খুরুমজরি!
মন্ত্রী-মন্দলগী ঐহাক্কী মরুপ পুম্নমক, ফাইনান্স অমসুং ইকনোমীগা মরী লৈনবা এক্সপর্তশিং, স্তেকহোল্দরশিং, নুপী অমদি নুপাশিং!
অহানবদা মালেমগী নুপীশিংগী নুমিৎনা লাকপদা ময়ামদা য়াইফ পাউজেল পীজরি অমসুং ঐখোয়না ঙসি বজেৎ অসিগী মতাংদা খন্নরিবা মীকুপ অসিদা ভারতকুম্বা অচৌবা লৈবাক অমগী শেল-থুম মন্ত্রী, লৈবাক অসিদা অচৌবা প্রোগ্রেসিব বজেৎ অমা পীরিবা অসি মশামক নুপী অমা ওইবা অসিমক চাউথোকচনীংঙাই ওইবা ৱাফম অমসু ওইরি।
মরুপশিং,
ভারতকী শেন্মীৎলোন অসি চহি চামাদা অমুক্তং থোকপা লাইচৎ অসিগী মতুংদা অমুক হন্না খুমাং চাউশিল্লক্লি। মসিদা ঐখোয়গী শেন্মীৎলোনগা মরী লৈনবা ৱারেপশিং অমসুং শেন্মীৎলোনগী অফবা য়ুম্ফম অমগী মমি তারি। সরকার অসিনা চজেৎ অসিদা চাউনা গ্রোথ লৈনবা খোঙজেল অদু লেংদনা থম্নবা খোঙথাং কয়া পাইখৎখি। মপালগী কেপিতেল ফ্লোশিং থৌগৎতুনা, ইনফ্রাস্ত্রকচরগী ইনভেস্তমেন্তদা তেক্স হন্থহন্দুনা, এন.আই.আই.এফ, গিফ সিতী, অনৌবা দি.এফ.আই.শিং অসিগুম্বা ইন্সতিত্যুসনশিং হাংদুনা ঐখোয়না ফাইনান্সিএল অমসুং ইকনোমিক গ্রোথ খুমাং চাউশিনহন্নবা হোৎনখি। লৈবাক অসিনা ফাইনান্সতা পাকশন্না দিজিতেল তেক্নোলোজী শীজিন্ননবা হোৎনখিবা অদু হৌজিক্তি মথংগী থাক য়ৌবা ঙম্লে। জিলা ৭৫দা লৈরিবা দিজিতেল বেঙ্কিং য়ুনিৎ নত্ত্রগা সেন্ত্রেল বেঙ্ক দিজিতেল করেন্সী (সি.বি.দি.সি.) ৭৫ ওইরবসু মসিনা ঐখোয়গী বিজন অদু উৎলি।
মরুপশিং,
২১শুবা চহিচাগী ভারতকী চাউখৎপা খুমাং চাউশিনহন্নবা ঐখোয়গী প্রাইওরিতী সেক্তর পুম্নমক্তা ফাইনান্সিএল ভাইএবল মোদেলশিংদা ঐখোয়না মীৎয়েং চংবা তাই। ঙসি লৈবাক অসিগী এস্পিরেসন, লৈবাক অসিনা মাংদা চংশিন্নবা থম্লিবা এস্পিরেসনশিং, মসিনা করম্বা মাইকৈদা চৎপা পাম্বগে, লৈবাক অসিগী প্রাইওরিতীশিং অসিদা ফাইনান্সিএল ইন্সতিত্যুসনশিংনা শরুক য়াবা মরু ওই। ঙসি লৈবাক অসিনা আত্মনির্ভর ভারত অভিয়ান চত্থরি। করিগুম্বা ঐখোয়গী লৈবাক্কী মীপাল তাংলিবা ওইরবদি মরী লৈনবা প্রোজেক্তশিং ফাইনান্স তৌনবা তোঙান-তোঙানবা মোদেলশিং থীদোক্তুনা অতোপ্পা লৈবাকশিংদা মীপাল তাংলিবা অসি হন্থহন্নবা লম্বীশিং পুথোকপগী মথৌ তাবদা মীৎয়েং চংবা তাই। পি.