খুরুমজরি!
বেঙ্গলুরু নগরদা আত্মীয়া নাগরিকা বন্ধু-ভগিনিয়রে, নিমগেল্লা নন্না নমস্কারগল্লু
কর্নাতকাগী রাজ্যপাল শ্রী থাওর চান্দ গেহলোত জী, মুখ্য মন্ত্রী সিদ্দরামাইয়া জী, কেন্দ্রগী ঐহাক্কী মরুপশিং, মনোহর লাল খত্তর জী, ঐচ.দি. কুমারস্বামীজী, অশ্বিনী বৈষ্ণব জী, ভি সোমানা জী, মিস শোভা জী, উপ মুখ্য মন্ত্রী দি.কে. শিৱকুমারজী, কর্নাতকা সরকারগী মন্ত্রী, বি. সুরেশজী, ওপোজিসনগী লুচিংবা আর অশোকজী, এম.পি. তেজসবি সুর্য়জী, দোক্তর মঞ্জুনাথজী, এম.এল.এ. বিজয়েন্দ্র য়েদিয়ুরপ্পাজী অমসুং কর্নাতকাগী ঐহাক্কী ইচিল-ইনাওশিং,
কর্নাতকাগী লৈমায়দা ঐখোয়না খোঙ থাংজিল্লকপা মতমদা, মফম অদুগী মীওইশিংগী চৎনবী, নুংশিবা অমসুং কন্নর লোলগী খোইথুম্নবা অসিনা ঐখোয়গী থম্মোয়দা অপেনবা পোকহল্লি। অহানবদা, ঐহাক্না বেঙ্গালুরু সহরগী ঈশ্বর অন্নমা তাইগী মফমদা ইকায় খুম্নবা উৎচরি। চহি চা কয়াগী মমাংদা, নাদা-প্রভু কেম্পেগৌর জীনা বেঙ্গালুরু শহরগী য়ুম্ফম থোনখি। মহাক্না চৎনবীগা মরী লৈনবা অমসুং মতম অমত্তদা চাউখৎপগী অনৌবা থাক্তা য়ৌরকপা সহর অমগী ৱাখল্লোন থমখি। বেঙ্গালুরুনা মতম পুম্নমক্তা মসিগী স্পিরিৎ অসি হিংদুনা লাক্লি, মতম পুম্নমক্তা ঙাক্না চৎলি। অমসুং ঙসি বেঙ্গালুরুনা মসিগী মঙলান অসি মঙফাওনহল্লে।
মরুপশিং,
বেঙ্গলোর অসি অনৌবা ভারতকী হৌরকপগী খুদম অমা ওইরক্লিবা সহর অমা ওইনা ঐখোয়না উবা ফংলি। মসিগী নুংদা ফিলোসোফি অমসুং মসিগী থবকশিংদা তেক্নোলোজী য়াওবা সহর অমা। মালেমগী আই.তি. মেপতা ভারতকী ফিরাল চীংখৎখিবা সহর অমনি। বেঙ্গালুরুগী মায় পাকপগী ৱারী অসিগী মরুমদা কনাগুম্বা অমা লৈরবদি, মসি মফমসিগী মীশিং, অদোমগী কন্না হোৎনজবা অমসুং অদোমগী হৈশিংবশিংনি।
মরুপশিং,
অর্বান প্লানিং অমসুং অর্বান ইনফ্রাস্ত্রকচর অসি ২১শুবা চহি চাগী ঐখোয়গী সহরশিংগী অচৌবা মথৌ তাবা অমনি। বেঙ্গলোরুম্বা সহরশিং অসি ঐখোয়না তুংলমচৎকীদমক শেম-শাবা তাই। মমাংদা, ভারত সরকারনা বেঙ্গালুরুগীদমক লুপা করোর লিশিং কয়াগী স্কিমশিং হৌদোকখ্রে। ঙসিদি, কেম্পেন অসিনা অনৌবা থৌনা অমা ফংলি। ঙসি বেঙ্গালুরু মেত্রোগী য়েল্লো লাইন শঙ্গাখ্রে। মেত্রো ফেজ-৩গীসু উরেপ উয়ুং তমখ্রে। মসিগা লোয়ননা লৈবাক অসিগী তোঙান তোঙানবা