জম্মু অমসুং কশ্মিরগী লেফতেনেন্ত গবর্নর শ্রী মনোজ সিনহাজী, কেন্দ্র মন্ত্রী মন্দলগী ঐহাক্কী খোঙলোই শ্রী প্রতাপরাও জাধবজী, অতোপ্পা মীথুংলেন অমদি জম্মু অমসুং কশ্মিরগী কাচিন কোয়াদগী ঐহাক্কা পুল্লিবা নহাশিং, ইচিল ইনাওশিং!
মরুপশিং,
ঐহাক্না ঙসি অয়ুক দিল্লীদগী শ্রীনগর চাৎনবা শেম শাবা মতমদা ৱাখল য়াম্না নুংশিরকখি। ঐহাক্না ঙসি য়াম্না নুংঙাইবা ফাওরিবনো হায়না ইশানা খঞ্জৈ। মসিগী মরম অনি লৈ হায়না ঐহাক্না খল্লি। হোই, অহুমশুবা মরম অমশু লৈ। ঐহাক্না মফমসিদা মতম কুইনা থবক তৌরকপনা অরীবা মীওই কয়াগা ঐহাক্কা শকখঙ মায়খঙনরি। তোঙান-তোঙানবা মফমশিংগা ঐহাক্কা অনকপা মরী লৈনরি। ময়আম অদু নীংশিংলকপা হায়বসি মশানা তাবনি। অদুবু মরম অনিদা ঐহাক্কী ৱাখল য়াম্না চীংশিল্লি। ঙসিগী থৌরম অসি জম্মু অমসুং কশ্মিরগী চাউখৎ থৌরাংগা মরী লৈনবা প্রোজেক্তশিংগী থবক্নি অমসুং অতোপ্পা অমনা, খোঙচৎ অসি লোক সভা মীখলগী মতুংগী জম্মু অমসুং কশ্মিরগী অহানবা খোঙচৎ ওইরিবনি ইচিল ইনাওশিং।
মরুপশিং,
ঐহাক মমাংগী চয়োলদা ইতালীদা জি-৭গী সম্মিত্তা শরুক য়াজরুই। মনোজজীনা হায়বীবগুম্না অহুম্লক শুবা ওইনা সরকার হায়বসিনা মালেমদা অচৌবা ইথিল অমা পীরি। মসিনা ঐখোয়গী লৈবাক্তা য়েংবা মালেমগী মিৎয়েংদা অহোংবা লৈহল্লি। মালেমগী অতোপ্পা লৈবাকশিংনা ঐখোয়গা নক্নবা মরী লৈননবা প্রাইওরিতী পীনরি। ঙসিদি ঐখোয় অসি লাইবক য়াম্না ফরবনি। ভারতকী মীয়ামগী ৱাখল্লোন অসি য়াম্না ৱাংলবনি। মসিনা লৈবাক্কী খ্বাইদগী চাউবা পাঙ্গল ওইগনি। মীয়ামগী অপাম্বা হেনগৎলক্লে, থাজবা থম্বা হেনগৎলক্লে। ফিভম অসিগী মরক অসিদা মীয়াম্না ঐখোয়দা শক্তি শিন্নরিবনি। মসিগী পেরামীতর অমখক লৈ- পরফোর্মেন্স। অদোম্না ইশাগী সেবাগী মতমদা করি পাংথোক্লম্বগে। মদুদি মিৎনা উবা ফংবনি। মসিদি সোসিএল মীদিয়ানা, ৱারোলনা লেপকদবা নত্তে, লৈবাক মীয়াম্না থেংনখিবা, উখিবা অদুনা মরম ওইরগা ঐখোয়না অহুম্লক শুবা ওইনা সরকার অমুক পায়রক্লিবনি। মীয়াম্না ঐখোয়দা থাজৈ অমসুং মখোয়গী অপাম্ববু ঐখোয়না থুংহনগনি।
মরুপশিং,
