উত্তর প্রদেশকী মুখ্য মন্ত্রী, শ্রী য়োগী আদিত্যনাথ জী, কেন্দ্রগী সপোর্তস মন্ত্রী, শ্রী অনুরাগ থাকুর জী, কিবিনেত্তা ঐগা থৌ পুমিন্নরিবা, নিশিত পজরমানিক জী, উত্তর প্রদেশকী উপ মুখ্য মন্ত্রী, বঋজেশ পাথক জী, লেংবীরক্লিবা অতোপ্পা অথোইবা মীথুংলেনশিং, অমসুং খএলো ইন্দিয়া য়ুনিভর্সিতী গেম্সতা শরুক য়ারিবা শানরোইশিং, নখোয় পুম্নমকপু হন্না-হন্না থাগৎচরি। ঙসি য়ু.পি. অসি লৈবাক্কী তোঙান-তোঙানবা মফমশিংদগী লাকপা স্পোর্তসপু থৱায় য়াওজবা নহাশিংগী পুনফম অমা ওইরে। খএলো ইন্দিয়া য়ুনিভর্সিতী গেম্স অসিদা শরুক য়ানবা লাক্লিবা শানরোই লিশিং মরি অসিদা অয়াম্বনা তোঙান-তোঙানবা রাজভশিংদগী, তোঙান-তোঙানবা রিজনশিংদগীনি। ঐহাক য়ু.পি.গী এম.পি.নি। ঐহাক য়ু.পি.গী মীয়ামগী মীহুৎনি। মরম অদুনা য়ু.পি.গী এম.পি. অমা ওইবনা, ঐহাক্না ‘খেলো ইন্দিয়া য়ুনিভর্সিতী গেম্স’তা শরুক য়ানবগীদমক্তা লাক্লিবা অমসুং লাক্কদৌরিবা শানরোই পুম্নমকপু তরাম্না ওক্লি।
মসিগী গেম্স অসিগী অরোইবা থৌরম অদু কাশিদা শিল্লগনি। কাশিগী এম.পি. অমা ওইবনা ঐহাকশু য়াম্না নুংঙাইবা ফাওই। লৈবাক অসিনা ঙসি অমৃত মাহোতসব পাংথোক্লিঙৈ মতম অসিদা খেলো ইন্দিয়া য়ুনিভর্সিতী গেম্সকী অহুমশুবা এদিশন শিনবা হায়বসিমক য়াম্না মরু ওই। মসি লৈবাক অসিগী নহাশিংদা তীম স্পিরিৎপু হেনগৎহন্নবা, এক ভারত শ্রেস্থ ভারতকী ৱাখল্লোন অসিবু হেনগৎহন্নবা খ্বাইদগী অথোইবা পাম্বৈ অমা ওইরক্লি। মসিগী গেম্স অসিগী মনুংদা নহাশিংনা মশা-মশাগী হিরমদা হংনরগনি, মশক খঙনরগনি। য়ু.পি.গী তোঙান-তোঙানবা সহরশিংদা শানগদৌরিবা মেচশিংদা সহরশিং অদুগী নহাশিংগী ওইবা কেনক্ত অঞা শেম্লগনি। ঐহাক্না থাজৈ মদুদি খেলো ইন্দিয়া গেম্সতা শরুক য়াবা লাক্লিবা নহাশিং অদুনা অনৌবা এক্সপরিয়েন্স অমা থেংনরগনি অমসুং মখোয়গীদমক্তা নিংশিংনিংঙাই ওইবা মিৎকুপ অমা ওইরগনি। ঐহাক্না নখোয় পুম্নকপু লাক্কদৌরিবা কমপিতিশন অসিগীদমক্তা য়াইফ-পাউজেল পীরি।
মরুপশিং,