এম. গতিশক্তি নেস্নেল মাস্তরপ্লান অসি অসিগুম্বা খোঙথাং অমগী খুদম অমনি। মসিগা মরী লৈনবা প্রোজেক্তশিং মাইপাকহনবদা অদোমগী অচৌবা থৌদাং অমা লৈ। লৈবাক অসিদা খল মান্ননা চাউখৎপা পুরকপগী মাইকৈদা ভারত সরকারনা এস্পিরেস্নেল দিস্ত্রিক্তস প্রোগ্রামগুম্বা স্কিমশিংগীদমক লৈবাক অসিদা জিলা ১০০ হেন্না খনগৎখি। অদুনা ফাইনান্সিএল ইন্সতিত্যুসনশিং অসিনা শোত্থনা লৈহৌরবা এস্পিরেস্নেল দিস্ত্রিক্তশিং অসি মাংদা পুখৎনবা মখোয়দা প্রাইওরিতী পীদুনা মখোয়গা মরী লৈনবা প্রোজেক্তশিংদা মতেং পীবা য়াগনি। মসিগা মান্ননা, করিগুম্বা ঐখোয়না নোংচুপ ভারত্তা য়েংলবদা মসিদা শেন্মীৎলোনগী থবক-থৌরম কয়া উবা ফংগনি। নেচরেল রিসোর্স মখল পুম্নমক লৈ, অদুবু শেন্মীৎলোন্দা খুমাং চাউশিনবগী মাইকৈদা য়েংলবদি মফম অদুগী ফীভম হেন্না ফগৎহনবা য়ানা লৈ। ইনফ্রাস্ত্রকচর হেন্না ফগৎহনবা য়াই। অৱাং ভারতকী চাউখৎ-থৌরাংগাী মতাংদা মান্নবা মওংদা অপুনবা অৱাং নোংপোক ভারতকী চাউখৎ-থৌরাং অসিদা ঐখোয়না জিওগ্রাফিকেলী য়েংবা মতমদা মসি ঐখোয়গী প্রাইওরিতী ওইবা য়াবা হীরম কয়া লৈরি। লমশিং অসিদা নখোয়না শরুক বাশিনবা হেনগৎনবা মাইকৈদা খন্নবা তঙাই ফদে। ঙসি, ভারতকী এস্পিরেসনশিং অমসুং এম.এস.এম.ই.গী মপাঙ্গলগী মরক্তা মরী লৈনরি। ঐখোয়না এম.এস.এম.ই.শিং মপাঙ্গল কনখৎহন্নবা মরু ওইবা রিফোর্ম কয়া পুরকখ্রে অমসুং অনৌবা স্কিমশিং শেমখ্রে। মসিগী রিফোর্মশিং অসিগী মাইপাকপা হায়বা অসি মখোয়দা ফাইনান্স তৌবা হেনগৎপগী মখা পোল্লি।
মরুপশিং,
ইন্দস্ত্রী ৪.০গী ঐখোয়না পাম্বা ফল অদু ফংবদা মতম চংখিগনি, মসি চংহনদবা ঐখোয়না করি তৌবা য়াই? করিগুম্বা ঐখোয়না মালেমগী ইন্দস্ত্রীনা ৪.০গী মতাংদা ৱারী শাবা পাম্লবদি মসিগী মরু ওইবা য়ুম্বীশিং অসি ফিনতেক, এগ্রিতেক, মেদিতেক্না ওইরি মসিগী মতুং ইন্না স্কিল দিবেলপমেন্ত লৈবা তাই হায়বদি ৪.০ স্কিল দিবেলপমেন্ত মরু ওই। মসিনা মরু ওইবা য়ুম্বীশিং ওইবনা য়ুম্বীশিং অসিদা ৪.০গী মঙাল পীনবা অমা ওইনা দিবেলপ তৌবদা ফাইনান্সিএল ইন্সতিত্যুসন্না করম্বা মখলগী প্রাইওরিতী পীগদগে? অসিগুম্বা লমশিংদা ফাইনান্সিএল ইন্সতিত্যুসনশিংনা মতেং পাংবনা ভারতপু ইন্দস্ত্রী ৪.০দা অনৌবা পনখৈ তম্না পুখৎপা ঙমগনি।
মরুপশিং,
