদবা কয়া অমা লৈরি। মীওই কয়ানা মখোয়গী ইমুংগী মরু ওইবা মীওইশিং, মখোয়গী মরী-মতাশিং কাইনখ্রে। অৱাবা অসিগী মরক্তা নখোয়না নখোয়গী থৌদাংবু খ্বাইদগী মরু ওইনা লৌরি। হৌজিক নখোয়গা থবক তৌমিন্নরিবা কয়াদগী মখোয়গী এক্সপরিয়েন্সকী মতাংদা তানবা খুদোংচাবা অমা ফংলে। অদুম ওইনমক ঐহাক্কী মাংদা মীওই কয়া অমা লৈ। অদুনা মসি মীপুম খুদিংমক্তগী তাবদি ওইথোক্লরোই। অদুবু মীপুম খুদিংমক্কী ওইনা করিগুম্বা অনৌবা খরদি অদুমক লৈ। ইন্নোভেতিব ওইবা করিগুম্বা খরদি লৈ। অমসুং মখোয় মশাগী ওইবা মওংদা পাম্বৈশিং পুথোক্লি। অমসুং মসি মাই পাকপ্নবা খ্বাইদগী মরু ওই। হায়বদি অদোমনা তঙাই ফদবা ৱাখল্লোন অদু লোকেলাইজ তৌদুনা সেৎ তৌদুনা মদু করম্না শিজিনবগে হায়বা অদু উৎলি। অফবা ইন্নোভেতিব কয়া অমা ওইরি। ঙসি ফোঙদোকপগী খুদোংচাবা ফংহৌদবা মীওইশিং অদুগীসু কয়া অমা লৈরমগনি। ঐখোয়না নখোয় পুম্নমক্তা হায়জনীংবদি নখোয়না অফবনি হায়না খনবা, নখোয়না ফজনা তৌখি হায়না খনবা অদু চীংনবা লৈতনা ঐঙোন্দা ইদুনা থাবীরকউ। ঐঙোন্দা য়ৌহনবীরকউ। অমসুং ঐহাক্না মসি অতৈ জিলাশিংদা করম্না শিজিন্নবা য়াবগে হায়বা শোইদনা খন্নগনি। মরমদি অদোমগী হোৎনজমন, অদোমগী ইন্নোভেসনশিং অসিসু লৈবাক অসিগীদমক কান্নবা পুরক্কনি। অমসুং ঙসি ঐহাক্কী মাংদা পুথোরক্লিবা ৱাফমশিং অসিদা ঐখোয়দা কান্নগদবা ৱাফম কয়া অমা য়াওরি হায়না ঐহাক্না থাজৈ। মরম অসিনা ঐহাক্না নখোয়না নখোয়গী ওইবা ৱাফম খরা সিয়র তৌরকপা ঙাইরি। নখোয়না হোৎরিবা খুদিংমক্তা ঐহাক্না থাগৎকনি।
মরুপশিং,
ঐখোয়গী লৈবাক্কী জিলাশিংগী মশিং য়াম্বগী মতুং ইন্না মখোয়গী ওইবা তোঙান-তোঙানবা শীংনবশিংসু লৈরি। অমরোমদনা জিলা খুদিংমক্কী ওইবা মশাগী তোঙানবা শীংনবশিং লৈজৈ। নখোয়না নখোয়গী জিলাগী ওইবা শীংনবশিং অসি হেন্না খংঙি। অমসুং মরম অসিনা অদোমগী জিলাদা মাই পাকপা পুরকপা হায়বসি লৈবাক অসিনা মাই পাক্লে হায়বনি। অদোমগী জিলানা কোরোনাবু মাইথিবা পীবা মতমদা লৈবাক অসিনা কোরোনাবু মাইথিবা পী। মরম অসিনা জিলাশিংগী ৱাখল্লোন অসি ঐহাক্কী খুঙ্গংবু কোরোনাদগী ঙাকথোক্তুনা থমগনি হায়বগী মেসেজ পীবনা ওইগদবনি। ঐহাক্কী খুঙ্গংদা কোরোনা চংবা ঙমহল্লোই। খুঙ্গং অসিগী মীয়ামনা ৱাশক লৌবা অমসুং খুঙ্গংগী মীয়াম্না শিল-লাংলিবগী মওং-মতৌ অদুদা