মফমশিংদা অনৌবা ভন্দে ভারত ত্রেন অহুম লমথাখ্রে। বেঙ্গালুরু অমসুং বেলগামগী মরক্তা ভন্দে ভারত সর্বিস হৌখ্রে। মসিনা বেলগামদা ললোন-ইতিক অমসুং তুরিজম হেনগৎহনগনি। মসিগী মথক্তা, ভন্দে ভারত এক্সপ্রেসসু নাগপুর অমসুং পুনে অমসুং শ্রী মাতা বৈষ্ণো দেবী কত্রা অমৃতসরগী মরক্তা হৌখ্রে। মসিনা ভক্ত মিলিয়ন কয়াদা কান্নবা পীগনি অমসুং তুরিজমসু হেনগৎহনগনি। মসিগী প্রোজেক্তশিং অমসুং ভন্দে ভারত ত্রেনশিংগীদমক বেঙ্গলোর, কর্নাতকা অমসুং লৈবাক অসিগী মীয়াম্বু ঐনা থাগৎপা ফোংদোকচরি।
মরুপশিং,
ঙসি, ঐহাক ওপরেসন সিন্দরগী মতুংদা অহানবা ওইনা বেঙ্গলোরদা লাক্লি। ওপরেসন সিন্দুরদা ভারতকী লান্মীশিংনা মায় পাকপা, ঙমখৈগী মপান্দা কিলোমিতর কয়া লান্দুনা তেরোরিস্তশিংগী লৈফমশিং থুগাইবগী ঐখোয়গী তৌবা ঙম্বা অমসুং তেরোরিস্তশিংগী মতেং পাংলিবা পাকিস্তানবু পুং খরগী মনুংদা নোঞ্জহনখিবা ঐখোয়গী তৌবা ঙম্বা অসিনা মালেম পুম্বদা অনৌবা ভারতকী মশক অদু উবা ফংহল্লে। ওপরেসন সিন্দুরগী মায়পাকপগী অচৌবা মরম অমা হায়রগদি ঙাকশেলগী লমদা ঐখোয়গী তেক্নোলোজী অমসুং মেক ইন ইন্দিয়াগী পাঙ্গলনি। অমসুং বেঙ্গালুরু অমসুং কর্নাতকাগী নহারোলশিংনা মসিদা চাউনা তেংবাংলি। মসিগীদমক ঙসি ঐহাক্না পুম্নমকপু থাগৎচরি।
মরুপশিং,
ঙসিদি, বেঙ্গলোর অসি মালেমগী খ্বাইদগী চাউবা সহরশিংগী মরক্তা শকখঙনরি। ঐখোয়না মালেমগী থাক্তা চাংদম্নবা তাই, অমসুং মসি খক্তমক নত্তে, ঐখোয়না লুচিংগদবনি। ঐখোয়গী সহরশিং অসি স্মার্ত, খোঙজেল য়াংবা অমসুং মতিক চানা মথৌ পাংথোকপা ওইরবদি ঐখোয়না মাংলোমদা চংশিনবা ঙমগনি! মরম অসিনা ঐখোয়না মোদর্ন ইনফ্রাস্ত্রকচরগী প্রোজেক্তশিং লোইশিনবদা য়াম্না মরুওইবা পীরি। ঙসি আর.ভি. রোদতগী বোমসান্দ্রা ফাওবগী য়েল্লো লাইন হৌদোকখ্রে। মসিনা বেঙ্গলোরগী মরুওইবা মফম কয়াবু শম্নহল্লগনি। বসভানা-গুদিদগী ইলেক্ত্রোনিক সিতী ফাওবগী খোঙচৎ অসিসু মতম য়াম্না চংলরোই। মসিনা মীওই মিলিয়ন কয়াগী পুন্সিদা হিংবদা অমসুং থবক তৌবদা লাইথোকহনগনি।
মরুপশিং,
ঙসি, য়েল্লো লাইন শঙ্গাবগা লোয়ননা, ঐখোয়না ফেজ-৩ হায়বদি ওরেঞ্জ লাইনগীসু উরেপ উয়ুং তমখ্রে। মসিগী লাইন অসি হৌরকপা মতমদা, মসিনা নোংমদা পেসেঞ্জর লাখ ২৫দা য়েল্লো লাইনগা লোয়ননা খুদোংচাবা পীগনি। মসিনা বেঙ্গালুরুগী ত্রান্সপোর্ত সিস্তেমদা অনৌবা শক্তি পীগনি, অনৌবা পনখৈ অমা পীগনি।
