Dedicates to nation campuses of several important education institutes like IIT Bhilai, IIT Tirupati, IIITDM Kurnool, IIM Bodh Gaya, IIM Jammu, IIM Visakhapatnam and Indian Institute of Skills (IIS) Kanpur
Inaugurates, dedicates and lays the foundation stone of multiple projects for upgrading infrastructure in several higher educational institutes across the country
Inaugurates AIIMS Jammu
Lays foundation stone of new terminal building of Jammu Airport and Common User Facility Petroleum depot at Jammu
Dedicates to nation and lays the foundation stone of several significant road and rail connectivity projects in Jammu and Kashmir
Inaugurates and lays foundation stone for several projects for strengthening the civic and urban infrastructure across Jammu and Kashmir
“Today’s initiatives will propel holistic development in Jammu and Kashmir”
“We will ensure a Viksit Jammu Kashmir”
“To create a Viksit Jammu and Kashmir, the government is focussed on the poor, farmers, youth and Nari Shakti”
“New India is spending more and more to provide modern education to its present generation”
“The mantra of Sabka Saath, Sabka Vikas, Sabka Vishwas and Sabka Prayas is the foundation of the development of Jammu and Kashmir”
“For the first time, the common people of Jammu and Kashmir are receiving the assurance of social justice given in the Constitution of India”
“A new Jammu Kashmir is coming into being as the biggest hurdle to its development was removed with the abrogation of article 370”
“World is excited for a Viksit Jammu and Kashmir”

ভারত মাতা কি জয় ।

ভারত মাতা কি জয় ।

ভারত মাতা কি জয় ।

জম্মু অমসুং কাস্মিরগী লেপ্তনেন্ত গভর্নর মনোজ সিনহা জি, মন্ত্রীমন্দলগী ঐগী মরুপ জিতেন্দ্র সিংহ, সংসদতা ঐগী মরুপ জুগল কিশ্বর জি, গুলান নবী অজাদ অমসুং জম্মু অমসুং কাস্মিরগী ঐগী নুংশিরবা ইনাওশিং, জয় হিন্দ, অমুক হন্না দুগ্গারগী লম অসিদা অমুক লাক্লে। দোগরে বরে মিলন সার নে, এ জিন্নে মিলান্সর নে উন্নি গা মিত্তি… ইন্দি ভাসা য়ে। তং গে তে… দুগ্গর দি কবিত্রি, পদ্ম সচদেব নে অখে দে য়ে- মিথরি য়ে দোগরেয়ান দি বোলি তে খন্দ মিথে লোগ দোগরে।

ঐহাক্কা অদোমগা চহি ৪০ হেন্না লেপ্তনা মরী অমা লৈনরক্লি। ঐ থৌরম কয়া শরুক য়াখ্রে, কয়ারক লাকক্রে অমসুং হান্নগী মফম অদুদা থৌরম অসি পাংথোকপনি হায়না হৌজিক জিতেন্দ্র সিংহনা ঐঙোন্দা হায়রে। ঙসিগী মীয়াম অসি অঙকপনি, নোং-চিংগী ফিবম য়াম্না ফত্তে, য়াম্না ইংই, নোং চুরি অদুবু অদোম কনা অমতা মচি লেংদে। অসিগুম্বা মফম অহুমদা মশিং য়াম্লবা মীয়াম অচৌবা স্কৃন্দা থৌরম অসি য়েংলি হায়বা ঐ খঙলে। তোঙান-তোঙানবা মফমশিংদগী জম্মু অমসুং কাস্মিরগী মশিং য়াম্লবা মীয়াম লাকপা অসি ঐখোয়গী লাইবক ফবনি। ঙসিগী থৌরম অসি বিকসিত ভারত মথন্থগী নত্তে মসিদা লৈবাক শীনবা থুংবগী মহৈলোয়শঙশিংগী মীওই লাখ কয়া য়াওরে। থৌরম অসি জম্মু অমসুং কাস্মিরদা ব্লোক ২৮৫ দা অসিগুম্বা স্কৃন্দা মীয়াম্না য়েংলি অমসুং তারি হায়বা মনোজ জিনা হায়বদগী খঙলে। জম্মু অমসুং কাস্মিরগী লৈহাওদা অসিগুম্বা অচৌবা থৌরম কয়া মফম কয়াদা নিংথিনা পাংথোক্লে, মতম খুদিংদা মহৌশানা ঐখোয়না শিংনরি, ঐখোয়দা চাংয়েং তৌরি। অসিগুম্বা থৌরম অসি শীনবগীদমক য়ুনিয়ন তেরিতোরি জম্মু অমসুং কাস্মিরগী মীয়াম  থাগৎচরি।