লোক সভাগী মীখল অসিদা মীয়ামগী মেন্দেতকী অচৌবা পাউজেল অসি স্তেবিলিতীনি। হৌখিবা চহিচাগী অরোইবা দিকেদতা লৈবাক অসিনা চাউখৎ-থৌরাংগী খোঙজেল চপ লেপতুনা চহি 10গী মনুংদা ইলেক্সন 5 পাঙথোকখিবা মতম অদুদা লৈরম্বা তংদু লৈতাদবগী মতৌ লৈরম্বা মীয়াম্না খঙনরে। হায়রিবা তাঙ্কক অদু থাদোক্তুনা, ভারতনা হৌজিক্তি দেমোক্রেসী মপাঙ্গল কনখৎহনগদবা স্তেবল গভর্মেন্তকী অনৌবা তাঙ্কক অমদা চংশিল্লি। অমসুং কাশ্মিরগী মীয়ামনা দিমোক্রেসী মপাঙ্গল কনখৎহনবদা থৌদাং কয়াশু ঐখোয়না লৌখি। ঐখোয়না অতল জীগী ৱাখল্লোন ওইরিবা ইন্সানিয়ত, জমহুরিয়ত ওর কাশ্মিরিয়ত অসি ঙসি মঙফাওনবা উবা ফংলি। হন্দক্কী মীখলশিংদা রেকোর্দ ওইনা ভোৎ থাদখি। জম্মু অমসুং কশ্মিরগী মীয়ামনা গনতন্ত্রদা থাজবা থম্বা অদুগীদমক থাগৎপা ফোঙদোকচরি। ঐহাক্না দেমোক্রেসীগী ফিরালবু ৱাংনা থম্বগীদমক্তা নখোয়না হোৎনরিবশিং অদুগীদমক ঐহাক্না থাগৎপা ফোঙদোক্নবা লাকচবনি।
জম্মু অমসুং কাশ্মিরদা অহোংবা পুরক্লিবা অসি হৌখিবা চহি ১০দা সরকারনা পায়খৎখিবা থবকশিংগী মহৈনি। লমদম অসিদা নুপীশিং অমসুং শেন্থোক ৱাৎপা কাংলুপকী মীওইশিং মখোয়গী হকশিং ফংদনা লৈরম্মি অদুবু হৌজিক লৈরিবা সরকার অসিনা "সবকা সাথ সবকা বিকাস"গী মন্ত্র অসি শিজিন্নদুনা মখোয়গী হকশিং অমুক হন্না ফংহন্নবা হোৎনরি। পাকিস্তানদগী মাইগ্রেৎ তৌরকপা রিফ্যুজীশিং, বাল্মিকী কম্ম্যুনিতীগী মীওইশিং অমসুং সফাই করমচারিগী ইমুংশিংনা অহানবা ওইনা ভোৎ থাদবগী হক ফংলি। ৱাল্মিকি কম্ম্যুনিতীবু SCগী কাংলুপতা য়াওহন্নবা মতম শাংনা চঙশিনখিবা অপাম্বা অদু মপুং ফাহনখ্রে। SC কম্ম্যুনিতীগীদমক্তা লেজিস্লেতিব এসেমব্লিদা সিৎ রিজর্ব তৌবা অমসুং পদ্দরী ত্রাইব, পাহারিয়া কাস্ত, গদ্দা ব্রহ্মন অমসুং কোলি কম্ম্যুনিতীবু SCগী কাংলুপতা য়াওহনবগী থৌওং কয়া ঐখোয়না পাংথোকখ্রে। পঞ্চায়ত, নগর পালিকা অমসুং নগর নিগমগী মীখলশিংদা OBC রিজর্বেসন চৎনহনখ্রে। ভারতকী সম্বিধানগী শক্তি অমসুং মসিগী নুংগী মরু ওইবা কয়া লৈরি, মসিনা ভারতকী নাগরিক করোর 140গী হকশিংবু মপাঙ্গল কনখৎহল্লি অমসুং লৈবাক শেমগৎপদা পার্তনর অমা ওইনবগী খুদোংচাবা পীরি। ভারতকী সম্বিধান য়াখিদবা অমসুং নীংতম্লবা মতুংদগী