Launch of IN-SPACe is a ‘watch this space’ moment for the Indian space industry
“IN-SPACe is for space, IN-SPACe is for pace, IN-SPACe is for ace”“The private sector will not just remain a vendor but will play the role of a big winner in the space sector”“When the strength of government space institutions and the passion of India’s private sector will meet, not even the sky will be the limit”“Today we can not put the condition of only the government route for carrying out their plans before our youth”“Our space mission transcends all the differences and becomes the mission of all the people of the country”“ISRO deserves kudos for bringing momentous transformation”“India’s space programme has been the biggest identity of Aatmnirbhar Bharat Abhiyan”“India needs to increase its share in the global space industry and the private sector will play a big role in that”“India is working on a New Indian Space Policy and the policy for ease of doing business in space sector”“Gujarat is fast becoming a centre of big institutions of national and international level”খুরুমজরি! কেন্দ্রগী মন্ত্রী মন্দলদা ঐহাক্কী মরু ওইরিবা অমসুং লমদম অসিমক্কী এম.পি. ওইরিবা গৃহ মন্ত্রী শ্রী অমিত শাহ, গুজরাতকী মমিং লৈরবা মৃদু অমসুং মক্কম, মুখ্য মন্ত্রী শ্রী ভুপেন্দ্র পতেল, নেস্নেল সেক্যুরিতী এদভাইজর শ্রী অজিৎ দোবালজী, ঐহাক্কী সংসদকী মরুপ শ্রী সি.আর. পতিল, ইন-স্পেসকী চ্যেরমেন, পৱন গোয়নকা, দিপার্তমেন্ত ওফ স্পেসকী সেক্রেতরী, শ্রী এস. সোমনাথজী, ভারকী স্পেস ইন্দস্ত্রীগী মীহুৎ পুম্নমক, অতোপ্পা দিগনিতরীশিং, তিনবীরিবা নুপী অমদি নুপাশিং!
ঙসি ২১শুবা চহিচাগী মোদর্ন ইন্দিয়াগী চাউখৎ খোঙথাং অসিদা শীংথানীংঙাই ওইবা পন্দুপ অমা হাপচিনখ্রে। ঐহাক্না ইরৈবাকচাশিং অমসুং মরু ওইনা ইন্দিয়ন নেস্নেল স্পেস প্রনোসন এন্দ ওথোরাইজেসন সেন্তর হায়বদি ইন্সপেসকী সাইন্তিফিক কম্ম্যুনিতীদা ঐহাক্না নুংঙাইবা ফোঙদোকচরি। হৌজিক মতম অসিদা ঐখোয়না নহারোলশিংনা এক্সাইতিং নত্ত্রগা ইন্তরেস্তিং ওইবা করিগুম্বা অমা থেংনরবদি সোসিএল মীদিয়াদা পোস্ত তৌই, মদুগী মমাংদা মখোয়না অলর্ত তৌই অমসুং অলর্ত তৌবদা মেসেজিং তৌই – ভারতকী স্পেস ইন্দস্ত্রীগীদমক ‘ৱাৎচ দিস স্পেস’, ইনস্পেসকী লোঞ্চ তৌবদা, ‘ৱাৎচ দিস স্পেস’ মোমেন্তগা চপ মান্নৈ। ইনস্পেস অসি ভারতকী নহারোলশিংগীদমক মখোয়গী তেলেন্ত অদু বেস্ত সাইন্তিফিক মাইনশিংদা উৎথোকচনবা অমুক্তা ফংখিদ্রিবা খুদোংচাবা অমনি। মখোয়না সরকার নত্ত্রগা প্রাইবেৎ সেক্তরদা থবক তৌরবসু ইনস্পেসনা পুম্নমক্কীদমক খুদোংচাবা ফংহনগনি। ভারতকী স্পেস ইন্দস্ত্রী অসি রিভোল্যুস্নাইজ তৌনবা ইনস্পেসতা অচৌবা মতিক-ময়াই চেল্লি অমসুং মরম অসিনা ঐহাক্না ঙসি ৱাফম অসি শোইদনা হায়জগে ‘ৱাৎচ দিস স্পেস’, ইন-স্পেস অসি স্পেসকীনি, ইন-স্পেস অসি পেসকীনি, ইন-স্পেস অসি এসকীনি।
মরুপশিং,
দিকেদ কয়া স্পেস সেক্তরগা মরী লৈনবা প্রাইবেৎ ইন্দস্ত্রী অসি ভেন্দর অমা ওইনা উদুনা লাকখি। সরকারনা স্পেস মিসন অমসুং প্রোজেক্ত পুম্নমক্কী থবক তৌদুনা লাকখি। মথৌ তারকপগী মতুং ইন্না ঐখোয়গী প্রাইবেৎ সেক্তরগী মীওইশিংদগী শরুক খরা অমসুং খুৎলাই লৌরি। প্রাইবেৎ সেক্তর অসি শুপ্নগী ভেন্দর অমা ওইহনবা অসিনা মরম ওইরগা মখোয়গী মাংদা লৈরিবা লম্বেল অসিদা অপনবা ওইদুনা লাকখি, পল অমা খাদুনা লৈখি। সরকারগী সিস্তেমদা লৈতবা মীওইশিংনা, সাইন্তিস্ত নত্ত্রগা নহারোল ওইরবসু মখোয়না স্পেস সেক্তরগা মরী লৈনবা ৱাখল্লোনশিং অসি পুথোক্তুনা থবক তৌবা ঙমদনা লাকখি। অমসুং মসিনা কনাদা শোকহনবগে? লৈবাক অসিদা অমাংবা ওই। অমসুং মসিগী প্রমান হায়ববু অচৌবা আইদিয়াশিংনা ৱিন্নরশিং পুথোকই। স্পেস সেক্তরদা অওনবা পুরকপনা, মসিদা থম্লিবা অথিংবা পুম্নমক লৌথোকপনা, ইনস্পেসকী খুত্থাংদা প্রাইবেৎ ইন্দস্ত্রীগী মতেং পাংবনা ঙসি লৈবাক অসিনা মাগী ৱিন্নরশিং পুথোক্নবা কেম্পেন চত্থবা হৌরি। ঙসি প্রাইবেৎ সেক্তরনা শুপ্নগী ভেন্দর অমা ওইনা লৈররোই অদুবু মসিনা স্পেস সেক্তরদা অচৌবা ৱিন্নরশিংগী থৌদাং লৌরগনি। ভারত সরকারগী স্পেস ইন্সতিত্যুসনশিংগী শক্তি অমদি ভারতকী প্রাইবেৎ সেক্তরগী থৌনা-লিংজেল অসি পুনশিল্লকপা অসিদা ওইথোকপা ঙমলোইদবা অমত্তা লৈররোই। ঙসি ভারতকী আই.তি. সেক্তরগী শক্তি অসি মালেমনা উবা ফংলি, লাক্কদৌরিবা মতমশিংদা ভারতকী স্পেস সেক্তরগী মপাঙ্গল অসিনা অনৌবা পনখৈশিং য়ৌবা ঙম্লগনি। ইনস্পেসনা স্পেস ইন্দস্ত্রী, স্তার্তঅপ অমসুং ইস্রোগী মরক্তা তেক্নোলোজী ত্রান্সফর তৌবগী খুদোংচাবা লৈহন্নবা থবকসু তৌগনি। মসিনা প্রাইবেৎ সেক্তরনা ইস্রোগী রিসোর্সশিং শীজিন্নবা, ইস্রোগা খুৎশম্নদুনা থবক তৌবা ঙমহল্লগনি।
মরুপশিং,
