Share
 
Comments
সিদ্ধার্থনগর, ইতাহ, হার্দোই, প্রতাপগর, ফতেপুর, দিওরিয়া, ঘাজিপুর, মির্জাপুর অমসুং জৌনপুরদা অনৌবা মেদিকেল কোলেজশিং লৈরে
“উত্তর প্রদেশকী দবল ইঞ্জিন সরকার অসি কর্ম্ম য়োগীশিংনা দিকেৎ কয়া কন্না হোৎনবগী মহৈনি”
“মাধব প্রসাদ ত্রিপাথীগী মমিংনা মেদিকেল কোলেজতগী থোক্লকপা নহা ওইরিবা দোক্তরশিংনা মীয়ামগী থবকশিং তৌবদা পুক্নিং থৌগৎলগনি”
“উত্তর প্রদেশকী পুর্বনচলদা মমাংদা মেনিনজাইতিসনা মিংচৎ থিহনখিবা অসিদা নোংপোক থংবা ভারত্তা হকশেলগী অনৌবা মঙাল অমা পীরগনি”
“সরকারনা করিগুম্বা অমা খল্লকপদা, ৱাখলদা লায়রবগী চৈনাগী মীনুংশি অমা ফাওরকই, অসুম্না মায় পাকপা অসি ওইরকপনি”
“মেদিকেল কোলেজ কয়া অমা খুৎশিন্নবা অসি রাজ্য অসিদা মমাংদা অমুক্তা থোকখিদ্রি। মসি মমাংদা থোকখিদ্রি অমসুং করিগীদমক মসি হৌজিক ওইরক্লিবনো, মসিদা মরম অমখক লৈ – রাজনিতীগী তৌবা ঙম্বা অমসুং রাজনিতীগী অহানবা তৌগদবশিং অসিনি”
“২০১৭ ফাওবদা উত্তর প্রদেশতা সরকারগী মেদিকেল কোলেজগী মেদিকেল সীত শুপ্নতগী ১৯০০ খক্তা লৈরম্মী। দবল ইঞ্জিনগী সরকারনা চহি মরিদা সীত ১৯০০ হেন্না হাপচিনখি”

ভারত ইমানা য়াইফরে, ভারত ইমানা য়াইফরে, মহাত্মা বুদ্ধ কয়, পাৱান ধর্তী সিদ্ধার্থনগর, হম আপ সভয় কা প্রনাম করিত হয়। মহাত্মা বুদ্ধ জওনে ধর্তী পর, আপন, পহিলে কয় জিৱন বিতাইন, ৱহে ধর্তী সয় আজ প্রদেশ কয় নৌ মেদিকেল কোলেজন কয় উৎঘাতন হয়। স্বস্য ঔ নিরোগ ভারত কয় সপনা পুরা করে বরে, ই য়ক বরা কদম হয়। আপ সবকে বধায়।

উত্তর প্রদেশকী রাজ্যপাল, শ্রীমতি অনন্দিবেন পতেল জী, য়ুপীগী মুখ্য মন্ত্রী, য়োগী অদিত্যনাথজী, কেন্দ্রগী হকশেল মন্ত্রী, শ্রী মনশুখ মন্দাবিয়াজী, ফম্বাক অসিদা তিনবীরিবা য়ু.পি. সরকারগী কম্নত্রীশিং, মেদিকেল কোলেজ লৈরিবা অতোপ্পা মফমশিংদা লৈরিবা য়ু.পি. সরকারগী মন্ত্রীশিং, থৌরম অসিদা শরুক য়ারিবা এম.পি., এম.এল.এ. অমসুং অতোপ্পা মীথুংলেনশিং অমদি ঐহাক্কী নুংশিরবা ইচিল ইনাওশিং!!!