ঐহাক্না অঙকপা পোকখি। অমসুং ফীভম অসিদা করি তৌগনি হায়বা খঙখিদে অদুম ওইনমক ঐখোয়না খুঙ্গংগী লৌউ-শিংউগী সেক্তরদা লোকদাউন অমত্তা থমখিদে। অমসুং য়াম্না নুংঙাইবা ৱাফম অমনা খুঙ্গং অসিগী মীয়াম্না লৌবুক্তা শুখি অমদি লৌবুক্তা থবক শুবা মতমদা সোসিএল দিস্তেন্সিং ঙাক্না মখোয়না থবক শুবা হৌখি। মমাংদা অদোমনা নীংশিংলমগনি মদুদি ঐখোয়গী খুঙ্গংশিংনা পাউজেল অসি কয়াম য়াম্না খোঙজেল য়াংনা পীখি অমসুং মখোয়গী মথৌ তাবশিংগী মতুং ইন্না শেমদোক্তুনা হেন্না কনখৎহনখি। মসি খুঙ্গংগী পাঙ্গল অদুনি, ঐহাক্না ঙসিসু খুঙ্গং কয়াদা মখোয়গী চত্থোক-চৎশিন তৌবা অসি নীংথিজনা মেনেজ তৌখিবা উবা ফংখি। খুঙ্গং অদুগী মথৌ তারকপশিংগীদমক মীওই অমা নত্ত্রগা অনিনা খুঙ্গং অদুদগী থোকই। মখোয়না পোৎচৈ পুদুনা লাকই। খুঙ্গংদা মদু য়েন্নৈ। অমসুং করিগুম্বা খুঙ্গং অদুনা মীওই অমা লাকপা তারবদি মহাক অদু মপান্দা লৈহল্লি। খুঙ্গংগী ওইবা মশাগী মপাঙ্গলশিং লৈজৈ। পাঙ্গল অদুগী ওইবা মশাগী কন্নফম লৈ। অমসুং মরুপশিংদা ঐহাক্না হায়জনীংবদি কোরোনাগী মায়োক্তা শোক্নরিবা লান অসিদা নখোয় পুম্নমক য়াম্না মরু ওইবা মীশকশিং ওইরি। নাকল অমরোমদা অদোম লাঞ্জং অসিগী ফিল্দ কম্মান্দরনি। লানফম অমদা ফিল্দ কম্মান্দরনা অচৌবা থৌরাং অদু ওইথোকহল্লি, গ্রাউন্দদা মখোয়না লান অদু শোকনৈ, ফীভমগী মতুং ইন্না ৱারেপশিং লৌউ। নখোয় পুম্নমক্না ভারতকী লাঞ্জং অসিদা মরু ওইবা ফিল্দ কম্মান্দর ওইনা ঙসি লুচিংবগী থৌদাং লৌরি অমসুং ভাইরস অসিগী মায়োক্তা ঐখোয়গী খুৎলাইশিং করিনো? ঐখোয়গী খুৎলাইদি – লোকেল কন্তেনমেন্ত জোনশিং থম্বা, পাকশন্না তেস্ত তৌবা অমসুং মীয়ামদা অচুম্বা অমসুং মপুং ফাবা ই-পাউ ফংহনবনি। হোস্পিতালশিংদা বেদ কয়াম লৈরি, করম্বা মফমদা লৈবগে হায়বা ই-পাউ অসি লায়না ফংহনবনা মীয়ামদা খুদোংচাহল্লি। মসিগা মান্ননা কালাবজার তৌবা লাকশিনবা, অসিগুম্বা মীওইগী মথক্তা অকনবা এক্সন লৌখৎপা নত্ত্রগা ফ্রন্তলাইন ৱারিয়রশিংগী মোরেল হায় ওইনা থম্বা, মখোয়বু মোবিলাইজ তৌবা, অদোমনা ফিল্দ কম্মান্দর অমা ওইনা হোৎনখিবশিং, কম্মান্দর ওইনা অদোমনা হোৎনরিবা অসিনা জিলা খুদিংমকপু মপাঙ্গল হাপলি। ফ্রন্তলাইন ৱারিয়রশিংনা মতম পুম্বদা অদোমগী কন্দক্ত অমসুং এক্সনদগী ইথিল ফংখি। মসিনা মখোয়গী থাজবা