কেন্দ্রগী মন্ত্রীমন্দলদা লৈমিন্নরিবা ঐহাক্কী খোংবুরোই শ্রীমান রাজনাথ সিংহজী, হিমাচল প্রদেশকী ময়াম্না খংনরবা মুখ্যমন্ত্রী ইনাও জয়রাম ঠাকুরজী, কেন্দ্রদা ঐহাক্কী মরূপ ওইরিবা হিমাচলগী মী ওইরিবা ইনাও অনুরাগ ঠাকুর, হিমাচল সরকারগী মন্ত্রীশিং, মফমসিগী মীহুৎশিং অমসুং লাহৌল-স্পীতিদা লৈবিরিবা ঐহাক্কী ইচিল-ইনাও, ইচে-ইচল পুম্নমক।
মতম কুইরবা তুংদা ঙসি অদোম ময়ামগী মরুক্তা লাকপা ফংজবা অসিদা য়াম্না নুংঙাইবা ফাওই। অতল তনেলগীদমক্তা অদোম পুম্নমক্কী মফমদা য়াম্না নুংঙাইবা ফোংদোকচরি অমসুং য়াইফ পাউজেল পীজরি।
“জুলে, দি কেন্হিং অতল জীউ তরফে তোহফা শু”
মরূপশিং,
চহি কয়াগী মমাংদা ঐহাক্না মফমসিদা থৌমী ওইনা অদোম ময়ামগী মরক্তা লাকচখিবা মতমদুদা রাহতাঙ্গগী শাংলবা লম্বি, শাংলবা খোংচৎ চত্তুনা য়ৌরকখি। অদুগা চহি কয়া রোহতাংগী পাস অসি থিংখিবা অদুদা হিদাক-লাংথক্কী, মহৈ তম্নবগী অমদি শেল তান্নবগীসু লম্বি পুম্বা লোয়না থিংখিবা অদু ঐহাক ইশামক্না উখি। মতম অদুদা ঐহাক্কী মরূপ কয়া অমা য়াম্না থয়াও য়াওনা হোৎনখিবা অদু ঙসিসু অদুম্মক হোৎনবিরি। মরূপ খরদি ঙসি ঐখোয় ময়াম্বু থাদোক্লম্লগা চৎখ্রে।
ঐখোয়গী কিন্নৌরগী ঠাকুর সেন নেগীজীবু নিংথিনা নিংশিংজরি, মহাক্কা ঐখোয়গী কিন্নৌরগী ঠাকুর সেন নেগীজীবু নিংথিনা নিংশিংজরি, মহাক্কা ৱারী কয়া অমা শান্নবগী তাঞ্জা কয়া অমা ফংজখি, ৱাফম কয়া অমা খংনবগী খুোদংচাবা ফংখি। নেগীজীনা ওফিসর অমা ওইনা অমদি মীয়ামগী মীহুৎ অমা ওইনা হিমাচলগী থৌগল কয়া তৌখি। মহাক অসি চহি ১০০মুক শুরম্লগদ্রা নত্রগা খরা ৱাৎলমখিগদরা? অদুবু পুন্সিগী অরোইবা মতম ফাওবা থবক নিংথিনা তৌরমখি। মহাক য়াম্না মতিক-মথৌনা লৈবা মী ওইরমখি, ইথীল পীবা ঙম্বা মী ওইরমখি। ঐহাক্না মাগী মফমদা ৱাহং কয়া হংখি, মহাক্না ৱাফম কয়া অমা হায়বিখি হায়বগী য়াম্না শাংবা পুৱারীগী শাক্ষী ওইখি। অদুগা মফমসিগী মতাংদা কয়া অমা খংবদা মতেং পাংখি।
মরূপশিং,