হৌখিবা চহি ৯ অসিদা ভারত্তা শান্ন-খোৎনবগী অনৌবা য়ুগ অমা হৌদোরক্লি। মসিগী অনৌবা য়ুগ অসিনা ভারতপু মালেমগী ওইনা শান্ন-খোৎনবগী লমদা থৌইদোক-হেন্দোক্না শক্তি লৈরবা লৈবাক অমা ওইহনবা খক্তা নত্তনা মসিগী শান্ন-খোৎনবা অসিগী খুত্থাংদা এমপাৱরমেন্ত অনৌবা মতম অমশু ওইরিবনি। মতম অমদা ঐখোয়গী লৈবাক অসিদা শান্ন-খোৎনবগী মতাংদা কা-হেন্না থৌওইরমদে। স্পর্তসশু করিয়র অমা ওইবা য়াই, মসি মী খরা খক্তনা খনখি। অমসুং মসিগী মরমদি স্পোর্ততা সরকারগী মাইকৈদগী ফংফম থোকপা মতেং অমসুং কোওপরেশন অদু ফংলমদে। স্পোর্তস ইনফ্রাস্ত্রকচরদা মিৎয়েং চংলমদবদা নত্তনা শানরোইশিংগী তঙাইফদনা মথৌতাবশিং অদুবুশু য়েংশিল্লমদে। মরম অদুনা লাইরবশিং অমসুং ময়াই ওইরপ তৌবা ইমুংশিংগী অঙাংশিংগীদমক্তা , খুঙ্গংশিংদগী , লৱাই-থৱাইদগী লাকপা অঙাংশিংগীদমক্তা ওইনা শান্ন-খোৎনবদা মাংজিল থাবা হায়বসি য়াম্না ৱানা থোকখি। খুনাই অসিদশু গেম্সশিং অসি মতম লেন্নবা খক্তগীনি হায়বা ৱাখল্লোন অসি হেনগৎলকখি। অনম্বনা মমা-মপা ওইবশিংনশু মখোয়গী মচা-মশুশিং অদুবু মখোয়গী পুন্সি ‘সেতল’তৌগদবাপ্রোফেশনদা চৎপনা ফগনি হায়না খল্লক্লে। মরক মরক্তা ঐহাক্না খল্লি মদুদি মসিগী ‘সেতল’ ওইবগী ৱাখল্লোন অসিনা মরম ওইরগা লৈবাক অসিনা অফাওবা শান্নরোই কয়া অমা মাংজখ্রে। অদুবু হৌজিক্তি শান্ন-খোৎনবগী মতাংদা মমা-মপা অমসুং খুনাই আসিগী মিৎয়েংদা য়াম্না অহোংবা লাক্লে। পুন্সি খুমাং চাউশিন্নবগীদমক্তা শান্ন-খোৎনবা অসিবু য়াম্না এ্তরক্তিব ওইবা প্রোফেসন আমা ওইনা উবা হৌনরে। অমসুং মসিদা খেলো ইন্দিয়া অভিয়ান্না য়াম্না চাউবা থৌদাং লৌখি।
মরুপশিং,
শান্ন-খোৎনবগী মতাংদা হান্নগী সরকারগী মচৎ অদুগী তশেং-তশেংবা খুদমদি কমনৱেল্থ গেম্সতা থোকখিবা স্কেম অদুনা ময়েক শেংনা তাক্লি। মালেম অসিদা ভারতকী মশক তাকপদা মতেং পাংগদৌরিবা শান্ন-খোৎনবগী কম্পিতিশন অসিদা স্কেম তৌখ্রে। ঐখোয়গী খুঙ্গংশিং, লৱাই-থৱাইশিংদগী শান্নরোইশিংনা মসিদা শরুক য়াবা ফংনবগী য়োজনা অমা লৈরম্মি- পঞ্চায়ত য়ুথ স্পোর্রতস এন্দ গেম্স কেমপেন। মতুং তারকপাদা মসিবু রাজিব গান্ধি খেল অভিয়ান হায়না ওন্থোকখি। মসিগী কেমপেন অসিদসু ফোকস অদু মিং হোংবা খক্তনি, লৈবাক অসিদা স্পোর্তস ইনফ্রাস্ত্রকচর ফগৎহন্নবদি থোইদোক্না হোৎনখিদে।
