মন্ত্রী-মন্দলদা ঐগী মরুপ ওইরিবা শ্রী পিয়ুশ গোয়লজী, অনুপ্রিয়া পতেলজী, সোম প্রকাশজী, অতৈ দিগনিতরীশিং অমসুং লৈবাক শিনবা থুংবদগী ঐখোয়গা লোয়ননা লেংশিল্লিবা স্তার্ত অপ ইকোসিস্তেমগী মরুপ পুম্নমক, ময়াম পুম্নমকপু স্তার্ত-অপ মহাকুম্ভ অসিগী হন্না-হন্না নুংঙাইবা ফোঙদোকচরি।
মীওই কয়ানা স্তার্তঅপশিং হৌদোকই অমসুং রাজনিতীদদি মসি অমুক্কা হেল্লি, অমসুং মখোয়শিং মসি হঞ্জিন-হঞ্জিন হৌদোকপা মথৌ তাই। নখোয় অমদি মখোয়্গী মরক্তা লৈরিবা খেন্নবা অদুদি নখোয়গীদি এক্সপরিমেন্তেলনি, করিগুম্বা অমা হৌদোক্ত্রবদি নখোয়না থুনমক অতোপ্পা অমদা চৎলি। হৌজিক্তি মনিংদা লৈহৌরে।
মরুপশিং,
ঙসি, লৈবাক অসি 2047 ফাওবদা চাউখৎপা ভারত অমগীদক রোদমেপকীদমক থবক পাইখৎলিবা তানফম অসিদা স্তার্তঅপ মহাকুম্ভ অসি য়াম্না মরু ওই হায়না ঐহাক্না ফাওই। হৌখিবা দিকেদশিংদা ঐহাক্না ভারতনা IT অমসুং সোফৱেয়র সেক্তরদা করম্না মাগী মফম অমা কনবা ঙমখিবগে উবা ফংখ্রে। হৌজিক ঐখোয়না ভারত্তা লেপ্পা লৈতনা ইন্নোভেসন অমসুং স্তার্তঅপ কলচর হেনগৎলকপগী ত্রেন্দ উবা ফংলি। অমসুং মরম অসিনা মহাকুম্ভ অসিদা স্তার্তঅপকী লমদগী মরুপ পুম্নমক্না য়াওবা অসি মরু ওই। অমসুং ঐহাক্না ফমদুনা খল্লি করম্না স্তার্ত-অপশিং অসি মাইপাকপা ঙমলিবনো, মখোয়না করিগী মাইপাক্লিবনো, মখোয়না মাইপাকপগী জিনিয়ন ইলিমেন্ত অদু করিনো। ঐহাক্না আইদিয়া অমা ফংখি, ঐহাক্কী অসি চুম্বরা নত্ত্রগা লানবরা ৱারেপ লৌবীয়ু। মসি পাঙথোক্লিবা অসি নখোয়গ করম্বা তীমনি। মরমদি মহৌশানা করিগুম্বা পব্লিক লাইফ, ইন্দস্ত্রী নত্ত্রগা বিজিনেসকী ৱারেপ অমা লৌরবদি মসি শোইদনা সরকারগা মরী লৈনগনি। অমসুং মসি সরকারনা তৌবা মতমদা মসিদা চহি মঙাগী তাইম তেবল অমা চংই। মসি তপ্না-তপ্না য়ৌরক্লি, মসিদগী মসি হৌখিবনি। অমসুং মসিনা মরম ওইরগা ৱাখল লৈবা বিজিনেসমেন অমনা মহৌশানা খল্লি মসি মীখলগী চহিনি, হৌজিক্কীদি তোক্লসি, মীখলশিং হেক লোইবগা অনৌবা সরকার অমা শেম্লগা য়েংসি। মসি নত্তরা তৌরিবসি? অদুবু মীখলদি লাউথোকখ্রে। অদু ওইরগসু অসিউম্বা থৌরম অমা পাঙথোক্লি। মসিনা তাকপদি মথংগী চহি মঙাদা করি থোক্কনি হায়বা নখোয়না খঙই হায়বনি। অমসুং নখোয়দা য়াওরিবা জিনিয়স অসিনা স্তার্তঅপপু মাইপাকহনগনি।
মফম অসিদা ইনভেস্তরশিং, ইনক্যুবেতরশিং, একাদমিসিয়নশিং, রিসর্চরশিং, ইন্দস্ত্রীগী মীহুৎশিং য়াওবনা মহাকুম্ভ অসি তশেংবা শক্তম অদু উবা ফংলি। মফম অসিদা নহা ওইরিবা ওন্তপ্রিনোরশিং লোয়ননা তুংলমচৎকী ওন্তপ্রিনোরশিংসু য়াওরি। অমসুং নখোয়দা জিনিয়স তেলেন্ত য়াওবা অদুগুম্না ঐঙোন্দসু য়াওরি। অমসুং মদু ঐনা উবা ফংই, মসিদা ঐনা তুংগী ওন্তপ্রিনোরশিং উবা ফংই। অসিগুম্বা ফীভমদা মসিগী ইনর্জী, মসিগী ইথিল অসি তশেংনা অঙকপনি। ঐহাক্না পোদস অমসুং একজিবিসন স্তোলশিং ফাওদুনা চৎপা মতমদা ঐহাক্না মসিগী ইথিল অসি ফাওবা ঙম্মি। অমসুং অরাপ্পা মীওই খরনসু স্লোগানশং লাউরি। অমসুং মীপুম খুদিংমক্না য়াম্না চাউথোকচবগা লোয়ননা মখোয়গী ইন্নোভেসনশিং উৎলি। অমসুং মফম অসিদা লাকপদা ভারত মচা অমা হেক্তনা মহাক্না ঙসিগী স্তার্তঅপশিংদা য়েংবগী মহুৎ হয়েংগী য়ুনিকোর্নশিং অমসুং দেকাকোর্নশিংদা য়েংবা ওইনা ফাওগনি।
মরুপশিং,