মফম অসিগী খুদোংচাদবশিংগী মতাংদা অতলজীনসু খংবিখি। মশিগী চিংগী লমদম অসি অতলজীগীদি খ্বাইদগী খোইদাজবা ওইখি। অদোম ময়ামগী খুদোংচাদবশিং অসি হন্থহন্নবা ২০০০দা অতলজীনা কেলোঙ্গদা লাকখিবা মতমদা মসিগী তনেল অসি লাউথোকখিবনি। মতম অদুদা অচৌবা কুহ্মৈগুম ওইখিবা অদু ঙসিসু নিংশিংঙী। মফমসিগী অথোইবা মচা ওইখিবা মীয়ামগী য়াইফনবা তৌরম্বা তশী দাৱাজীগী ৱাশক অদু ঙসি অশেংবা থবক্তা ওইনা ওন্থোকপা উরে। মহাক্কী অমদি অতোপ্পা মরূপ কয়াগী য়াইফ-থৌজালনা মসি ওইথোকপা ঙম্লিবনি।
মরূপশিং,
অতল তনেল অসি শাবদগী লাহৌলগী মীয়ামগীদমক্তা অনৌবা অয়ুক অমদুমক্নি হায়বা য়াই, পাঙ্গীগী মীয়ামগী পুন্সিসু হোংলগনি। কিলোমিতর ৯ শাংবা শুরুঙ্গ অসিনা কিলোমিতর ৪৫-৪৫ শাংবা মফম অসি ককথগদৌরিবনি। মফম অসিদা লৈরিবা মরূপশিংনা মখোয়গী মপুন্সিদা মসি উবা ফংগনি হায়বসি নোংমতসু খনবফাওবা খল্লম্লোই। হায়রিবা মীশিং অসি চহি কয়াদগী পাম্বৈ কয়া ঙাইবদা অৱাবা থেংনরবা, চৈনা কয়া খাংদুনা অনাবশিং অদুনি অদুগা মখোয়না মসি খংন-উনদুনা লাক্লবনি। ঙসিদি মখোয়শিং অসিনা মখোয়গী মচা-মশুশিং অসি অৱাবনা থল্লবা মতম অসি থেংনররোই খনবদা কয়াদা পেঞ্জরি।
মরূপশিং,
অতল তনেল অসি শাবদগী লাহৌল-স্পীতি অমসুং পাঙ্গীগী লৌমী ওইরো, লৈকোল শেম্বগা মরি লৈনবা মীশিং ওইরো, শা-শল য়োকপা মী ওইরো, মহৈরোয়শিং ওইরো, লল্লোন-ইতিক তৌবা মী ওইরো, পুম্নমক্কী কান্ননবা তৌবা মী ওইরো হৌজিক লাহৌল লৌমীশিংনা কোবি, আলু অমসুং হৱাই থরাক্কী মহৈ-মরোংশিং অসি লেম্না মাংলরোই, কৈথেলদা চুমদ্রিং য়ৌরগনি।
লাহৌলগী তোপ-তোপ্পা শক্কম অমা ওইরবা চন্দ্রমুখী আলুগী মহাও ঐহাকসু তংলে। চন্দ্রমুখী আলু অসিগীসু অনৌবা কৈথেল অমা ফংলগনি, অনৌবা কস্তমর ফংলগনি। হৌজিক অনৌবা এঞ্জাং-নাপীশিং, অনৌবা মহৈ-মরোংশিংগুম্না মফম অসিদা অনৌবা চৎনবগী মওং অমা থুনা ওইহল্লগনি।
লাহৌল-স্পীতি অসি মখল অমা ওইনা মেদিসিনেল প্লান্তশিং অমসুং হীং, কুঠ, মনু, কালি জীরা, কদু, কেসর, পতীশকুম্বা মরু-মরাংশিংনচিংবা হীদাক কান্নবা মনা-মশিংশিং পুথোক্লি। মসিগী পোত্থোক পুথোকপা অসি লৈবাক অসিদখক্তা নত্তনা মালেম পুম্বদা লাহৌল-স্পীতিগী, হিমাচলগী ভারতকী মশক তাক্নিংঙাই ওইরে।