 

মরুপশিং,

ঐনা জম্মু অমসুং কাস্মিরগী মীওই খরা ৱারি শানবগী খুদোংচাবা ফংখিবা অমসুং মখোয়গী ৱাখলশিং ময়েক শেংনা অমসুং হরাওনা ফোঙদোকখিবা অদুদগী ঐ ঙসি মফম অসিদা ৱা ঙাংগদরা নত্ত্রগা ঙাংলোইদরা হায়না ঐ খল্লি। মখোয়না ঙাংবা তাখিবা লৈবাক অসিগী মীওই খুদিংমক পুক্নিং থৌগৎগনি, মহাক্কী থাজবা লোইবা নাইরোই অমসুং গরেন্তিগী ৱাহন্থোক করিনো হায়বা খঙগনি, মীওই ৫ অসিনা ঐখোয়গা ৱারি শান্নদুনা মসি খুদম ওইনা উৎলে। ঐনা মখোয় থাগৎচরি।

​মরুপশিং,

বিকসিত ভারত অমসুং বিকসিত জম্মু অমসুং কাস্মিরগী পান্দমগীদমক হরাওবা অসি তশেংনা মমাঙদা অমুক্তা থেংনদ্রি। মসিগী হরাওবা অসিনা ঐখোয়না বিকসিত ভারত সংকল্প যাত্রাদা উবা ফংখি। মোদীগী গরেন্তিগী গারি খুঙ্গং খুদিংমক্তা থুংলবদা মীয়াম্না তরাম্না ওকখি। সরকারনা মখোয়গী থোংজিলদা লেপ্লবা অসি জম্মু অমসুং কাস্মিরগী পুৱারিদা মসিনা অহানবনি। সরকারগী কান্নবশিং বেনিফিসরি খুদিংমক্কী থোংজিলদা য়ৌহন্নবা অমসুং বেনিফিসরি অমতা চিৎথহৌদনবা হোৎনবা হায়বসি মোদীগী গরেন্তিনি, মসি থম্বালগী অঙকপনি। হৌজিক ঐখোয় বিকসিত জম্মু অমসুং কাস্মিরগী ৱাশক লৌরে। ঐনা অদোমদা থাজবা থম্লি। ঐখোয়না জম্মু অমসুং কাস্মির চাউখৎহনগনি। চহি ৭০ মঙফাওন্দনা লৈরক্লবা মঙলানশিং মোদীনা অথুবা মতমদা মঙফাওনহল্লগনি।

ইনাওশিং অমসুং ইচলশিং

জম্মু অমসুং কাস্মিরগী নিংবা কাইবগী পাউ খক্তা তাবা মতম অমা লৈরমখি। বোম্বশিং, নোংমৈশিং, মী ফাবা, নাইতোম তাবা অসিগুম্বা থবকশিংনা জম্মু অমসুং কাস্মিরগী লাইবক থিবা ওইখি। চাউখৎপগী ৱাশক অমগা লোয়ননা ঙসি জম্মু অমসুং কাস্মির মাঙলোমদা চঙশিল্লে। ঙসিমক, লুপা করোর লিশিং ৩২গী প্রোজেকশিং উরেপ-উয়ুং তম্লে অমসুং খরনা শঙ্গারে। প্রোজেকশিং অসিনা লাইরিক-লাইশু, স্কিল, থবক, হকশেল, উদোগ অমসুং লম্বী-থোংগা মরী লৈনবনি।

 