অদোম্না উবীখ্রে মদুদি শান্নরোয় অমনা ওলিম্পিক্সতা গোল্দ মেদল অমা লৌরকপা মতমদা মহাক্না লৈবাক পুম্বগী মীংচৎ পুরকই। লৈবাক্তা থাজবগী অচৌবা থাক অমা য়ৌবা ঙমগনি হায়না পোকহল্লি। মীওই অমনা মেদল অমা লৌরকপনা অপুনবগী ফীভমদা অহোংবা লাকহল্লি। ঐখোয়না অতোপ্পা লমশিংদসু মসিগা চপ মান্ননা খন্দুনা মসিগী থৌনা অসি শীজিন্নবা য়ারোইদ্রা? ঐখোয়না অদুগুম্বা সেক্তর ৮ নত্ত্রগা ১০ খঙদোকপা য়ারোইদ্রা অমদি ভারতপু সেক্তরশিং অসিদা মকোক থোংবা ৩ গী মফমদা পুখৎপা ঙমলোইদ্রা। খুদম ওইমনা ঐখোয়না মালেমগী মকোক থংবা ৩গী মনুং চনবা ঙমগদবা কম্পনীশিং লৈহনবা য়ারোইদ্রা? মসিগা মান্ননা ঐখোয়না স্তার্ত-অপশিংগী মশিংগী মতাংদা লাকপদা ঐখোয়না মাংদা চংশিল্লি; অদুবু মখোয়গী প্রদক্তশিংগী ক্বালিতী, মখোয়গী তোপ-তোপ্পা মওং, অমসুং তেক্নোলোজিকেল বেজতা মকোক থংবা ৩গী মনুংদা চনবা ঙম্লোইদ্রা? হৌজিক ঐখোয়না দ্রোন সেক্তর, স্পেস সেক্তর, জিও-স্পাসিএল সেক্তর হাংদোকখ্রে। মসি গেম চেঞ্জর মখল অমা ওইরিবা ঐখোয়গী অচৌবা পোলিসীগী ৱারেপশিংনি। ভারতকী অনৌবা মীরোলশিংনা স্পেস সেক্তর, দ্রোন সেক্তরদা চংলক্লি, ঐখোয়না লমশিং অসিদসু মালেমগী মকোক থংবা ৩গী মনুংদা মফম অমা কনবা ঙম্নবা মঙলান থম্বা য়ারোইদ্রা? মখোয়দা ঐখোয়গী ইন্সতিত্যুসনশিং অসিনা মতেং পীবা য়ারোইদ্রা? অসুবু পুম্নমক অসি ওইথোকহন্নবা হান্নদগী মাংদা চংশিনখ্রবা কম্পনীশিং, এন্তরপ্রাইসশিংনা লমশিং অসিদা প্রোএক্তিব ওইবা য়াম্না মরু ওই অমসুং মখোয়না ফাইনান্সিএল সেক্তরদগী অঙম্বা মতেং লৌগদবনি। ঐখোয়না ফাইনান্সিএল ইন্সতিত্যুসনশিংনা অসিগুম্বা মখলগী মথৌ তাবশিং অসি থুংহন্নবা মখোয়গী কেপাবিলিতী করম্না দিবেলপ তৌগদগে হায়বগী এক্সপর্তিস লৈবসু মথৌ তাই। নত্ত্রবদি চম্মনবা কয়া লৈরকপা য়াই। ঐখোয়না ওন্তপ্রিনোরশিপকী থৌরাংশিং হেনগৎহনবা, ইন্নোবেসন অমসুং অনৌবা তেক্নোলোজীদা মীৎয়েং থম্বা, অনৌবা বিজিনেসকী আইদিয়াশিংদা অনৌবা মার্কেৎশিং থিবা লোয়ননা থবক তৌবা ঙম্লবা মতমদা খক্তা ঐখোয়গী কম্পনীশিং অমসুং স্তার্তঅপশিং চাউখৎপা ঙমগনি। অমসুং মসি তৌনবগীদমক মখোয়দা ফাইনান্স তৌরিবশিং অদুনা তুংলমচৎকী আইদিয়াশিং নীংথিনা খঙবা মথৌ তাই। ঐখোয়গী ফাইনান্সিং সেক্তর অসিনা অনৌবা ফ্যুচরিস্তিক আইদিয়াশিং অমসুং থৌরাংশিংগীদমক ইন্নোভেতিব ফাইনান্সিং অমসুং সস্তেনেবল রিস্ক মেনেজমেন্তগী মতাংদা খন্থবা তাই।
মরুপশিং,