অতল তনেল অসিনা অদোমগী অঙাংশিংনা মহৈ তম্নবগীদমক্তা কোয়চেন-চেনবগী মথৌ তাররোইদবগী অতোপ্পা কান্নবা অমসু লৈরগনি। তনেল অসিনা চৎপখক্তগী নত্তনা হল্লকপগী লম্বিসু লায়হল্লে।
মরূপশিং,
মফম অসিদা তুরিজমগী ওইনা পাংথোকপা য়াবা কয়া লৈরগনি। মফমসিদা মহৌশাগী লোইনাইদ্রবা থৌজাল কয়াসু ফংলে অমসুং স্পিরিচুএলগী ওইবা, লাই নিংবগা মরি লৈনবা তুরিজমগী ওইনা অথোইবা মওংদা পাংথোকপা য়াবা কয়া লৈ। তুরিস্তশিংগী ওইনা চন্দ্রতাল অসিসু লাপ্লরোই অমদি স্পীতিগী তম্পাক অসি য়ৌবদা অরুবা ওইররোই। তুপচীলিং গোপা ওইরো নত্রগা ত্রিলোকীনাথ ওইরো লাই খুরুম্বা লাকপা অমদি বুদ্ধবু নিংজবা লাকপশিংগী পুনফমগী মওংদা লাহৌল-স্পীতি অসিগী অনৌবা চত্থোক-চৎশিন তৌনবা লৈরগনি। অদুগা মসি বুদ্ধগী মঠ অমসু তিবেৎফাওবা অতোপ্পা লৈবাকশিংফাওবা ই-পাও খংহনবগী মওং অসি হেন্না ফগৎলে। স্পীতি তম্পাক্তা লৈবাক অসিগ ওইনা বুদ্ধিস্ত স্তদিজগী অথোইবা সেন্তর অমা তাবো মথ ফাওবা মালেম অসিনা য়ৌরকপা অসি হেন্না লায়হল্লগনি। হায়বদি মফম পুম্বা অসি নোংপোক থংবা এসিয়া য়াওনা মালেম অসিগী লৈবাক কয়াগী ওইনা বুদ্ধবু নিংজবশিংগী ওইনা অচৌবা সেন্তর অমা ওইরগনি।
তনেল অসিনা লৈবাক অসিগী নহা ওইরিবশিংদা থবক ফংনলগী খুদোংচাবা কয়াগা শম্নহল্লগনি হায়বসি শোইদ্রবা ৱাফম্নি। হোম স্তেগী থবক তৌরগনি, গেস্ত হাউস তৌরগনি, ধাবা হাংলগনি, দুকান হাংলগনঅদু ওইরবদি মরূপ কয়া অমসু গাইদ ওইবগী মওংদসু থবক ফংহল্লগনি। মফমসিগী খুৎ-শা হৈবা, মফমসিগী উহৈ-ৱাহৈ, হীদাকশিং পুম্নমক্।
মরূপশিং,
অতল তনেল অসি লৈবাক অসিগী শরুক খুদিংদা, লৈবাক অসিগী মীওই খুদিংদা কান্নবা ফংহন্নবগী কেন্দ্র সরকার ৱাশক অদুগী শরুক অমনি। অদু নত্রগদি হান্না করম্বা ফীভম ওইরম্বগে হায়বদু অদোম ময়াম নিংশিংবিয়ু।
লাহৌল-স্পীতিগুম্বা লৈবাক অসিগী শরুক কয়াশিং অসি খুদোংচাদবশিং লান্থেংননবা অসি মরাইবক্কীনি হায়না থাদোকখি। মসিগী চপ চাবা মরম অসি রাজনীতিগী ওইজবা থিবা মীওই খরগী অনিংবা অদু পাংথোকপা ঙম্লমখিদবগীনি।
মরূপশিং,