মরুপশিং,
বেঙ্গলোর মেত্রোনা লৈবাক অসিদা পব্লিক ইনফ্রাস্ত্রকচর দিবেলপমেন্তকী অনৌবা মোদেল অমা পীরি। ইনফোসিস ফাউন্দেসন, বাইওকোন অমসুং দেলতা ইলেক্ত্রোনিক্সকুম্বা কম্পনীশিংনা বেঙ্গলোর মেত্রোগী মরুওইবা স্তেসন কয়াগীদমক শেল থাদখ্রে। সি.এস.আর. শীজিন্নবগী মোদেল অসি য়াম্না ইথিল পীবা অমনি। অনৌবা থৌওং অসিগীদমক কোর্পোরেৎ সেক্তরবু ঐনা থাগৎচরি।
মরুপশিং,
ঙসিদি ভারত অসি মালেমগী খ্বাইদগী য়াঙনা চাউখৎলক্লিবা মরুওইবা ইকোনোমী অমা ওইরে। হৌখিবা চহি ১১দা, ঐখোয়গী ইকোনোমী অসি ১০শুবা পোজিসন্দা লৈরম্বা অদুদগী মকোক থংবা ৫দা য়ৌখ্রে। ঐখোয়না খ্বাইদগী ফবা ইকোনোমী অহুমগী মনুংদা অমা ওইনবগী মায়কৈদা খোঙজেল য়াংনা চংশিল্লি। ঐখোয়না অসিগুম্বা খোঙজেল অসি করম্না ফংবগে? রিফোর্ম-পারফোর্ম-ত্রান্সফোর্মগী স্পিরিৎ অসিদগী ঐখোয়না খোঙজেল য়াংনা চংশিল্লি। ঐখোয়না মসিগী স্পীদ অসি ময়েক শেংবা ৱাখল্লোনশিং অমসুং অচুম্বা হোৎনবশিংদগী ফংলি। নিংশিংবীয়ু, ২০১৪দা, মেত্রো অসি শহর ৫ খক্তদা য়ুম্ফম ওইখি। হৌজিক্তি, শহর ২৪দা কিলোমীতর লিশিং অমদগী হেন্না শাংবা মেত্রো নেৎৱার্ক অমা লৈরি। ভারত অসি হৌজিক্তি মালেমগী খ্বাইদগী চাউবা মেত্রো নেৎৱার্ক লৈবা লৈবাক অমা ওইরে। ২০১৪গী মমাংদা, রেলৱেগী কিলোমিতর লিশিং ২০ রেলৱেগী লম্বীদা ইলেক্ত্রিফিকেসন তৌখি, হায়বদি নীংতম্বা ফংলবা মতমদগী ২০১৪ ফাওবা। হৌখিবা চহি ১১ খক্তদা, ঐখোয়না রেলৱেজকী কিলোমিতর লিশিং ৪০ হেন্না ইলেক্ত্রিফিকেৎ তৌখ্রে।
মরুপশিং,
ঈশিং, কংফাল, নোংথক, করিগুম্বা অমত্তা য়ৌশিন্দবা লৈতে। মরুপশিং, লমখক্তগী নত্তনা লৈবাক অসিগী মায়পাকপগী ফিরালসু ৱাংনা পাইহল্লি। ২০১৪ ফাওবদা ভারত্তা এয়রপোর্ত ৭৪ খক্তমক লৈরম্মি। হৌজিক মখোয়গী মশিং অসি ১৬০ হেনখ্রে। ঈশিং লম্বীগী ফিগরশিং অসি থোংথক, কংফাল অমসুং ঈশিংগী মায় পাকপশিং অদুগা চপ মান্ননা শিংথানিংঙাই ওই। ২০১৪দা, নেস্নেল ৱাতরৱেজ ৩ খক্তমক মথৌ তৌরম্মি, হৌজিক্তি মসিগী মশিং অসি ৩০দা হেনগৎলে।
মরুপশিং,