ঙসি ভারত অসি মালেমগী স্তার্ত অপ স্পেসকী অনৌবা আশা, অনৌবা শক্তি অমা ওইনা থোরক্লবদি, মসিগী মপুং ওইবা ৱাখল্লোন অমা লৈ। ভারতনা অচুম্বা তানফমদা অচুম্বা ৱারেপ লৌখি অমসুং অচুম্বা তানফমদা স্তার্ত-অপশিংদা থবক পায়খৎপা হৌখি। হৌজিক্তি, অদোম্না মীফম অসিবু পাক চাউনা শীন-লাংদুনা পাংথোক্লি। অদুবু মসিগী ৱাহৈ অসি ফাওবা থোক্ত্রিঙৈদা।মতম অদুদা ঐহাক্না মীফম অমা পাংথোকখি। ৱিজ্ঞান ভবনগী ওদিতোরিয়মগী তংখায়দি য়াম্না ৱানা থনখি। সরকারনা তৌবগুম্না ঐখোয়না মাংলোমদা লৈরিবা অহাংবা মফম অদু মেনশিনখি। মসি মনুংগী ওইবা ৱাফম অমনি, মসি মপানদা হায়রোইদবনি। অমসুং মসিদা, লৈবাক অসিগী অনৌবা নহা খরগা লোয়ননা ঐহাক্না স্তার্ত অপ ইন্দিয়া, স্তেন্দ অপ ইন্দিয়া হৌদোকখি। মসি মসিগী মাইকৈ অসিদা ঐহাক্কী হোৎনবনি। অমসুং ঐহাক্না মসিদা পুক্নিং চিংশিন্নীংবা অমনা, নহারোলশিংগী মরক্তা পাউজেল অমা পীবা পাম্মি, মরম অদুনা ঐহাক্না লৈবাক শিনবা থুংনা মীওই খরনা লৌখৎলিবা থৌরাংশিং অদু থিজিনখি। ইচিল-ইনাও, কনাগুম্বা অমনা কাচিন অমদা করিগুম্বা অমা তৌরক্লবদি য়েংবিয়ু। অমসুং ঐহাক্না মফম অদুদা ৱা ঙাংনবা মীওই 5-7দা হায়জখি, কনা অমত্তনা ঐহাক্কী ৱারোলশিং অদু তাখিদে। হৌজিক ঐখোয়না তারসি। ঐনা মতমদুগী মরমদা ঙাংলি। মরম অদুনা ঐহাক্না নীংশিংলি মদুদি ইচানুপী অমনা থৌরম অদুদা মহাক্কী এক্সপরিয়েন্স অদু শন্দোক্না তাকখি। মহাক মফম অসিদা ফম্লমবসু য়াই ঐহাক খঙদে, মহাক অদু বেঙ্গোলিনি অমসুং মহাক্কী মমা-মপানা মহাকপু এজুকেসন য়াম্না ফংহনখি। মহাক্না মহাক্কী এক্সপিরয়েন্স অদু পাউদমখি। মহাক্না হায়খি মদুদি ঐহাক অমসুং এহাক্কী ইমা-ইপাশিংসু ময়েক চৎলি। মহাক্না হায়খি, ঐহাক য়ুমদা হল্লকপা মতমদা, ঐহাক্কী ইমানা ঐঙোন্দা করি তৌরিবগে হায়না হংখি। মহৈ কয়া তম্লবা মতুংদা মফমসিদা লাকখি। মহাক্না হায়খি মদুদি ঐহাক্না স্তার্তঅপ অমা হৌরগনি। মদুদা মহাক্কী মমানা মহাক বেঙ্গালীনি হায়খি - সরবনাশ, সরবনাশনা হায়খি। মসিগী ৱাহন্থোক্তি স্তার্ত অপ তৌবা হায়বসিনা অমাংবনি হায়বনি। মফম অদুদগী হৌখিবা খোঙচৎ অদুগী খুদম অমা মফম অসিদা উবা ফংলি। লৈবাক অসিনা স্তার্ত-অপ ইন্দিয়া কেম্পেনগী মখাদা ইন্নোভেতিব আইদিয়াশিংদা প্লেৎফোর্ম অমা পীখি অমসুং মখোয়বু ফন্দিংগী সোর্সশিংগা শম্নহনখি। এজুকেসন ইন্সতিত্যুৎশিংদা ইনক্যুবেতরশিং লিংখৎনবা কেম্পেন অমসু হৌদোকখি। ঐখোয়না মখোয়গী নর্সররী, অতল তেঙ্করিং লেব হৌদোকখি। এজুকেসনগী মতৌগুম্না, KG অসি অহানবদগী হৌই। অসুম্না ঐখোয়না হৌখি অমসুং তুংদা স্তেজ অসি খুমাং চাউশিল্লকখি অমসুং ইনক্যুবেতর সেন্তরশিং শেম্বা হৌখি। তিয়র-2, তিয়র-3গী সহরশিংগী নহারোলশিংনা মখোয়গী ৱাখল্লোনশিং অদু ইনক্যুবেৎ তৌনবগী ফেসিলিতী ফংনবা হৌখ্রে। ঙসি লৈবাক পুম্বনা চাউথোকচবা ফাওনা হায়রি মদুদি ঐখোয়গী স্তার্ত অপ ইকোসিস্তেম অসি অচৌবা মেত্রো সহরশিং খক্তদা অকক্নবা ওইদ্রে। অমসুং মসি ইকুই কুইদ্রিঙৈদা অপিকপা ফিল্ম অমদা উৎখ্রে। মসিনা লৈবাক অসিগী জিলা 600 হেনবদা য়ৌখ্রে। মসিনা তাক্লিবদি মসিনা খুন্নাইগী চৎনবী অমা ওইরক্লি। অমসুং খুন্নাইগী চৎনবী অমা শেম্লবা মতুংদা মদু থিংনবা মরম লৈতে। মহাক্না অনৌবা অৱাংবা থাক্তা য়ৌরকখি। ভারতকী স্তার্ত অপ রিভোলুসন অসি ঙসি লৈবাক অসিগী অপীকপা শহরশিংগী নহারোলশিংনা লুচিংলি। মীওই খরনা ঐখোয়গী স্তার্ত-অপশিং অসি তেক স্পেস খক্তদা য়ুম্ফম ওই হায়না খল্লি। অদুবু ঙসিদি লৌউ-শিংউ, তেক্সতাইল, মেদিসিন, ত্রান্সপোর্ত, স্পেস অমসুং য়োগ ফাওবদা স্তার্ত-অপশিং উবদা ঐহাক নুংঙাইবা ফাওই। আয়ুর্বেদতা স্তার্ত-অপ অমা হৌখ্রে। অমদি অমখক নৎত্রগা অনিখক নত্তে, অদুবু ঐহাক্না খজিক্তং পুক্নিং চিংশিল্লবদি, ঐহাক্না মশীং অসি 300-300, 400-400 ওইরিবা অসি উবা ফংই। অমসুং মখোয় খুদিংমক্তা অনৌবা অমা য়াওরি। করিগুম্বা মতমদা ঐহাক্না যোগ তৌরি, মসি ফবরা নত্রগা স্তার্ত-অপ হৌদোক্লিবা মীওই অদুনা যোগ তৌরিবা অদু ফবরা হায়না খল্লি।