স্পেস সেক্তরদা রিফোর্ম অসি পুরকপদা মতম চুপ্পদা ভারতকী নহারোলশিং অমসুং ঐহাক্না থেংনরকপা স্তার্তঅপশিংগী অচৌবা পোতেন্সিএল অসি ঐহাক্কী ৱাখলদা লৈখি, য়াম্না নৌরিবা নহারোলশিংনা থৌনা লিংজেলগা লোয়ননা মখোয়না মাংদা চংশিল্লি। মখোয়বু উবা অমসুং তাবা ফংবদা ঐহাক্কী থমোয়না অপেনবা পোকই। ঐহাক্না নহারোলশিং অসিবু থাগৎচরি। ভারতকী নহারোলশিংনা হান্নগী স্পেস সেক্তরগী মওং অদুদা খুদোংচাবা কয়া ফংলমখিদে। লৈবাক অসিগী নহারোলশিংনা মখোয়গা লোয়ননা ইনোবেসন, ইনর্জী অমসুং এক্সপ্লোরেসনগী স্পিরিৎ অসি পুদুনা লাক্লি। মখোয়গী রিস্ক তেকিং কেপাসিতী অসিসু য়াম্না ৱাংই। মসি লৈবাক অমা চাউখৎপদা য়াম্নমক মরু ওই। অদুবু করিগুম্বা নহারোল অমনা বিল্দিং অমা শাবা পাম্লবদি ঐখোয়না মঙোন্দা মদু পি.দবল্যু.দি. খক্তনা শাগদবনি হায়বা য়াবরা। করিগুম্বা নহারোল অমা হেক্তনা ইনোবেৎ তৌবা পাম্লবা ঐখোয়না মঙোন্দা মদু সরকারগী ফেসিলিতীদা খক্তা থবক অসি তৌগদবনি হায়না হায়গদ্রা। মসি তাবদা নুংঙাইরমলোই অদুবু মসি ঐখোয়গী লৈবাক্কী তোঙান-তোঙানবা সেক্তরশিংদা ওইরম্বা ফীভম অদুনি। রিগ্যুলেসন অমসুং রেস্ত্রিক্সনশিংগী মরক্তা লৈরিবা খেন্নবা অসি মতমগী মতুং ইন্না লৈবাক অসিনা কাউথোকপা হায়বা অসি লাইবকথিবনি। ঙসি ভারতকী নহারোলশিংনা নেসন বিল্দিংদা হেন্না হেন্না শরুক য়ানীংলকপা অসিদা ঐখোয়না মাংদা অথিংবশিং থমদুনা সরকারগী কাংলোনগী মতুং ইন্না খক্তা মসি তৌগদবনি হায়বা অপনবা পীবা ফত্তে। ঐখোয়গী সরকারনা ভারতকী নহারোলশিংগী মাংদা লৈরিবা অপনবা খুদিংমক লৌথোক্লি, লেপ্পা লৈতনা রিফোর্ম তৌরি। প্রাইবেৎ ইন্দস্ত্রীগীদমক দিফেন্স সেক্তর হাংদোকপা, মোদর্ন দ্রোন পোলিসী শেম্বা, জিওস্পাসিএল দেতা গাইদলাইনশিং শেম্বা, তেলিকোম-আই.তি. সেক্তরদা ৱর্ক ফ্রোম এনিৱেয়র য়াহনবা অসিনচিংবা য়াওনা সরকারনা হীরম খুদিংদা থবক তৌরি। ভারতকী প্রাইবেৎ সেক্তরগীদমক ইজ ওফ দুইং বিজিনেস এনভাইরনমেন্ত হেনগৎহন্নবা ঐখোয়না হোৎনরি, মসিনা লৈবাক অসিগী প্রাইবেৎ সেক্তরনা ইরৈবাকচাশিংগীদমক চপ মান্ননা ইজ ওফ লিবিং হেনগৎহনবদা মতেং পাংগনি।
মরুপশিং,
মফম অসিদা লাক্ত্রিঙৈদা ঐহাক্না ইনস্পেসকী তেক্নিকেল লেব অমসুং ক্লীন রুম য়েংলুই। মসিদা লৈরিবা দেজাইন, ফেব্রিকেসন, এসেমব্লী, ইন্তিগ্রেসন অমসুং সেতলাইৎশিংগী তেস্তিংগী লৈরিবা স্তেৎ-ওফ-দি-আর্ত ইক্বিপমেন্ত অসি ভারতকী কম্পনীশিংনা শীজিন্নবা য়াগনি। মফম অসিদা মোদর্ন ফেসিলিতী অমসুং ইনফ্রাস্ত্রকচর কয়া শাখিগনি অমসুং মসিনা স্পেস ইন্দস্ত্রীগী কেপাসিতী হেনগৎহনবদা মতেং পাংগনি। ঙসি ঐহাক্না একজিবিসন এরিয়াদা চৎপা, স্পেস ইন্দস্ত্রী অমসুং স্পেস স্তার্ত-অপশিংগী মীওইশিংগা ৱারী শাবগী খুদোংচাবা অমা ফংজখি। স্পেস সেক্তরদা