ঙসি লৈবাক অসিগী তোঙান-তোঙানবা সহরশিংদা প্রোজেক কয়া শঙ্গারে। রাজ্য কয়াদা আই.আই.তি অমসুং আই.আই.এমগুম্বা মহৈলোয়শঙশিং পাকথোক-চাউথোকহল্লে। হায়রিবা চাউখৎ-থৌরাংগী প্রোজেকশিং অসিগীদমক জম্মু অমসুং কাস্মির, লৈবাক শীনবা থুংনা অমসুং লৈবাক অসিগী নহারোলশিংদা নুংঙাইবা ফোঙদোকচরি। ঙসি মফম অসিদা নহারোল চা কয়াদা সরকারগী এপোইন্তমেন্ত লেত্তরশিং য়েন্থোক্লে। ঐনা নহারোলশিংদা ঐগী য়াইফ-পাউজেল পীজরি।

মরুপশিং,

শাগৈগী রাজনিতিনা মরম ওইদুনা জম্মু অমসুং কাস্মির মীরোল কয়া মীরাইদুনা লাকখি। শাগৈগী রাজনিতি তৌরবশিংনা মতম পুম্নমক্তা মখোয় মশাগী য়াইফনবা খনখি অমসুং অদোমগী য়াইফনবা খনখিদে। কনাগুম্বা অমনা শাগৈগী রাজনিতিগী খুদোংচাদবা মায়োক্নরবদি, মদু ঐখোয়গী নহারোলশিং, ঐখোয়গী ইচানুপাশিং অমসুং ইচানুপীশিং ওইগনি। ইমুং অমা খক য়োকখৎলিবা সরকারশিংনা অতোপ্পা নহারোলশিংগী তুংগী পুন্সি খুদোংথিবদা থমখি। অসিগুম্বা শাগৈগী রাজনিতিগী সরকারশিংনা নহারোলশিংগী স্কিমশিং পায়খৎনবা লুম্না লৌখিদে। মখোয়গী ইমুং-মনুং খক্তগী খনবা মীওইশিংনা কৈদৌঙৈদা অদোমগী ইমুংগী অৱাবগী মরমদা খল্লোই। ইমুং-মনুংদা য়ুম্ফম ওইবা রাজনিতিদগী জম্মু অমসুং কাস্মির মনিংতম্বদা ঐ অপেনবা ফাওই।

 

​মরুপশিং,

বিকসিত জম্মু অমসুং কাস্মির ওইহন্নবা, ঐখোয়গী সরকারনা লায়রবা, লৌমীশিং, নহারোলগী শক্তি অমসুং নুপীগী শক্তিদা মীৎয়েং চঙলি। মতম খরগী মমাঙদা, রাজ্য অসিগী নহারোলশিং অৱাংবা থাক্কী মহৈ অমসুং প্রোফেসনেল ইজুকেসনগীদমক অতোপ্পা রাজ্যশিংদা চৎখি। ঙসিদি জম্মু অমসুং কাস্মির ইজুকেসন অমসুং স্কিল দিবলপমেন্তগী মফম অমা ওইরে। হৌখিবা চহি ১০দা লৈবাক অসিদা লাইরিক-লাইশুগী থবক মতমগা চুনবা মওংদা শেমগৎনবা ঐখোয়গী সরকারনা পায়খৎখিবা থবকশিংগী মহৈ ঙসি মফম অসিদা উবা ফংলে। দিশেম্বর ২০১৩দা, বি.জে.পিগী লালকার রেল্লি শরুক য়ানবা ঐ মফম অসিদা লাকখিবা অদু ঐ নিংশিংলি, ঐনা মসিগী লম্পাক অসিদগী অদোমগী মফমদা থাজবা খর পীখি। করিগীদমক জম্মুদা অনৌবা মহৈলোয়শঙশিং হায়বদি আই.আই.তি অমসুং আই.আই.এমশিং শারোইদৌরিবনো হায়বা ৱাহং ঐনা হংখি। হায়রিবা ৱাশকশিং অদু ঐখোয়না থবক ওইনা পাংথোক্লে। হৌজিক জম্মুদা আই.আই.তি অমসুং আই.আই.এম লৈরে। মরম অদুনা মীয়াম্না হায়রি মদুদি, মোদীগী গরেন্তি হায়বগী ৱাহন্থোক্তি গেরেন্তি অদু থবক ওইনা পাংথোকপনি। ঙসি মফম অসিদা আই.আই.তি জম্মুগী একাদেমিক কমপ্লেক্স অমসুং হোস্তেল শঙ্গারে। ঐনা নহারোলশিংগী হরাওবা উরে। মসিগা লোয়ননা, ঙসি আই.আই.তি ভিল্লাই, আই.আই.তি জম্মু, আই.আই.তি তিরুপতি, আই.আই.আই.তি.দি.এম কাঞ্চীপুরম; কানপুরদা লৈবা এদভান্স তেক্নোলোজীগী পাইওনীয়র স্কিল ত্রেনিং ইন্সতিত্যুত অমা ওইরিবা ইন্দিয়ন ইন্সতিত্যুত ওফ স্কিল্স (আই আই এস)গী পর্মানেন্ত কেম্পস অমসুং দেবপ্রয়াগ (উত্তরাখন্দ) অমসুং আগর্তালা (ত্রিপুরা)দা লৈবা সেন্ত্রেল সংস্কৃত য়ুনিভর্সিতীগী কেম্পস অনি শঙ্গারে। ঙসি, আই.আই.এম জম্মুগা লোয়ননা, বিহারদা আই.আই.এম বোধ গয়া অমসুং অন্ধ্র প্রদেসতা আই.আই.এম বিশাখাপত্নম কেম্পস মফম অসিদগী শঙ্গারে। মসিগী মথক্তা, এন.আই.তি দিল্লি, এন.আই.তি অরুনাচল প্রদেস, এন.আই.তি দুর্গাপুর, আই.আই.তি খারাকপুর, আই.আই.তি বোম্বে, আই.আই.তি দিল্লি, আ.আই.এস.ই.আর বেহরাম্পুর, ত্রিপল আই.তি লাখনৌগী একাদেমি ব্লোকশিং, হোস্তেলশিং, লাইব্রেরিশিং, ওদিওতোরিয়মশিং ঙসি শঙ্গারে।