হান্নদি খুঙ্গং ওইগেরে সহর ওইগেরা শান্নরোই খুদিংমক্কী ওইনা খ্বাইদগী চাউবা শিংনবা অসি মখোয়না স্পোর্তস প্রক্তিস তৌনবগীদমক্তা য়াম্না লাপ্না চৎপগী মথৌ তারম্মি। নহা কয়া অমদি মসিনা মরম ওইরগা মখোয়গী পেসন ফাওবা থাদোকপগী মথৌ তাখি। ঐখোয়গী সরকারনা ঙসিদি শান্নরোইশিংগী চহি চাত্রা লিরবা শিংনবশিং অসিবু কোক্ননবা হোৎনরি। অর্বান স্পোর্তস ইনফ্রাস্ত্রকচরগীদমক্তা লৈরম্বা য়োজনাদা হান্নগী সরকারনা চহি ৬তা লুপা করোর ৩০০ খক্তমক থাধখি। অদুগা অমরোমদা খেলো ইন্দিয়া অভিয়ানগী মতুং ইন্না ঐখোয়গী সরকার অসিনা স্পোর্তস ইনফ্রাস্ত্রকচরদা চাউরাক্না করোর লিশিং ৩ শিজিন্নখ্রে। এনগৎলক্লিবা স্পোর্তস ইনফ্রানা মরম ওইরগা শান্নরোই মশিং য়াম্না হেন্না শ্পোর্তসকা কনেক্ত তৌবদা য়াম্না লাইহল্লে। হৌজিক ফাওবদা খেলো ইন্দিয়া গেম্সতা শান্নরোই লিশীং ৩০ হেন্না মসিদা শরুক য়াখিবা অসিদা ঐআক্না য়াম্না নুংঙাইবা ফাওই। মসিদা কেলো ইন্দিয়া এথলেত ১৫০০বু মশক খঙদোক্তুনা মখোয়বু শেল-ধুমগী ওইবা তেংবাং পীরগনি। মতম অসিগী অনৌবা স্পোর্তস একাদেমীশিংদা তোপ ক্লাসকী ত্রেনিংশু পীরগনি। হৌখিবা চহি ৯গা চাংদম্নবা হন্দক্কী চহি অসিনা বজেত্তসু শরুক অহুম থোক্না হেনগৎলে।
ঙসিদি খুঙ্গংশিংদশু মতম অসিগী ওইবা অনৌবা ইনফ্রাস্ত্রকচর শেমগৎলক্লি। লৈবাক অসিগী অথাপ-অথাপ্পা মফমশিংদশু হৌজিক্তি অফবা শান্নবুং, মতম অসিগ অনৌবা স্তেদিয়ম, মতম অসিগী ওইবা অণৌবা মখলগী ত্রেনিং ফেসিলিতিশিং শেমগৎলক্লি। য়ু.পি.দশু স্পো্রতস প্রোজেক্তশিংদা লুআ করোর কয়া অমা থাধরি। লখনৌদা হান্না লৈরম্বা ফেসিলিতীশিং অদুবু অমুক এন্না ফগৎহল্লে। ঙসিদি বারানসিদা সিগরা স্তেদিয়মবু মতম অসিগী অনৌবা মওংদা শেমদোকখ্রে। মসিদা চাউরাক্না লুপা করোর ৪০০ চংদুনা নহাশিংগীদমক্তা মতম অসিগী ওইবা অনৌবা মখলগী ফেসিলিতীশিং হাপখ্রেল খেলো ইন্দিয়া প্রোগ্রাম অসিগী মনুং চন্না লালপুরদা সীন্থেতিক হোকী ফীল্দ, গোরাখপুরগী বাহাদুর সিং স্পোর্তস কোলেজতা মল্তিপর্পোজ হোল, মেরুত্তা সী্থেতিক হোকী ফীল্দ অমসুং সহারনপুরদা সীন্থেতিক রনিং ত্রেক্কীদমক্তা মতেং পীখ্রে। লাক্কদবা মতমশিংদা খেলো ইন্দিয়া প্রোগ্রামগী মনুং চন্না অসিগূম্বা ফেসিলিতীশিং অসিবু হেন্না ফগৎহল্লগনি।
মরুপশিং,