মরুপশিং,
স্পেসকুম্বা সেক্তরশিংদা, ঐখোয়না মতম খরগী মমাংদা হাংদোকখিবা। অহানবদা, লৈঙাক্কী হৌনবীদি পুনশিনবনি অমসুং ঐহাক্কী মপাঙ্গল পুম্নমক অসি চেনশিং অদু থুগাইবদা কৎথোকই। ভারতকী স্তার্ত-অপশিংনা সেক্তর 50 হেনবদা য়াম্না ফজনা থবক তৌরি। অমসুং ঐখোয়গী স্তার্ত অপশিংনা অতেনবা মতমগী মনুংদা স্পেস সেতলাইৎ থাগৎপা হৌখ্রে।
মরুপশিং,
ঙসিদি মালেম পুম্বনা ভারতকী নহারোলশিংগী শক্তি অদু উরে। মসিগী তৌবা ঙম্বদা থাজদুনা লৈবাক অসিনা স্তার্ত অপ ইকোসিস্তেম অমা শেমগৎনবা খোঙথাং কয়া অমা লৌখৎলি। হৌরকপদা ঐনা হায়খিবগুম্না, মসিগী হোৎনবা অসিদা থাজবা থমখিবা মীওই য়াম্না লৈখিদে। মফম অসিদা, এজুকেসন হায়বসিনা থবক অমসুং থবক হায়বসিনা সরকারগী থবক খক্তমক ওইরমখিবনি, মসিমক ওইখি। ঐহাক মমাংদা বরোদাদা লৈরম্মি অমসুং ঐহাক্না মহারাস্ত্রগী ইমুংশিংগা হেন্না মরী চেৎলমখি , মসি গায়কবাদ স্তেৎনি। ঐখোয়গী মরুপ খরনা য়াম্না নুংঙাইবা মওংদা হায়নৈ। করিগুম্বা মচানুপী অদু চাউখৎলবা অমসুং লুহোংবা পাম্লবদি, ময়ুমদা করিগী মতাংদা খন্ন-নৈনগদৌরিবনো? মুল্গা ফার চহান অহে, হায়বদি মচা অদু য়াম্না ফৈ। অদু ওইরবদি সরকারগী থবক তৌবরা? অদু ওইরবদি মচানুপী অদুনা লুহোংবা য়ারে। ঙসিদি ৱাখল্লোন পুম্নমক হোংখ্রে। কনাগুম্বা অমনা বিজিনেসকী মতাংদা ৱারী শানরম্মি – মহাক্কী ৱাখলদা আইদিয়া অদু নত্তে অহানবদা খল্লিবা অসি, শেল কদায়দগী লাক্কনি হায়বা অসিনি। অহানবগী সমস্যা অসি শেলনি। শেল লৈবা খক্তনা বিজিনেস তৌবা ফংই, মসিগী ৱাখল্লোন অসি থোরকখি। স্তার্তঅপ ইকোসিস্তেম অসিনা মসিগী ৱাখল্লোন অসি মাংহনখি। লৈবাক অসিদা লাক্লিবা অওনবা অসি অসিগুম্বা হীরমশিং অসিদগীনি। লৈবাক্কী নহারোলনা থবক থীবা ওইরম্বদগী থবক পীনবগী লম্বীদা চংশিল্লকখি। লৈবাক অসিনা স্তার্তঅপ ইন্দিয়া কেম্পেন হৌদোকপা মতমদা লৈবাক অসিগী নহারোলশিংনা মখোয়না করি তৌবা ঙম্বগে উৎখি। ঙসিদি, ভারত অসি মালেমগী খ্বাইদগী চাউবা স্তার্তঅপ ইকোসিস্তেমগী অহুমশুবা ওইরি। 2014 দা লৈবাক অসিদা স্তার্তঅপ চাম্মা খক্তমক লৈরম্বা অদুগা চাংদম্নবদা ঙসিদি ভারত্তা রেজিস্তর তৌরবা স্তার্তঅপ লাখ 1.25 রোম লৈরে। অমসুং চাউরাক্না নহারোল লাখ 12 দি মখোয়গা হকথেংননা মরী লৈনৈ। ঐখোয়দা য়ুনিকোর্ন 110 হেন্না লৈ। ঐখোয়গী স্তার্তঅপশিংনা পেতেন্ত লিশিং 12 রোম ফাইল তৌখ্রে। অমসুং স্তার্ত-অপ কয়া অমসু হৌজিক ফাওবদা পেতেন্তশিংগী মরুওইবা অদু খঙদ্রি। ঐহাক্না হংলকপা অহানবা ৱাহংদি, মসি পেতেন্তেদ তৌখ্রব্রা? নত্তে, মসি হৌজিক প্রোসেস্তা লৈরি। ঐনা ময়ামদা থবক অসি পুন্না হৌনবা হায়জরি। মরমদি ঙসিদি মালেম অসি য়াম্না থুনা হোংলক্লি, কনা কনাদা খুদোংচাবা পীগদগে হায়বদি ঐখোয়না খঙদে। অমসুং লৈবাক অসিনা মখোয়বু করম্না লমজিংবগে হায়বা অসিগী অতোপ্পা খুদমদি জেম পোর্তেল অসিনি। মসিগীদমক শেম-শাবা অদুসু অদোম্না মফমসিদা য়েংবা য়াগনি। ঙসিদি