ঙসিগী নুমিৎ অসি পুর্বাঞ্চলগী ওইনা অমসুং উত্তর প্রদেশ অপুনবগী ওইনা আরোগ্যগী দোজ অনি অমসুং হরাও-কুমহৈ কয়া পুদুনা লাক্লি। ঙসি, সিদ্ধার্থনগরদা য়ু.পি.গী মেদিকেল কোলজ মাপন শঙ্গারি। মসিগী মতুংদা পুর্বাঞ্চল অসিমক্তদগী লৈবাক পুম্বগী য়াম্না মথৌ তাবা অসিগুম্বা মেদিকেল ইনফ্রাস্ত্রকচরগী য়াম্না চাউবা স্কিম অমা হৌগদৌরি। অসিগুম্লবা চাউরবা থবক অসিগীদমক্তা অদোমদগী য়াইফ-পাউজেল ফংলবা তুংদা, শেংলবা লমদমসিগী য়াইফ-পাউজেল ফংলবা তুংদা, অদোমগা ৱারী শারবা তুংদা ঐহাক্না কাশিদা চৎকনি অমসুং মফমদুদগী ঐহাক্না স্কিম অসিবু লোঞ্চ তৌগনি।

মরুপশিং,

কেন্দ্র অমসুং য়ু.পি.দা ঙসি পাল্লিবা সরকার অসি কর্ময়োগী কয়ানা দিকেদ কয়া হোৎনজমনগী মহৈনি। সিদ্ধার্থনগরনসু লৈখিদ্রবা মাধব বাবুগী মওংদা মীয়ামগীদমক্তা তেংবাংবদা খোঙফম চেৎপা মীহুৎ অমা পীরি অমসুং মহাক্কী থবকশিংবু ঙসি ফাওবা লৈবাক্না শিজিন্নরি। মাধব বাবুনা রাজনিতীদা কর্ময়োগ হৌদোক্নবা মপুন্সি চুপ্পা হোৎনখি। য়ু.পি.গী বি.জে.পি.গী অহানবা প্রসিদেন্ত ওইনা, কেন্দ্রগী মন্ত্রী অমা ওইনা, মহাক্না পুর্বাঞ্চলগী চাউখৎপগীদমক্তা মতম পুম্বদা খঞ্জদুনা লাকখি। মরম অদুনা, সিদ্ধার্থনগরগী অনৌবা মেদিকেল কোলেজ অসিবু মহাক্কী মমিংদা থোনবা অসি মহাক্কী মফমদা ইকায় খুম্নবা উৎপনি। মসিগীদমক্তা, ঐহাক্না য়োগীজী অমসুং মহাক্কী সরকারবু থাগৎপা ফোংদোকচরি। মফমসিদগী তম্বা লোইরগা মীয়ামগী সেবাগীদমক্তা থোকখিবা নহা দাক্তরশিংদা মাধব বাবুগী মমিংনা লেপ্তনা ইথিল পীগনি।

ইচিল-ইনাওশিং,

য়ু.পি. অমসুং পুর্বাঞ্চলদা থাজবা, লাই-নীংবা অমসুং খুন্নাইগী পুন্সিগী য়াম্না চাউবা হেরিতেজ অমা লৈ। মসিগী চৎনবী অসিগা য়ু.পি.গী চাউখৎপা অমসুং তুংগী পুন্সিগা য়াম্না মরী লৈনৈ। ঙসি মেদিকেল কোলেজ মাপন শঙ্গারিবা জিলাশিংদা হায়রিবা ইথিল অসিসু উবা ফংই। সিদ্ধার্থনগরদা মাধব প্রসাদ ত্রিপাথী মেদিকেল কোলেজ, দেবরিয়াদা মহাঋশি দেবরাহা মেদিকেল কোলেজ, গাজিপুরদা মহাঋশি বিশ্বামিত্রা মেদিকেল কোলেজ, মির্জাপুরদা মা বিন্ধ্য-বাসিনি মেদিকেল কোলেজ, প্রতাপগরদা দাক্তর সোনে লাল মেদিকেল কোলেজ, এতাদা বিরঙ্গনা অবন্তি বাই লোধী মেদিকেল কোলেজ, ফতেহপুরদা মহান য়োধা অমর শহীদ সিংহ অমসুং থাকুর দরিয়া সিংহহী মইংদা লৈরিবা মেদিকেল কোলেজ, জাউনপুরদা উমানাথ সিংহ মেদিকেল কোলেজ অমসুং হরদাইগী মেদিকেল কোলেজ। মসিগী মেদিকেল কোলেজশিং অসিনা পুর্বাঞ্চলগী মীওই করোর কয়াদা তেংবাংগনি। মেদিকেল কোলেজ 9 শাবগা লোয়ননা অনৌবা ফমুং লিশিং অনি মখায়, লিশিং  ৫দগী হেনবা দাক্তর অমসুং পেরামেদিক্সকা লোয়ননা থবক্কী অনৌবা খুদোংচাবা কয়া লৈরে। মসিগা লোয়ননা, নহা কয়াগী মেদিকেল তম্নবা লম্বী অমা য়াৎলবনি।