ঐখোয়না হন্দকশু শান্নরোইশিংবু কমপিশনদা য়ারিবমখৈ মশিং য়াম্না হেন্না শরুক য়াহনবদা মিৎয়েং থমখি। স্পোর্তস কমপিতিশনদা শান্নরোই মশিং য়াম্না হেন্না শরুক য়ারিবমখৈ মদুগী কান্নবা ফংগনি, মখোয়গী তেলেন্ত উত্থোক্কনি। ঐখোয়গী অৱাৎপা করিনো, অসোইবা করিনো, শিংনবা করিনো হায়বা খঙদোকপা ঙমগনি, চহি খরগী মমাংদা স্কুল গেম্স হৌদোকখিবগী য়াম্না চাউবা মরম অমাশু লৈখি। ঙসিদি মদুনা চাউথোরক্তুনা খেলো ইন্দিয়া য়ুনিভর্সিতী গেম্স অমসুং খেলো ইন্দিয়া ৱিন্তর গেম্স ফাওবা হৌখ্রে। লৈবাক অসিদা শান্নরোই লিশিং কয়ানা মসিগী প্রোগ্রাম অসিগী মনুং চন্না মসিদা লম্বা তৌনরি অমসুং মখোয়গী হৈ-শিংবা অদুবু হেনগৎহল্লি। ভার্তিয়া জন্তা পার্তীগী এম.পি. ময়াম অমনা স্পোর্তস কমপিতিশনশিং পাংথোক্লি। মসিগী কান্নবা লৈবাক অসিনা ঙসি ফংলি। হৌখিবা চহিগী ইন্তর্নেস্নেল কমপিতিশনদা ঐখোয়গী শান্নরোইশিংনা ময়ামদগী থোইদোক-হেন্দোক্না পার্ফোর্মেন্স উৎখি।
মরুপশিং,
স্পোর্তসকা মরি লৈনবা স্কিলবু ওইরো, নত্রগা শান্নরোইশিংবু ময়ামদগী অথোইবা অমা ওইহন্নবা অতোপ্পা দিসিপ্লিনবু ওইরো, সরকার অসিনা খোংথাং খুদিংদা শা্নরোইশিংগা লোইননা লেপ্লি। ঐখোয়গী নেস্নেল এজুকেশন পোলীসীদা স্পোর্তসপু সবজেক্ত অমা ওইনা তম্নবগী ৱাফম থাগৎখ্রে। স্পোর্তস অসি হৌজিক্তি করিক্যুলমগী মনুং চল্লগনি। লৈবাক অসিগী অহানবা নেস্নেল স্পোর্তস য়ুনিভর্সিতী লিংখৎপনা মসিদা হেন্না মতেং পাংলগনি। হৌজিক্তি আজ্যশিংদশু স্পোর্সত স্পেসিবেলাইজদ হায়র এজুকেশনগীদমকজ্তশু হোৎনরি। মসিগী লম অসিদা উত্তর প্রদেশনা য়াম্না শিংথানিংঙাই ওইবা মওংদা থবক তৌরি। মেরুত্তা মেজর ধ্যান চন্দ স্পোর্তস য়ুনিভর্সিতীগী খুদম অদু মাংদা লৈরে। মসিগী মথক্ততা ঙসিদি লৈবাক শিনবা থুংনা খেলো ইন্দিয়া সেন্তর ১০০ও অমা লিংখৎলক্লি। নেস্নেল সেন্তর্স ফোর এক্সেলেন্স চাউরাক্না দর্জন ২ মুক হাংদোকখ্রে। হায়রিবা সেন্তরশিং অসিদা পার্ফোর্মেন্স ফগৎহন্নবা ত্রেনিং অমসুং স্পোর্তস সাইন্স সপোর্ত পীখ্রে। খেলো ইন্দিয়ানা ভারতকী ওইবা ত্রেদিস্নেল সপোর্তসশিংগী প্রেস্তিজ অদুবু অমুক হন্না হিংগৎহল্লরে। গতকা,মল্লাখম্ব, থাং-তা, কালারিপায়ত্তু অমসুং য়োগাসনগুম্বা তোঙান-তোঙানবা জোন্রাবু য়োকখৎনবগীদমক্তা ঐখোয়গী সরকার অসিনা স্কোলারশিপ পীরি।
মরুপশিং,