লৈবাক অসিনা হেল্থ অমসুং এজুকেসন সেক্তরদসু অচৌবা খোঙজং অমা চংশিল্লি। ২০১৪ ফাওবদা ঐখোয়গী লৈবাক অসিদা এ.আই.আই.এম.এস. ৭ অমসুং মেদিকেল কোলেজ ৩৮৭ খক্তমক লৈরম্মি। হৌজিক এ.আই.আই.এম.এস. ২২ অমসুং মেদিকেল কোলেজ ৭০৪না মীয়ামগী শেবা তৌরি। হৌখিবা চহি ১১দা, লৈবাক অসিদা অনৌবা মেদিকেল সিৎ লাখ অমা হেন্না হাপচিনখ্রে। ঐখোয়গী মিদল ক্লাসকী অঙাংশিংনা মসিগী কান্নবা কয়া য়াম্না ফংবগে হায়বদু অদোম্না খন্থবীয়ু! চহি ১১ অসিদা, আই.আই.তি.গী মশিং অসি ১৬দগী ২৩দা হেনগৎখ্রে, ত্রিপল আই.তি.গী মশিং অসি ৯দগী ২৫দা হেনগৎখ্রে, অমসুং আই.আই.এম.গী মশিং অসি ১৩দগী ২১দা হেনগৎখ্রে। মসিনা তাকপদি ঙসিদি হায়র এজুকেসনদা মহৈরোইশিংগীদমক্তা খুদোংচাবা কয়া অমা লৈরে হায়বনি।
মরুপশিং,
ঙসিদি, লৈবাক অসিনা খুমাং চাউশিল্লক্লিবা খোঙজেল অসিগা লোয়ননা লায়রবশিং অমসুং শোত্থরবশিংগী পুন্সিদা অহোংবা লাক্লি। প্রধান মন্ত্রী অৱাস য়োজনাগী মখাদা ঐখোয়না য়ুম করোর ৪ হেন্না ফংহনখ্রে। হৌজিক ঐখোয়গী সরকারনা অহেনবা য়ুম করোর ৩ শাবগী থৌরাং তৌরি। ঐখোয়না চহি ১১ খক্তদা তোইলেৎ করোর ১২ হেন্না শাখ্রে। মসিনা লৈবাক অসিগী ইমা অমসুং ইচিল-ইনাও করোর কয়াদা ইকাই খুম্নবা, লুনানবা অমসুং সেক্যুরিতীগী হক ফংহল্লে।
মরুপশিং,
ঐখোয়গী শেন্মিৎলোনগী খুমাং চাউশিল্লকপা অসিনা ঙসি লৈবাক অসিনা চাউখৎলক্লিবা অসিগী অচৌবা মরম অমা ওইরি। ২০১৪গী মমাংদা, ভারতকী অপুনবা এক্সপোর্ত অসি দোল্লর বিল্লিয়ন ৪৬৮ য়ৌখি। ঙসিদি মসি দোল্লর বিল্লিয়ন ৮২৪ ওইরে। মমাংদা ঐখোয়না মোবাইলশিং ইম্পোর্ত তৌরম্মি, অদুবু হৌজিক্তি ঐখোয়না মোবাইল হেন্দসেৎশিং এক্সপোর্ত তৌবা মকোক থোংবা লৈবাক মঙাগী মনুং চল্লে। অমসুং বেঙ্গালুরুদসু মসিদা অচৌবা থৌদাং অমা লৈরি। ২০১৪গী মমাংদা, ঐখোয়গী ইলেক্ত্রোনিক্স এক্সপোর্ত অসি চাউরাক্না দোল্লর বিল্লিয়ন ৬ ওইরম্মি। হৌজিক মসিসু চাউরাক্না দোল্লর বিল্লিয়ন ৩৮ য়ৌরে।
মরুপশিং,
চহি ১১গী মমাংদা, ভারতকী ওতোমোবাইল এক্সপোর্ত অসি দোল্লর বিল্লিয়ন ১৬ রোম ওইখি। ঙসিদি মসি শরুক অনি হেনখ্রে। অমসুং ভারত অসি ওতোমোবাইল এক্সপোর্তরদা খ্বাইদগী চাউবা মরিশুবা লৈবাক ওইরে। মসিগী মায়পাকপশিং অসিনা আত্মনির্ভর ভারত অমগী ঐখোয়গী ৱারেপ অদু মপাঙ্গল কনখৎহল্লি। ঐখোয় পুন্না মাংলোমদা চংশিনগনি অমসুং লৈবাক অসিবু চাউখৎহল্লগনি।