মরুপশিং,

মমাংগী সরকারনা অনাবা কয়ানা থন্না লৈহন্দুনা থম্লম্লবা পুর্বাঞ্চল অসিদা হৌজিক্তি মেদিকেল হব অমা ওইরগনি, লৈবাক অসিবু লাইনা কয়াদগী কনবা ঙমগদবা দাক্তর কয়া অমা পুথোক্লগনি। মমাংগী সরকারনা থীহনখিবা পুর্বাঞ্চলগী মিংচৎ, মেনিঞ্জাইতিসনা মরম ওইদুনা মীওই কয়া লৈখিদবদগী মিংচৎ থীহনখিবা পুর্বাঞ্চল, মসিগী পুর্বাঞ্চল, মসিগী উত্তর প্রদেশনা নোংপোক ভারতকী হকশেলদা অনৌবা মঙাল পীরগনি।

মরুপশিং,

য়োগীজীনা য়ু.পি.গী শোল্লবা মেদিকেল পথাপকী অৱাবা ৱারীশিং পার্লিয়ামেন্ততা পাউদমখিববু য়ু.পি.গী ইচিল-ইনাওশিংনা করম্না কাওগনি। মতমদুদা য়োগীজী মুখ্য মন্ত্রী ওইদ্রি, এম.পি.নি অমসুং চহি য়ামদনা এম.পি. ওইখিবনি। অদুগা মহাক্কী মফমদা লৈবাক সেবা তৌনবা খুদোংচাবা পীবা মতমদা, মহাক্না মেনিঞ্জাইতিস শন্দোকপা লেপহনখি, লমদম অসিগী অঙাং লিশিং কয়াগী মপুন্সি কনখি হায়বসি মীয়াম অদোম্না ময়েক শেংনা উরবনি। সরকারনা মিনুংশি ফাওরকপা অমসুং লাইরবগী অৱাবা খঙনবগীদমক্তা ৱাখল চপ য়ুংবা মতমদা অসিগুম্বা থবকশিং পাংথোকই।

