মরূপশিং,
স্কিল অমদি মহৈ মশিং হায়বসি অমৃৎকাল অসিদা লৈবাকসিগী খ্বায়দগী মরুওইবা খুৎলায় অনিনি। চাওখৎপা ভারতকী মঙলানগী মতাঙদা ঐখোয়গী নহাশিংনা লৈবাকসিগী অমৃৎ খোঙচৎকীগী থৌদাং লৌরি। মরম অসিনা অমৃৎকালগী মরুওইবা বজেৎ অসিদা নহাশিংবু অমদি মখোয়গী তুংলমচৎপু খ্বায়দগী মরুওইবা মীৎয়েঙ থম্লি। ঐখোয়গী এজুকেসন সিস্তেম প্রাক্তিকেল ওইহন্নবা, ইন্দস্ত্রী ওরিএন্তেদ ওইহন্নবা, বজেৎ অসিনা মসিগী খোঙফম চেৎহন্নবা থবক পায়খৎলি। চহি কয়াদগী ঐখোয়গী এজুকেসন সেক্তর, রিজিদিতীগী চৈথেং নংদুনা লাক্লি। ঐখোয়না ফীভমসি হোংদোক্নবা হোৎনরি। ঐখোয়না এজুকেসন অমদি স্কিলিংবু নহাশিংগী এপ্তিচ্যুদ অমদি লাক্কদৌরিবা মতমগী দিমান্দ য়েংলগা রিওরিএন্ত তৌরি। নেস্নেল এজুকেসন পোলিসীদসু তম্বা অমদি স্কিলিং অনিমক্তা মান্নবা মীৎয়েঙ থম্লি। অসুম্না হোৎনরিবা অসিদা ঐখোয়না ওজাশিংগী মতেং য়াম্না ফংলিবসিদা ঐ নুংঙাইবা পোকই। মসিনা ঐখোয়গী অঙাংশিংগী তুংলমচৎকী পোৎলুমশিং হন্থহন্নবা হোৎননিংবগী ইথিল পীরি। মসিনা লৈঙাকপু এজুকেসন অমদি স্কিলিং সেক্তরদা অহেনবা অওনবা পুরক্নবা পুক্নিং থৌগৎলি।
মরূপশিং,
অনৌবা তেক্নোলোজী, অনৌবা মখলগী ক্লাসরুম শেমগৎপদসু মতেং ওইরি। কোবিদকী মতমদা ঐখোয়না থেংনখ্রে। মরম অসিনা ঙসি লৈঙাকসিনা মফম অমা হেক্তদা ৱাখল লৌশিং ফংহন্নবগী তুলশিংদা মীৎয়েঙ থম্লি। ঙসি ঐখোয়গী ই-লর্নিং প্লেৎফোর্ম স্বয়মদা মেম্বর করোর ৩ য়ৌরে। ভর্চুএল লেবশিং অমদি নেস্নেল দিজিতেল লাইব্রেরীসু ৱাখল লৌশিংগী অচৌবা পাম্বৈ অমা ওইরকপা য়াবগী ফীভম উরে। দি.তি.ঐচ. চেনেলগী খুত্থাঙদা মহৈরোয়শিংদা লম লমদুগী লোলশিংদা মহৈ মশিং তম্নবগী খুদোংচাবা ফংহল্লি। ঙসি লৈবাকসিদা অসিগুম্বা য়াম্লবা দিজিতেল অমদি তেক্নোলোজীদা য়ুম্ফম ওইবা থৌরাং কয়া পায়খৎলি। হায়রিবা থৌরাং পুম্নমক অসিদা নেস্নেল দিজিতেল য়ুনিভর্সিতীদগী চাউরবা চৈঙাক ফংলি। অসিগুম্বা তুংলমচৎকী ওইবা খোঙথাঙশিং অসিনা ঐখোয়গী মহৈ মশিং, ঐখোয়গী স্কিল অমদি ঐখোয়গী ৱাখল-লৌশিংগী মফম পুম্নমক্তা