মরুপশিং,
চাউখৎলবা ভারত, অনৌবা ভারতকী খোঙচৎ অসি দিজিতেল ইন্দিয়াগী খুত্থাংদা মথং-মথং মপুং ফাহল্লগনি। ঙসি ঐখোয়না ইন্দিয়া এ.আই. মিসনগুম্বা স্কিমশিংগা লোয়ননা ভারতনা মালেমগী এ.আই. লিদরশিপকী মায়কৈদা মাংলোমদা চংশিল্লি। সেমিকন্দক্তর মিসন অসিসু হৌজিক য়াম্না থুনা পাংথোক্লি। ভারতনা অথুবা মতমদা মেদ ইন ইন্দিয়া চিপশিং ফংলগনি। ঙসিদি ভারত অসি মমল হোংবা অৱাংবা তেক্নোলোজীগী স্পেস মিসনগী মালেমগী ওইবা খুদম অমা ওইরে। হায়বদি, ভারতনা ফ্যুচরস্তিক তেক্নোলোজীগা মরী লৈনবা ওইথোকপা য়াবা পুম্নমক্তা মাংলোমদা চংশিল্লি। অমসুং, ভারতনা মাংলোমদা চংশিল্লিবা অসিগী খ্বাইদগী অখন্নবা ৱাফমদি- লায়রবশিংগী শক্তি লৈহনবা হায়বসিনি! অদোম্না উবা ফংলি, ঙসিদি লৈবাক অসিদা দিজিতেলাইজেসনগী স্কোপ অসি খুঙ্গং খুদিংদা য়ৌরে। মালেমগী রিয়েল তাইম ত্রাঞ্জেক্সনশিংগী ৫০%দগী হেন্না ভারত্তা য়ু.পি.আই.গী খুত্থাংদা পাংথোক্লি। মালেমগী ৫০%। তেক্নোলোজীগী মতেংগা লোয়ননা ঐখোয়না সরকার অমসুং নাগরিকশিংগী মরক্তা লৈরিবা অরাপ্পা অদু হন্থহল্লি। ঙসিদি লৈবাক অসিদা সরকারগী সর্বিস ২২০০ হেন্না মোবাইলদা ফংলি। উমং এপকী মতেংগা লোয়ননা, মীচম প্রজাশিংনা মখোয়গী য়ুমদা লৈদুনা সরকারগী থবকশিং মপুং ফাহল্লক্লি। দিজিলোকরনা সরকারগী সর্তিফিকেৎশিংগী ঙাইথোক ঙাইশিনবা তৌবা অদু লৈত্রে। হৌজিক ঐখোয়না এ.আই.না পাৱর তৌবা থ্রেৎ দিতেক্সনগুম্বা তেক্নোলোজীশিংদা শেল থাদরি। লৈবাক অসিদা দিজিতেল রিভোলুসনগী কান্নবশিং অসি খুন্নাইগী লাস্ত মাইল ফাওবা য়ৌহন্নবা ঐখোয়না হোৎনরি। অমসুং বেঙ্গালুরুনা মসিগী খোঙথাং অসিদা থৱায় য়াওনা থবক তৌরি।
মরুপশিং,
হৌজিক ওইরিবা মায়পাকপশিং অসিগী মরক্তা, ঐখোয়গী মথংগী মরুওইবা ৱাফম অসি - তেক আত্মানির্ভর ভারত ওইগদবনি! ভারতকী তেক কম্পনীশিংনা মালেম শীনবা থুংনা মখোয়গী মফম কনখ্রে। ঐখোয়না মালেম পুম্বগীদমক্তা সোফৱেয়র অমসুং প্রদক্তশিং শেম্লে। হৌজিক ভারতকী মথৌ তাবশিংদা অহেনবা প্রাইওরিতি পীবগী মতম ওইরে। ঐখোয়না অনৌবা প্রদক্ত পুথোকপদা খোঙজেল য়াংনা চংশিনবা তাই। ঙসিদি, সোফৱেয়র অমসুং এপশিং অসি লম খুদিংমক্তা শীজিন্নরি। মসিদা ভারতনা অনৌবা অৱাংবা থাক্তা য়ৌহনবা অসি য়াম্না