হৌখিবা চহিশিংদা লৈবাক অসিদা অনৌবা ৱাখল্লোনগা লোয়ননা থবক তৌরি। ময়ামগা পুন্না, ময়ামগী থাজবানা ময়াম পুম্বা চাউখৎলি। গী থবক তৌবগী মওংশিংদা অহোংবা য়াম্না লাকখ্রে। হৌজিক স্কীমশিং অসি কদায়দগী ভোৎ হেন্না ফংখিবগে হায়বদা য়ুম্ফম ওইরগা শেমদে। ভারতকী মী অমত্তা নান্থহৌদবা, মনিংদা লৈহৌদনবা হোৎনরিবনি। অহোংবা অসিগী খ্বাইদগী অচৌবা খুদমদি লাহৌল-স্পীতিনি। মসি লৈবাক অসিগী য়ুম খুদিংদা পাইপকী ঈশিং ফংহল্লবা জিলাশিংগী মনুংদা অমনি। জল জীবন মিশন অসিনা লৈবাক অসিগী পুন্সি অসি লায়থোকহল্লিবগী খুদম অমনি।
মরূপশিং,
ঐখোয়গী সরকার অসিনা শোত্থরবা, তোল্ল-তারবা, নৈহৎপীরবা, ত্রাইবশিংদা খুদোংচাবা পীনবগী ৱাশক্কা লোয়ননা থবক তৌরি। ঙসি লৈবাক অসিগী য়ুম করোর ১৫দগী হেনবদা থক্নবা অফবা ঈশিং, পাইপ য়ৌহন্নবা য়াম্না অচৌবা কেম্পেন চত্থরি।
নিং-খা তম্বা ফংলবা চহি কয়াগী মতুংসিদসু লৈবাক অসিগী খুঙ্গং লিশিং ১৮ হেনবদা অমম্বদা হিংদবা য়াখিরমদবদুদসু হৌজিক মৈ ফংহনখ্রে।
নিং-খা তম্লবা চহি কয়াগী মতুংদা অমাংশঙগী খুদোংচাবশিংসু ফংলে, মসিদা নত্তনা চাক থোংননবা এল.পি.জি. গ্যাস কনেক্সনসু ফংহনখ্রে।
হৌজিক তৌরিবা অসি লৈবাক অসিগী লাপ্ল-তাম্লবা খুঙাগংশিংদা লৈরিবা মফমশিংদা লায়েংবা ফংহনবসিনি। আয়ুশমান ভারত য়োজনা অসিগী মখাদা লায়রবশিংদা লুপা লাক্ষ ৫ ফাওবগী লেম্না লায়েংবগী খুদোংচাবসু ফংহনখ্রে।
মসিদা হিমাচলগীসু লায়রবা ইচিল-ইনাও, ইচে-ইচল লাক্ষ ২২ ফংহন্নবা তৌখ্রে। মসিগী কেম্পেনশিং অসিনা লৈবাক অসিগী লাপ্লবা খুঙ্গংগী মফমশিংদা খবক ফংহন্নবগীসু খুদোংচাবা কয়া ফংহনখ্রে, নহা ওইরিবশিংদা কান্নবা ফংহনখ্রে।
মরূপশিং,
অমুক হন্না অদোম পুম্নমকপু অতল তনেলগী মওংদা চাউখৎপগী অনৌবা থোং অসিগীদমক্তা লাহৌল-স্পীতি অমসুং পাঙ্গী তম্পাক অসিগী ইচিল-ইনাওশিংগী মফমদা য়াম্না নুংঙাইবা ফোংদোকচরি। অদুগা কোরোনাগী লুরবা তানফম অসিদা অদোম অমদি অদোমগী ইমুং-মনুংশিং চেকশিন্না লৈবিনবা হায়জরি। মাস্ক শিজিন্নবিয়ু, খুৎ-শা শেংনা হামদোকপা অসিসু য়াম্না মরুওইনা লৌবিয়ু।
ঐহাকপু মসিগী পুৱারীগী ওইবা থৌরম অসিগী শরুক ওইহনবিবগীদমক্তা অমুক হন্না অদোম পুম্নমকপু থম্মোইনুংদগী হন্না-হন্না তৌবিমল খংবা উৎচরি!
থাগৎচরি!