অহোংবা পুরক্কদৌরিবনি। হৌজিক্তী ঐখোয়গী ওজাশিংগী থৌদাং ক্লাসরুমখক্তদগী হেন্দোক্তনা লৈবদু ওইররোই। হৌজিক ঐখোয়গী ওজাশিংগীদমক লৈবাক পুম্বা, মালেম পুম্বা ক্লাসরুম অমগুম ওইরগনি। মসিনা ওজাশিংগী খুদোংচাবগী অনৌবা থোঙশিং হাংদোক্লগনি। ঐখোয়গী এজুকেস্নেল ইনস্তিত্যুসনশিংগী ওইনসু হৌজিক্তি লৈবাক পুম্বদগী তিচিং মেতরিএলগী য়াম্লবা খুদোচাবশিং, মখল মখা কয়াগী মরুওইবা ৱাফমশিং, লম লমদুগী ওইবা তোঙান তোঙানবা মচাকশিং ফংলগনি। অদুগা খ্বায়দগী মরুওইবা ৱাফম অমনা, মসিনা খুঙ্গং অমসুং ময়োল্লমগী স্কুলশিংগী মরক্তা খেন্নবা লৈরম্বা অদু মাঙহল্লগনি, পুম্নমক্তা মান্নবা খুদোংচাবশিং ফংলগনি।
মরূপশিং,
লৈবাক কয়ানা ‘ওন জোপ লর্নিং’গী লমদা মরুওইবা মীৎয়েঙ থম্লিবা ঐখোয় পুম্নমক্না উনরে। হৌখিবা চহিশিংদা কেন্দ্র লৈঙাক্না নহাশিংবু ‘ক্লাসরুমগী মপানগী এক্সপোজর’ পীননবা ইন্তর্নসিপ অমদি এপ্রেন্তিসসিপ্তা মীৎয়েঙ থমদুনা লাক্লি। ঙসি নেস্নেল ইন্তর্নসিপ পোর্তেলদা চাউরাক্না ইম্প্লোয়র লিশিং ৭৫রোম য়াওরি। মসিদা ইন্তর্নসিপকী মথৌ তাবা চাউরাক্না লাখ ২৫রোম পোস্ত তৌখ্রে। মসিনা ঐখোয়গী নহাশিং অমদি ইন্দস্ত্রী অনিমক্তা চাউনা কান্নবা পীরি। ঐনা ইন্দস্ত্রী অমদি মহৈ মশিংগা মরী লৈনবা মফমশিংদা থমজনিংবা ৱাফমদি হায়রিবা পোর্তেল অসিবু হেক য়ারিবমখৈ শীজিন্নবিয়ু হায়বসিনি। লৈবাকসিগী ইন্তর্নসিপ কলচরবু ঐখোয়না হেন্না মপুং ফাহনবা মথৌ তাই।
মরূপশিং,
এপ্রেন্তিসসিপ্না ঐখোয়গী নহাশিংবু তুংলমচৎকীদমক শেম শাবদা মতেং ওইগনি হায়না ঐনা খল্লি। ঐখোয়না ভারত্তা এপ্রেন্তিসসিপ্পুসু য়োকখৎলি। মসিনা ঐখোয়গী ইন্দস্ত্রীবু মথৌ তাবা স্কিলগা মরী লৈনবা ৱর্কফোর্স মশক খঙহনবদা লায়হনগনি। মরম অসিনা বজেৎ অসিদা চাউরাক্না নহা লাখ ৫০রোমবু নেস্নেল এপ্রেন্তিসসিপ প্রমোসনগী মখাদা স্তাইপেন্দ পীননবা থৌরাং য়াৎলি। মসিনা তাকপদি এপ্রেন্তিসসিপকী এনভাইরনমেন্ত অমা শেমগৎলি অমদি পেমেন্তকী লমদসু ইন্দস্ত্রীশিংদা মতেং পীরি হায়বনি। ইন্দস্ত্রীনা মসিগী কান্নবা মপুং ফানা লৌগনি হায়না ঐনা থাজৈ।