মরু ওই। ঐখোয়না অনৌবা লমশিংদা লুচিংবা ওইনবা হোৎনগদবনি। ঐখোয়না মেক ইন ইন্দিয়াদা বেঙ্গলোর অমসুং কর্নাতকাগী মতিং অসি মেনুফেকচরিং সেক্তরদসু হেন্না মপাঙ্গল কনখৎহনগদবনি। অমসুং ঐহাক্কী হায়জরিবা অসিদি ঐখোয়গী প্রদক্তশিং অসি জিরো দিফেক্ত, জিরো ইফেক্তকী স্তেন্দর্দতা খ্বাইদগী অৱাংবা থাক্কী ওইগদবনি। মসিনা হায়রিবদি, অশোই-অঙাম লৈতবা প্রদক্তশিং ওইগদবনি অমসুং মখোয়গী মেন্যুফেকচরিংনা অকোইবগী ফিভমদা নেগেতিব ইথিল লৈহল্লোইদবনি। কর্নাতকাগী তেলেন্তনা আত্মনির্ভর ভারতকী মীৎয়েং অসি লমজিংগনি হায়না ঐনা আশা তৌই।
মরুপশিং,
সেন্ত্রেল গবর্নমেন্ত ওইগেরা নত্রগা স্তেত গবর্নমেন্ত ওইগেরা, ঐখোয় পুম্নমক্না মীয়ামগী শেবা তৌনবা মফমসিদা লৈ। ঐখোয়না লৈবাক মীয়ামগী য়াইফনবা পুন্না থবক পায়খৎকদবনি। মসিগী মাইকৈ অসিদা খ্বাইদগী মরু ওইবা থৌদাংশিংগী মনুংদা অমা হায়রগদি অনৌবা রিফোর্মশিং অসিনি! হৌখিবা চহি তরা অসিদা ঐখোয়না রিফোর্মশিং লেপ্তনা পাংথোক্লি। খুদম ওইনা হায়রবদা, ভারত সরকারনা আইনশিং অসি দি-ক্রিমিনেলাইজ তৌনবা জন বিশ্বাস বিল পাস তৌখ্রে। অমসুং হৌজিক ঐখোয়না জন বিশ্বাস ২.০সু পাস তৌরগনি। রাজ্য সরকারশিংনা দরকার লৈতবা ক্রিমিনেল প্রোভিজনশিং য়াওবা আইনশিং অদুসু মশক খঙদোকপা ঙম্মী অমসুং মখোয়শিং অদু লৌথোকপা ঙম্মী। ঐখোয়না মিসন কর্ময়োগী পাংথোক্লি হায়বদি সরকারগী এমপ্লোয়ীশিংদা কম্পিতেন্সীদা য়ুম্ফম ওইবা ত্রেনিং পীরি। রাজ্যশিংনা মখোয়গী ওফিসরশিংগীদমক মসিগী লর্নিং ফ্রেমৱার্ক অসিসু শীজিন্নবা য়াই। ঐখোয়না এস্পিরেস্নেল দিস্ত্রিক্ত প্রোগ্রাম অমসুং এস্পিরেস্নেল ব্লোক প্রোগ্রামদা অহেনবা মীৎয়েং থম্লি। রাজ্যশিংনা মখোয়গী লমশিংদা অখন্নবা মীৎয়েং চংবগী মথৌ তাবা লমশিং অসিসু চপ মান্ননা মশক খঙদোকপা য়াই। ঐখোয়না রাজ্য সরকারগী থাক্তা অনৌবা রিফোর্মশিং লেপ্পা লৈতনা পায়খৎকদবনি। ঐখোয়গী পুন্না হোৎনবনা কর্নাতকাবু চাউখৎপগী অনৌবা থাক্তা পুখৎকনি হায়না ঐনা থাজবা থম্লি। ঐখোয় পুন্না চাউখৎলবা ভারত অমগী ৱারেপ অদু মপুং ফাহনগনি। ৱাখল্লোন অসিগা লোয়ননা, ঐহাক্না অমুক্কা হন্না ময়াম পুম্নমকপু চাউখৎ-থৌরাংগী প্রোজেক্তশিং অসিগীদমক থাগৎপা ফোংদোকচরি। হন্না-হন্না থাগৎচরি!