ঐখোয়না রিফোর্মশিং পুরকপা মতমদা মীওই খরানা স্পেস ইন্দস্ত্রীদা প্রাইবেৎ প্লেয়র কনানা ওইগনি হায়না চীংনবা পোকখি? অদুবু ঙসি স্পেস সেক্তরদা ভারতকী প্রাইবেৎ কম্পনী ৬০ হেনবনা লাক্লি, ঙসি মখোয়না মসিদা মাংজিল থারি অমসুং মখোয়গা ঙসি উনবা ফংজবদা ঐহাক্না নুংঙাইবা পোকই। ভেহিকল, সেতলাইৎ, গ্রাউন্দ সেগমেন্ত অমসুং স্পেস এপ্লিকেসন লোঞ্চ তৌবগী লমদা ঐখোয়গী প্রাইবেৎ ইন্দস্ত্রী কলিগশিংনা খোঙজেল য়াংনা থবক পাইখৎলিবা অসিদা ঐহাক্না চাউথোকচবা পোকই। পি.এস.এল.ভু. রোক্কেৎ মেন্যুফেকচর্র তৌবদা ভারতকী প্রাইবেৎ প্লেয়রশিংনা মাং থারি। মসি খক্তা নত্তনা প্রাইবেৎ কম্পনী কয়ানা মখোয় মশাগী রোক্কেৎশিং দিজাইন তৌখি। মসি ভারতকী স্পেস সেক্তরগী লোইনাইদ্রবা ওইথোকপশিংগী মমি অমনি। মসিগীদমক ঐহাক্না ঐখোয়গী সাইন্তিস্ত, ইন্দস্ত্রিএলিস্ত, নহা ওইরিবা ওন্তপ্রিনোর অমসুং ইরৈবাকচা পুম্নমকপু থাগৎপা ফোঙদোকচরি অমসুং মসিগী খোঙচৎ অসিগী অনৌবা তর্নিং পোইন্ত অসিদা ঐহাক্না অনৌবা পনখৈ য়োবা ঙম্নবা লম্বী খনখি, করিগুম্বা ঐহাক্না অখন্ননা মীওই অমদা থাগৎপদা ফোঙদোকউ হায়রবদি মদু ইস্রোগী মীওইশিং অসি ওইগনি। মসিবু লমজিংখিবা ঐখোয়গী ইস্রোগী অরিবা সেক্রেতরীশিংনা মফম অসিদা লেংশিনবীরি অমসুং হৌজিক ঐখোয়গী সোমনাথজীনা মসি মখা তানা লমজিংলি মরম অসিনা ঐহাক্না ইস্রোগী কলিগশিংদা ফুল ক্রেদিৎ পীজরি। ঐহাক্না মসিবু সাইন্তিস্তশিংদা পীরি। মসি অপীকপা ৱারেপ নত্তে, মরুপশিং অমসুং স্তার্তঅপশিং অসিনা মসি খঙই মরমদি অসিগুম্বা মরু ওইবা ৱারেপ অমনা মরম ওইরগা মখোয়না ভারত্তা অমসুং মালেমদা করিগুম্বা অমা তৌনবগী থৌনা পীরি অমসুং মখা তারকপগী ক্রেদিৎ পুম্নমক ইস্রোদা পীজরি। মখোয়না থবক অসিদা অচৌবা মতেং পাংখি, মখোয়না থবক অসি হেন্না খোঙজেল য়াংশিন্নবা হোৎনখি অমসুং মহাক্না লৌশিং লৈরবা লম অসিদা মহাক্না লৈবাক অসিগী নহারোলশিং য়াওহন্দুনা মসি নখোয়গীনি হায়বীদুনা মখোয়বু মাংদা চংশিনহনখি। মসিমক অওনবা পুরক্লিবা ৱারেপ অমনি।
মরুপশিং,
তানফম অসিদা ঐখোয়না নীংতম্বা ফংখিবগী চহি ৭৫ শুবগী অমৃত মহোৎসব পালন তৌরি। ইরৈবাকচা করোর কয়াদা ইথিল পীরিবা নীংতম্বা ফংলবা ভারতকী ঐখোয়গী মাইপাকপা অসিনা ঐখোয়দা থাজবা পোকহনখি, মখোয়দা ঐখোয়গী স্পেসকী মাইপাকশিং অসিনা অখন্ননা শরুক তম্লি। ইস্রোনা রোক্কেৎ অমা লোঞ্চ তৌবা মতমদা, স্পেসতা মিসন অমা থাবা মতমদা, লৈবাক পুম্বনা য়াওশিল্লি, চাউথোকচবা পোকই। লৈবাক অসিনা মখোয়গীদমক থৌনিজরি অমসুং মখোয়না মাইপাক্লবা মতমদা, ইরৈবাকচা