হেন্না হেনগৎহল্লি। ঐহাক্না নখোয়দা ৱাফম অমগা হায়জনীংঙি। মরম অসিনা করিগুম্বা সরকারনা শেমখিবা পোলিসীদা জিলাগী থাক্তা ইন্নোভেসনগী মথৌ তাই হায়না অদোমনা ফাওরবদি, ইন্নোভেসন অদুনা পোসিলীগী মপাঙ্গল হাপকদবা ওইরবদি ঐহাক্না মদুগীদমক থোং হাংদুনা থম্লি। শোইদনা হায়বীরকউ। করিগুম্বা ইন্নোভেসন অসি অদোমগী জিলাগী মফম অদুগী মথৌ তাবশিংগী মতুং ইন্না তৌবা ওইরবদি মদু মদুগী মতুং ইন্না তৌবীয়ু। করিগুম্বা অদোমনা পুথোক্লিবা ইন্নোভেসন অদু রাজ্য অদুদা নত্ত্রগা লৈবাক পুম্বদা বেনিফিসিএল ওইগনি হায়না ফাওরবদি মদু সরকারদসু য়ৌহনবীরকউ। করিগুম্বা অদোমগী এক্সপিয়েন্সশিংগী মতুং ইন্না য়াম্না থুনা হোংলক্লিবা ফীভমশিং অসিদা পোলিসীশিংদা শেমদোকপা মথৌ তারবদি মদুগী ফীদবেকসু শোইদনা পীবিরকউ। থিন্থবা লৈরনা য়ৌহনবীরকউ। মরমদি মসিগী লাঞ্জং অসিদা ঐখোয় পুন্না খনমিন্নবা, পুন্না অনৌ-অনৌবা পোৎশিং শিজিন্নগদবনি। মদুদতা ঐখোয়না থেংনবা ঙমগনি।
মরুপশিং,
অদোমগী জিলাগী মাই পাকপা অসিনা অতৈ জিলাশিংগী তমজনীংঙাই ওইগনি, মসিনা মখোয়দসু মতেং ওইগনি। কোরোনা লাকশিন্নবা অফবা পাম্বৈ পুম্নমক ঐখোয়না শিজিন্নগদবনি। অদোমগী মরুপ কয়া কোরোনাগী লাইচৎ অসিগী পীক য়ৌরুরবা মতুংদা হোজিক হন্থরক্লিবা জিলাশিংদা লৈরমগনি। অদোমগী মরুপ কয়া কোরোনা লাইচৎ লৈরিবা জিলাশিংদা লৈরমগনি, মখোয়গী এক্সপরিয়েন্সশিংদগী তমশিনবনা অদোমগী জিলাশিংদা পাইখৎলিবা ঐখোয়গী লালোং মপাঙ্গল কনখৎকনি অমসুং কোরোনাগী লাঞ্জং অসি লাইহনগনি।
মরুপশিং,
হৌজিক রাজ্য কয়াদা কোরোনাগী শোকহনবগী মশিং অসি হন্থরক্লি। রাজ্য কয়াদনা হেনগৎলক্লি। মরুপশিং, মশিং হন্থরক্লিবা অসিদা ঐখোয়না হেন্না চেকশিনবা মথৌ তাই। হৌখিবা চহিগী মীফম খুদিংমক্তা ঐহাক্না মতম পুম্বদা ৱাফম অসি হায়জখি মদুদি ঐখোয়গী লাঞ্জং অসি পুন্সি খুদিংমক কনবনি। পুন্সি খুদিংমক কনবনি। ঐখোয়গী থৌদাংদি লাইনা অসি শন্দোকপা থিংবনি অমসুং মসি ঐখোয়না শন্দোক্লিবা অসিগী স্কেল নীংথিনা খঙলবা মতমদতা ওইথোক্কনি। তেস্তিং, ত্রেকিং, আইসোলেসন, লায়েংবা অমসুং কোবিদকা চুনবা চৎনা-লোনচৎ ঙাক্না চৎপা হায়রিবশিং অসিদা হেন্না কনখৎহনবা মরু ওই। কোরোনাগী অনিশুবা ৱেব অসিদা খুঙ্গং অমসুং মনুং হঞ্জিনবা মফমশিংদা হেন্না মীৎয়েং চংবা মথৌ তাই। মরম অসিনা ফিল্দদা লৈরকপগী নখোয়গী এক্সপরিয়েন্স অমসুং নখোয়গী হৈশিংবা অদু য়াম্না কান্নবা ওইগনি।