হায়রিবা স্তার্ত-অপশিং অসিনা জেম পোর্তেল অমখক্তদা লুপা করোর লিশিং 20 হেন্না চঙবা বিজিনেস তৌখ্রে। হায়বদি, সরকারনা প্লেৎফোর্ম অমা শেমখি, অদোম্না মফম অদু য়ৌখি অমসুং অতেনবা মতম অসিদা, চহি 20-22 গী নহাশিংনা প্লেৎফোর্ম অমদা লুপা করোর লিশিং 20গী ললোন-ইতিক তৌবা ঙম্মী, মসি য়াম্না চাউবা ৱাফম অমনি। নখোয় পুম্নমক্না হৌজিক্কী নহারোলশিংনা দোক্তরশিং অমসুং ইঞ্জিনীয়রশিংগা লোয়ননা ইন্নোভেতর অমা ওইনবা অমসুং মশাগী স্তার্ত-অপ অমা হৌনবা মঙলান শাগৎনবা হৌরক্লিবা অসি উবা ফংলি। ঐনা খঙবা ঙমজৈ মদুদি মহাক্কী হৈশিংবা নত্ত্রগা মহাক্কী ত্রেনিংনা মরম ওইদুনা মহাক্না স্তার্ত অপকী খুত্থাংদা অনৌবা লম অমদা চঙশিল্লি। ঙসি ঐহাক্না নহারোলশিংনা মখোয়গী স্তার্ত-অপশিংগী মচাক ওইদুনা তোঙান-তোঙানবা সেক্তরশিংদা করম্না দোমিনেৎ তৌরিবগে হায়বা উবা ফংলি। অমসুং ঐহাক্না থাজবা থম্লি মদুদি 2029গী মীখল লাকপদা, মসি থোক্লগনি। মতম অদুদা, য়ামদ্রবদা পোলিতিকেল পার্তীশিংনা মখোয়গী সর্ভিসশিং ফংলিবা স্তার্ত-অপ 1000 লৈরগনি। মখোয়না অসিগুম্বা পোৎলমশিং ফংহনগনি অমসুং মখোয়না অসুম্না খনগনি মদুদি হোয়, অসিগুম্বা মওং অসিদা য়ৌহনবা অসি অফবনি, মসি অরায়বা লম্বী অমনি। ঐহাক্না হায়নীংবদি লম খুদিংমক্তা, সর্ভিস নৎত্রগা কম্ম্যুনিকেসনগী লম ওইরবসু নহাশিংনা অনৌবা ৱাখল্লোনগা লোয়ননা লাকই। মখোয়না মিনিমম ওইবা মথৌ তাবশিংগা লোয়ননা থবক তৌবা হৌই। অমসুং ঐনা থাজৈ মদুদি মসিনা মসিগী মপাঙ্গল অসি য়াম্না হেনগৎহল্লি। ঙসি ত্রেদিস্নেল ওইবা চিঞ্জাকশিং ঐনা উবা ফংখি। ললোন-ইতিক্কী লমদা খুমাং চাওশিল্লক্লি, খরনা মেদিকেলগী খুৎলাইশিং অসি মশাগী খুৎলাইশিং অদু য়াম্না লায়না উবা ঙম্নবা মওংদা শেমগৎলি। মসিনা তাকপদি কনাগুম্বা অমনা সোসিএল মীদিয়াগী গ্লোবেল জাইন্তশিংগা চাংদম্নবা শেম-শারি। মসিদি মঙলানশিংনি, মসিদি পুক্নিংনি, মসিদি পাঙ্গলনি, মসিনা মরম ওইদুনা মীয়াম্না ঐহাক্না মসি পাংথোক্কনি হায়নৈ। মওং অমদা, লৈবাক অসিনা চহি খরগী মমাংদা পোলিসী প্লেৎফোর্মদা হৌদোকখিবা স্তার্ত-অপ অসি মাই পাকপগী অনৌবা অৱাংবা থাক্তা য়ৌরে হায়না ঐহাক্না হায়জবা য়াই।
মরুপশিং,
লৈবাক অসিগী দিজিতেল ইন্দিয়া কেম্পেনদগী স্তার্ত-অপশিংনা ফংলিবা মতেং অসি য়ুনিভর্সিতীশিংনা মসি কেস স্তদী অমা ওইনা নৈনগদবনি। মসিমক অসি য়াম্না পুক্নিং থৌগৎনিংঙাই ওই। ঐখোয়গী ফিন-তেক স্তার্ত-অপশিংনা UPIদগী অচৌবা তেংবাং ফংলি। অসিগুম্বা ইন্নোভেতিব প্রদক্তশিং অমসুং সর্ভিসশিং অসি ভারত্তা শেমগৎলি, মসিগী মরমনা লৈবাক অসিগী মফম খুদিংদা দিজিতেলগী খুদোংচাবশিং অসি পাকথোক চাউথোক্লি। অমসুং মরূপশিং, ঐখোয়না লৈরিবা মফম অসিদা, ঐখোয়গী নুমিৎ খুদিংগী পুন্সিগী মতাংদা ঐখোয়না করিসু খঙদে হায়বসি অদোম্না য়ারোইদবনি। অদুবু ঐহাক্না G-20 সম্মিৎকী মতমদা উখি, ঐখোয়না মফম অসিদা বুথ অমা শেম্লি, G-20 সম্মিৎকী মফম অসিদা হৌজিক অদোমগী একজিবিসন অসি পাঙথোক্লি। অমসুং UPI না মতৌ করম্না থবক তৌবগে? ঐখোয়না মখোয় খুদিংমক্তা মখোয়না চাংয়েং অসি পাংথোক্নবা লুপা লিশিং অমমম পীরি। এম্বেসেদর খুদিংমক্না মখোয়গী খ্বাইদগী মকোক থোংবা লুচিংবশিংবু মফম অদুদা পুদুনা চৎনবা তকশিনখি। হায়বদি, UPI লৈব্রা হায়না হংনবা অচৌবা লুচিংবশিংগী ক্যু অমা লৈরম্মি। মসি করম্না মথৌ তৌবগে? অমসুং মসি মখোয়গীদমক্তা অচৌবা অঙকপা অমা ওইখি। ঐখোয়গী খুঙ্গংদা, মনা-মশিং য়োনবা মীওই ফাওবা য়াম্না লায়না পাংথোকপা ঙম্মী।