ঙসি লৈবাক অসিনা খ্বাইদগী মরু ওইনা লৌরিবা অসি ভারতকী মথৌ তাবশিংদা আত্মনির্ভর ওইবা অসিনা অমসুং ঐখোয়না এক্সপোর্ত্তা করম্না হেন্না হেন্না খুমাং চাউশিনগদগে হায়বা অসিনা ওইরি হায়বা ঐখোয় পুম্নমক্না য়াম্না মুন্না খঙই। এক্সপোর্তরশিংদা তোঙান-তোঙানবা ফাইনান্সিএলগী তঙাই ফদবশিং লৈ। মসিগী মথৌ তাবশিং অসিগী মতুং ইন্না ঐখোয়না এক্সপোর্তরশিংগী তঙাই ফদবশিং অসি থুংহন্নবা ঐখোয়গী প্রদক্ত অমসুং সর্ভিসশিং দিবেলপ তৌবা য়ারোইদ্রা? করিগুম্বা মখোয়দা মীৎয়েং চংলবদি মখোয়না হেন্না মপাঙ্গল কনখৎলক্কনি অমসুং মপাঙ্গল অদুগী লোয়ননা লৈবাক অসিগী এক্সপোর্তশিংসু হেনগৎলক্কনি। হৌজিক মতম অসিদা মালেম শিনবা থুংবদা ভারতকী গেহু পাম্নবা হেনগৎলক্লি। অসিগুম্বা ফীভম অমদা ঐখোয়গী ফাইনান্সিএল ইন্সতিত্যুসনশিংনা গেহুগী এক্সপোর্তরশিংদা মীৎয়েং চংলিব্রা? ঐখোয়গী ইম্পোর্ত-এক্সপোর্ত বিভাগনা মসিদা মরু ওইবা মীৎয়েং চংলিব্রা? সিপ্পিং ইন্দস্ত্রীনা মসি মরু ওইবগী মতাংদা খঙলব্রা? হায়বদি ঐখোয়না পুন্না হোৎনবা মথৌ তাই। ঐখোয়না হৌজিক মালেমদা ঐখোয়গী গেহু পীনবা খুদোংচাবা অমা ফংলে। করিগুম্বা মসিদা অহৌবদগী খ্বাইদগী ফবা ক্বালিতী পুথোক্লবা অমসুং খ্বাইদগী ফবা সর্ভিস ফংহল্লবা অদু ওইরবদি মসি তপ্না তপ্না পর্মিনেন্ত ফিচর অমা ওইরক্লগনি।
মরুপশিং,
ভারতকী শেন্মীৎলোন্দা রুরেল ইকনোমীনা মরু ওইবা থৌদাং অমা লৌরি। ঐখোয়না মসি লাল্লি হায়বা য়ারোই অমসুং রুরেল ইকনোমী অসি অচৌবা বেজ অমনি করিগুম্বা ঐখোয়না মসি তপ্না-তপ্না পুনশিনবা তারবদি মসি য়াম্না অচৌবা অমা ওইরক্কনি। রুরেল ইকনোমী মপাঙ্গল কনখৎহনবদা খোঙথাং মচা-মচা চংই অদুবু মসিগী ফলশিংদা সেল্ফ-হেল্প গ্রুপশিং প্রমোৎ তৌবা অদুগুম্বা য়াম্না কান্নগনি। ঐখোয়না প্রোএক্তিব ওইদুনা সেল্ফ হেল্প গ্রুপশিং, ফাইনান্স, তেক্নোলোজী অমসুং মার্কেতিংদা কম্প্রিহেন্সিব ওইবা মতেং পীবা য়ারোইদ্রা? খুদম ওইনা কিসান ক্রেদিৎ কার্দশিং। জলৌমী, ঙামী, শা-শন লোইবা মীওই খুদিংমক্না ক্রেদিৎ কার্দ ফংনবগী ঐখোয়না মিসন মোদ অমদা ওৎনবা য়ারোইদ্রা? ঙসি লৈবাক অসিদা ফার্মর প্রদ্যুসর ওর্গনাইজেসন কয়া শেম্লে অমসুং মখোয়গীদমক অচৌবা থৌরাং কয়া পাইখৎখি। রাজ্য খরদা অফবা ফলশিং উবা ফংলে। মসিগী মাইকৈদা করম্না থবক পাইখৎকনি? হৌজিক ঐখোয়না লৌউ-শিংউ অসি য়েংলদু। খোহীগী মতাংদা লাকপা মতমদা মমাংদা ভারত্তা কনানসু মীৎয়েং চংলমদে। অদুবু হৌজিক্তি