ঐখোয়না খুঙ্গং খুদিংদা এৱের্নেস হেনগৎহনগদবনি অমসুং মখোয়বু কোবিদকী লায়েংবগী খুদোংচাবশিংসু ফংহনগদবনি। কেসশিং হেনগৎলক্লিবা অমসুং মচাক-মথুমশিংগী অৱাৎপা থেংনরিবা অসিগী মরক্তা মীয়ামগী অনীংবশিং থুংহন্নবা পাম্বৈ পুথোকপনা ঐখোয়গী খ্বাইদগী মরু ওই। শীংনবশিংগী মরক্তা ঐখোয়না খুন্নাই অসিগী খ্বাইদগী অরোইবদা লেপ্লিবা মীওইশিংগী শক্তম অদু ৱাখল্লদা থম্লগা ঐখোয়না থবক তৌবা তাই। মহাক্কী অৱাবা কোকহন্নবা, মহাক্কী মতেং পীনবা ঐখোয়না মখা তানা সিস্তেমশিং মপাঙ্গল কনখৎহনবা তাই। এদমিনিস্ত্রেসনগী মীওই অমনা চাউখ্রবা কাংলুপ অসি য়ৌশিনবা ঙম্বা মতমদা নত্ত্রগা মহাক্কা পাউ ফাওনবা মতমদা মহাক্না হায়বা ৱা তাবা মতমদা মঙোন্দা চাউনা থাজবা হেনগৎলি। অনাবা অসি লান্থেংন্নবা মহাক্কী থৌনা শরুক কয়া হেনগৎহল্লি। ঐখোয়না আইসোলেসন্দা লৈরিবা ইমুংগী মনাক্তা এদমিনিস্ত্রেসনগী মীওইনা ওক্সিমিতর পুদুনা চৎপা মতমদা, হীদাক পুদুনা চৎপা মতমদা, মখোয়দগী পাউ লৌবদা ইমুং অদুনা মখোয় মথন্তা নত্তেকো হায়না থৌনা ফংখি।
মরুপশিং,
কোবিদ খক্তা নত্তনা অদোমনা অদোমগী জিলাশিংগী মীওই খুদিংমক্তা ‘ইজ ওফ লিবিং’ ফংহন্নবা মীৎয়েং চংবসু মথৌ তাই। ঐখোয়না শন্দোরক্লিবা লাইনা অসিসু থিংগদবনি অমদি নুংতিগী হিংবদা চংবা তঙাই ফদবা পোৎলমশিংগী সপ্লাইসু অপনবা থোকহন্দনা ফংহনগদবনি। মরম অসিনা লোকেলগী থাক্তা কন্তেনমেন্তগীদমক পীরিবা গাইদলাইন পীরিবা অদু ঙাক্না চৎপা মতমদা ঐখোয়না খঙগদবনি লায়রবশিংদা অৱাবা মায়োক্নবা হন্থহনগদবনি। প্রজা অমত্তদা অৱাবা পীরোইদবনি।
মরুপশিং,
পি.এম. কিয়র্সকী খুত্থাংদা লৈবাক অসিগী জিলা খুদিংমক্কী হোস্পিতালশিংদা ওক্সিজেন প্লান্তশিং থম্নবা থবক কন্না চত্থরি। হোস্পিতাল কয়াদা প্লান্তশিং অসি মথৌ তৌবসু হৌখ্রে। ঐখোয়না চান্দিগরগী মতাংদা তাখিবা অদুগুম্বা মখোয়দা কয়াদা কান্নরমগনি। মরম অসিনা ঐহাক্না নখোয়দা হায়জনীংবদি প্লান্তশিং অসি এল্লোৎ তৌগদবা জিলা পুম্নমক্তা মাংজৌননা শেম শাবা লোইশিনবনা ওক্সিজেব প্লান্ত অসি হেন্না খোঙজেল য়াংনা সেৎঅপ তৌবা ঙমগনি। হোস্পিতালশিংদা ওক্সিজেন মোনিতরিং কম্মিতীনা নিয়ন চুম্না থবক তৌরবদি ওক্সিজেন নিয়ন চুম্না শিজিন্নবা ঙমগনি