মরুপশিং,
মসিনা ফাইনান্সিএল ইনক্লুজনবু মপাঙ্গল কনখৎহল্লি অমসুং লৈবাক অসিনা খুঙ্গং অমসুং অর্বানগী মরক্তা লৈরিবা খেন্নবা অদু হন্থহনখি। অমসুং মালেম অসিনা অহানবদা মসিদা ৱাখল ৱানরমখি। দিজিতেলগী খুমাং চাওশিল্লকপা হৌরকপা মতমদা, মসিগা মরী লৈনবা থিওরী অসি হেবস এন্দ হেব নোৎস কৌই। সোসিএল দিভাইদকী মতাংদা ৱা ঙাংখি। ভারতনা তেক্নোলোজী দেমোক্রে তাইজ তৌখ্রে। মরম অসিনা হেবস এন্দ হেব নোৎসকী থিওরী অসি মফম অসিদা চৎনবা য়ারোই। মফম অসিদা মীপুম খুদিংমক্কীদমক ঐহাক্না পুম্নমক লৈ। ঙসিদি, লৌউ-শিংউ, মহৈ-মশিং অমসুং হকশেলগী লমদা, স্তার্ত-অপশিংগীদমক অনৌবা ওইথোকপা য়াবশিং শেমগৎলি। ঐখোয়গী স্তার্ত-অপশিংগী চাদা 45 হেন্না নুপীশিংনা লুচিংলিবা অমসুং নুপীশিংগী শক্তিনা লুচিংলিবা অসিদা ঐহাক নুংঙাইবা ফাওই। মসিগী হৌরকফম অসি কনাগুম্বা অমত্তনা মাংজৌননা হায়বা ঙমদে। মসি লৈবাক অসিগীদমক্তা মপুং ফাবা অহেনবা কান্নবনি। ঐখোয়গী ইচানুপীশিংনা লৈবাক অসিবু অওনবা পুরক্নবা ইনোভেসনগী থোংদা পুখৎলি।
মরুপশিং,
ইন্নোভেসনগী চৎনবী অসি চাউখৎলবা ভারত অমা শেমগৎপদা নত্তনা মালেম পুম্বগী অফবা তুংলমচৎ অমগীদমকসু য়াম্না মরু ওই। অমসুং মসি ঐহাক্না অচৌবা থৌদাংগা লোয়ননা হায়জরি, ঐহাক্না মালেমগী হেন্না ফবা তুংলমচৎ অমগী মতাংদা ঙাংলি। অমসুং ঐহাক্না ঐগী মপাঙ্গলদা নত্তনা নখোয়গী মপাঙ্গলদা থাজবা থম্লি। G-20 গী প্রসিদেন্সীগী মতমদা ভারতনা মসিগী ভিজন অসি ময়েক শেংনা ফোংদোক্লি। G-20 সম্মিৎ অসি মফম অসিদা পাংথোকখি। মালেমগী অচৌবা লুচিংবা পুম্নমক্না কোবিদকী মতুংদা মালেম অসি কদাইদা চৎকদগে হায়বা ৱারেপ লৌনবা লেপমিন্নখি। অমসুং মসিগী পেভিলিয়ন অসিদা ঐহাক্কী লৈবাক অসিগী নহা ওইরিবশিং লৈরি, মখোয়না 2047 ফাওবগী লম্বীগী মতাংদা ৱারেপ লৌগনি। স্তার্ত-অপ -20গী মখাদা ভারতনা মালেমগী স্তার্ত-অপ ইকোসিস্তেমশিং পুনশিন্নবা হোৎনরি। ভারত মন্দপম অসিদা, অহানবা ওইনা G20গী দিল্লী দিক্লারেসনদা স্তার্ত-অপশিং য়াওবতা নত্তনা মখোয়বু "গ্রোথকী মহৌশাগী ইঞ্জিনশিং" ওইনা লৌনখি। ঐনা অদোমদা G20গী দোক্যুমেন্ত অসি য়েংবা মথৌ তাই হায়না তশেংনা হায়জরি। মসিনা তাক্লিবদি ঐখোয়না করম্বা থাক্তা থবক পায়খৎলিবগে হায়বসিনি। হৌজিক ঐখোয়না AI তেক্নোলোজীগা মরী লৈনবা অনৌবা মতম অমদা লৈরি। অমসুং ঙসিদি মালেমনা থাজবা থম্লি মদুদি AI না ভারতকী মকোক ওইগনি। মালেম অসিনা মসিবু মশানা তাবনি হায়না লৌই। হৌজিক ঐখোয়গী থবক অসি খুদোংচাবা অসি মাংহন্দবা হায়বসিনি। অমসুং ঐহাক্না হৌজিক্তি AI দগী মতেং কয়া অমা লৌরি। ঐহাক্না ইলেক্সন কেম্পেন অসিদা লোলগী ওইবা অপনবা লৈ হায়বা ঐহাক্না খঙবদগী, AIগী মতেংগা লোয়ননা ঐহাক্না তমিল, তেলুগু অমসুং ওরিয়াদা ঐহাক্কী পাউজেল পীজরি। অদুনা নহারোলশিংনা থবক অসি পাংথোক্লবদি ঐহাক্কী থবকসু লোইরে। মমাংদা ঐহাক্না উরম্মি মদুদি করিগুম্বা মীওই অমনা ঐহাক্কা উনরবদি, মখোয়না ওতোগ্রাফ লৌনবা হায়রম্মি, তপ্না তপ্না মখোয়না ফোতো লৌনবা হায়রি, হৌজিক্তি মখোয়না সেল্ফি লৌনবা হায়রি। হৌজিক অহুম অসিমক - সেল্ফি, ওতোগ্রাফ, ফোতোগ্রাফ লৌবা পাম্মি। হৌজিক করি তৌগদগে? অসুম্না ঐহাক্না AI গী মতেং লৌখি, ঐহাক্না ঐহাক্কী নমো এপ্পতা সিস্তেম অমা শেমখি, ঐহাক্না মফমসিদগী চৎলিবা মতমদা করিগুম্বা মফম অমদা নাকল অমদা, নহাক্কী মাইগী শরুক অমা উবা ফংলবদি, অদুগা AI গী মতেংগা লোয়ননা নহাক্না মদু লৌথোকপা ঙমগনি, মোদী ঐহাক্না থাজবা পীরি। করিগুম্বা নহাক্না নমো এপতা চৎলবদি, ফোতো বুথ অমা লৈ অমসুং নহাক্না মফম অদুদগী নহাক্কী ফোতো ফংগনি।
