Share
 
Comments
“Credit of India being one of the oldest living civilizations in the world goes to the saint tradition and sages of India”
“Sant Tukaram’s Abhangs are giving us energy as we move keeping in sync with our cultural values”
“Spirit of Sabka Saath, Sabka Vikas. Sabka Vishwas and Sabka Prayas is inspired by our great saint traditions”
“Welfare of Dalit, deprived, backwards, tribals, workers are the first priority of the country today”
“Today when modern technology and infrastructure are becoming synonymous with India's development, we are making sure that both development and heritage move forward together”

শ্রী বিত্থলায় নম

নমো সদগুরু, অদোম্না জ্ঞানগী মৈরানি। নমো সদগুরু, অশেংবা থৌজালগী শকলোন লৌরিবা। নমো সদগুরু, ভক্তাদা য়াইফ-মঙ্গোল পীনবীরিবা মীতম। নমো সদগুরু, মীংচৎকী মঙাল ওইরিবা। মসিৱারকরীগী ঋসিশিংনি। মহারাস্ত্রগী উপ মুখ্য মন্ত্রী শ্রী অজিৎ পাৱর, ওপ্পোজিসনগী লুচিংবা শ্রী দেবেন্দ্র ফদনাবিস, হান্নগী মন্ত্রী শ্রী চন্দ্রকান্ত পতিল, ৱারকরী সন্ত শ্রী মুরলী বাবা কুরেকরজী, জগতগুরু শ্রী সন্ত তুকারাম মহারাজ ইন্সতিত্যুতকী চিয়রমেন নিতিন মোর, স্পিরিচুএল ফ্রন্ত আচার্য় শ্রী তুসার ভিসলেজী, মফম অসিদা তিনবীরিবা নুপী অমদি নুপাশিং।

ভগবান বিত্থল অমসুং বারকরী সন্তশিংগী খুয়া খাদা ঐহাক্না থৌনিজরি! ঐখোয়গী স্ক্রিপচরশিংদা ঋসিশিংগী সৎসঙ্গ অসি মীওই মপোক্কী তাংনা ফংবা খুদোংচাবনি হায়বীরম্মি। করিগুম্বা ঋসিশিংগী থৌজাল ফংলবদি ঈশ্বরগী খুয়া-খাদা য়ৌরে হায়না লৌনৈ। ঙসি দেহুগী শেংলবা লাইফমলেন অসিদা লাকপদা ঐহাক্না ৱাখল্লোন অসিমক ফাওই। দেহু অসি সন্ত শিরোমনি জগতগুরু তুকারামজীগী পোক্নফমনি, কর্মস্থানসু ওইরি। ভগৱান পন্দুররঙ্গাগী থৱায় থাখিবা মফমসু ওইরি অমসুং মফম অসিগী মীয়াম্না সন্তকী মপুং ফাবা শক্লোন লৌরি। ৱাখল্লোন অসিগী লোয়ননা ঐহাক্না দেহুগী প্রজা, ইমা অমদি ইচে-ইচল পুম্নমক্তা ইকোক নোন্না খুরুমজরি। থা খরগী মমাংদা ঐহাক্না পালখি মার্গতা লেন মরিগী নেস্নেল হায়ৱে অনিগী উরেপ-উয়ুং তম্বগী খুদোংচাবা ফংজখি। শ্রী সন্ত জ্ঞানেশ্বর মহারাজ পালখি মার্গ অসি তাঙ্কক মঙাদা অমসুং সন্ত তুকারাম মহারাজ পালকী মার্গ অসি তাঙ্কক অহুমদা শাবা লোইশিনগনি। লুপা করোর ১১০০০ হেন্না চংদুনা তাঙ্ককশিং অসিদা কিমি ৩৫০ হেন্না শাংবা হায়ৱেশিং শাগনি। মসিনা লমদম অসিগী চাউখৎ-থৌরাংদা শাহৌ পীরগনি। ঙসি ঐহাক্না দেহুদা লাক্তুনা শিলা মন্দির শঙ্গাবগী খুদোংচাবা ফংজবা অসি লাইবক ফবনি। সন্ত তুকারামজী মশামক্না নুমিৎ ১৩ তপস্য তৌখিবা নুং অসিনা সন্ত তুকারামজীগী মঙাল ফংখিবগী খুদম ওইরি ঐহাক্না মসি নুং অমা খক্তা ওইনা লৌবগী মহুৎ কত্থোকপা অমসুং লৌশিংগী হৌরকফম ওই হায়না থাজৈ। দেহুগী শিলা মন্দির অসি লাইনীংবগী শক্তিগী তুংনফম অমা খক্ত নত্তনা মসিনা ভারতকী নাৎকী তুংলচৎকী লম্বীসু তাকপীরি। ঐহাক্না শেংলবা লাইফম অসি নৌনা শেমগৎপগীদমক তেম্পল ত্রস্ত অমসুং ভক্তি পুম্নমক্তা তৌবীমল খঙবা উৎচরি।