খুদিংমক্না নুংঙাইবা, হরাওবা অমসুং চাউথোকচবা পোকই, অমসুং ভারতকী প্রজা খুদিংমক্না মসিগী মাইপাকপা অসি মখোয় মশাগী মাইপাকপা ওইনা লৌই। অমসুং করিগুম্বা পামদবা অমা থোকপা তারবদু, থাজদবা অমা থোকপা তারবসু ইরৈবাকচাশিংনা সাইন্তিস্তশিংগীদমক লেপ্পি অমসুং মখোয়বু পুক্নিং থৌগৎপী। মীওই অমনা সাইন্তিস্ত অমা নত্ত্রগা লৌমী-শিন্মী ওইগেরা, সাইন্সকী থৌওং খঙগেরা নত্ত্রগা খঙলোইগেরা, হীরমশিং অসিগী ৱাংমা লান্থোক্তুনা, ঐখোয়গী স্পেস মিসন্না লৈবাক্কী মীয়ামগী মিসন ওইরবনি। ভারতকী মীয়াম্না অসিগুম্না থৱাই য়াওনা অমত্তা ওইবা অমসুং শৌগৎপগী থৌওং ঐখোয়না মিসন চন্দ্রয়ানগী মনুংদা উবা ঙমখি। ভারতকী স্পেস মিসন অসিনা ‘আত্মনির্ভর ভারত’কী অচৌবা শক্তাক অমা ওইখি। হৌজিক কেম্পেন অসিনা ভারতকী প্রাইবেৎ সেক্তরদগী শক্তি ফংলগনি, মাগী শক্তি অসি কয়াম হেনগৎলকপগে হায়বা অদোম্না উবা ফংলগনি।
মরুপশিং,
২১শুবা চহিচা অসিদা অদোমগী পুন্সিদা স্পেস তেক্নোলোজীগী থৌদাং অসি নোংমা নোংমগী হেনগৎলক্লি। থৌদাং হেনগৎলকপা, এপ্লিকেসন হেনগৎলকপা, ওইথোকপা য়াবশিং হেনগৎলকপগা লোয়ননা স্পেস তেক অসি ২১শুবা চহিচাদা মরু ওইবা অওনবা পুরকপগী য়ুম্ফম ওইরক্লি। স্পেস-তেক অসি হৌজিক দিস্তেন্ত স্পেস খক্কী নত্তনা ঐখোয়গী পর্সনেল স্পেসকী তেক্নোলোজী অমা ওইরক্লি। মীচমগী পুন্সিদা স্পেস তেক্নোলোজীগী থৌদাং, নোংমগী পুন্সিদা স্পেস তেক্নোলোজীনা শরুক তম্লিবগী মওং অসি খঙজিন-উশিল্লুদে। ঐখোয়না তি.ভি. থাগৎপা মতমদা ঐখোয়না চেনেল কয়া য়েংবা ফংই। অদুবু মীওই খরা খক্তনা মসি সেতলাইৎকী মতেংনা তৌরিবনি হায়বা অসি খঙই। মফম অমা চৎপদা, ত্রাফিক লৈ নত্ত্রগা লৈতে য়েংবা, খ্বাইদগী তেনবা লম্বী য়েংবা, পুম্নমক অসি কনাগী মতেংনা ওইথোক্লিবনো? মসি সেতলাইৎকী মতেংনা ওইথোক্লিবনি। অর্বান প্লানিংগী থবক কয়া লৈ, লম্বী খরা শেম্লি, থোং খরা শারি, স্কুল খরা, হোস্পিতাল খরা শারি, গ্রাউন্দ ৱাতর তেবলশিং য়েংশিনবা, ইনফ্রা প্রোজেক্তশিং য়েংশিনবা, পুম্নমক অসি সেতলাইৎকী মতেংনা তৌরিবনি। ঐখোয়গী সমুদ্র খোঙবানগী মফমশিংগী প্লানিং তৌবদা স্পেস তেক্নোলোজীনা মখোয়গী চাউখৎ-থৌরাংনা অচৌবা থৌদাং অমা লৌরি। সমুদ্রদা ঙা ফাবা চৎলিবা ঙামীশিংনা সমুদ্রগী নোংলৈ নুংশিৎ লৈবরা হায়না সেতলাইৎতা য়েংবা ফংলি। ঙসি চুগদবা নোংগী ফোরকাস্ত অসি অদুমক চুম্লি। মসিগা চপ মান্নবা মওংদা সাইক্লোনশিং লাকপা মতমদা মখোয়গী চপ চাবা ফোল পোইন্ত, করম্বা মাইকৈদা চৎকনি, পুং কয়া ওইগনি, মিনিৎ কয়াদা ফোল তৌগনি, অকুপ্পা মরোল পুম্নমক সেতলাইৎকী মতেংনা ফংবা ঙমহল্লি। মসি খক্তা নত্তনা লৌউ-শিংউগী সেক্তরদা লৈরিবা ক্রোপ ইন্সুরেন্স ওইরবসু, সোইল হেল্থ কার্দশিংগী য়োজনা ওইরবসু পুম্নমক অসিদা স্পেস তেক্নোলোজী শিজিন্নরি। হীরম পুম্নমক অসি মীচমগী পুন্সিগা মরী লৈনৈ। হন্দক্কী বজেৎতা ঐখোয়না তি.