মরুপশিং,
মরম অসিনা, AI অসি ভারতকী নহা ওইরিবা ইনভেস্তরশিং অমসুং মালেমগী ইনভেস্তরশিংগীদমক অনৌবা খুদোংচাবা কয়া পুরক্লিবা লম অমনি। নেস্নেল ক্বান্তম মিসন, ইন্দিয়া AI মিসন অমসুং সেমিকন্দক্তর মিসন; কেম্পেন পুম্নমক অসিনা ভারতকী নহারোলগীদমক খুদোংচাবশিংগী আনৌবা থোংশিং হাংলগনি। থা খরগী মমাংদা, ঐহাকপু US পার্লিয়ামেন্তদা ৱা ঙাংনবা কৌখি, মরম অদুনা ঐহাক্না মফম অদুদা AI গী মতাংদা খন্নখি। অসুম্না ঐনা হায়খি, AIনা মালেমগী তুংলমচৎকী ৱারেপ লৌবা ঙম্লে। মরম অদুনা মদুগী মতুং ইন্না থাগৎপা ফোংদোকখি। মদুদগী ঐহাক্না ঐহাক্কী AI না অমেরিকা-ইন্দিয়া হায়বনি হায়না হায়খি অমসুং ওদিতোরিয়ম পুম্নমক্না মফম অদুদা লেপখি।
মরুপশিং,
অদুবু ঐহাক্না মসি পোলিতিকেল কন্তেক্স অমদা হায়খি, অদুবু ঙসিদি ঐহাক্না থাজবা থম্লি মদুদি AI গী শক্তি অমসুং মসিগী লুচিংবা অসি ভারত খক্তগী খুৎতা লৈগনি অমসুং লৈগদবনি। গ্লোবেল এপ্লিকেসনশিংগীদমক ইন্দিয়ন সোল্যুসনশিংগী স্পিরিত অসি য়াম্না কান্নগনি হায়না ঐনা থাজৈ । ভারতকী নহা ওইরিবা ইন্নোভেতরশিংনা পুথোক্লিবা সোল্যুসনশিং অসিনা মালেমগী লৈবাক কয়াদা মতেং পাংগনি। ঐহাক্না অকোনবদা এক্সপেরিমেন্ত খরা পাঙথোক্লি। মালেমগী লৈবাক কয়াগা লোয়ননা ঐহাক্না ঐখোয়গী লৈবাক অসিগী অঙাংশিংগীদমক্তা হেক্কাথোনশিং পাঙথোক্লি। অঙাংশিং অসি পুং তরাদগী পুং মরিফাউবা ওনলাইনদা কন্নেক্ত তৌদুনা অমসুং হেক্কাথোনশিং পাঙথোক্তুনা লৈ, সিঙ্গাপুর-ভারতগুম্না মিক্স তৌরবা তীম অমা শেম্মি, অদুদগী সিঙ্গাপুরগী অঙাংশিং অমসুং ভারতকী অঙাংশিংনা পুন্না প্রোব্লেমশিং কোকহল্লি। ভারতকী অঙাংশিংগা লোয়ননা হেক্কাথোন পাঙথোক্নবা মালেমদা অচৌবা অপাম্বা অমা লৈ হায়বা ঐহাক্না উবা ফংখি। মদুদগী ঐনা মখোয়গা ৱারী শানবদা মখোয়গা লোয়নবদা নুংঙাইরোই হায়না ঐনা হায়খি, মহাক্না হায়খি সর, করিগুম্বা পুনবদা নুংঙাইরোইদবা ওইরসু তম্বদি ফংগনিনা। তশেংনমক, ভারত্তা চাংয়েং তৌরবা ইন্নোভেসন অসি মালেমগী জিওগ্রাফী অমসুং দেমোগ্রাফী খুদিংমক্তা মায় পাক্কনি, মরমদি মফম অসিদা সেম্পল পুম্নমক লৈ। মফমসিদা অদোম্না মরু-মরাং, মফমসিদা অদোম্না ঈশিং-ঈচাউ থোকপা মফমশিং, মফমসিদা অদোম্না মিদিয়ম ৱাতর, হায়বদি, মফম অমখক্তদা ফংলিবা পোৎলম খুদিংমক ফংলগনি। মরম অসিনা মফম অসিদা মায় পাকপা অসি মালেমগী মফম অমহেক্তদা মায় পাকপা য়াই।
মরুপশিং,
হীরম অসিগী মতাংদা ভারতনা মাংলোমদা চংশিন্নবা লেপ্পা লৈতনা থৌরাং তৌরি। লৈবাক অসিনা লুপা করোর লিশিং কয়াগী নেস্নেল রিসর্স ফাউন্দেসন অমা শেম্নবা ৱারেপ লৌখ্রে। মসিগী ৱারেপ অসি মতম খরগী মমাংদা লৌখিবা অদু অদোম্না উরম্বা তাই। অমসুং ঐখোয়না শেমখিবা ইন্তেরিম বজেৎ অসিদা, ঐখোয়গী লৈবাক অসিদা লৈরিবা মীওইশিংদা করিগুম্বা খরগী মতাংদা খন্ন-নৈনবা মতম লৈতে মরমদি মখোয়গী মতম অসি কান্নদবা থবকশিংদা খায়দোকই। ইন্তেরিম বজেৎ অসিদা, মরমদি মপুং ফাবা বজেৎ অসি ঐহাক অমুক হন্না লাকপা মতমদা পুথোক্কনি। ইন্তরমেন্ত বজেৎ অসিদা অচৌবা ৱারেপ অমা লৌখ্রে। লৈবাক অসিগী নহারোল খুদিংমক্না খঙবা পাম্মি। রিসর্স অমসুং ইন্নোভেসনগীদমক লুপা করোর লাখ অমগী ফন্দ অমা লাউথোকখ্রে। মসিনা "সন-রাইস তেক্নোলোজীগী লমশিংদা" অশাংবা মতমগী রিসর্চ প্রোজেক্তশিংদা মতেং পাংগনি। ভারতনা দিজিতেল দেতা প্রোতেক্সনগীদমক অফবা আইনশিংসু শেমখ্রে। স্তার্ত-অপশিং পুক্নিং থৌগৎনবা তঙাই ফদবা খোঙথাং পুম্নমক লৌখৎলি। হৌজিক লৈবাক অসিনা হেন্না ফবা ফন্দিং মেকানিজম অমা শেম্নবা হোৎনরি।