জম্মু অমসুং কাশ্মিরবু নাথৈদুনা থমখিবা অদু নুংঙাইতবা ফাওই। ঙসি ঐখোয়না ভারতকী সম্বিধানগী মখাদা হিংলিবা অসিদা ঐহাক নুংঙাইবা ফাওই। সম্বিধানগী খুত্থাংদা, ঐখোয়না কাশ্মিরগী মশক মওং অসি অফবা ওইহন্নবা অনৌবা পাম্বৈশিং পুথোক্লি। অশেংবা ৱাহন্থোক্তা জম্মু অমসুং কাশ্মিরনা ভারতকী সম্বিধানবু লৌশিনখ্রে। আর্তিকল 370গী ফকলাং অদু থুগাইখি।
হৌখিবা চহি ১০দা কাশ্মিরদা চাউখৎ-থৌরাং কয়া লাকখ্রে। কাশ্মির তম্পাক্তা অনৌবা অহোংবশিং মালেম্না উরি। G20 সম্মিৎ মনুংদা লমদম অসিগী মীয়াম্না উৎখিবা মীয়োক-মীচান ফবগী মতৌগীদমক ঐহাক্না মখা তানা থাগৎপা ফোঙদোক্লি। তম্পাক অসিদা G20 সম্মিৎগুম্বা মালেমগী থৌরম অমা পাঙথোকপা অসিনা কাশ্মিরগী মীয়ামদা চাউথোকচবা পোকহনখি। অঙাংশিংনা লাল চৌক্তা নুমিদাং অথেংবা ফাওবা শান্নবা উবদা ভারত মচা খুদিংমক্কী থম্মোয়দা নুংঙাইবা ফাওই। অদুগা মান্ননা, তম্পাক্কী কৈথেলশিংদা মীচিনবা অসিনা মীপুম খুদিংমক্কী মাইথোংদা নুংঙাইবগী মমি তাহল্লি। চহি অসিগী মার্চ থাদা দাল লেক্কী মনাক্তা পাঙথোকখিবা স্পোর্তস কার শো অদু মীয়াম্না খঙনরে। মালেম পুম্নমক্না থৌরম অদু য়েংখি, মসিনা তম্পাক অসিদা চাউখৎপগী খুদম অমা ওইখি। কাশ্মিরগী তুরিজম অসি করম্না তোক ওফ দি তাউন অমা ওইরক্লি। হয়েং পাঙথোক্কদৌরিবা ইন্তর্নেস্নেল যোগ দে প্রোগ্রাম অসিনা মফম অসিদা তুরিস্ত কয়াগী পুক্নিং চীংশিনগনি। লেফতনেন্ত গভর্নর সিনহানা হায়বগুম্না তম্পাক অসিদা লাকপা তুরিস্ত করোর 2 হেনবা মশিংনা রেকোর্দ থুগাইরি অমসুং মসিনা মফম অসিগী শেন্মিৎলোনদা চাউনা মতেং পাংলি।
মরুপশিং,
মমাংগী মীরোলগী অৱাবশিং অসিদগী লান্থোক্নবা লম্বী অমা ফংবা ঙম্নবা ঐহাক্না মপুং ফানা কত্থোকপা অমসুং পুকচেল শেংবা মওংগা লোয়ননা ইশাবু কত্থোক্তুনা হোৎনরি। ঐখোয়না দিল য়া দিল্লীগী মরক্তা লৈরিবা অরাপ্পা পুম্নমক মুত্থৎনবা হোৎনরি। দেমোক্রেসীগী মহৈ অসি ইমুং খুদিংমক্তা অমসুং মীওই খুদিংমক্তা য়ৌহন্নবগীদমক পুন্না হোৎনমিন্নবগী তঙাইফদবা লৈ। সেন্ত্রেল এসিস্তেন্সকী শেনফম পুম্নমক জম্মু অমসুং কাশ্মিরগী মীয়ামগী য়াইফনবা শিজিন্নরি। জম্মু অমসুং