অতল অৱসিয় বিদ্যলায় 16 শঙ্গাখ্রে
“কাশী সন্সদ সংশকৃতী মহোৎসবকুম্বা হোৎনজমন্না অরিবা শহর অসিগী নাৎকী মতিক মগুনগী মপাঙ্গল হেনগৎহল্লি”
কাশীনা মহাদেবগী থৌজালদগী মমাংদা অমুক্তা লৈরমদ্রিবা চাউখৎ থৌরাংগী ৱারি ইরি
“কাশী অমসুং নাৎ হায়বসি চপ মান্নবা ইনর্জীগী তোঙানবা মমিং অনিনি”
“কাশীগী অকোয়বা খুদিংদা ঈশৈ নোংমাইগী ইচেল চেল্লি, মসিদি নত্রাজ মশামক্কী শহরনি”
“ঐহাক্না মফমসিদা ইং 2014দা লাকখিবা মতমদা কাশীগী চাউখৎ থৌরাং অমসুং হেরিতেজকী মতাংদা মঙজখিবা মঙলান অদু হৌজিক্তি তপ্না তপ্না মঙফাওনবা হৌরক্লে”
“ভরানসীনা মশাগী ইনক্লুসিব ওইবা ইথিলগী মরমদগী চহি চা কয়াদগী মহৈ তম্বগী ময়োল ওইদুনা লাকখি”
“তুরিস্ত গাইদকী চৎনবীবু ঐহাক্না কাশীদা মশক থোক্না চাউখৎহনবা অমসুং কাশীগী তুরিস্ত গাইদশিংবু মালেম্না খ্বাইদগী ইকায় খুম্নবা মীওই ওইহনবা পাম্মি”

হর হর মহাদেব!

উত্তর প্রদেসকী চীফ মিনিস্তর শ্রী য়োগী অদিত্যনাথ জি, ফম্বাক্তা লৈরিবা শক্নাইরবশিং, কাসি সংসদ সংস্কৃতিক মহোৎসবতা শরুক য়ারিবশিং, অমসুং রুদ্রক্ষ সেন্তরদা তিল্লিবা ঐগী নুংশিরবা কাসিগী মীয়াম!

বাবাগী থৌজালদগী, কাসি ইকায়খুম্নবা নোংম-নোংমগী হেনগৎলক্লি। জি-২০ মীফমগী খুৎথাংদা মালেম শীনবা থুংনা ভারতনা মসিগী ফিরাল পাইহল্লে, মীফম অসিদা কাসিদা পাংথোকখিবা মীফম অদু অখন্নবা অমা ওইখি। কাসিগী মহাও, কাসিগী নাৎ অমসুং কাসিগী ঈশৈ… জি-২০গী কাসিদা লাকখিবা মীওই খুদিংমক মসি মখোয় নিংশিংদুনা লৈখি। মহাদেবগী থৌজালদগী জি-২০ অসি অঙকপা অমগা লোয়ননা মাইপাক্না পাংথোকপা ঙমখিবনি হায়না ঐনা থাজৈ।

মরুপশিং,

বাবাদগী থৌজালদগী, মমাঙদা অমুক্তা ওইখিদ্রিবা ফিবমদা হৌজিক কাসি চাউখৎলে। অদোম্না খল্লিবা অদু চুম্বরা? মসি অদোম্না খঙগনি। ঐনা হায়রিবা অসি অচুম্বনি হায়না অদোম খনবরা? অদোম অহোংবশিং উবরা? কাসি চাউখৎলবরা? মালেমদা কাসিগী মিংচৎ হেনগৎলবরা?

মরুপশিং,

ঙসি ঐনা বরানাসীগী ইন্তরনেসনেল ক্রিকেদ স্তদিয়মগী উরেপ-উয়ুং তম্লে। হৌজিক ঐনা য়ু.পিগী অতল  অৱাসিয়া বিদ্যলয় ১৬ শঙ্গাখ্রে। হায়রিবা থবকশিং অসিগীদমক ঐনা কাসিগী মীয়ামদা নুংঙাইবা ফোঙদোকচরি। ঐনা উত্তর প্রদেসকী মীয়াম থাগৎচরি, ঐনা ঐগী শিন্মীগী ইমুং-মনুংশিং থাগৎপা ফোঙদোকচরি।