মরুপশিং,
ঙসি মায় পাক্লিবা স্তার্ত-অপশিং অসিদসু মখোয়দা অচৌবা থৌদাং অমা লৈ। কনাগুম্বা অমনা অদোমগী ৱাখল্লোন অদু থাজৈ অমসুং মসিনা মরম ওইদুনা অদোম্না মফমসিদা য়ৌরকপনি হায়বসি অদোম্না নীংশিংগদবনি। মরম অদুনা নহাক্না অনৌবা ৱাখল্লোন অমা শৌগৎকদবনি। কনাগুম্বা অমনা নহাক্কী খুৎশম্নদুনা পুবিরম্মি, নহাক্না কনাগুম্বা অমা খুৎশম্নদুনা পুবিয়ু। নহাশিংবু ইথিল পীনবগীদমক নহারোলশিংদা মেন্তর অমা ওইনা নহা ওইরিবা ইন্সতিত্যুসনশিংদা চৎপা ঙম্লোইদ্রা? করিগুম্বা নহাক্না লেব 10 খোমজিল্লবদি, চৎপীয়ু অঙাংশিংদুগা ৱারী শানবিয়ু, অদোমগী ৱাখল্লোনশিং, মখোয়গী ৱাখল্লোনশিং খন্নবিয়ু। ইনক্যুবেসন সেন্তরদা চৎপীয়ু। মখোয়দা পুং অমা, পুংখায় অমা পীবিয়ু, ঐহাক্না শেল পীনবগী মতাংদা হায়বা নত্তে। মরূপশিং, লৈবাক অসিগী অনৌবা মীরোলগা উনবিয়ু, মসি নুংঙাইবা অমা ওইগনি। নহাক্না মহৈরোয়শিংগা কোলেজ অমসুং য়ুনিভর্সিতীশিংদা উনদুনা মখোয়বু লমজিংবা য়াই মরমদি নহাক্কী মায় পাকপগী ৱারী অমা লৈ। নহা ওইরিবা ৱাখল্লোনশিংনা নহাক্কা ৱারী শানবগীদমক শেম-শারি। নহাক্না নহাক্কী হৈশিংবদু উৎখ্রে, হৌজিক্তি নহা ওইরিবা অতোপ্পা নহাশিংদা লমজিং-লমতাক পীবা তাই। লৈবাক অসিনা অদোমগী খোঙথাং খুদিংদা মতেং পাংগনি। ঐহাক্না মসিদা অতোপ্পা ৱাফম অনি হায়জনীংই। ঐহাক্না সরকারদা থবক তৌরি, ঐহাক্না অদোমদা মনুংগী ওইবা ই-পাউ খরা পীগে, মসি মেদিয়াদা ফোঙদোক্লোইদবনি। মতম অমদা ঐহাক্না সরকারদা দিল্লীদা নৌনা লাক্লে হায়না হায়খি। মফম অসিগী চৎনবীগী মরমদা ঐহাক্না করিসু খঙদে। ঐ অসি মপানগী মীওই অমা ওইরমখি। ঐহাক্না সরকারদা হায়জখি মদুদি, অদোমগী দিপার্তমেন্ত অসিদা মতম কয়াগী মমাংদগী লৈরক্লবা প্রোব্লেমশিং লৈরি, মদুবু পাংথোকউ। অদোম্না হোৎনরি অদুবু করিগুম্বা অমত্তা ফংদ্রে। অসুম্না মশক খঙদোকউ। অমসুং ঐহাক্না লৈবাক অসিগী নহারোলশিংদা প্রোব্লেম অমা পীগনি। ঐহাক্না মখোয়দা হেক্কাথোন অমা পাংথোক্নবা হায়গনি অমসুং মদুগী সোল্যুসন পুথোক্তুনা নঐঙোন্দা পীনবা হায়গনি। ঐখোয়গী বাবুগী মীওইশিং অসি য়াম্না হৈ-শিংলবা মীওইশিংনি, সর অদুনা মসিগী মথৌ তাদে, ঐখোয়দা চহি কুনগী এক্সপরিয়েন্স লৈ হায়রকখি। ঐহাক্না হায়জখি, করিনো তৌরিবসে? অহানবদা ঐহাক্না অৱাবা য়াম্না থেংনখি মরমদি কনাগুম্বা অমনা ঐখোয়গী মফমদা লেপ্লে, কনাগুম্বা অমনা ঐখোয়গী মফমদা লৈশিল্লে হায়বসি কনাগুম্বা অমত্তনা য়াখিদে। কনাগুম্বা অমত্তনা য়াখিদে। মীপুম খুদিংমক্না হায়খি সর, মসি য়াম্না ফজনা চত্থরি।