মরূপশিং,
ঙসি ভারতপু মালেমসিনা মেনুফেকচরিং হব অমা ওইনা য়েংলি। মরম অসিনা ঙসি ভারত্তা চঙলকপগী অপাম্বা মালেমসিদা লৈরি। অসিগুম্বা ফীভমসিদা স্কিল লৈরবা ৱর্কফোর্স ঙসিদি য়াম্না মথৌ তারক্লি। মরম অসিনা বজেৎ অসিদা স্কিলিংগী লমদা হৌখিবা চহিশিংদা থমখিবা মীৎয়েঙবু মাঙদা পুখৎলি। প্রধানমন্ত্রী কৌসল বিকাস য়োজনা ৪.০না লাক্কদৌরিবা চহিশিংদা নহা লাখ কয়াবু স্কিল, রিস্কিল অমদি অপস্কিলগী খুদোংচাবা পীগনি। থৌরাং অসিনা ত্রাইবেল, শোইনাইরবা অমদি নুপীশিংগী মথৌ তাবগী মতুং ইন্না নীংথিনা শেম শারবা থৌরাংশিং শেম্লি। মসিগা লোয়ননা এ.আই., রোবোতিক্স, আই.ও.তি., দ্রোন্নচিংবা ইন্দস্ত্রী ৪.০গী মখল মখা কয়াগী সেক্তরশিংগী মেনপৱারশিংসু শেমগৎলি। মসিনা মালেমগী ইনভেস্তরশিংবু ভারত্তা থবক তৌবদা লায়হনগনি। ভারত্তা ইনভেস্তরশিংবু রি-স্কিলিংদা অহেনবা পাঙ্গল অমদি শেনফম থাদবগী মথৌ তাররোই। বজেৎ অসিদা পি.এম. বিস্বকর্ম কৌসল সম্মান য়োজনাসু লাউথোক্লি। মসিনা ঐখোয়গী হান্নদগী লৈরক্লবা খুৎহৈবশিং, ফিশাবীশিং অমদি আর্তিস্তশিংগী স্কিল হেনগৎহনবদা মীৎয়েঙ থমগনি। পি.এম. বিস্বকর্ম য়োজনানা হায়রিবা খুৎহৈবশিং অসিবু অনৌবা কৈথেল পীবদা মতেং পাংগনি অমদি মসিনা মরম ওইরগা মখোয়গী পোত্থোকশিংগী হেন্না ফবা মমলসু ফংহনগনি।
মরূপশিং,
ভারত্তা এজুকেসন সেক্তরদা খোঙজেল য়াঙনা অওনবা পুরক্নবগীদমক একাদমিয়া অমদি ইন্দস্ত্রীকী থৌদাং অমদি খোঙবু ওইবগী মরুওইবা য়াম্না চাউনা লৈ। মসিনা কৈথেলগী মথৌ তাবশিংগী মতুং ইন্না রীছর্চ তৌবা ঙমহনগনি অমদি থিজিন হুমজিন্নবগীদমক ইন্দস্ত্রীদগী ফন্দিংসু ফংগনি। বজেৎ অসিদা পল্লিবা এ.আই.গী সেন্তর ওফ এক্সেলেন্স ৩ অসিদা ইন্দস্ত্রী একাদমিয়া পার্ত্নরসিপ মপাঙ্গল কলহনগনি। আই.সি.এম.আর. লেবশিংবু মেদিকেল কলেজ অমদি প্রাইভেৎ সেক্তর আর এন্দ দি তীমদা শীজিন্নবা য়াহন্নবা ফিরেপসু লৌরে। লৈবাকসিদা আর এন্দ দি ইকোসিস্তেমবু মপাঙ্গল কলহন্নবগীদমক লৌখৎলিবা খোঙথাঙশিং অসিগী কান্নবা প্রাইভেৎ সেক্তরনা মপুং ফানা লৌরক্কনি হায়না ঐনা চপ চানা থাজৈ।