কাশ্মিরগী মীয়াম্না মখোয়গী মীহুৎ খনবা ফংজবা অমসুং মখোয়না মখোয়গী সমস্যাশিং কোকহন্নবা মখোয় মশানা হোৎনবা অসিদগী হেন্না ফবা করি লৈবগে। মসিনা মরম ওইদুনা এসেমব্লী ইলেক্সনগী শেম-শাবা হৌরে। নখোয় নশাগী ভোৎনা জম্মু অমসুং কশ্মিরগী অনৌবা সরকার খনগদবা মতম অদু পাংলাপ লাপত্রে। জম্মু অমসুং কাশ্মিরনা অমুক হন্না রাজ্য অমা ওইদুনা মাগী তুংলমচৎ শেমগদবা মতম অদু অথুবদা লাক্লগনি।
মরুপশিং,
জম্মু অমসুং কশ্মিরগী চাউখৎ থৌরাংগীদমক্তা ঙৈহাক্কী মমাংদা লুপা করোর 1,500 হেনবগী মরুওইবা চাউখৎ-থৌরাংগী প্রোজেক্তশিং অমসুং লুপা করোর 1,800গী এগ্রিকলচর এন্দ এল্লাইদ সেক্তর্স (JKCIP)গী থবক কয়া পায়খৎখ্রে। সরকারগী থবকশিংদা খোঙজেল য়াংনা থবক লৌবগীদমক মহাক্না UT এদমিনিস্ত্রেসনবু থাগৎপা ফোঙদোক্লি অমসুং হৌখিবা চহি 5দা থবক লৌবগী চাং চাউরাক্না 40,000 হেনখ্রে। জম্মু অমসুং কাশ্মিরদা অচৌবা ইনভেস্তমেন্ত কয়া অমা তৌবগী পোজিতিব ইম্পেক্ত কয়া লৈরে।
ইচিল ইনাওশিং,
জম্মু অমসুং কাশ্মিরদা চাউখৎ থৌরাংগী থবক কয়া খুমাং চাউশিল্লকপা অসি থাগৎনীংঙাইনি। ঙসি তম্পাক্তা রেল কনেক্তিবিতী, এজুকেসন, হেল্থ ইনফ্রাস্ত্রকচর, ইলেক্ত্রিসিতী অমসুং ঈশিং য়াওনা লম খুদিংমক্তা অচৌবা চাউখৎ-থৌরাংগী থবক কয়া পায়খৎপা উবা ফংলি। প্রধান মন্ত্রী গ্রামীন সরক য়োজনাগী মখাদা কিলোমীতর লিশিং কয়াগী লম্বী শেমখ্রে। অনৌবা হাইৱে অমসুং এক্সপ্রেসৱেগী মথক্তা, তম্পসক অসি রেলৱেগা শম্নহল্লগনি। চেনাব রেলৱেগী থোংগী ফজরবা শক্তম অসিনা মীপুম খুদিংমকপু চাউথোকচবা পোকহল্লি। মরুওইনা, অৱাং কাশ্মিরদা লৈবা গুরেজ তম্পাক্তা গ্রিদ কনেক্তিবিতীগী অহানবা ওইনা এক্সেস ফংখি। ঙসিদি তম্পাক অসি লৌউ-শিংউবদগী হৌরগা হোর্তিকলচর, স্পোর্তস অমসুং স্তার্ত-অপশিং ফাওবদা লম খুদিংমক্তা খুদোংচাবা কয়া ফংলি।
মরুপশিং,