ঐহাক্না হায়খি মদুদি, মসি ফজনা চত্থরবা মতমদা খক্তদা ভেল্যু এদিসন লৈগনি। নত্ত্রবদি মহাক্না অফবা অদু উগনি অমসুং মদুবু থাদোক্কনি। ফজনা, দিপার্তমেন্ত খুদিংমক্না য়াম্না ৱানা মখোয় মনিং হল্লে খঙবা ঙমখি, মরম অদুনা মখোয়না ঐবু য়ানীংখিদে অমসুং হায়খি মদুদি সর, মসি খুদোংচাদবা অমনি। অসুম্না পুন্না য়েংবদা, অপুনবা মশিং অসি 400 ওইখি। ঐহাক্না লৈবাক অসিগী নহারোলশিংগীদমক হেক্কাথোন অমা শীনখি অমসুং মখোয়দা হায়রিবা প্রোব্লেমশিং অসি পীখি। ঐনা হায়খি- মসিগীদমক্তা সোল্যুসন অমা পুথোকউ। মখোয়না অসিগুম্বা অফবা সোল্যুসনশিং পীরকপা অসিদা অদোম্না থোইদোক হেন্দোক্না নুংঙাইবা ফাওগনি। মখোয়না লম্বী পীখি অমসুং অঙাংশিং অসিগী ৱাখল্লোনশিংগী 70-80%দি সরকারনা শিজিন্নখি। মতুংদা ফীভম অসি অসিগুম্না ওইরকখি মদুদি ঐখোয়গী দিপার্তমেন্তনা ঐঙোন্দা হংবা হৌরকখি, সর, হেক্কাথোন অসি চহি অসিদা কদাইদা পাংথোক্কদগে। হৌজিক্তি মসিগী সোল্যুসন অসি মফম অসিদা খক্তদা ফংলগনি হায়না মখোয়না খল্লি।
হায়বদি, অঙাং অসিনা ফম্বা খুদিং মখোয়না অসিগুম্বা কয়া পুথোকই। অমসুং মখোয় অসি চহি 18, 20, 22গী নহাশিংনি। ঐহাক্না ঐখোয়গী ইন্দস্ত্রীদা লৈরিবা CII, FICCI, ASSOCHAM গী মীওইশিংদা হায়জনীংবদি মখোয়না মখোয়গী ইন্দস্ত্রীগী প্রোব্লেমশিং মশক খঙদোকপীয়ু। প্রোব্লেম অদু মশক খঙদোক্লবা মতুংদা, মখোয়না স্তার্তঅপ অসিগী হেক্কাথোন অমা পাংথোক্কদবনি। অমসুং মখোয়দা প্রোব্লেম অদু পীগদবনি। মসিদগী অদোম্না য়াম্না ফবা সোল্যুসন অমা ফংগনি হায়না ঐনা থাজৈ। অসিগুম্বা মওংদা, ঐহাক্না MSMEগী মীওইশিংদা মখোয়গী সমস্যাশিং অসি কোকহন্নবা হায়জনীংই, তেক্নিকেলগী ওইবা অৱাবা লৈগনি, মতম য়াম্না চংগনি, মেন্যুফেকচরিংদা মওং চুম্না থবক পাংথোকপা য়ারোই, অশোয়বা পোত্থোক পুথোরক্কনি, থৌওং কয়া থোক্কনি। লৈবাক অসিগী মহৈরোয়শিংগী মফমদা চৎলু অমসুং মখোয়গী হেক্কাথোন পাংথোক্লু। MSMEগী মীওইশিংনা মখোয় মশামক অমসুং সরকারবু মফম অমত্তদা থম্লোইদবনি। করিগুম্বা ঐখোয়না হায়রিবা হীরম অনি অসিদা কন্না হোৎনমিন্নবা হৌরবদি, লৈবাক অসিগী নহা ওইরিবা তেলেন্তশিংনা ঐখোয়গী সমস্যা কয়াগী সোল্যুসনশিং পীগনি অমসুং ঐখোয়গী নহা ওইরিবা তেলেন্তশিংনা ঐহাক্না থবক তৌবা য়াবা হীরমশিং অসিসু লৈ হায়বা ৱাখল্লোন অদু পীরক্কনি। ঐখোয়না অসিগুম্বা ফিভম অসিদা চংশিনগদবনি অমসুং ঐহাক্না থাজৈ মদুদি স্তার্ত-অপ মহাকুম্ভদগী থবক লৌখৎপা য়াবা ৱাফম খরা পুথোক্কদবনি। থবক ওইনা পাংথোকপা য়াবা ৱাফমশিং অদু লৌখৎতুনা মাংলোমদা চংশিনসি। অমসুং ঐহাক্না অদোমদা থাজবা পীজরি মদুদি থা অমা, থা অমগা তংখাই অনিগী মনুংদা ঐহাক থবক খরা চিনগনি, অদুবু মদুগী মতুংদা ঐহাক অদোমগীদমক লৈগনি। অদোম্না মাংলোমদা চংশিনবা, অনৌবা স্তার্তঅপশিং শেম্বা, অদোমগী অমসুং অতোপ্পশিংগী মতেং পাংবা ঐনা পাম্মি। নহাক্না ইন্নোভেসন মখা চত্থবীয়ু, ইনোবেতরশিংবু মতেং মখা তানা পাংবীয়ু। অদোমগী অপাম্বশিং অসি ভারতকী অপাম্বশিংনি।
ভারত অসি শেন্মিৎলোনগী ওইনা 11শুবা মফমদগী 5শুবা মফমদা কাখৎলকখি অমসুং মসিদা ঐহাক্কী লৈবাক অসিগী নহাশিং অমসুং অদোম্না অচৌবা থৌদাং অমা লৌখি। হৌজিক ঐহাক্না ভারত অমসুং মালেমদা গেরেন্তী অমা পীরি মদুদি ঐহাক্কী অহুমশুবা তর্মদা ঐহাক্না লৈবাক অসিবু মালেমগী খ্বাইদগী চাউবা ইকোনোমীগী অহুমশুবা মফমদা কাখৎহল্লগনি। অমসুং ঐহাক্না উবা ফংলি মদুদি স্তার্ত-অপশিংনা মসিগী খুমাং চাউশিনবা অসিদা অচৌবা থৌদাং অমা লৌগনি।
মরুপশিং,
নখোয়গা লোয়ননা ৱারী শাবা অসি নুংঙাই। নহা ওইরিবা নখোয় পুম্নমক, নখোয়গী থৌনা অমসুং ইথিলনা ঐঙোন্দা অনৌবা ইনর্জী অমা পীখি।
হন্না-হন্না য়াইফ-মঙ্গোল পীজরি !
হন্না-হন্না থাগৎচরি।