খেলো ইন্দিয়া প্রোগ্রাম অসিদগী পুক্নিং থৌগৎনিংঙাই ওইবা মহৈ অমনা ঐখোয়গী ইচানুপীশিংনা মসিদা শরুক য়াবা হৌরকপা। লৈবাক অসিগী তোঙান-তোঙানবা সহরশিংদা খেলো ইন্দিয়া ৱিমেন্স লীগ পাংথোক্লি। ঐঙোন্দা খঙহল্লকপগী মতুং ইন্না মসিদা তোঙান-তোঙান চহি কাংলুপকী নুপী এথলেত লিশিং ২৩ রোম্না মসিদা শরুক য়াখ্রে। খেলো ইন্দিবা য়ুনিভর্সিতী গেম্সতশু মশিং য়াম্লবা নুপী শান্নরোইশিংনা শরুক য়ারি। ঐহাক্না মসিগী গেম্সশিংঅসিদা শরুক বারিবা ইচানুপীশিংবু অখন্ননা য়াইফ-পাউজেল পীরি।
মরুপশিং,
নহা ওইরিবা মরুপশিংনা শান্নবুংদা খোং ধাংজিল্লিবা মতম অসি ভারতকী য়াম্না ফবা মতমনি। ভারতনা খুমাং চাউশিনবা হায়বসি নখোয়গী হৈ-শিংবা অমসুং নখোয়না খুমাং চাউশিনবা অদুগী মখা পোল্লি। নখোয়না তুংগী চেমপিয়নশিংনি। মচু অহুমগী ফিরাল অসিগী মশেক-মঙাল অসিবু হেনগৎহনবগী থৌদাং অদু নখোয় মবাম পুম্বগীনি। মরম অদুনা ৱাফম করদি ঐখোয়না কৈদৌনুংদা কাওরোইদবনি। ঐখোয়না স্পোর্তসমেনশিপ-তীম স্পিরিতকী মতাংদা য়াম্না তোইনা পল্লি। মসিগী স্পোর্তসমেনসিপ হায়রিবসি করিনো? মসিবু কাবা-পোববু ইশানা য়াজবা খক্তদা লোইব্রা? মসিবু তীম ৱার্ক খক্তদা লোইব্রা? স্পোর্তসমেননশিপকী ৱাহন্থোক অসি মসিদগী য়াম্না হেল্লি, য়াম্না পাক চাউই। স্পোর্তসনা ইসাগী ওইজবা থাদোক্তুনা মবাম অপুনবগী ওইনা মাইপাকপবু থৌগৎলি। স্পোর্তসনা ইশাগী ইজৎ ঙাক্না চৎপা তম্বী, নিয়ম কাইদনা চৎনবা তম্বী। শান্নবুংদা ফিভম, মতম্না নহাক্কী মায়োক্তা লৈরক্কনি। করিগুম্বা মতমদা পীরক্লিবা ৱারেপ অদুনা নহাক্কী মায়োক্তা ওইরকপা য়াই। অদুবু শান্নরোই অমনা মহাক্কী ৱাখল ফাথদুনা ইংনা তপ্না লৈগনি অমসুং মহাক্না রুলশিং ঙাক্না চৎকনি। শান্নরোই অমগী মগুন অসি রুলশিং অদুবু ঙাক্না চৎপা, রুলগী ৱাংমদা থবক তৌদবা অমসুং মহাক্কা লম্বা তোরিবশিং অদুবু অখাং কনবগা লোইননা মাইথিবা পীবদুনি। মাইপাক্লবা অমনা স্পোর্তসমেনশিপ অমসুং দিগ্নিতীবু ঙাক্না চৎপা মতমদতা অফবা শান্নরোই অমআ ওইগনি। মরম অদুনা নহা ওইরিবা মরুপশিংনা নখোয়গী মসান্নশিং অদুদা হায়রিবাৱাফমশিং অসিবু কৈদৌনুংদা কাওরোইদবনি। ঐআক্না থাজৈ মদুদি, নখোয়না মসিগী য়ুনিভর্সিতী গেম্স অসিদা শান্নশু শান্নগনি অমসুং ময়ামদগীসু এন্দোক-থোইদোকপা অমা ওইগনি। অমুক্কশু হন্না নখোয় মবাম পুম্নমকপু থাগৎপা ফোংদোক্লি! য়াম্না ফজনা সান্নরো, য়াম্না ফজনা মাংজিল থারো! থাগৎচরি!