মরুপশিং,

অসিগুম্বা থাক অমদা ইজুকেসন অমসুং স্কিল দিবলপমেন্ত সেক্তর চাউখৎহনবা হায়বসি চহি ১০গী মমাঙদা য়াম্না লাপ্না লৈখি। অদুবু মসি অনৌবা ভারতনি। হৌজিক অমসুং তুংগী মীরোলশিংগীদমক মতমগা চুনবা ইজুকেসনগীদমক হৌজিক পাল্লিবা সরকার অসিনা শেনফম খ্বাইদগী য়াম্না চাদিং তৌরে। হৌখিবা চহি ১০দা,লৈবাক অসিদা রেকোর্দ ওইনা স্কুলশিং, কলেজশিং  অমসুং য়ুনিভর্সিতিশিং লিংখৎলে অমসুং জম্মু অমসুং কাস্মিরদা অনৌবা দিগ্রি কলেজ ৫০ লিংখৎলে। স্কুল তমদ্রিবা অনৌবা অঙাং ৪৫,০০ হৌজিক মিং চল্লে অমসুং মহৈরোয় নুপীমচাশিং লাইরিক তম্না য়াম্না লাপ্না চৎত্রে। মতম অমদা স্কুলশিং মৈ থারমখি, হৌজিক স্কুলশিং ফগৎহল্লে।

 

মরুপশিং,

ঙসি, জম্মু অমসুং কাস্মিরদা হকশেলগী খুদোংচাবশিং য়াংনা ফগৎলে। ২০১৪ গী মমাঙদা জম্মু অমসুং কাস্মিরদা মেদিকেল কলেজ ৪ লৈরম্বদগী হৌজিক ১২ য়ৌরে অমসুং ২০১৪দা এম.বি.বি.এস সিত ৫০০ লৈরম্বদগী হৌজিক ১৩০০ য়ৌরে অমসুং ২০১৪দা পি.জি সিত অমতা লৈরমদবদগী হৌজিক সিত ৬৫০ লৈরে। হৌখিবা চহি ৪দা নর্সিং কলেজ অমসুং পেরামেদিক কলেজ ৪৫ লিংখৎলে। হায়রিবা কলেজশিং অসিদা সিত চা কয়া হাপচিল্লে। জম্মু অমসুং কাস্মিরদা এ.আই.আই.এম.এস অনি লিংখৎতুনা লৈবাক অসিদা এ.আই.আই.এম.এস অনি লৈবা রাজ্য ওইরে। হায়রিবা অনি অসিগী মনুংদা অমা ঙসি শঙ্গাবগী খুদোংচাবা ঐনা ফংলে। ঙসি মফম অসিদা তিল্লিবা অমসুং ঐনা ঙাংবা তারিবা অহল ওইরবা মরুপশিং, মসি থাজবগী ৱাংমদা লৈরমগনি। নিংতম্লবা মতুং চহি কয়া, দিল্লিদা এ.আই.আই.এম.এস অমা খক লৈখি। অরুবা অনাবশিং লায়য়েংনবা দিল্লিদা চৎনৈ। জম্মুদা এ.আই.আই.এম.এস অমা থম্নবা ঐনা থাজবা পীখি। মসিগী থাজবা অসি ঐনা থবক ওইনা পাংথোক্লে। হৌখিবা চহি ১০দা, লৈবাক অসিদা অনৌবা এ.আই.আই.এম.এস অমা ১৫ লিংখৎনবা অয়াবা পীরে। মখোয়গী মনুংদা অমা ঙসি জম্মুদা অদোমগী সেবা তৌরগনি। এ.আই.আই.এম.এস কাস্মিরগী থবকশু য়াম্না য়াংনা পায়খৎলি।