ভি.গী খুত্থাংদা অঙাংশিংদা মহৈ তম্বীনা, ত্যুসন তৌনবা অচৌবা কেম্পেন অমা লাউথোকখি। মসি খক্তা নত্তনা কম্পিতিতিব একজাম থাগদৌরিবা অঙাংশিং অমসুং মখোয়গী খুঙ্গং থাদোক্তুনা শেল য়াম্না থিদুনা সহরদা ত্যুসন তৌবা চৎলিবা অঙাংশিংগীদমক ঐখোয়না মখোয়গী য়ুম ফাওবা য়ৌহন্দুনা সেতলাইৎকী মতেংনা মখোয়গী মথৌ তাবগী মতুং ইন্না মসিগী সেলেবস শেম-শারি। অঙাংশিংনা অহেনবা শেল তিংদনবা অমসুং লায়রবশিংগী মরক্তা খ্বাইদগী লায়রবা অঙাংশিংনা মখোয়গী তি.ভি. স্ক্রীন অমসুং মখোয়গী লেপতোপ, মখোয়গী মোবাইলদা সেতলাইৎকী খুত্থাংদা খ্বাইদগী ফবা ত্যুসন ফংহন্নবা মাইকৈদা ঐখোয়না চংশিল্লি।
মরুপশিং,
তুংলমচৎতা অসিগুম্বা লম কয়াদা স্পেস তেক শিজিন্নবা হেন্না হেনগৎলক্লগনি। ঐখোয়না মীচমদা স্পেস তেক্নোলোজী অসি করম্না হেন্না এক্সেসিবল ওইহনগনি, স্পেস-তেক্না করম্না ইজ ওফ লিবিং হেনগৎহন্নবা মীদিয়ম অমা ওইগনি অমসুং লৈবাক অসিগী চাউখৎ-থৌরাং অমসুং মতিক ময়াই পুথোকপদা তেক্নোলোজী অসি করম্না শিজিন্নগনি হায়বা মাইকৈ অসিদা ইনস্পেস অমসুং প্রাইবেৎ প্লেয়রশিংনা মখা তানা থবক পাঙথোকপা মথৌ তাই। জিও-স্পাসিএল মেপ্পিংগা মরী লৈনবা ঐখোয়গী মাংদা ওইথোকপা য়াবা কয়া লৈ। মসিদা প্রাইবেৎ সেক্তরনা অচৌবা থৌদাং অমা লৌবা য়াই। ঙসি ঐখোয়দা সরকারগী সেতলাইৎকী অচৌবা দেতা লৈ। হৌজিক লাক্কদৌরিবা মতম অসিদা প্রাইবেৎ সেক্তরনা মখোয়গী মশাগী দেতা কয়া লৈরগনি। দেতাগী লন অসিনা ঐখোয়দা মালেম অসিদা অচৌবা শক্তি পীরগনি। হৌজিক্কী ওইনা মালেমগী স্পেস ইন্দস্ত্রীগী সাইজ অসি দোলর বিলিয়ন ৪০০ রোম ওইরি। ২০৪০দা মসি দোলর ত্রিলিয়ন অমগী ইন্দস্ত্রী ওইবগী ওইথোকপা য়াবা লৈ। ঙসি ঐখোয়না তেলেন্ত লোয়ননা এক্সপরিয়েন্স লৈরে। অদুবু ঙসি ঐখোয়না ইন্দস্ত্রী অসিদা শরুক য়ারিবা অসি পব্লিক পার্তিসিপেসন খক্তা নত্তে হায়বদি প্রাইবেৎ পার্তনরশিপ অসি চাদা ২নি। ঐখোয়গী গ্লোবেল স্পেস ইন্দস্ত্রীদা লৈরিবা শিয়র অসি হেনগৎলক্লি, অমসুং ঐখোয়গী প্রাইবেৎ সেক্তরনা মসিদা অচৌবা থৌদাং অমা লৌরি। তুংদা লাক্কদৌরিবা মতমশিংদা স্পেস তুরিজম অমসুং স্পেস দিপ্লোমেসীগী লমদা ভারতনা অচৌবা থৌদাং অমা লৌরগনি। ভারতকী স্পেস কম্পনিশিংনা গ্লোবেল ওইবা, গ্লোবেল স্পেস কম্পনী লৈবা হায়বা অসি লৈবাক পুম্বগী ওইনা চাউথোকচনীংঙাই ওইবা ৱাফমনি।