ইচিল-ইনাওশিং,

লৈবাক অসিনা নীংতমদ্রিমঙৈ অমসুং নীংতম্বা ফংলবা মতুংদা হকশেলগী তঙাই ফদবা হীরমশিংনা নীংথিবা মিৎয়েং য়েংদন লাকখি। নীংথিজনা লাইয়েংনিংবা মতমদা শহরদা চৎরবদি য়াদে, অফবা দাক্তরদা লাইয়েংনীংলবদি, অচৌবা শহরদা চত্তবা য়াদে, অহিংদা অনাবা য়াওরক্লবদি, গারী শেম-শাদুনা শহরদা অদুম চৎপা ঙাক্তনি। মসি ঐখোয়গী খুঙ্গংশিংগী অশেনবা ফীভম্নি। খুঙ্গং, জিলাগী হেদক্বার্তর ফাওবদা হকশেলগী খুদোংচাবা য়াম্না ৱানা ফংই। অসিগুম্বা খুদোংচাদবশিং অসি ঐহাক্নসু থেংনখি। লৈবাক্কী লাইরবা-দলিত-শোত্থনা লৈরবশিং, লৈবাক্কী লৌমী, খুঙ্গংগী মীওইশিং, পিক্লিবা অঙাং কয়াবু মথাদা কোন্দুনা কোইচৎ চৎলিবী মমাশিং, ঐখোয়গী অহল-লমনশিংনা হকশেলগী খুদোংচাবশিংগীদমক্তা সরকারদা য়েংলুবা মতমদা, নীংবা কাইখিবা ঙক্তনি। অসিগুম্বা পুন্সি মহিংবু লাইরবা ইচিল-ইনাওশিংনা মরাইবক্নি হায়না খনখ্রবনি। ঐহাক্না ইং ২০১৪দা লৈবাক্কী সেবা তৌবগী খুদোংচাবা ফংজবা মতমদা, হান্না লৈরম্বা ফীভমশিংবু হোংদোক্নবা ঐখোয়না অহিং-নুংথিল নাইদনা হোৎনখি। মীচম মীয়ামগী অৱাবা খঙনবগীদমক্তা মখোয়গী অৱাবগী শরুক ওইখি। ঐখোয়না লৈবাক্কী হকশেলগী খুদোংচাবশিং ফগৎহন্নবা, মতমগা চান্নহন্নবা, চাউরবা স্কিম হৌদোকখি, অতোপ্পা স্কিম কয়া অমসু হৌদোকখি। মমাংগী সরকারনা ঐখোয়দা করি অমত্তা মতেং পাংলকখিদবা অসি ঐহাক্না মতম পুম্বদা নুংঙাইতে। চাউখৎ-খোঙথাংগীদমক্তা মখোয়না পাংথোকখিবা রাজনিতী অমসুং স্কিম কয়া অদুনা য়ু.পি.দা কৈদৌনুংদা য়ৌখিদে।

মরুপশিং,

মফমসিদা তোঙানবা চহি কয়াগী ইচিল-ইনাওশিং ফম্লি। করিগুম্বা অদোম্না নীংশিংবা য়াওরগদি ঐহাক্কী ইফমদা তাকপীয়ু? উত্তর প্রদেশকী পুৱারীদা মতম অমত্তদা অসুক য়াম্বা মেদিকেল কোলেজ শঙ্গাখিবা য়াওরবরা? য়াওরম্লোই। য়াওদেকো। অসিগুম্বসি মমাংদা করিগীদমক্তা পাংথোকখিদ্রিবনো হায়বগী মরম অমা লৈ। হান্না তৌরমদ্রগা হৌজিক তৌবা ঙম্লিবা করিগীনো, মসিগী মরমদি –পুক্নিং চেৎপা রাজনিতী অমসুং অপাম্বা খঙবা রাজনিতী। মখোয়না হান্না চৎনরম্বা অহানবা মিৎয়েংগী থৌওংদি মশাগীদমক্তা শেল তান্দুনা ইমুং-মনুংগী শেনগাও থলহনবা। ঐখোয়গী থৌওংনা লাইরবগী শেল কনবা অমসুং লাইরবা ইমুংশিংদা শেল চঙদনা খুদোংচাবা ফংহনবা অসিনি।

মরুপশিং,

অনাবনা লাইর-ইনাক খুনবা অমত্তা য়েংদে। মখোয়গীদি মীওই খুদিংমক চপ মান্নৈ। অদুনা মসিগী খুদোংচাবশিংনা লাইরবদা খ্বাইদগী হেন্না কান্নহল্লি। মিদ্দল ক্লাস ইমুংশিংনসু হায়রিবা কান্নবশিং চপ মান্ননা ফংই।