মরুপশিং,

ঙসি ঐখোয়না অনৌবা জম্মু অমসুং কাস্মির অমা শেম্লে। জম্মু অমসুং কাস্মির চাউখৎহনবদা আর্তিকল ৩৭০না অচৌবা অপনবা অমা পীরি। মসি বি.জে.পি সরকারনা লৌথোক্লে। হৌজিক জম্মু অমসুং কাস্মির থোং মান্ননা চাউখৎপগী মাইকৈদা চঙশিল্লে। হন্দক্কী চয়োল অসিদা আর্তিকল ৩৭০গী ফিল্ম অমা রিলিজ তৌরগনি হায়বা ঐ তারে। ফিল্ম অসি করি ওইগনি হায়বা ঐ খঙদে, আর্তিকল ৩৭০গী ফিল্ম অমা লৈরে হায়বা তি.ভিদগী ঐনা তাবনি। মসিদা অচুম্বা পাউ ফংলবদি মসি মীয়ামগী ওইনা কান্নগনি।

মরুপশিং,

৩৭০না মরম ওইদুনা, অদোম্না ৩৭০গী শক্তি উরে, ঙসি ঐনা লৈবাক মীয়ামদা চাউথোক্না হায়রি মদুদি মথংগী মীখলদা বি.জে.পি সিত ৩৭০ কাহল্লু অমসুং এন.দি.এ সিত ৪০০ হেন্না ফংহল্লু। হৌজিক রাজ্য অসিগী মফম অমতা হুন্দোক্লম্লোই অমসুং মীওই খুদিংমক পুন্না চাউখৎমিন্নগনি। চহি কয়া লায়রনা হিংলকপা মীওই কয়া হৌজিক সরকার লৈরি হায়বা খঙলে। ঙসিদি খুঙ্গং খুদিংমক্তা রাজনিতিগী অনৌবা ইহৌ অমা অদোম্না উরে। মীচং-মীখাই নাইবা, শেঞ্জা-থুমজা অমসুং পেনহলবগী মায়োক্তা নহারোলশিংনা লাউরক্লে। ঙসি জম্মু অমসুং কাস্মিরগী নহারোল খুদিংমক মখোয় মশাগী তুংগীদমক মাঙলোমদা চঙশিল্লে। বন্দশিং অমসুং স্ত্রাইকশিংনা মরম ওইদুনা মতম অমদা তুমিন্না লৈরম্বা অদু হৌজিক নুংঙাইবা পুন্সি উরে।

 