মরুপশিং,
ঐখোয়গী লৈবাক অসিদা লোইনাইদ্রবা ওইথোকপা য়াবশিং লৈ, অদুবু খোঙথাং লৌখৎপা ৱাৎলবদি লোইনাইদ্রবা ওইথোকপা য়াবশিং অসি ওইথোকপা ঙমলোই। ঐহাক্না নখোয়দা থাজবা পীরি, লৈবাক অসিগী নহারোলশিংদা থাজবা পীরি, সাইন্তিফিক তেম্পেরমেন্ত লৈবা, রিস্ক লৌবগী মতিক-ময়াই চেনবা নহারোলশিংদা হায়জনীংই মদুদি স্পেস সেক্তরদা পুরক্লিবা রিফোর্মশিংগী থৌওই অসি অপনবা লৈতনা চত্থহনগনি। প্রাইবেৎ সেক্তরগী অপাম্বা তানবা মপাঙ্গল কনবা মেকানিজম অমা শেমখ্রে। ইন-স্পেসনা প্রাইভেত সেক্তরগী তঙাই ফদবা খুদিং য়েংশিন্নবা সিঙ্গল ৱিন্দো, মনীং তম্বা নোদেল এজেন্সী অমা ওইনা মথৌ তৌগনি
মরুপশিং,
মীওইবা খুন্নাইগী তুংগী পুন্সি, মসিগী চাউখৎ-থৌরাং...মসিগীদমক্তা লাক্কদৌরিবা মতমদা খ্বাইদগী ইথিল পীগদবা লম অনি লৈরি, ঐখোয়না মখোয়বু অথুবদা এক্সপ্লোর তৌবা, থিন্থবা তৌদুনা অথোই-অহেন তান্নরিবা মালেম অসিদা ঐখোয়না হেন্না খোঙজেল য়াংশিল্লবদি ঐখোয়না মাংজিল থাবা ঙমগনি। ঐখোয়না মখোয়বু খুদুম চনশিনবা ঙমগনি অমসুং মখোয়শিং অদুদি সমুদ্র অমসুং স্পেসনি। মখোয় অসি য়াম্না অচৌবা শক্তি অমা ওইরক্কনি অমসুং ঙসি ঐখোয়না পোলিসীশিং অমসুং লৈবাক অসিগী নহারোলশিংগী মতেংগী খুত্থাংদা ফংবা ঙম্নবা হোৎনরি। নখোয়সু য়োশিল্লু। ঐখোয়গী নহারোলশিংগী খঙনবা মরু ওইনা মহৈরোয়শিংনা স্পেসকী মরমদা খঙনীংবা পোক্লিবা অসিনা ভারতকী স্পেস ইন্দস্ত্রী চাউখৎহনবদা অচৌবা শাফু অমা ওইরি। ভারতনা হীরম অসিদা পায়খৎলিবা থবকশিংগী মতাংদা মীয়ামদা খঙহনবগী তঙাই ফদবা লৈ। হীরম অসিদা স্কুলশিংগী অতল তিঙ্করিং লেবনা অচৌবা থৌদাং লৌরি, মহৈরোয়শিংনা স্পেসকা মরী লৈনবা হীরমশিং অসি খঙনবা হোৎনবা তাই অমসুং মখোয়না অপদেতেদ ওইনা লৈগদবনি। ঐহাক্না লৈবাক অসিগী স্কুল অমদি কোলেজশিংদা মখোয়গী মহৈরোয়শিংদা স্পেসকা মরী লৈনবা ভারতকী ইন্সতিত্যুতশিংগী মরমদা তাকপীনবা অমসুং মখোয়গী লেবশিংদা পুনবা হায়জনীংই। সেক্তর অসিদা ভারতকী প্রাইবেৎ কম্পনীশিংনা হেনগৎলক্লিবা অসিনা ঐখোয়দা চাউনা মতেং পাংলগনি। মমাংদা ভারত্তা, করি মরমগীনো হায়বদি ঐহাকসু খঙদে অদুবু মমাংদা ঐহাক্না থৌদাং লৌদ্রিঙৈদা ওইরম্লিবা ফীভম অসি সেতলাইৎ অমা লোঞ্চ তৌবা মতমদা মফম অদুদা কনাগুম্বা অমত্তা চংহনখিদে অমসুং ঐখোয়গুম্বা লুচিংবা অমসুং ভি.আই.পি.