জম্মু অমসুং কশ্মির অসি ঙসিদি তপ্না তপ্না স্তার্ত-অপ, স্কিল দিবেলপমেন্ত অমসুং স্পোর্তকী মরুওইবা মফম অমা ওইরক্লি। তম্পাক্কী লৌউ-শিংউগী সেক্তরদা চাদা 70 রোমদি স্তার্ত-অপশিংনি, হৌখিবা চহি খরদা তম্পাক অসিদা দিগ্রী কোলেজ 50 হেন্না লিংখৎখ্রে। পোলিতেক্নিক্কী সীৎশিং হেনগৎলক্লি, অমসুং অনৌবা স্কিলশিং তম্বগী খুদোংচাবা লৈরি। IIT, IIM, অমসুং AIIMS শাগৎলি লোয়ননা অনৌবা মেদিকেল কোলেজ কয়া অমসু শাগৎলি। মহাক্না হায়খি মদুদি তুরিজম অমসুং হোস্পিতালিতী সেক্তরদা লোকেলগী থাক্তা স্কিলশিং শেমগৎলি। তুরিস্ত গাইদশিংগীদমক ওনলাইন কোর্সশিং হৌদোক্নবা অমসুং স্কুলশিং, কোলেজশিং, য়ুনিভর্সিতীশিংদা য়ুথ তুরিজম ক্লবশিং লিংখৎনবা ৱাফম লৈরে। … হায়রিবা থবকশিং অসি ঙসি কাশ্মিরদা পাঙথোক্লি।
মরুপশিং,
জম্মু অমসুং কাশ্মিরগী নরিশক্তিদা চাউখৎ-থৌরাংগী থবকশিংনা পোজিতিব ওইবা ইম্পেক্ত পীরে। লোকেল সেল্ফ হেল্প গ্রুপকী নুপীশিংদা তুরিজম অমসুং IT ত্রেনিং পীখ্রে। নুমিৎ নিনিগী মমাংদা কৃশী সখী প্রোগ্রাম হৌদোকখ্রে। জম্মু অমসুং কাশ্মিরগী নুপী 1200 হেনবনা কৃশী সখী ওইনা থবক তৌরি। মসিদা নত্তনা নমো দ্রোন দিদি প্রোগ্রামশু লৈরবনি। স্কিম অসিগী মখাদা জম্মু অমসুং কাশ্মিরগী মচানুপীশিংবু ত্রেন তৌরি। সরকারনা নুপীশিংগী শেন্থোক হেনগৎহন্নবা অমসুং হিংনবগী খুদোংচাবশিং ফংহন্নবা হোৎনরি।
মরুপশিং,
ভারত অসি তুরিজম অমসুং স্পোর্তসকী লমদা মালেমগী অচৌবা শক্তি অমা ওইরক্নবা হোৎনরি। সেক্তর অনি অসিদা জম্মু অমসুং কাশ্মিরগী পোতেন্সিএল ওইগনি। জম্মু অমসুং কাশ্মিরগী জিলা খুদিংদা অফবা স্পোর্তস ইনফ্রাস্ত্রকচর শেমগৎপগী থৌরাং পায়খৎলে। খেলো ইন্দিয়া সেন্তর 100 রোম শাগৎলে। জম্মু অমসুং কাশ্মিরগী নহারোল চাউরাক্না 4500 রোম্না নেস্নেল অমসুং ইন্তর্নেস্নেল কম্পিতিসনশিংগীদমক ত্রেনিং ফংলি। ৱিন্তর স্পোর্তসকী মতাংদা ওইনশু, জম্মু অমসুং কাশ্মির অসি ভারতকী ৱিন্তর স্পোর্তকী কোনুং ওইরক্লি। চহি অসিগী ফেব্রুৱারীদা লৈবাক শিনবা থুংবদগী শান্নরোয় 800 হেন্না শরুক য়াদুনা মফমসিদা খেলো ইন্দিয়া ৱিন্তর গেম্সকী মরিশুবা এদিসন পাংথোকখ্রে। অসিগুম্বা থৌরমশিং অসিনা তুংলমচৎতা ইন্তর্নেস্নেল স্পোর্ত ইভেন্তশিংগীদমক অনৌবা ওইথোকপা য়াবশিং শেমগনি।