নুংশিরবা ঐগী ইমুং-মনুংগী মীওইশিং,

কাসি চাউখৎনবা মঙলান অমদা ঐ মফম অসিদা ২০১৪দা লাকখি অমসুং ঐগী মঙলানশিং অদু হৌজিক তপ্না-তপ্না থবক ওইনা উবা হৌরক্লে। দিল্লিদা থবক য়াম্না চিল্লবসু, অদোমগী কাসি সংসদ সংস্কৃতিক মহোৎসব শরুক য়ানবা ঐ লাকপনি অমসুং মীয়াম মশিং য়াম্না শরুক য়াবা ঐ উরে। অদোম্না শরুক য়াবা উবদা ঐ অপেনবা পোকই। ফজবা ঈশৈ, ফজবা থৌরমশিং! কাসি সংসদ সংস্কৃতিক মহোৎসবকী খুৎথাংদা, লমদম অসিগী হৈথোই-শিংথোইরবা কয়া হকথেংননা উনবগী খুদোংচাবা অমা ঐনা ফংলে। থৌরম অসিদা কালাকার লিশিং ৪০ রোম শরুক য়ারি অমসুং ভাবক লাখ কয়া মসি নুংঙাইনা য়েংলি। বরনাসকী মীয়ামগী হোৎনবদগী, মসিগী কুহ্মৈ অসি লাক্লিবা চহিশিংদা কাসিগী তোপ-তোপ্পা মশক অমা ওইরক্কনি হায়না ঐনা থাজৈ। কুহ্মৈ অসিগী শক্তি হেনগৎলক্তুনা মীওই খুদিংমক্না মসিগী চাংদম্না অসিদা ঐ শরুক য়ারুরে হায়না ইগনি। চাংদম্নবা অদুদা ঐ মনা ফংলে হায়গনি। কুহ্মৈ অদুদা নহাক মার্ক ফংলবদি, নহাক ইন্তরভিয়ু তৌবগী দরকার ওইদ্রে হায়রকপা মতম অমা লাক্লগনি। ঐখোয়গী লৈবাক , ঐখোয়গী কাসি অসি মালেমদা লমকোয়বা মীওইশিংগী অনৌবা পুক্নিং চিংশিনফম অমা ওইহল্লসি।

নুংশিরবা ঐগী ইমুং-মনুংগী মীওইশিং,

কাসি অমসুং নাৎ অসি পোৎশক অমগী মমিং অনিনি। অদোম্না মখোয় শেৎতোক্নবা ঙম্লোই। কাসি অসি লৈবাক অসিগী নাৎকী কোনুং ওইনবগী চপ চাবা মশক লৈজরি। কাসিগী লৈরক খুদিং ঈশৈনা খোন্থাং য়ৈরি। মসি মহৌশানি। মসিনা মরম ওইদুনা মসি নাতরাজগী মশাগী সহরনি। জগোয় খুদিংমক নাতরাজগী তান্দবতগী হৌরকখিবনি। খোঞ্জেল খুদিংমক মহাদেবগী দামরুদগী হৌরকখিবনি। কলাগী মখল খুদিংমক্কী বাবাগী ৱাখলদগী থোরকখিবনি। কলা মখলশিং অসি ভারত মুনিগুম্বা আদি আচার্য়াশিংনা শেমগৎলকখিবনি। কাসি হায়বগী ৱাহন্থোক্তি ‘মতম তরেৎ-কুহ্মৈ মাপল’ হায়বনি, ঐগী কাসিদা ঈশি য়াওদনা কুহ্মৈ অমতা মপুংফাদে। য়ুমদা পুনবা নত্ত্রগা ফম্বাক্কী বুধৱা মঙ্গাল, ভারত মিলাপ নত্ত্রগা নাগ নাথাইয়া, সংকাতমোচানগী ঈশিগী থৌরম নত্ত্রগা দেব-দিৱাই, খুদিংমক ঈশৈ ঙাক্তনি।

মরুপশিং,

কাসিগী মমাংঙৈগী ফজরবা ক্লাসিকেল ঈশৈগুম ফম অসিগী খুনুং ঈশঙ চপ মান্ননা ফজরি। মফম অসিদা তবলা, সেহনাই অমসুং সিতার লৈরি। মফম অসি সারাঙ্গী লৈরি, বীনা খোঙলি। চহিচা কয়া ঈশৈগী মখল কয়া হায়বদি খায়াল, থুমরি, দাদ্রা, চাইতি অমসুং কাজরি বনারসনা ঙাক-শেন্দুনা থম্লক্লি। মীরোল অমদগী মীরোল অমদা মথং মথং শীন্নবা, ইমুংশিং অমসুং গুরু-সিস্যগী চৎনবীশিংনা ভারতকী থৱায় ওইরিবা চৎনবী অসি হিংদুনা লৈহনবনি। বরানসকী তেলিয়া ঘারানা, পিয়ারি ঘারানা, রামাপুরা-কাবিরচৌরা লৈকায়গী শৈশকপশিং, মখোয় সহর অসিগী লন অমা ওইরি। মালেম শীনবা থুংনা মমিং চৎলবা বরানসকী কলাকার কয়া লৈরি। করিগুম্বা ঐনা মখোয় অমমমগী মমিং পন্দুনা লৈরিবদি নুমিৎ কয়ানি চঙগনি। মরম অদুনা, মালেমদা মমিং লৈরবা কয়া ঐখোয়গী মাঙদা লৈরে। বরানসকী নাৎকী শক্নাইরবা কয়াগা উনবগী খুদোংচাবা অমা ঐনা ফংলে।