 

 

 

মরুপশিং,

লৈবাক অসিনা আজাদী কা অমৃত মহোৎসব পালন তৌরিবা তানফম অসিদা ঐখোয়না মালেমগী হিংদুনা লৈরিবা খ্বাইদগী অরিবা সভ্যতা অমা ওইবদা চাউথোকচবা পোকই। করিগুম্বা মসিগী মনা অসি কনাগুম্বদা পীবা তারবদু মসি ভারতকী ঋসিগী চৎনবী অমসুং মুনীশিংদা পীফম থোকই মরমদি ভারত অসি সন্তশিংগী লমদম অমনি। তাঙ্কক খুদিংমক্তা ঐখোয়গী লৈবাক অমদি খুন্নাই অসিবু লমজিংবীনবা অথোইবা মীশক খরা অদুমক থোরকই। ঙসি লৈবাক অসিনা সন্ত কবিরদাসকী মপোক কুমওন পালন তৌরি। মসি শ্রী সন্ত জ্ঞানেশ্বর মহারাজ, সন্ত নিবরুত্তিনাথ, সন্ত সোপনদেব অমসুং অদি-শক্তি মুক্তা বাইজী অসিগুম্বা সন্তশিংগী সমাধি অসিগী চহি ৭২৫ শুবগী কুমওন তারি। অসিগুম্বা মশক অথোইবা মীওইশিং অসিনা ঐখোয়গী ইতর্নিতী ঙাকতুনা ভারতপু ইনোৎ হাপতুনা লাকখি। সন্ত তুকারাম অসি সন্ত বহিনাবাইনা সন্তশিংগী মন্দির হায়না কৌখি। মহাক্না অৱাবা অমসুং খুদোংথিবা কয়া মায়োক্নখি। মহাক্কী মতমদা চাক তাংবগী থৌদোক থেংনখি। মহাক্না অরাম খৌরাংবা উখি। অসিগুম্বা অৱাবা তানফম অসিদা মীয়াম্না থাজবা লৈত্রবা তানফমদা সন্ত তুকারামজীনা খুন্নাই খক্তগী নত্তনা তুংলমচৎকী আশাগী মঙাল ওইখি! মীয়ামগী শেবাগীদমক মহাক্কী অহল লমন্না পীবিরম্বা লনশিং কত্থোকখি। নুং অসিনা মহাক্কী কত্থোকপগী খুদম ওইরি।

 

 

মরুপশিং,

সন্ত তুকারামজীগী থৌজাল হৈবা, মীনুংশি চাউবা অমসুং শেবা তৌবগী গুনশিং অদু ঐখোয়গী ইরক্তা ঙসিসু মহাক্কী ‘অভঙ্গা’ শক্লোন লৌদুনা লৈরি। মসিগী ‘অভঙ্গশিং’ অসিনা মীরোনশিংদা ইথিল পীরি। তুমদুনা মাংখিদবা অদুদি মুৎনাইদনা লৈরি অমসুং মতমগা চুন্নদুনা লৈ, মসিমক ‘অভঙ্গা’নি। ঙসিসু লৈবাক অসিনা মসিগী নাৎকী পাউতাকশিং অসিগা লোয়ননা মাংদা চংশিল্লিবা তানফম অসিদা সন্ত তুকারামগী অভঙ্গশিংনা ঐখোয়দা ইনোৎ হাপ্লি। সন্ত নমদেব, সন্ত একনাথ, সন্ত সবতা মহারাজ, সন্ত নরহারি মহারাজ, সন্ত সেনা মহারাজ, সন্ত গোরোবা-কাকা, সন্ত চোখামেলাদগী ঐখোয়না মখোয়গী অরিবা অভঙ্গ অসিনা অনৌবা ইথিল ফংদুনা লাকখি। ঙসি ঐহাক্না সন্ত চোখামেলা অমসুং মহাক্কী ইমুং-মনুংনা শৈরেংবা সার্থ অভঙ্গগাথা ফোঙবগী খুদোংচাবা ফংজরি। অর্থ লৈরবা অভঙ্গগাথা অসি অরায়বা লোলদা ৱাহন্থোক্কা লোয়ননা সন্তকী ইমুং অসিনা অভঙ্গ ৫০০ হেন্না হন্দোক্লি।