মরুপশিং,
তীকা থাদোকপা অসি কোবিদ লান্থেংননবা শক্তি লৈবা পাম্বৈ অমনি। মরম অসিনা মসিগা মরী লৈনবা অরানবা ৱাফম পুম্নমকপু পুন্না কোকহন্নবা হোৎনগদবনি। কোরোনাগী বেক্সিন সপ্লাই তৌবা অসি চাউনা হেনগৎহন্নবা লেপ্পা লৈতনা হোৎনরি। বেক্সিনেসনগা মরী লৈনবা থৌরাংশিং অমসুং ফীভমশিং হকশেল মন্ত্রালয়না লেপ্পা লৈতনা স্ত্রীমলাইন তৌরি। হোৎনরিবা অদুদি মথংগী নুমিৎ ১৫গী সেদ্যুল অদু রাজ্যশিংদা এদভান্স ওইনা ফংলগনি। মসিনা জিলা অদুদা লৈরিবা মীওইশিংদা বেক্সিন কয়াম ফংহল্লগনি অমসুং নখোয়না করম্বা মওংদা শেম-শাগনি হায়বা নখোয়নসু খঙলগনি। জিলাগী থাক্তা বেক্সিন ৱেস্তেজ থিংনবা অচুম্বা মেনেজমেন্তগী থৌদাং নখোয়নসু খঙলম্লগনি। নখোয়গী তেংবাংগা লোইননা বেক্সিন ৱেস্তেজ অসি মপুং ফানা ঙাকথোকপা ঙমগনি। মসিতা নত্তনা ঐখোয়না ওপ্তিমম য়ুতিলাইজেসনগী মাইকৈদসু মাইপাক্না চংশিনবা য়ারগনি।
মরুপশিং,
মতম অসিদা অদোমবু এদমিনিস্ত্রেতর অমা ওইনা লোইননা হ্যুমেন রিসোর্স অমসুং লোজিস্তিক্স মেনেজর অমা ওইনা অদোমগী থৌদাং চাংয়েং তৌরি। মেদিকেল সপ্লাইশিং খক্তা নত্তনা অদোমগী জিলাদা অতৈ তঙাই ফদবা সপ্লাইশিংসু মরাং কাইহনগদবনি। মসি য়াম্না মরু ওই। ঐখোয় পুম্নমক্না নোংজু থাগী মতাংদা খঙলে মদুদি সরকারগী নুংতিগী ওইবা শিন্থা অসিদা নখোয় য়াওরি অদুবু জুন থা য়ৌশিল্লকপা অসিদা অদোমগী ৱাখল্লোন অসি নোংজু-নুংশাদা ওইনা মীৎয়েং চংলি, নোং চুগদ্রা, ঐহাক করি তৌগনি। অদোমনা হেন্না পুক্নিং চংবা মথৌ তাই। অমসুং হন্দকসু নোং চুবা হৌগদৌরে। মহৌশানা নোংজু থাগী ওইবা খুদোংচাদবশিং লৈ। মসিনা নখোয়া অহেনবা পোৎলুম ওইবা য়াই। থৌদাংশিংসু লৈরি। মরম অসিনা নখোয়না নখোয়গী তঙাই ফদবশিং অদু য়াম্না থুনা মেপ তৌবা তাই অমসুং মথৌ তাবা অদু শিল-লাংগদবনি। হৌজিক নোং কন্না চুপনা মরম ওইরগা মৈ ফংদে। অমসুং হোস্পিতাকশিংদা মৈ মুৎখ্রবদি হৌজিক মতম অসিদা অচৌবা খুদোংচাবা অমা থোক্কনি। অদুনা ঐখোয়না হৌজিক ৱাফমশিং অসিগী মতাংদা খন্নবা তাই। ঐখোয়গী শীংনবা অসি য়াম্না চাউই অদুবু ঐখোয়গী থৌনা অসিনা মসিদগী হেন্না চাউই অমসুং ঐখোয়গী রেস্পোন্স অসি হৌখিবা নত্ত্রগা তুংগীদমক ওইরোইদবনি...