মরুপশিং,

ঙসি মফম অসিদা কাসি এম.পি স্পোর্তস কম্পিতিসনগী পোর্তেলসু হাংদোক্লে। মসি এম.পি স্পোর্তস কম্পিতিসন, এম.পি কলচরেল কম্পিতিসন ওইবা য়াই, মসি কাসিদা অনৌবা চৎনবী অমা হৌদোকপনি। হৌজিক মফম অসিদা কাসি এম.পি নোলেজ কম্পিতিসনশু পাংথোক্লগনি। থবক অসি কাসিগী পুৱারি, মসিগী হেরিতেচ, মসিগী কুহ্মৈশিং অমসুং মসিগী চীঞ্জাকশিংগী মরমদা খঙবা হেনগৎনবনি। বরানসকী তোঙান-তোঙানবা সহর অমসুং খুঙ্গংগী লমদা তোঙান-তোঙানবা থাকশিংদা এম.পি নোলেজ কম্পিতিসন পাংথোক্কনি।

মরুপশিং,

কাসিগী মীয়াম খক্তনা কাসিগী মরমদা খঙই অমসুং মফম অসিগী মীওই খুদিংমক, ইমুং খুদিংমক তশেংনা কাসিগী ব্রান্দ এম্বেসেদরনি। মসিগা লোয়ননা, মীওই খুদিংমক্না কাসিগী মরমদা মখোয়না খঙলিবা অদু মপুংফানা অতোপ্পদা শরুক য়াবা মরুওই। মসি লৈবাক অসিদা অহানবা ওইগনি, মফম অসিদগী থবক হৌবা ঐ পাম্মী। হৌজিক্কী মতম অসিদা, লমকোয়ফম অমদা অফবা গাইদশিং য়াম্না দরকার ওই। গাইদ অদু হৈথোই-শিংথোইবা ওইগদবনি, ই-পাউ ফজনা খঙগদবনি। হৌজিক তুরিস্ত গাইদশিং থবক য়াম্না ফংলে। মসি লমকোয়বা লাক্লিবশিংনা খুদিংমক খঙনিংবদগী ওইহনবনি। তুরিস্ত গাইদশিংদসু শেন পীবা পাম্মী। হৌজিক মফম অসিদা কাসি এম.পি তুরিস্ত গাইদ কম্পিতিসন অমসু শীল্লগনি। অদোম্না গাইদ অমা ওইবা মতমদা, মফম অমগী মতাংদা মীয়ামদা শন্দোক্না তাকপদা,  মনা ফংগনি। মসিনা মরম ওইদুনা মীয়াম্না সহর অসিদা গাইদশিংগী চৎনবী অমা লৈরে হায়বা খঙগনি। কাসি অসি মালেম শীনবা থুংনা খঙহনবা পাম্বদগী থবক অসি পাংথোকপা ঐনা পাম্বনি। মালেমগী মফম অমগী মীওই অমনা গাইদশিংগী মরমদা ৱারি শানবা মতমদা, কাসিগী গাইদশিংগী মমিংশিং ইকায়খুম্নবগা লোয়ননা পনগনি। কাসিগী মীয়াম হৌজিক্তগী থৌরাং তৌনবা অমসুং মসি থৱায় য়াওনা শরুক য়ানবা ঐনা হায়জরি।

 