শিং অমদি মীওই ১২-১৫ খক্তমক চংশ্নখি, সেতলাইৎ লোঞ্চ তৌরিবা অদু য়েংহনখি। ঐখোয়না হরাওনা য়েংখি। অদুবু ঐহাক্কী ৱাখল্লোন অসিদি তোঙাল্লি, ঐহাক্না থবক তৌবগী মওং অসিদি তোঙাল্লি অদুনা ঐহাক্না অহানবা ওইনা প্রধান মন্ত্রী ওইবা মতমদা ৱারেপ অমা লৌখি, ঐখোয়না লৈবাক অসিগী মহৈরোয়শিংনা থৱায় য়াওবা, খঙনীংবা অদু উবা ফংখি অমসুং মসি য়েংলগা ঐখোয়না সেতলাইৎ লোঞ্চ তৌরিবা মফম ওইরবা শ্রীহরিকোতাদা সেতিলাইত থাগৎপা য়েংনবা মীওই লিশিং ১০ চনবা ভ্যুইং গেল্লরী অমা শাবগী থৌদাংসু লৌখি। মসি অপীকপা খোঙথাং ওইনা উবা য়াই অদুবু মসিনা ভারতকী মীওইশিংগী পুন্সিদা অচৌবা কান্নবা অমা পীরি।
মরুপশিং,
ঙসি শঙ্গারিবা ইনস্পেস হেদক্বাতর্স অসিনা এক্তিবিতীগী সেন্তর ওইরক্লি। তোঙান-তোঙানবা সেক্তরশিংদা জাতি অমদি অন্তর্জাতিগী থাক্কী অচৌবা ইন্সতিত্যুসনশিংগী গুজরাতনা সেন্তর ওইরকপা অসিদা ঐহাক্না নুংঙাইবা ফাওই। ঐহাক্না ভুপেন্দ্র ভাই অমসুং মহাক্কী তীমবু থমোয় শেংনা তৌবীমল খঙবা উৎচরি। অমসুং চয়োল খরগী মমাংদা জামনগরদা দবল্যু.ঐচ.ও.গী গ্লোবেল সেন্তর ফোর ত্রেদিস্নেল মেদিসিনগী থবক পাইখৎপা হৌখ্রে হায়বা নখোয়না খঙলমগনি। নেস্নেল দিফেন্স য়ুনিভর্সিতী, নেস্নেল লো য়ুনিভর্সিতী, পন্দিৎ দীনদয়াল ইনর্জী য়ুনিভর্সিতী, নেস্নেল ফোরেন্সিক সাইন্স য়ুনিভর্সিতী, নেস্নেল ইনোবেসন ফাউন্দেসন, চিল্দ্রেন’স য়ুনিভর্সিতী ওইরবসু মফম অসিদা নেস্নেল ইন্সতিত্যুত কয়া লৈরে। ভাস্করচার্য় ইন্সতিত্যুত ফোর স্পেস এপ্লিকেসন অমসুং জিও-ইনফোর্মেতিক্স –বি.আই.এস.এ.জি., লিংখৎখিবা অসিনা লৈবাক অসিগী অতোপ্পা রাজ্যশিংগীদমক ইথিলগী হৌরকফম ওইখি। অদুগা হৌজিক্না ইন-স্পেস অসিনা অচৌবা ইন্সতিত্যুসনশিং অসিগী মরক্তা তিল্লদুনা মফম অসিগী মশক তাকপা হেনগৎহল্লি। ঐহাক্না লৈবাক অসিগী নহারোলশিংদা মরু ওইনা গুজরাতকী নহারোলশিংদা ভারতকী ইন্সতিত্যুসনশিং অসিগী কান্নবা মপুং ফানা লৌনবা হায়জরি। নখোয়না এক্তিব রোল লৌবনা ভারতপধ স্পেস সেক্তরদা অনৌবা পনখৈ য়ৌবা ঙমহনগনি হায়না ঐহাক্না থাজৈ। অমসুং ঙসিগী য়াইফরবা নুমিৎ অসিদা মরু ওইনা প্রাইবেৎ সেক্তরনা নুংঙাইনা শরুক য়াবা, নহারোলশিংনা অনৌবা থৌনা লিংজেলগা লোয়ননা শরুক য়াবা অনৌবা ফিরেপ লৌবা অসিগা লোয়ননা ঐহাক্না নুংঙাইবা ফোঙদোকচরি অমসুং য়াইফ-মঙ্গোল পীজরি। ঐহাক্না ইস্রোগী সাইন্তিস্তবু য়াইফ-মঙ্গোল পীজরি। ঐহাক্না গোএঙ্কা প্রাইবেৎ সেক্তরদা অচৌবা পোতেন্সিএল লৈ হায়না থাজৈ অমসুং মহাক্কী লুচিং মখাদা ইনস্পেসন্না হেন্না মাংদা চংশিনগনি অমসুং মঙলান থুংহনগনি হায়না থাজৈ, ঐহাক্না য়াইফ-মঙ্গোল পীজরি, হন্না-হন্না থাগৎচরি!