খোহীদা শীংথানীংঙাই ওইবা থবক অমা তৌরি। অদুম ওইনমক হৌজিক ঐখোয়না গ্লোবেল মার্কেৎ অমা মথৌ তাই। অদুনা ঐখোয়না গ্লোবেল মার্কেৎ অমা প্রোক্যুর তৌবা, ব্রান্দিং, মার্কেতিং অমসুং ফাইনান্সিএলগী তেংবাং অসিগুম্বা হীরমশিং অসিদা করম্না থবক পাইখৎকনি? মসিগা মান্নবা মওংদা কম্মন সর্ভিস সেন্তরশিং লৈবাক অসিগী খুঙ্গং লাখ কয়াদা ঙসি লিংখৎলি। করিগুম্বা অদোম্না অসিগুম্বা হীরমশিং অসি নখোয়গী পোলিসীশিংদা মরু ওইহল্লবদি লৈবাক অসিগী রুরেল ইকনোমী অসিদা শাহৌ পীগনি। অমরোমদা খুঙ্গংশিংনা সর্ভিস সেন্তরশিং অসিগী খ্বাইদগী চাউনা কান্নবা ফংলি। ঙসি খুঙ্গংশিংদগী মীওই অমত্তনা শহরদা চৎতুনা রেলৱে রিজর্বেসন তৌবগী মথৌ তাদ্রে। মহাক্না সর্ভিস সেন্তরশিং অসিদা চৎলগা মহাক্কী রিজর্বেসনশিং তৌরি। অমসুং ঙসি ঐখোয়না ওপ্তিকেল ফাইবর নেৎৱর্ক তিংদুনা খুঙ্গং খুদিংমক্তা ব্রোদবেন্দ কন্নেক্তিবিতী পীবা ঙম্লে হায়বা অদোম্না খঙলে। সরকারনা দিজিতেল হায়ৱে অমা শেমখ্রে; অমসুং অচম্বা লোলদা হায়রগনা ঐখোয়না মসিবু ‘দিজিতেল রোদ’ কৌই মরমদি ঐহাক্না খুঙ্গংশিংদা ‘দিজিতেল’ য়ৌহনবা ঙমখি। অদুনা ঐখোয়না দিজিতেল রোদশিং শেম্লি। ঐখোয়না অচৌবা দিজিতেল হায়ৱেগী মরমদা ৱারী শারি অদুবু ঐখোয়না মসি খুঙ্গংশিংদা য়ৌহনবা, মীচম মীয়ামদা য়ৌহনবা মথৌ তাবনা ঐখোয়না মসি ‘দিজিতেল রোদ কেম্পেন’ হায়না প্রমোৎ তৌগদবনি। ঐখোয়না খুঙ্গং খুদিংদা ফাইনান্সিএল ইনক্লুজন পুরকপা ঙম্লোইদ্রা? মসিগা চপ মান্ননা ফুদ প্রোসেসিং অসি এগ্রিকলচর সেক্তরগা মরী লৈনৈ। ৱেয়রহাউজিং অমসুং এগ্রি-লোজিস্তিক্স অসিসু মরু ওই। ভারতকী এস্পিরেসনশিং অসি ওর্গানিক ফার্মিং অমসুং নেচরেল ফার্মিংগা মরী লৈনৈ। ঐখোয়গী ফাইনান্সিএল ইন্সতিত্যুসনশিংনা অনৌবা করিগুম্বা অমা তৌনবা লমশিং অসিদা চংবদা করম্না মতেং পাংবা য়াবগে হায়বগী মতাংদা খন্থবা য়াম্না মরু ওই।
মরুপশিং,
হৌজিক মতম অসিদা হেল্থ সেক্তরদসু থবক কয়া অমা তৌরি। সরকারনা হেল্থ ইনফ্রাস্ত্রকচরদা ইনভেস্ত চাউনা তৌরি। মেদিকেল এজুকেসনগা মরী লৈনবা শীংনবশিং অসি কোকহন্নবা মফম অসিদা মেদিকেল ইন্সতিত্যুসন য়াম্না হেন্না লৈহনবা য়াম্না মরু ওই। ঐখোয়গী ফাইনান্সিএল ইন্সতিত্যুসনশিং, বেঙ্কশিংনা মখোয়গী বিজিনেস প্লান্নিংদা লমশিং অসিদা মরু ওইবা মীৎয়েং চংবা য়ারোইদ্রা?