ইচিল-ইনাওশিং,

সন্ত তুকারামজীনা হায়বীরমখি – উঞ্চ নীচ, কাহী নেনে ভগবন্ত।। হায়বদি খুন্নাইদা অনেম অৱাং খাইবা, মীওইবগী মরক্তা খেন্নবা থম্বা অসি অচৌবা পাপি। ঈশ্বরদা কত্থোকপদা মহাক্না তাকপীরম্বা অসি মরু ওইবা অদুগুম্না মসি লৈবাকনীংবদা চপ মান্ননা মরু ওই। মসি খুন্নাইগী ভক্তিগীদমক্তসুনি। মসিগী পাউজেল অসিগী লোয়ননা ৱারকরী ইচিল ইনাওশিংনা চহি খুদিং পন্ধরপুরদা চৎলি। মসিনা মরম ওইরগা লৈবাক অসিনা সবকা সাথ, সবকা বিকাস, সবকা বিশ্বাস অমসুং সবকা প্রয়াসকী ৱাখল্লোনগা লোয়ননা মাংদা চংশিল্লি। মীওই খুদিংমক্না খেন্নবা লৈতনা সরকারগী স্কিম খুদিংমক ফংলি।

পন্ধরী গী ৱারী অসি চপ মান্নবা খুদোংচাবা পীবগী খুদম অমা ওইদুনা লাকখি।

মরুপশিং,

সন্ত তুকারামজীনা হায়বীরমখি – জে কা রঞ্জলে গাঞ্জলে, ত্যাসী মহনে জো আপুলে। তোচি সাধু ওলখাবা, দেব তেথে-চু জানাবা।। হায়বদি খুন্নাইগী লাস্ত মাইলদা লৈরিবা মীওইগী য়াইফনবা তৌবা অসি সন্তকী চৎনবীনি। মসি ঙসিগী লৈবাক অসিগী অনত্যোদয়গী ফিরেপনি মসিগা লোয়ননা লৈবাক অসিনা মাংদা চংশিল্লি। দলিত, খুদোংচাবা ফংদ্রবা, শোত্থরবা, আদিবাসী, শিন্মীশিংগী য়াইফ-থৌরাং অসিদা লৈবাক অসিনা খ্বাইদগী মরু ওইবা মীৎয়েং চংলি।

ইচিল-ইনাওশিং,

সন্তশিং অসি মখোয় মশাদা য়াওজবা ইনর্জী অমগুম্বনি মখোয়না খুন্নাইদা শক্লোন কয়া তৌদুনা তোঙান-তোঙানবা ফীভমশিংদা মতেং পীরি। ছত্রপতি শিবাজী মহারাস অসিগুম্বা লৈবাক অসিগী অথৌবশিংগী পুন্সিদা তুকারামগুম্বা সন্তনা য়াম্না মরু ওইবা থৌদাং লৌখি। নীংতম ইহৌগী মতমদা ভীর সভার্করদা চৈরাক পীবদা মহাক্না কৈশুমশঙদা খুৎতা য়োৎলিং থাংদুনা তুকারামগী অভঙ্গশিং শকখি। সন্ত তুকারামনা তোঙান-তোঙানবা তাঙ্ককশিংদা লৈবাক অসিদা থৌনা অমদি ইনোৎ হাপখি।