মসিগুম্বা থৌওং কয়া অসিগীদমক্তা ঐহাক্না অদোম্বু থম্মোই শেংনা থাগৎচরি। অদুগা জম্মু অমসুং কাশ্মিরগী মীয়ামদা চাউখৎ-থৌরাংগী মায়োক্তা লেপ্লিবা শান্তি অমসুং মীওইবা খুন্নাইগী য়েক্নবশিংদগী চেকশিন্না লৈগদবনি। মসি জম্মু অমসুং কাশ্মিরগী চাউখৎপা থিংনবা, মফম অসিদা শান্তি লৈহন্দনবা মখোয়গী অরোইবা খোঙথাং অমনি।জম্মু অমসুং কাশ্মিরগী এদমিনিস্ত্রেসনগা খুৎশম্নদুনা কেন্দ্রগী গৃহ মন্ত্রীনা শেম-শাবা পুম্নমক য়েংশিনখিবা অদুদা সরকারনা হন্দক্কী তেরোরিস্তকী থৌদোকশিং অসি থোইদোক্না হকচিন্না লৌখি। জম্মু অমসুং কাশ্মিরগী য়েক্নবশিংবু পরা তম্বীনবা হোৎনবা য়াবা হোৎনগনি হায়না ঐনা থাজবা পীজরি। জম্মু অমসুং কাশ্মিরগী অনৌবা মীরোলনা মতম চুপ্পগী ওইবা শান্তিদা হিংগনি। ঐখোয়না জম্মু অমসুং কাশ্মিরনা খনজরিবা চাউখৎপগী লম্বী অসি মপাঙ্গল কনখৎহল্লগনি। ঙসিগী চাউখৎ-থৌরাংগী প্রোজেক্তশিংগীদমক জম্মু অমসুং কাশ্মিরগী মীয়ামদা নুংঙাইবা ফোঙদোকচরি। ঐহাক্কী শ্রীনগরনা মালেমগী ফম্বাক্তা অমুক হন্না ঙান্থোইরগনি। ঐহাক্না মীয়াম খুদিংগী মফমদা য়াইফ পাউজেল পীজরি। পুম্নমকপু অমুক্কা হন্না থাগৎচরি।
মসিগুম্বা থৌওং কয়া অসিগীদমক্তা ঐহাক্না অদোম্বু থম্মোই শেংনা থাগৎচরি। অদুগা জম্মু অমসুং কাশ্মিরগী মীয়ামদা চাউখৎ-থৌরাংগী মায়োক্তা লেপ্লিবা শান্তি অমসুং মীওইবা খুন্নাইগী য়েক্নবশিংদগী চেকশিন্না লৈগদবনি। মসি জম্মু অমসুং কাশ্মিরগী চাউখৎপা থিংনবা, মফম অসিদা শান্তি লৈহন্দনবা মখোয়গী অরোইবা খোঙথাং অমনি।জম্মু অমসুং কাশ্মিরগী এদমিনিস্ত্রেসনগা খুৎশম্নদুনা কেন্দ্রগী গৃহ মন্ত্রীনা শেম-শাবা পুম্নমক য়েংশিনখিবা অদুদা সরকারনা হন্দক্কী তেরোরিস্তকী থৌদোকশিং অসি থোইদোক্না হকচিন্না লৌখি। জম্মু অমসুং কাশ্মিরগী য়েক্নবশিংবু পরা তম্বীনবা হোৎনবা য়াবা হোৎনগনি হায়না ঐনা থাজবা পীজরি। জম্মু অমসুং কাশ্মিরগী অনৌবা মীরোলনা মতম চুপ্পগী ওইবা শান্তিদা হিংগনি। ঐখোয়না জম্মু অমসুং কাশ্মিরনা খনজরিবা চাউখৎপগী লম্বী অসি মপাঙ্গল কনখৎহল্লগনি। ঙসিগী চাউখৎ-থৌরাংগী প্রোজেক্তশিংগীদমক জম্মু অমসুং কাশ্মিরগী মীয়ামদা নুংঙাইবা ফোঙদোকচরি। ঐহাক্কী শ্রীনগরনা মালেমগী ফম্বাক্তা অমুক হন্না ঙান্থোইরগনি। ঐহাক্না মীয়াম খুদিংগী মফমদা য়াইফ পাউজেল পীজরি। পুম্নমকপু অমুক্কা হন্না থাগৎচরি।