মরুপশিং,
হৌজিক মতম অসিদা গ্লোবেল ৱার্মিং হায়বা অসি য়াম্না মরু ওইবা হীরম অমা ওইরক্লে অমসুং ভারতনা ২০৭০ ফাওবদা নেৎ জিরো য়ৌনবগী পান্দম অমা থম্মি। মসিগীদমক লৈবাক অসিদা থবক পাইখৎপা হৌখ্রে। থবকশিং অসি খোঙজেল য়াংখৎহন্নবা অকোইবদা অকাইবা পীদবা প্রোজেক্তশিং খুমাং চাউশিনহনবা তঙাই ফদে। অসিগুম্বা অনৌবা হীরমশিং অসিগী গ্রীন ফাইনান্সিং অমসুং স্তদী তৌবা অমদি ইমপ্লিমেন্তেসন য়াম্না মরু ওইরে। খুদম ওইনা ভারতনা সোলর পাৱরগী লমদা ভারতনা থবক কয়া অমা তৌরি। ভারতনা মফম অসিদা দিজাস্তর রেজিলিয়েন্ত ইনফ্রাস্ত্রকচর শেমগৎলি। ঐখোয়না লৈবাক অসিদা হাউজিং সেক্তরগী লাইৎ হাউস প্রোজেক্ত ৬তসু দিজাস্তর রেসিলিয়েন্ত ইনফ্রাস্ত্রকচরদা মরু ওইবা মীৎয়েং থম্লি। লমশিং অসিদা পাইখৎলিবা থবকশিংদা অদোমগী মতেং য়াম্না তঙাই ফদে। মসি হৌজিক্কী ওইনা লাইৎ হাউস প্রোজেক্ত মোদেল অমদা পাইখৎলি অদুবু করিগুম্বা অসিগুম্বা লম মখল অসিদা ফাইনান্সিএলগী তেংবাং ফংলবদি মখোয়না মোদেল অসিগী মতৌ তম্বা য়াগনি অমসুং অপীকপা শহরশিংদা মসি পাঙথোকপা য়াগনি। অদুনা ঐখোয়গী তেক্নোলোজী অসি খোঙজেল য়াংনা শন্দোকপা হৌরক্লগনি; থবক্কী খোঙজেল অসি হেনগৎলগনি অমসুং অসিগুম্বা মখলগী তেংবাং অসি য়াম্না মরু ওই হায়না ঐহাক্না থাজৈ।
মরুপশিং,
হীরমশিংদা নখোয়না য়াম্না মুন্না খন্নগনি হায়না ঐহাক্না থাজৈ অমসুং ৱেবিনার অসিদগী ঐখোয়না এক্সন লৌখৎপা য়াবা সোল্যুসনশিংগী মতাংদা ৱারেপ লৌগনি। ঙসি ঐখোয়না অচৌবা বিজন নত্ত্রগা ২০২৩গী বজেৎকী মতাংদা পুথোক্কদবা নত্তে। মসিগী মহূৎ মার্চ ২০২২দগী মার্চ ২০২৩ ফাওবা করম্না ঐখোয়না বজেৎ অসি ইমপ্লিমেন্ত তৌগনি হায়বা খন্নগনি। মসি করম্না থুনা ইমপ্লিমেন্ত তৌগনি? মসিগী আউতকম করম্না তৌগনি? অমসুং সরকারনা অদোমগী নুমিৎ খুদিংগী ফংবা এক্সপরিয়েন্স অদুদগী কান্নবা ফংদুনা ফুল স্তোপ নত্ত্রগা কোম্মা অমানা মরম ওইরগা থা কয়া পন্দুনা লৈরবা, ৱারেপ লৌবদা পন্থহল্লিবা অসি কোকহনবা ঙম্লগনি। করিগুম্বা ঐখোয়না মসি মাংজৌননা