মরুপশিং,

পন্ধরপুর, জগন্নাথ, মথুরাগী ব্রিজ পরিক্রমা নত্ত্রগা কাশি পঞ্চকোসি পরিক্রমা, চার ধাম নত্ত্রগা অমরনাথ য়াত্রা অসিগুম্বা ‘য়াত্রাশিং’ অসি পল্লদুনা মসিনা ঐখোয়গী লৈবাক অসিগী দাইভর্সিতী পুনশিনখিবা অমসুং এক ভারত শ্রেস্থ ভারতকী ৱাখল্লোন পোকহনখি। মখোয়গী য়াত্রাশিং অসিগী খুত্থাংদা ঐখোয়গী সন্তশিংনা ‘এক ভারত শ্রেস্থ ভারত’কী ৱাখল্লোন অসি পোকহনখি। ভারতনা দাইভর্সিতী কয়াগী মরক্তা লৈরবসু চহি লিশিং কয়া লৈবাক অমা ওইনা লেপচবা ঙমখি।

ইচিল-ইনাওশিং,

ঐখোয়গী নেস্নেল য়ুনিতী মপাঙ্গল কনখৎহন্নবা ঐখোয়গী অরিবা মতমগী শক্লোন অমসুং চৎন-লোনচৎশিং ঙাক্তুনা থম্বা হায়বসি ঐখোয়গী থৌদাংনি। মরম অদুনা ঙসি মোদর্ন তেক্নোলোজী অমসুং ইনফ্রাস্ত্রকচর অসিনা ভারতকী চাউখৎ থৌরাংগা পুন্না চৎমিন্নবা মতমদা ঐখোয়না চাউখৎ থৌরাং অমসুং হেরিতেজ অনিমক পুন্না মাংলোমদা চংশিন্নবা হোৎনরি। পাল্কি য়াত্রা মোদর্নাইজেসন তৌবা, চার ধাম য়াত্রাগী অনৌবা হাইৱেশিং শেমগৎপা, অয়োধ্যদা অচৌবা রাম মন্দির শাবা, কাশি ভিশ্বানাথ ধাম নৌনা শেমগৎ শাগৎপা অমসুং সোমনাথতা পাইখৎলিবা চাউখৎ থৌরাংগী থবকশিং অসিনা খুদমশিং ওইরি। প্রশাদ স্কিমগী মখাদা লাইফমশিংশেমগৎলি। ববাসাহেবকী রমায়ন সর্কিৎ অমসুং পঞ্চ তির্থ শেমগৎলি। করিগুম্বা মীপুম খুদিংমক্না হোৎনরিবা অসি অচুম্বা মাইকৈদা চৎলবদি ৱারোইশিন পুরকপা ঙমদবা অৱাবা খুদিংমক ৱারোইশিন পুরকপা ঙমগনি। ঙসি নীংখা তম্বগী চহি ৭৫শুবা মতম অসিদা চাউখৎ থৌরাংগী স্কিমশিং সেচুরেসন তৌদুনা চাদা ১০০ এম্পাৱর তৌবগী মাইকৈদা চংশিল্লি।