মরুপশিং,

চহি ৭কী মমাংদা দিল্লীদা লৈরম্বা সরকার অমসুং চহি ৪গী মমাংদা য়ু.পি.দা লৈরম্বা সরকারনা পুর্বাঞ্চলদা করি তৌরম্মি? মমাংগী সরকার পায়রম্বশিংনা ভোৎ ফংনবগীদমক্তা দিস্পেন্সরী অমসুং অপিকপা হোস্পিতালগুম্বা খরা শারগা অদুমক লৈথোক্লম্মি। মীয়াম্না থাজবা অদুমক থমদুনা লৈনখি। চহি কয়া-কয়াদা বিলদিং অমত্তা শারমদে, বিলদিং লৈরবসু মেছিন অমুক লৈরমদে, অনিসি লৈরকান্দনা দাক্তর অমসুং স্তাফ অমুক লৈরমদে। মসিগী মথক্তা, লাইরবশিংগী লুপা করোর কয়া হুবা মীওইশিংনা শেঞ্জা-থুমজাগী চৎনবী অমা তোঙান্না পুং ২৪ চলায়দুনা লৈরম্মি। হিদাক লাংথক্তা, এম্বুলেন্সতা, মী লৌবদা, ত্রান্সফর-পোস্তিংদা শেঞ্জা থুমজা! মসিগী অপুনবা থবকশিংদা য়ু.পি.গী ইমুং খরদি য়াম্না কান্নখি, শেঞ্জা-থুমজা ফজনা তৌনখি, অদুগা পুর্বাঞ্চলগী অমসুং য়ু.পি.গী মীচম কয়াদি ৱানা খাঙদুনা অদুমল লেনখি।

য়াম্না শেংনা হায়নরম্মিবনি-

‘জাকে পাৱ না ফতি বিবাই, ৱো ক্যা জানে পীর পরাই’

মরুপশিং,

হৌখিবা চহিশিংদা দবল সরকার অসিনা লাইরবশিংদা হকশেলগী হেন্না ফবা খুদোংচাবা ফংহন্নবা থম্মোই শেংনা হোৎনদুনা লাক্লি, লেপ্তনা হোৎনদুনা লাক্লি। ঐখোয়গী লৈবাক্কী হকশেলগী অনৌবা থৌশিল-থৌরাং পুথোক্তুনা লাইরবশিংনা শেল চঙদনা লাইয়েংবা ঙম্নবা অমসুং লাইনা কয়াদগী ঙাকথোক্নবা হোৎনরি। মফমসিদা, য়ু.পি.দা অনাবা লাখ ৯০নসু অয়ুশমান ভারতকী মখাদা লেম্না লাইয়েংবগী খুদোংচাবা ফংখ্রে। লাইরবশিং অসিনা স্কিম অসিগী মতেংদগী লুপা করোর লিশিংমুক্কী চাউরাকপা শেনফম কনবা ঙমখি। ঔশধি কেন্দ্র লিশিংমুক্তগী হিদাকশিং ফংনখি। কেন্সর লাইয়েংবা, দাইলাইসিস নত্ত্রগা থম্মোইগী সর্জরী ফাওবা য়াম্না হোঙদোক্লে, অমাংশঙগী খুদোংচাবা লৈহনবদগী লাইনা মশিং কয়া হন্থহনখ্রে। মসিদা নত্তনা, লৈবাক শিনবা থুংবদা ফবা হোস্পিতাল করম্না লৈহনগদগে, হোস্পিতালশিংদুদা অফবা দাক্তর অমসুং মেদিকেল স্তাফ করম্না লৈহনগনি হায়বগী মতাংদা চাউরবা অমসুং মিৎয়েং শানবা থৌরাং কয়া য়াৎপগী থবক চত্থরি। হৌজিক্তি হোস্পিতাল, মেদিকেল কোলেজকী ভুমী পুজা তৌবগা লোয়ননা অথুবা মতমদসু শঙ্গারে। য়োগীজীগী মমাংগী সরকারনা য়ু.পি.দা শুপ্নগী মেদিকেল কোলেজ ৬খক শারম্মি। মহাক্কী মখাদদি মেদিকেল কোলেজ ১৬ হৌখ্রে অমসুং অনৌবা মেদিকেল কোলেজ ৩০গীদমক্তসু থবক কয়া খোঙজেল য়াঙনা পায়খৎলি। রাইবরেলী অমসুং গোরখপুরদা শারিবা এমসনা য়ু.পি. অপুনবগী অহেনবা কান্নবা অমনি।