নুংশিরবা ঐগী ইমুং-মনুংগী মীওইশিং,

ঐখোয়গী বরানস অসি চহিচা কয়া মরুওইবা লাইরিক-লাইশু তমফম অমা ওইদুনা লাক্লি। বরানসকী লাইরিক-লাইশুগী খ্বাইদগী চাউবা মরুওইবা য়ুম্ফমদি মসিনা মীওই কাংলুপ খুদিংমক কোনশিনবা অসিনি। মফম অসিদা লৈবাক অমসুং মালেমগী মফম খুদিংমক্কী মীওইশিং লাইরিক তম্বা লাকখি। ঙসি ফাওবদা, মালেমগী লৈবাক কয়াগী মীওইশিং মফম অসিদা সংস্কৃত তম্বা অমসুং লৌশিং তানবা লাক্লি। মসিগী য়েংদুনা, ঙসি ঐখোয়না অতল অৱাসিয়া বিদ্যলয়শিং থবক হৌরে। ঙসি শঙ্গারিবা অতল অৱাসিয়া বিদ্যলয়শিংগীদমক লুপা করোর ১১০০ চাদিং তৌখ্রে। স্কুলশিং অসি ঐখোয়গী শিন্মীশিং অমসুং খুন্নাইগী তোল্লবশিংগী মচাশিং লাইরিক তম্নবনি। মসিগী মখোয়না অফবা মগুন লৈবা মতমগা চুনবা ইজুকেসন ফংবা ঙমগনি। কোরোনা লাইচৎতা লৈখিদ্রবশিংগী মচাশিং হায়রিবা স্কুলশিং অসিদা লেম্না তম্বা য়াগনি। কোর্সশিং অসিগা লোয়ননা হায়রিবা স্কুলশিং অসিদা ঈশৈ, কলা, ক্রাফ, কম্পুতর অমসুং শান্ন-খোৎনবগী ওজাশিং লৈগনি। হৌজিক লায়রবা অঙাংশিং খ্বাইদগী ফবা ইজুকেসন ফংনবা মখোয়গী মঙলানশিং মঙফাওনবা ঙম্লগনি। কেন্দ্র সরকারগী মাইকৈদগী ত্রাইবেল অঙাংশিংগী এক্লাব্য রেসিদেন্সিএল স্কুলশিং শেমগৎলে। অনৌবা ইজুকেসন পোলিসিগী মখাদা ঐখোয়না অরিবা ৱাখল্লোনশিং অহোংবা পুরক্লে। হৌজিক ঐখোয়গী স্কুলশিং অনৌবা ওইরে। ক্লাসশিং হেন্না ফজরে। লৈবাক অসিগী স্কুল লিশিং কয়া মতমগা চুনবা মওংদা শেমগৎনবা ভারত সরকারনা পি.এম-শ্রী অভিয়ান হৌদোক্লে। স্কিম অসিগী মখাদা স্কুল লিশিং কয়া অনৌবা তেক্নোলোজিশিং শীজিন্নরে।

মরুপশিং,

কাসিগী এম.পি অমা ওইনা, মফম অসিদা অনৌবা থবকশিং পায়খৎপা মতমদা ঐনা অদোমগী মতেং ফংলি। অতল অৱাসিয়া বিদ্যলয়শিং অসি শিন্মীশিংগী মচাশিংগীনি। ঐখোয়না রাজনিতিগী খুদোংচাবা অমতা লৌনবগী অনিংবা অমতা লৈতে। মখোয়গী পু্ক্নিং-ৱাখল অমসুং থৱায়-হকচাং মীখল খক্তগী খনবা মীওইশিং পাম্বৈ অমনা হেক্তা ভোৎ ফংনবা শান্নবগী হৈনবী লৈ। কমদৌনা মখোয়না শেন মাঙহনবগে হায়বা নহাক্না হঙলবদি খঙগনি।

অঙাংশিং অসিগী ইমুং অসি মখা তানা অমুক হন্না শিন্মী ওইনা থবক শুদনবা অঙাংশিং অসি শেমগৎনবা ঙসি য়োগীজি অমসুং ঐগা ৱারি শানরে। হৌজিক ঐনা অতল অৱাসিয়া বিদ্যলয়গী অঙাং খরগা ৱারি শানরে, মখোয় শিন্মীগী ইমুংশিংগী অঙাংশিংনি অমসুং মখোয়গী চপ চাবা য়ুম কৈদৌঙৈদা উদ্রি। ঐনা মখোয়গী ওজাশিংশু থাগৎপা ফোঙদোকচরি। মহাক্না ৱা ঙাংখিবা অমসুং মহাক্না প্রধান মন্ত্রীদা ৱাহং হংখিবগী মওং অদু ঐ অমুক্তা থেংনদ্রি। হায়রিবা অঙাংশিং অসি থৌনা অমসুং লৌশিং লৈ, চহি ১০গী মনুংদা, হায়রিবা স্কুলশিং অসিদগী উত্তর প্রদেস অমসুং কাসিগী মিংচৎ পুরক্কনি হায়না ঐনা চেৎনা থাজৈ।

কাসিগী ঐগী নুংশিরবা মীয়াম,

মসিগুম্না ঐঙোন্দা অদোমগী থৌজাল পীবীয়ু। মীয়াম পুম্নমক থাগৎচরি!

হর হর মহাদেব!

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How BrahMos can help India become Asia's key defence supplier

Media Coverage

How BrahMos can help India become Asia's key defence supplier
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government