মরুপশিং

সন্ত তুকারামনা হায়রম্মি – অসাধ্য তে সাধ্য করিতা সায়াস। কারন অভ্যাস তুকা মহনে। মসিনা হায়বদি করিগুম্বা মীপুম খুদিংমক্না অচূম্বা মাইকৈদা হোৎনবদি ওইথোকপা য়াদবা ফাওবা ওইথোকপা ঙম্মি হায়নি। ঙসি নীংখাতম্বগী চহি ৭৫শুবা মতম অসিদা লৈবাক অসিনা পান্দমশিং চাদা ১০০ ফংহন্নবা ৱারেপ লৌরি। লৈবাক অসিনা লাইরবশিংগীদমক্তা পাইখৎলিবা স্কিমশিং  হায়বদি মখোয়গী পুন্সিদা চংবা তঙাইফদবা পোৎলমশিং ওইরিবা ইলেক্ত্রিসিতী, ঈশিং, য়ুম অমসুং অনা লাইয়েং অসি ঐখোয়না মীপুম খুদিমক্তা য়ৌহনগদবনি। মসিগা মান্ননা লৈবাক অসিনা মহৌশাগী খলগী, ঈশিং-য়োকশিনবা অমসুং তুরেলশিং কন্নবা কেম্পেনশিং হৌদোকখ্রে। ঐখোয়না মশা-মউ ফবা ফবা অমসুং মশা –মউ ফবা ভারত অমগী ৱাশক লৌরি। ঐখোয়না মসিগী ৱারেপশিং অসি চাদা ১০০ থুংহনগদবনি। মসিগীদমক্তা ঐখোয়ন পুম্নমক্কী হোৎনবা, ঐখোয় পুম্নমক্না শরুক য়াবা চংই। করিগুম্বা ঐখোয়না লৈবাক অসিগী সর্ভিস তৌবগী থৌদাং অসি ঐখোয়গী লাইনীং লাইশোনগী ৱারেপশিংগী মরক্তা অমা ওইহল্লবদি লৈবাক অসিনা মান্নবা থাক্তা কান্নবা ফংগনি। ঐখোয়না প্লাস্তিক শিজিন্নদনবা ৱারেপ লৌগদবনি, করিগুম্বা ঐখোয়না ঐখোয়গী অকোইবদা লৈরিবা পুখ্রি, পাৎ, তুরেলশিং অসি লু নান্না থম্নবা ৱারেপ লৌরবদি অকোইবা ফীভম অদু ঙাক্তুনা থম্বা ঙমগনি। অমৃত মহোতসবতা লৈবাক অসিনা জিলা খুদিংমক্তা অমৃত সরোভর ৭৫ শান্নবা ৱারেপ লৌখ্রে। করিগুম্বা মসিগী অমৃত সরোভরশিং অসি অদোমগুম্বা সন্ত কয়াগুম্বদগী থৌজাল ফংলবা, মখোয়বু শেমগৎপদা অদোম্না থৌদাং লৌরবদি মসিগী থবক অসিগী খোংজেল য়াংশিনবা ঙমগনি। হৌজিক্কী ওইনা লৈবাক অসিনা নেচরেল ফার্মিং অসি কেম্পেন অমা ওইনা চত্থরি। মসিগী থবক অসি ৱার্করি ঋসিশিংগী ৱাখল্লোনশিংগা মরী লৈনৈ। ঐখোয়না নেচরেল ফার্মিং অসি লৌফম খুদমক্তা য়ৌহন্নবা ঐখোয় পুন্না হোৎনবা মথৌ তাই। মালেমগী ওইবা য়োগগী নুমিৎসু নুমিৎ খরগী মনুংদা লাক্লগনি। হৌজিক মালেম পুম্বদা শন্দোরক্লিবা য়োগ অসি ঐখোয়গী ঋসিশিংগী খুদোলনি। অদোম পুম্বনা য়োগগী নুমিৎ অসি থৱাই য়াওনা অমসুং লৈবাক্কী থৌদাং লৌদুনা অমসুং অনৌবা ভারতকী মংলান অদু মংফাওনহন্দুনা শরুক য়াগনি হায়না ঐহাক্না থাজবা থম্লি। মসিগী অপাম্বা অসিগা লোয়ননা ঐহাক্কী ৱারোল অসি লোইশিনজগে অমসুং ঐহাক্না ইকোক নোন্না অদোম পুম্বনা খুদোংচাবা অসি পীবীবগীদমক, ইকাই খুম্নবা উৎপীবগীদমক থাগৎপা ফোঙদোকচরি।

জয় জয় রামকৃষ্ণ হরি জয় জয় রামকৃষ্ণ হরি হর হর মহাদেভ।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Viral Video: Kid Dressed As Narendra Modi Narrates A to Z of Prime Minister’s Work

Media Coverage

Viral Video: Kid Dressed As Narendra Modi Narrates A to Z of Prime Minister’s Work
...

Nm on the go

Always be the first to hear from the PM. Get the App Now!
...
PM congratulates Asha Parekh ji on being conferred the Dadasaheb Phalke award
September 30, 2022
Share
 
Comments

The Prime Minister, Shri Narendra Modi has congratulated Asha Parekh ji on being conferred the Dadasaheb Phalke award.


In a reply to a tweet by the President of India, Smt Droupadi Murmu , the Prime Minister tweeted:

“Asha Parekh Ji is an outstanding film personality. In her long career, she has shown what versatility is. I congratulate her on being conferred the Dadasaheb Phalke award.”