“When experienced members leave, the House feels the loss”
“The House reflects the sentiments, spirit, pain and ecstasy of entire country”ইকায় খুম্ননীংঙাই ওইরবা চেয়রমেনজী,
অদোম্না ৱাঙাংলোইশিংগী অকক্নবা কয়া থম্বনা মরম ওইরগা ঐহাক্না অকক্নবশিংবু ইন্দুনা ঐহাক্কী ৱাফম থমজগে।
ঐখোয়না হৌজিক কায়নবগী থৌরম অমা পাংথোক্লি, মরুপ কয়া চৎখিগদৌরে, বঙ্গালীদা আমে আসচি, গুজরাতীদা আওজে, অমুক্কা লাকখো হায়বনি। তসেংবদি কায়নরসি হায়বনি, অদুবু ঐহাক্না অমুক্কা লাকখো হায়রি। অদুনা অমুক্কা লাকখো হায়বসি তোঙানবা মতৌ অমদা ঐখোয়নদি পাম্লি। মখোয়গা তোঙানবা এক্সপেরিএন্স কয়াগা লোয়নৈ হায়না চেয়রমেনজীনসু হায়বীখ্রে, তর্ম মঙা, তর্ম মরি, তর্ম অহুম, অসুক য়াম্বা মতমদগী লৈরকপনা ঐখোয়গী মীথোইরবা মীইশিং অসিদা য়াম্লবা এক্সপেরিএন্স লোইনরি, অমসুং করিগুম্বা মতমদদি, লৌশিংদগী এক্সপেরিএন্সনা হেন্না মপাঙ্গল লৈবসু য়াওই।
একাদমিক ওইবা লৌশিংনা করিগুম্বা মতমদা অকক্নবা কয়া লৈ, মখোয়না সেমিনারগুম্বদা য়াম্না কান্নৈ। অদুবু, এক্সপেরিএন্সতগী ফংবা মহৈদি শিংনবশিংগী ৱারোইশিন পুরকপগীদমক্তা খ্বাইদগী চুনবা ওই। এক্সপেরিএন্সকা অনৌবা থৌওংগা পুল্লবা মতুংদা অশোই-অঙাম থোকপগী চাংসু য়াম্না হন্থৈ। অদুনা, হীরম অসিগী ওইনা লৌরবদি, এক্সপেরিএন্সকী য়াম্না তোঙানবা কান্নবা লৈ। অদুনা, মখোয়গুম্বা মীওইনা হাউস থাদোক্তুনা চৎখিবা মতমদা, হাউসনা অমসুং লৈবাক্না য়াম্না মাঙজৈ। লাক্কদৌরিবা চারোন-শুরোনগীদমক্তা ৱারেপ লৌগদবশিংদা অমাঙবা খরদি অদুমক য়াওগনি। অদুনা, এক্সপেরিএন্স লৈবা মীওইনা চৎখিবা মতমদা, মখোয়গীদমক্তা অসিগুম্বা ৱারী শানৈ। অদুগা মখোয়গুম্বা মেম্বর লৈতবা মতমদা, লেমহৌরিবা মেম্বরশিংগী থৌদাংসু অমুক্কা হেনগৎলি। এক্সপেরিএন্সকী ৱারী কয়া থনম্লগা চৎখিবশিংদুবু লৈহৌরিবা মীওইশিংনা অমুক্কা মখা তানা পুথগদবনি। মখোয়না মখা তানা অমুক পুখৎপা মতমদা হাউসকী মপাঙ্গলদা অৱাৎপা লৈরোই। ঙসি হাউস থাদোক্তুনা চৎখিগদৌরিবা অদোম খুদিংগী মফমদগী ঐখোয়না তমজখিবা খুদিংবু ঐখোয়না শেংলবা হাউস অসিগী মপাঙ্গল লৈনবা অমসুং মগুন হেনগৎনবা শিজিন্নগনি হায়না ঐখোয়না ৱারেপ লৌগনি হায়বগী ঐহাক্না থাজবা থম্লি। মসিনা লৈবাক্কী য়াইফ য়ুম্বালদা য়াম্না তেংবাংগনি।