মরূপশিং,
বজেত্তা ফিরেপ অনি লৌখি, মসিনা ঐখোয়গী ‘হোল ওফ গভর্নমেন্ত এপ্রোচ’ অসিবু চেৎশিলহনগনি। ঐখোয়গীদমক্তা এজুউকেসন অমদি স্কিলিং হায়বসি মসিগা মরী লৈনবা মন্ত্রালয়শিংদা পন্দুনা লৈতে। সেক্তর অসিদা তৌবা য়াবা কয়া লৈরি। সেক্তর অসি ঐখোয়গী শেন্মিৎলোন চাউখৎলক্লিবমখৈ চাউখৎলক্কদৌরিবনি। ঐনা স্কিলিং অমদি এজুকেসনগা মরী লৈনবা স্তেকহোল্দরশিংদা থমজনিংবা ৱাফমদি, তোঙান তোঙানবা সেক্তরশিংদা থোরক্লিবা খুদোংচাবশিং অসি থিজিনবিয়ু হায়বসিনি। মসিনা হায়রিবা অনৌবা সেক্তরশিং অসিদা মথৌ তাগদৌরিবা ৱর্কফোর্স শেম শাদুনা থম্বদা লায়হনগনি। অদোম্না ভারতকী খোঙজেল য়াঙনা চাউখৎলক্লিবা সিভিল এভিএসন সেক্তরগা মরী লৈনবা ঈ-পাউশিং তাবি-উবিরমগনি। মসিনা ভারতকী ত্রাবেল অমদি তুরিজম ইন্দস্ত্রীদা চাউনা অওনবা পুরকপগে হায়বদু উৎলি। মসি থবক পীনবগী অচৌবা পাম্বৈ অমনি। মরম অসিনা ঐখোয়গী স্কিলিং সেন্তরশিং অমদি এজুকেস্নেল ইনস্তিত্যুসনশিংবু মসিগী মথৌ তাবা কেপাসিতীশিংসু শেম শাগৎপা মথৌ তাই। ‘স্কিল ইন্দিয়া মিসন’গী মখাদা মহৈ মশিং তমখিবা নহাশিংগী ওইবা অপদেতেদ দেতাবেজ শেমগৎপা ঐ পাম্মী। মরমদি, মখোয়গী স্কিল অপগ্রেদ তৌবা মথৌ তারবা নহা কয়া লৈরমগনি। দিজিতেল তেক্নোলোজী অমদি এ.আই. লাক্লবা মতুংদা ত্রেন তৌরবা ৱর্কফোর্স তুংদা শোত্থহৌদনবা ঐখোয় হৌজিক্তগী হৌনা থবক তৌবা তাই।
মরূপশিং,
মফমসিদা মহৈ য়ান্নিংঙাই ওইবা মওংদা খন্ন-নৈনগনি, হেন্না ফবা ৱাফমশিং থোরক্কনি, হেন্না ফবা পাম্বৈশিং থোরক্কনি অমদি অনৌবা ফিরেপ অমগা লোয়ননা, অনৌবা পাঙ্গল থৌনাগা লোয়ননা ঐখোয়না নহারোলশিংগী অঙানবা তুংলমচৎকীদমক হায়রিবা মরুওইবা সেক্তরশিংবু অদোমগী ৱাখল্লোনশিংনা হেন্না মপাঙ্গল কনখৎহনগনি, অদোমগী ফিরেপ্না মাঙদা পুদুনা চৎকনি হায়না ঐনা মপুং ফানা থাজৈ। কেন্দ্র লৈঙাক্না অদোমগা লোয়ননা পুন্না চৎমিন্ননবা থৌরাং তৌদুনা লৈরি। ঐনা ময়ামগী মফমদা ৱেবিনার অসি মায় পাক্না পাঙথোক্নবা য়াইফ-পাউজেল পীজরি। থাগৎচরি !