মরুপশিং,

মমাঙগী সরকারশিংনা চহি কয়া  জম্মু অমসুং কাস্মিরগী মীয়ামগী থাজবশিং অমসুং অনিংবশিং মীরাইদুনা লাকখি। হান্নগী সরকারশিংনা ঐখোয়গী দিফেন্সকী মীওইশিং ফাওবা মীরাইরমখি। ৱার রেঙ্ক ৱেন পেন্সন চৎহনগনি হায়দুনা কংগ্রেস সরকারনা লান্মীশিংদা চহি ৪০ ওইদবা ঙাংখি। অদুবু বি.জে.পি সরকারনা মতম কয়াগী মমাঙদগী তকশিন্দুনা লাকখিবা ৱান রেঙ্ক পেন্সন ফংহনখ্রে। ৱার রেঙ্ক ৱেন পেন্সন চৎনবদগী জম্মু অমসুং কাস্মিরগী এক্স-সর্বিসমেনশিং লুপা করোর ১৬০০ হেন্না ফংখ্রে। অদোমগী অনিংবা অমসুং অপাম্বশিং খঙবা সরকার অমা লাকপা মতমদা, সরকার অদুনা য়াংনা থবক তৌই।

মরুপশিং,

অহানবা ওইনা, জম্মু অমসুং কাস্মিরগী মীয়াম্না ভারত সংবিধান্না পীবা খুন্নাইগী অচুম্বা ফংলে। রিফিজি ইমুংশিং, বালমিকি ফুরুপ অমসুং সফাই কর্ম্মাচারিশিংদা সংবিধান্না পীবা খুন্নাইগী অচুম্বা কাইনথংদা ফংহল্লে। চহি কয়া তক্নদুনা লাকখিবা অদু থবক ওইনা পাংথোক্তুনা বালমিকি ফুরুপ এস.সি ফংলে। পাদ্দারি, পহারি, গাদ্দা ব্রাহ্মনশিং অমসুং কোলিশিং সেদুল ত্রাইব কাংলুপ্তা য়াওরে। লেজিসলেতিপ এশেমব্লিদা এস.তিগী রিজার্বেসন থম্লে অমসুং পঞ্চয়াতশিং অমসুং অর্বান লোকেল বোদিশিংদা ও.বি.সিগী সিত খাক্লে। সবকা সাথ, সবকা বিকাস, সবকা বিশ্বাস অমসুং সবকা প্রায়াস অসি চাউখৎলবা জম্মু অমসুং কাস্মিরগী য়ুম্ফমনি।

 

মরুপশিং,

জম্মু অমসুং কাস্মিরদা পায়খৎলিবা চাউখৎ-থৌরাংগী থবকশিংগী কান্নবা অয়াম্বা নুপীশিংনা ফংলে অমসুং পি.এম অৱাস য়োজনাগী মখাদা শারি পাক্কাগী য়ুমশিং নুপীশিংগী মমিংদা পাল্লে, হর ঘর জল স্কিম পায়খৎলে, তোইলেতশিং শারে অমসুং অয়ুস্মান কার্দশিং য়েন্থোক্লে। ইচলশিং অমসুং ইচানুপীশিংগী পুন্সি হিংবদা লাইরে। আর্তিকল ৩৭০ লৌথোকপদগী হান্না মখোয়গী হকশিং ফংলমদবা নুপীশিংদা মখোয়গী হকশিং খুদোল ওইনা পীরে।

মরুপশিং,

অদোম নমো দ্রোন দিদি স্কিম তারম্লগনি। মোদীগী গরেন্তিদি ঐখোয়গী ইচলশিং দ্রোন পাইলোতশিং ওইহনবনি। ঙরাং ঐ ইচল অমগী ইন্তরভিয়ু অমা য়েংখি, মহাক সাইকল কমদৌনা থৌগনি হায়বা ফাওবা খঙদে হায়না মহাক্না হায়খি অমসুং ঙসিদি ত্রেনিং ফংলবা মতুংদা, মহাক দ্রোন পাইলোত অমা ওইরবা মতুংদা য়ুমদা হল্লক্লে হায়খি। নমো দ্রোন দিদি স্কিমনা মশিং য়াম্লবা নুপীশিং দ্রোন পাইলোতশিং ওইনবা ত্রেনিং পীরে। লৌউ-শিংউ অমসুং ইঙ্খোল কোইবদা মতেং পাংনবা সেল্ফ-হেল্প গ্রুপশিংদা লুপা লিশিং কয়াগী মমল ওইবা দ্রোনশিং পীনবা সরকারনা ৱারেপ লৌরে। তিলহাৎ-হিদাকশিং নত্ত্রগা হার চাইবগী থবক লাইনা পাংথোক্তুনা মখোয়গী অহেনবা ইনকম তানবা ঙমহল্লগনি।

 