ইচিল-ইনাওশিং,

মেদিকেল কোলেজনা নীংথিনা লাইয়েংবদা তেংবাংবতা নত্তনা, দাক্তর, পেরামেদিক্স অনৌবা কয়াসু শেমগনি। মেদিকেল কোলেজ অমা লৈবা মতমদা লেবোরেতরী ত্রেনিং সেন্তর, নর্সিং য়ুনিৎ, মেদিকেল য়ুনিৎ অমসুং থবক পীবগী পাম্বৈ কয়া মরু ওইনা লৈগল্লি। অদুবু লাইবক থিবদি, মমাংগী দিকেদশিংদা দাক্তরগী অৱাৎপা লৈবশিংবু মেনখৎনবা থবক অমত্তা পাংথোক্লমদবা অসিনি। মেদিকেল কোলেজ অমসুং মেদিকেল এজুকেস্সনবু য়েংশিন্নবগীদমক্তা দিকেদ কয়াগী মমাংদা আইন কয়া শেমখ্রবনি, লুপ কয়া শেমখ্রবনি, মখোয়না অরিবা কাঙলোন্দা অদুম চত্তুনা লৈখি। অনৌবা মেদিকেল কোলেজ শাবদসু মখোয়না অয়েৎপা ওইদুনা লৈরকখিবনি।

মমাংগী চহি ৭তা অসিগুম্বা অয়েৎপশিংবু অমগী মথংদা অমা শেমদোকপগী থবক পায়খৎখি, মেদিকেল এজুকেসন্দা অয়েৎপা লৈরমবসু লৌথোকখি। মসিগী মহৈদি মেদিকেল সিতকী মশিংদা উবা ফংগনি। ইং ২০১৪গী মমাংদা লৈরম্বা লৈবাক্কী মেদিকেল সিতনা লিশিং ৯০দগী তারমখি। হৌখিবা চহি ৭তা, লৈবাক্কী মেদিকেল সিত অনৌবা লিশিং ৬০ অমগসু হাপচিনখ্রে। উত্তর প্রদেশ অসিদসু ইং ২০১৭ ফাওবদা সরকারগী মেদিকেল কোলেজশিংগী মেদিকেল সিত অসি শুপ্নগী ১৯০০ ওইরম্মি। অদুবু, দবল ইঞ্জিন সরকার অসিনা মমাংগী চহি মরিমক্তদা  সিত মশিংবু ১৯০০দগী হেনগৎহনখি।

মরুপশিং,

মেদিকেল কোলেজকী মশিং হেনগৎপা, মেদিকেল সিতকী মশিং হেনগৎপগী য়াম্না কান্নবা অমনা মফমসিগী মশিং য়াম্লবা মীওইনা দাক্তর তম্বা ফংবগী খুদোংচাবা ফংগদৌরিবা অসিনি। লাইরবা মমাগী মচাশিংসু হৌজিক্তি দাক্তর ওইবা ফংলগনি, হৌখিবা চহি ৭০দা দাক্তর তমদুনা দাক্তর ওইখিবা মশিং অদু ঐখোয়না মথংগী চহি ১০-১২দা পুথোকপা ঙম্লগনি।

মরুপশিং,

নহাশিংনা লৈবাক্কী তোঙান-তোঙানবা এন্ত্রান্স তেস্ত থাবগী অৱাবদগী কোকহন্নবগীদমক্তা ৱান নেসন, ৱান একজাম চৎনবা হৌখ্রে। মসিদা শেল চঙবা কনবতা নত্তনা অৱাবসু য়াম্না হন্থহনগনি। মেদিকেল এজুকেসনবু লাইরবা অমসুং মিদ্দল ক্লাসকী মীওইশিংদা য়ৌনবগীদমক্তা প্রাইভেৎ কোলেজকী ফীশিংসু পুথোকপা ঙম্বা চাংদা থম্নবা আইন শেম্নবা খন্নখ্রবনি। মশাগী লোলদা তম্বা ফংদবগী খুদোংচাবা থেংনবা কয়া অমসু লৈ। হৌজিক্তি, হিন্দি য়াওনা তোঙানবা লোলশিংদা মেদিকেল এজুকেসন তম্বীনবা ৱাফম হৌদোকপা লৈখ্রবনি। মশাগী লোলদা তম্লবদি, মমুৎ তানা খঙবা ঙমগদৌরিবনি।