খন্নহৌবা তারবদি ঐখোয়না মসিদগী কান্নবা ফংগনি। ঐখোয়না অনৌবা থৌরাং অমা পাইখৎখি। অমসং ঐহাক্না ‘সবকা প্রয়াস’ হায়বা অসিগী মতাংদা ফোঙদোকচবা পামজৈ। মসি মীয়াম্না পুন্না হোৎনবগী খুদম অমনি। অদোমগী বজেৎ মমাংদা খন্নবা, বজেৎ পুথোকখ্রবা মতুংদা খন্নবা। মসি অপনবা লৈতনা ইমপ্লিমেন্ত তৌনবা খন্নবা অসিমক দেমোক্রেসীনি। ফাইনান্সিএল ৱর্ল্দদা দেমোক্রেতিক ওইনা হোৎনবগী মখল অসি; স্তেকহোল্দর পুম্নমক্কা লোয়ননা পুন্না হোৎনব, বজেৎ অসিগী ফিচরশিং, মাগী মপাঙ্গল অসি য়াম্না থাগৎলক্লি। অদুবু ঐহাক্না মসিদা লোইশিনবদি পামদে। ঐহাক্না নখোয়গী মতেং মথৌ তারি। অদোম্না প্রোএক্তিব ওইনা থৌদাং লৌবা তঙাই ফদে। করিগুম্বা হায়রিবা অসিগী মতাংদা এপ্রিল ১গী মমাংদা রাজ্য সরকারশিংনা মথৌ তাবা পোলিসীশিং শেম্বা ঙম্লবদি মদু শেম্বীনবা ঐহাক্না হায়জগে। অদোম্না মার্কেৎতা অথুবদা চংলিবা মখৈ মীওই কয়া কয়ানা অদোমগী রাজ্যগী মরমদা খঙলক্কনি; অদোমগী রাজ্যদা চাউনা কান্নবা পীগনি। মসিদা রাজ্যশিংগী মরক্তা অথোই অহেন তান্নদুনা করম্বা রাজ্যনা বজেৎ অসিদগী চাউনা কান্নবা ফংখিবগে হায়বা খঙবা ঙমগনি। করম্বা রাজ্যনা অসিগুম্বা প্রোগ্রেসিব পোলিসীশিং শেমদুনা মফম অদুগী মীয়ামদা মতেং পাংনবা ফাইনান্সিএল ইন্সতিত্যুসনশিংনা হোৎনরি হায়বা খঙহনবা ঙমগনি। ঐখোয়না অচৌবা প্রোগ্রেসিব ইকোসিস্তেম অমা দিবেলপ তৌরসু। ঐখোয়না করিগুম্বা অনৌবা খরা খঙদোক্নবা থৌরাংশিং পাইখৎলসি। নখোয়গুম্বা নুমিৎ খুদিংগী থেংনবা শীংনবশিংগী মরমদা এক্সপরিয়েন্স লৈরবা মীওইনা সমস্যাশিং অসিগী সোল্যুসনশিং খঙলমগনি হায়না ঐহাক্না থাজৈ। ঐখোয়না নখোয়গী মরক্তা লৈরিবা অসি সোল্যুসনশিং অদুগীদমক্তনি। মরম অসিনা পোস্ত বজেৎ দিস্কসনশিং অসি বজেৎ দিস্কসনদগী হেন্না মরু ওইরিবনি। মসিগী দিস্কসন অসি মসি ইমপ্লিমেন্ত তৌনবনি। মসি ইমপ্লিমেন্ত তৌনবা অদোমগী সজেসনশিং মথৌ তাই। অদোম্না শরুক তম্বা অসি য়াম্না কান্নগনি হায়না ঐহাক্না থাজৈ। হন্না-হন্না থাগৎচরি!
ঐহাক্না য়াইফ-মঙ্গোল পীজরি!