শুম্না অদুমক মসিগী থৌনা অমসুং অকাং কনবা অসিগা লোইননা মসিগী ৱাখল্লোন অমসুং অখাং কনবগা লোইননা লৈবাক অসিবু খুদোংথিবা অসিদগী কনবা ঙমগনি। হৌজিক কোরোনাগী মায়োক্তা লান্থেংনবদা অদোমনা ফংলিবা এক্সপরিয়েন্সশিং অসি তুংলমচৎতা, অদোমগীদমকঅমসুং লৈবাক অসিগীদমকসু য়াম্না কান্নবা ওইরগনি। এক্সপরিয়েন্সশিং অসি নিয়ন চুম্না শিজিন্নবা তারবদি মসিনা লৈবাক অসি হেন্না সেবা তৌবা ঙমগনি। ঐহাক্না থাজৈ মদুদি নখোয়গী মতেংনা, নখোয়না মপুং ফানা লুচিংবনা, নখোয়না মপুং ফানা মেনেজমেন্ত তৌবনা ভারতনা কোরোনাগী মায়োক্তা লান্থেংনরিবা অসিদা পাঙ্গল কন্না মাংদা চংশিনবা ঙমগনি। ঙসিগী মীফম অসিদা রাজ্য কয়াগী মুখ্য মন্ত্রীশিংনা মতম কাইথোক্তুনা শরুক য়াখিবা অসিদা ঐহাক্না নুংঙাইবা পোকই। থৌরম অসিগী শেম শাবা মতমদা মসিদা মুখ্য মন্ত্রীশিংগী মতম মাংহনবা মথৌ তাদে হায়না খনখি। মরমদি মখোয়া জিলাগী মীয়ামগা করম্না ৱারী শাগনি হায়বা খংঙি। অদুবু হিরম অসিদা মুখ্য মন্ত্রীশিংসু শরুক য়াবা মরু ওইরি। মসি য়াম্না অরুবা হীরমনি। মসিদা য়াওবদা তরাম্না ওক্লি। ঐহাক্না ইকাই খুম্নরবা মুখ্য মন্ত্রীশিংদা থম্মোই শেংনা তৌবীমল খংবা উৎচরি। অমসুং মুখ্য মন্ত্রীশিংগা লমজিং মখাদা নখোয়গী তীম পুম্নমক্না ফিরেপ অমগা লোইননা কোরোনাদগী খুঙ্গং খুদিংমক কন্নবা চেৎনা লেপ্পী। মন্ত্র অসিগা লোইননা মাংদা চংশিনবীয়ু। রিকবরী রেৎ য়াংনা হেনগৎলবদি নেগেতিব কেসশিংগী মশিং খোঙজেল য়াংখৎলি, তেস্ত তৌবা হেনগৎলি। ৱাফম পুম্নমক অসিদা হেন্না মীৎয়েং চংদুনা মাই পাকপা পুরক্নবা লম্বী খুদিংমক তোক্লোইদবনি অমসুং পাম্বৈ খুদিংমক পাইখৎতবা তৌরোইদবনি। নখোয়দগী তারিবা অসিদা ইশানা ইশাবু থাজবসু থম্মি হায়না ঐহাক্না থাজৈ। মসিদা এক্সপরিয়েন্সসু য়াওরি। অনৌ-অনৌবা পাম্বৈশিংসু য়াওরি। পুম্নমক অসিনা মশাদা চাউনা থাজবা লৈহল্লি। ঐহাক্না অমুক হন্না পুম্নমকপু হন্না-হন্না থাগৎচরি। অমসুং অচৌবা থবক য়াম্না লৈরি। ফিল্দদা লৈবীয়ু অমদি ইশাসু শাফনা লৈবীয়ু। অদোমগী ইমুংগী মীওইশিংসু শাফনা থম্বীয়ু। অমসুং অদোমনা য়েংশিল্লিবা মফম অদুদা অদোমগী লুচিং মখাদা প্রজা খুদিংমক শাফনা থমগনি অমদি অদোমনা অঙম্বা মতেং পীগনি হায়না ঐহাক্না থাজবা থম্লি। হন্না –হন্না থাগৎচরি অমসুং য়াইফ-মঙ্গোল পীজরি!
Over the last 11 years, the NDA Government has redefined women-led development: PM