মরুপশিং,

মমাঙদা, ভারতকী অতৈ মফমদা পায়খৎপা থবক অমা, জম্মু অমসুং কাস্মরিদা মদুগী কান্নবশিং ফংলমদে নত্ত্রগা থেংনা লাকখি। হৌজিক লৈবাক শীনবা থুংনা মতম অমতদা পায়খৎলিবা চাউখৎ-থৌরাংগী থবকশিং মতম অমতদা জম্মু অমসুং কাস্মিরদা পায়খৎলে। জম্মু অমসুং কাস্মিরদা লম্বী-থোংগী ফিবম ফগৎলে। জম্মু এয়রপোর্ত পাকথোক-চাউথোকপগী থবক পায়খৎলে, কাস্মিরগী কন্যাকুমারি ফাওবা রেলনা শম্নরে, শ্রীনাগরদগী সঙ্গালদান অমসুং বরমুল্লা ফাওবা ত্রেনশিং চেল্লে। মীয়াম্না কাস্মিরদগী ত্রেন অমা তোংলগা লৈবাক শীনবা থুংনা কোইবা চৎপা য়াগদবা মতম অদু কুইদ্রে। লৈবাক অসিদা রেলৱেজশিং মৈ ফংহনবগী অচৌবা খোঙজং অমা পায়খৎলি। ঙসি অহানবা ইলেক্ত্রিক ত্রেন চেনবা হৌবগীদমক জম্মু অমসুং কাস্মিরগী মীয়ামদা নুংঙাইবা ফোঙদোকচরি। মসিনা পোল্লুসন হন্থহনবদা মতেং পাংলে।

মরুপশিং,

বন্দে ভারতগুম্বা অনৌবা ত্রেনশিং চেনবা হৌগদবা অহানবা লম্বীশিংগী মরক্তা জম্মু অমসুং কাস্মির য়াওরে। জম্মু অমসুং কাস্মিরদা বন্দে ভারত ত্রেন অনি চেল্লি অমসুং মাতা বৈষ্ণো দেবী য়ৌবদা ঐ নুংঙাইহল্লে।

 

​মরুপশিং,

জম্মু অমসুং কাস্মিরদা খুঙ্গংগী লম্বীশিং, জম্মু সহরগী লম্বীশিং নত্ত্রগা নেসনেল হায়ৱেশিংগী থবক পায়খৎলে। ঙসি লম্বী কয়া শঙ্গারে অমসুং উরেপ-উয়ুং তম্লে। মসিদা শ্রীনাগর রিং রোদকী অনিশুবা ফেজ য়াওরি। মসি লোইশিল্লকপদা, মনাসবাল পাৎ অমসুং খির ভাৱানি লাইশঙ য়ৌবা লম্বীগী ফিবম ফগৎহল্লগনি। শ্রীনাগর-বরামুল্লা-উরি হায়ৱে শেমগৎপা লোইশিল্লকপদা লৌমীশিং অমসুং লমকোয়বা মীওইশিং কান্নবা পীরগনি। দিল্লি-অমৃতশর-কাত্রা এক্সপ্রেসৱে পাকথোক-চাউথোকপগী থবক অসিনা জম্মু অমসুং দিল্লিগী মরক্তা চৎথোক-চৎশিন তৌবা নুংঙাইহল্লগনি।

 

মরুপশিং,

জম্মু অমসুং কাস্মির চাউখৎলকপদা মালেম শীনবা থুংনা হরাওরে।  ঐ হন্দক গল্ফ লৈবাকশিংদা চৎলুবা মতমদা, য়ু.তি অসিদা শেন থাদনিংবগী অপাম্বা ফোঙদোকলকখি। জম্মু অমসুং কাস্মিরদা জি-২০গী মীফম কয়া পাংথোকখ্রে অমসুং মালেম শীনবা থুংনা রাজ্য অসিগী ফজবা অমসুং কলচর উবদা ঙাউখ্রে। মীওই খুদিংমক জম্মু অমসুং কাস্মিরদা চৎনিংলে। হৌখিবা চহিদা জম্মু অমসুং কাস্মিরদা লমকোয়বা মীওই করোর ২ হেন্না লাকখি। হৌখিবা চহি ১০দা অমরনাথ জি অমসুং শ্রী মাতা বৈষ্ণো দেবীদা লাকপা লাইখুরুম্বা মীওই মশিং খ্বাইদগী য়াম্না হেনগৎলে। লমকোয়বা মীওই লাকপগী মশিং হেনগৎলক্লিবা অসি য়েংলগা ইনফ্রাস্ত্রকচর য়াংনা শেমগৎনবা খন্নরি। লমকোয়বা মীওই মশিং হেনগৎলকপা অসিনা মফম অসিদা অনৌবা থবকশিং ফংনবগী খুদোংচাবশিং পীরগনি।