মরুপশিং,
সেন্ত্রেল গবর্নমেন্ত ওইগেরা নত্রগা স্তেত গবর্নমেন্ত ওইগেরা, ঐখোয় পুম্নমক্না মীয়ামগী শেবা তৌনবা মফমসিদা লৈ। ঐখোয়না লৈবাক মীয়ামগী য়াইফনবা পুন্না থবক পায়খৎকদবনি। মসিগী মাইকৈ অসিদা খ্বাইদগী মরু ওইবা থৌদাংশিংগী মনুংদা অমা হায়রগদি অনৌবা রিফোর্মশিং অসিনি! হৌখিবা চহি তরা অসিদা ঐখোয়না রিফোর্মশিং লেপ্তনা পাংথোক্লি। খুদম ওইনা হায়রবদা, ভারত সরকারনা আইনশিং অসি দি-ক্রিমিনেলাইজ তৌনবা জন বিশ্বাস বিল পাস তৌখ্রে। অমসুং হৌজিক ঐখোয়না জন বিশ্বাস ২.০সু পাস তৌরগনি। রাজ্য সরকারশিংনা দরকার লৈতবা ক্রিমিনেল প্রোভিজনশিং য়াওবা আইনশিং অদুসু মশক খঙদোকপা ঙম্মী অমসুং মখোয়শিং অদু লৌথোকপা ঙম্মী। ঐখোয়না মিসন কর্ময়োগী পাংথোক্লি হায়বদি সরকারগী এমপ্লোয়ীশিংদা কম্পিতেন্সীদা য়ুম্ফম ওইবা ত্রেনিং পীরি। রাজ্যশিংনা মখোয়গী ওফিসরশিংগীদমক মসিগী লর্নিং ফ্রেমৱার্ক অসিসু শীজিন্নবা য়াই। ঐখোয়না এস্পিরেস্নেল দিস্ত্রিক্ত প্রোগ্রাম অমসুং এস্পিরেস্নেল ব্লোক প্রোগ্রামদা অহেনবা মীৎয়েং থম্লি। রাজ্যশিংনা মখোয়গী লমশিংদা অখন্নবা মীৎয়েং চংবগী মথৌ তাবা লমশিং অসিসু চপ মান্ননা মশক খঙদোকপা য়াই। ঐখোয়না রাজ্য সরকারগী থাক্তা অনৌবা রিফোর্মশিং লেপ্পা লৈতনা পায়খৎকদবনি। ঐখোয়গী পুন্না হোৎনবনা কর্নাতকাবু চাউখৎপগী অনৌবা থাক্তা পুখৎকনি হায়না ঐনা থাজবা থম্লি। ঐখোয় পুন্না চাউখৎলবা ভারত অমগী ৱারেপ অদু মপুং ফাহনগনি। ৱাখল্লোন অসিগা লোয়ননা, ঐহাক্না অমুক্কা হন্না ময়াম পুম্নমকপু চাউখৎ-থৌরাংগী প্রোজেক্তশিং অসিগীদমক থাগৎপা ফোংদোকচরি। হন্না-হন্না থাগৎচরি!