মরুপশিং,

ঐখোয়গী হকশেলগী খুদোংচাবশিংবু য়ু.পি.দা য়াঙনা শেমদোকপা য়াই হায়বসি, য়ু.পি.গী মীয়াম্না কোরোনাগী মতমদা থবক্না উৎখ্রবনি। নুমিৎ মরিনিগী মমাংদা, লৈবাক্না ভেক্সিন দোজ করোর ১০০ হেনবগী পান্দম ফংবা ঙমখি। মসিদা য়ু.পি.নসু য়াম্না চাউনা তেংবাংখি। ঐহাক্না য়ু.পি.গী মীয়াম খুদিংমক, কোরোনা লান্মী, সরকার, লৈঙাক অমসুং মসিগা মরী লৈনবা মীওইশিংবু থাগৎচরি। ঙসিদি, লৈবাক অসিদা ভেক্সিন দোজ করোর ১০০ হেনবগী ঙাকথোকপগী কুয়োম লৈরে। মসি লৈরবসু, য়ু.পি.না কোরোনাদগী ঙাকথোক্নবা শেম-শাবগী থবকশিং হৌজিকসু পাংথোক্লি। কোরোনাগা থেংননবগীদমক্তা য়ু.পি.গী জিলা খুদিংদা অঙাংশিংবু চেকশিন্না থম্নবা য়ুনিৎ শাবা লোইবগা লোয়ননা য়াঙনা শেম-শাবগী থবকসু পায়খৎলি। কোবিদ তেস্ত তৌনবা য়ু.পি.দা হৌজিক লেব ৬০দগী হেন্না লৈরে। অনৌবা ওক্সীজেন প্লান্ত ৫০০ হেনবদসু হৌজিক থবক পায়খৎলি।

মরুপশিং,

সবকা সাথ, সবকা বিকাস, সবকা বিশ্বাস অমসুং সবকা প্রয়াসকী লম্বী হায়বদু মসিমক্নি। মীওই খুদিংনা হকশেল ফবা মতমদা, মীওই খুদিংদা খুদোংচাবা ফংগনি অমসুং মসিগা লোয়ননা লৈবাক্না পুম্নমক পুন্দুনা হোৎনবগী কান্নবা ফংগনি। দীৱালি অমসুং ছথ পুজাগী মতম অসিনা পুর্বাঞ্চলদা আরোগ্যগী অনৌবা থাজবা পুদুনা লাক্কনি। মসিগী থাজবা অসিনা থুনা চাউখৎপগী য়ুম্ফম ওইবা হায়বগী থজবগা লোয়ননা অনৌবা মেদিকেল কোলেজশিংগীদমক্তা য়ু.পি.বু ঐহাক্না য়াম্না থাগৎচরি অমসুং য়াইফ-পাউজেল পীজরি। অদোম মীয়াম্না য়াইফ-পাউজেল পীবা লাকপীবগীদমক্তসু অদোম্বু ইকায় খুম্নবগা লোয়ননা য়াইফ-পাউজেল পীজরি।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
India G20 Presidency: Monuments to Light Up With Logo, Over 200 Meetings Planned in 50 Cities | All to Know

Media Coverage

India G20 Presidency: Monuments to Light Up With Logo, Over 200 Meetings Planned in 50 Cities | All to Know
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 30 নবেম্বর, 2022
November 30, 2022
Share
 
Comments

Citizens Cheer For A New India that is Reforming, Performing and Transforming With The Modi Govt.

Appreciation For PM Modi’s Vision Of Digitizing Public Procurement With the GeM Portal.