মরুপশিং,

হৌখিবা চহি ১০দা, ভারত মালেমদা খ্বাইদগী চাউবা ইকোনোমিগী ১১শুবা মফমদা লৈরম্বদগী হৌজিক ৫শুবা মফমদা লৈরে। লৈবাক অমগী শেন-থুমগী ফিবম ফগৎলকপা মতমদা করি ওইগনি? সরকারনা মীয়ামগীদমক চাদিং তৌবা হেনগৎলক্কনি।শেন-থুমগী ফিবম ফগৎলকপদগী য়াইফ-থৌরাংগী স্কিমশিংদা সরকারনা শেন থাদবা হেনগৎলে। ভারতনা লেম্না চানবা চেঙ, অনা-লায়য়েং, পাক্কাগী য়ুম, গ্যাস কন্নেক্সন, তোইলেতশিং, পি.এম কিষান সম্মান নিধি পীরে। মসি শেন-থুমগী ফিবম ফগৎলকপদগী ওইথোকপনি। লাক্লিবা চহি ৫দা ভারত মালেমদা ৩শুবা খ্বাইদগী চাউবা ইকোনোমি ওইরগনি। মসিদা লায়রবশিংগী য়াইফনবা সরকারনা চাদিং তৌবা শরুক কয়া হেনগৎহনগনি। কাস্মরি তম্পাক্তা শেমগৎকদৌরিবা অসিগুম্বা ইনফ্রাস্ত্রকচরশিং অসিনা মীয়াম সুইজরলেন্দদা চৎপা কাউহনগনি। জম্মু অমসুং কাস্মিরগী ইমুং খুদিংমক মসিগী কান্নবা ফংগনি।  

অদোম্না ঐখোয় মখা তানা থৌজালগনি। ঙসিগী অচৌবা থৌরমশিং অসি জম্মু অমসুং কাস্মিরগী পুৱারিদা লৈহৌরগনি, মসি ঐখোয়গী পহারি ইনাওশিং অমসুং ইচলশিংগীদমকনি, মসি ঐখোয়গী গুরজার ইনাওশিং অমসুং ইচলশিংগীদমক্নি, মসি ঐখোয়গী পন্দিৎশিংগীনি, ঐখোয়গী বালমিকি ইনাওশিংগীনি। বিকাস উৎসব অমা পাংথোক্লে, ঐনা অদোমগী মফমদা করিগুম্বা অমা হংলি। করি ওইগনি। অদোম থবক অমা পাংথোকমিন্নসি। অদোমগী মোবাইল ফোন পায়দুনা অমসুং ফ্লাস লাইত থান্দুনা বিকাস উৎসব অসি নুংঙাইবা ফোঙদোকমিন্নসি।

মীওই খুদিংমক, অদোমগী মোবাইল ফোনগী ফ্লাস থাবীয়ু। লেপ্লিবা মীওই খুদিংমক অদোমগী মোবাইল ফোন ফ্লাস থাবীয়ু অমসুং ঐখোয় বিকাস উৎসব তরাম্না ওক্লসি। বিকাস উৎসব অসিগী মঙালনা জম্মু অমসুং কাস্মিরদা ঙাল্লিবা অসি লৈবাক শীনবা থুংনা উবা ওইরসনু।

ঐগা লোয়ননা হায়মিন্নসি-

ভারত মাতা কি জয় ।

ভারত মাতা কি জয় ।

ভারত মাতা কি জয় ।

অদোম থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How India's digital public infrastructure can push inclusive global growth

Media Coverage

How India's digital public infrastructure can push inclusive global growth
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 24 এপ্ৰিল, 2024
April 24, 2024

India’s Growing Economy Under the Leadership of PM Modi