ঐখোয়না শাংলবা মতম কয়া ফক্লাংনা কোইশিনবা কা অসিদা লেনখি। ভারতকী কাচিন কোয়া খুদিংগী খোল্লাও কয়া, অৱা-নুংঙাই, অপাম-পামদ কয়াগী কা অসিদা ইচেল চেনখি অমসুং ঐখোয়না খুদিংনা ইচেল পুম্নমক থেংনখি। করিগুম্বা মতমদা, ঐখোয়না হাউস অসিদা চাউরবা শরুক কয়া তমখি হায়নসু খল্লমগনি, মদু অচুম্বনি অমসুং হাউস অসিনসু ঐখোয়দা কয়ারক হন্না তেংবাংখি হায়বসিসু অচুম্বা অমনি। ঐখোয়না হাউস অসিদা পীরম্বদগী হাউস অসিদগী পুখিবগী শরুক্না য়াম্না হেল্লি, মরমদি, ভারতকী তোঙানব মগুন চেনবা পথাপ কয়াদগী লাকখিবা তোঙানবা লৌশিং কয়া ঐখোয়না হাউস অসিদগী নুমিৎ খুদিংগী তমজবনি।
ঐহাক্না ঙসি হায়জনীংবদি, ঐখোয়না ফক্লাং মরিনা কোইশিনবা কা অসিদগী ঙসি থোকখ্রবসু, ঐখোয়গী এক্সপেরিএন্সশিংবু লৈবাক্কী য়াইফনবগীদমক্তা লৈবাক্কী কাচিন কোয়া খুদিংদা পুনবা ৱারেপ লৌবীয়ু হায়বসিনি। কা অসিগী নাকল মরিদগী ফংবা লৌশিংবু লৈবাক্কী মাইকৈ মরিদা শন্দোকপীয়ু। ঐখোয় ঐখোয়গী মতমগী মনুংদা ঐখোয়না হাউস অসিদা শরুক তমখিদুনা মখোয়না লৈবাক্কী মওং মতৌ শেমখিবা, লৈবাক্কী মাইকৈ লেপখিবশিংবু ইদুনা থমবসি ঐখোয়গী ইথৌ অমা ওইগদবনি। অখন্নবা মতম খরদা, ঐখোয়গী তুংগী চারোন শুরোনশিংনা মখোয়বু লৈবাক্কী য়াইফনবগী য়েংজনবা খুৎলায় ওইনা শিজিন্নরকপসু য়ারিবনি।
ঐখোয়না মফম অমদা ফম্বা ওইরবসু, অদোমগী নাকলদা নত্ত্রগা সোমগী নাকলদা ওইরবসু, লৈবাক্কী মাইকৈ লেপ্পা নত্ত্রগা মওং শেম্বদা ইশাগী ওইবা মওং অমদা অদুম কান্নবা পীরমগনি। ঐখোয়না মসিবু তুংশিন্দুনা অমসুং তাশিন্দুনা থম্লবদি, লাক্কদৌরিবা চারোন-শুরোন্না মসিবু লন অমা ওইনা শিজিন্নবা শোইদনা য়াগনি। মসিবু ইন্সতিত্যুসন অমগী মওংদা শেম-শাদুনা লৈবাক্কী কান্নবগীদমক্তা শিজিন্নবা য়াগনি।
হৌজিক লৈবাক্কী নীংতম্বগী অমৃত মহোৎসবকী মতম্নি। নীংতম্বগী চহি ৭৫ মপুং ফারে। ঐখোয়গী শক্নাইরবা মীওইশিংনা লৈবাক্কীদমক্তা মশক থোকপা থবক কয়া পাংথোকপীরম্লে। হৌজিক্না ঐখোয়না অমুক পাংথোকপগী থৌদাংনি। ঐখোয়না মতম খরা লৈবনা, ঐহাক্না ৱাফম অসি মখা তাজগে। চেয়রমেনগী অকক্নবসু লৈররোই। অদোম্না মসিগী মীয়ামগী ফম্বাক অসিদা থোক্তুনা, নীংতম্বগী অমৃতকী শেংলবা মতমসিদা অসিগুম্বা নীংথিরবা তাঞ্জা অসি লৌরদুনা, লাক্কদোউরিবা চারোন শুরোনবু করম্বা ইথিল পীগদগে, অসিদা অদোমগী করি থৌদাং ওইগদগে হায়বা লেপ্পা য়াই। মসিনা লৈবাক্তা পাঙ্গল চাউনা পীবা ঙমগনি, কান্নবা য়াম্না ফংহনগনি হায়না ঐহাক্না থাজবা থম্মি।
ঐহাক্না মরুপ মীওই অমমম্বু পনবা নত্তে। ঐহাক্না মখোয়গা তোঙান্না অমমমতা ওইনা উন্নবদি য়াই হায়বী। মদুসু, ঐহাক্না হোৎনজগে। অদোম খুদিংগী ফজরবা ৱারোল তমজগে। অদোমগী অফবা ৱারোলশিংদি ঐহাক্না নীংশিংদুনা থমজৈ।
ঐহাক্না অদোম খুদিংবু অমুক্কা হন্না য়াইফ পাউজেল পীজরি।
থাগৎচরি!
