Share
 
Comments
“তেলেন্ত নত্ত্রগা তেক্নোলোজীগী মতাংদা লাকপা মতমদা ‘ব্রান্দ বেঙ্গলুরু’ অসি ৱাখলদা হান্না চোংথোরকই”
“‘ইনভেস্ত কর্নাতকা ২০২২’ অসি কম্পিতিতিব অমসুং কোওপরেতিব ফেদরেলিজমগী ফজরবা খুদম অমনি”
“করি থোক্কনি তম্বা ঙমদ্রবা তানফম অসিদা ভারতকী শেন্মীৎলোনগী ফন্দামেন্তেলশিংদা মালেমনা থাজবা থম্লি”
“রেদ তেপতা ইনভেস্তরশিংবু ত্রেপ তৌদুনা থম্বগী মহুৎ ইনভেস্তমেন্ত লাক্নবগী রেদ কার্পেৎ থারিবা ফীভম অমা ওইহনখি”
“অচৌবা রিফোর্মশিং, অচৌবা ইনফ্রাস্ত্রকচর অমসুং খ্বাইদগী ফবা তেলেন্ত খক্তনা অনৌবা ভারত অমা শেমগৎপা ওইথোক্কনি”
“চাউখৎ-থৌরাংগী পান্দমশিং অসি ইনভেস্তমেন্ত অমসুং হ্যুমেন কেপিতেলদা মীৎয়েং চংলবতদা ফংবা ঙমগনি”
“দবল ইঞ্জিন সরকারগী শক্তিনা কর্নাতকাগী চাউখৎ খোঙথাংদা শাহৌ পীরি”
“ভারত্তা ইনভেস্ত তৌবা হায়বগী ৱাহন্থোক্তি ইনক্লুজন্দা ইনভেস্ত তৌবা, দেমোক্রেসীদা ইনভেস্ত তৌবা, মালেমগীদমক ইনভেস্ত তৌবা অমসুং হেন্না ফবা, হেন্না লুনানবা অমসুং শাফবা গ্রহ অমগীদমক ইনভেস্ত তৌবা হায়বনি”

খুরুমজরি,

গ্লোবেল ইনভেস্তর্স মীত অসিদা মালেমগী কাচিন কোয়া শিনবা থুংবদগী লেঙবিরক্লিবা মরূপশিং, ভারত্তা তরাম্না ওকচরি, ঐখোয়গী কর্নাতকাদা তরাম্না ওকচরি, অমদি ঐখোয়গী বেঙ্গলুরুদা তরাম্না ওকচরি‍। ঙরাং কর্নাতকানা স্তেতহুদ দে পাঙথোকখি‍। কর্নাতকাগী মীয়াম অমদি কন্নরারা লোল ঙাঙলিবা পুম্নমক্কী মফমদা য়াইফ-পাউজেল পীজরি‍। মফম অসি চৎনবীসু লৈবা, অদুগা তেক্নোলোজীসু লৈবা মফম অমনি‍। মফমসি মহৌশা অমসুং নাৎকী ইতিনফমসু ওইরিবা মফমনি‍। মফমসি অঙকপা ফংলবা আর্কিতেকচর অমসুং মচু মমেন্না থল্লবা স্তার্ত-অপশিংনা মশক তাক্লিবা মফম্নি‍। তেলেন্ত অমসুং তেক্নোলোজীগী মরমদা ৱা ঙাঙনরকপা মতমদা, ৱাখলদা অহানবা লাকপা মফমসি ব্রান্দ বেঙ্গলুরুনি, অদুগা মমিং অসি ভারত খক্তা নত্তনা মালেম পুম্বদা মরা তাখ্রবনি‍। কর্নাতকাগী লৈমায় অসি খ্বাইদগী ফজরবা নেচরেল হোৎস্পোৎ লৈবগীদমক মমিং চৎলি‍। মফমসিগী মমা লোল কন্নারা, মফমসিগী ইনাক খুল্লবা নাৎ-চৎনবী অমদি পুম্নমক্কী মফমদা কন্নারা মীয়াম্না উৎলিবা মীওক মীচান্না পুম্নমক্কী পুক্নিং শুমহৎলিবনি‍।

মরূপশিং,

গ্লোবেল ইন্ভেস্তর্স মীত কর্নাতকাদা পাঙথোক্লি‍। থৌরম অসি কম্পিতিতিব অমসুং কোওপরেতিব ফেদরেলিজমগী ময়েক লারবা খুদম্নি‍। ভারত্তা মেনুফেকচরিং অমদি প্রোফেস্নেল অমদি প্রদক্সন স্তেতশিংগী চৎন-পথাপশিং অমদি থৌরাংগী মখা য়াম্না পোল্লি‍। মরম অসিনা ভারতনা মাঙদা চঙশিনগে হায়বা তারগদি স্তেতশিংনা মাঙদা চঙশিনবা মথৌ তাই‍। গ্লোবেল ইনভেস্তর্স মীতকী খুত্থাঙদা স্তেত-স্তেতকী ওইবা অকক্নবা সেক্তরশিংদা মশানা অতোপ্পা লৈবাকশিংনা খোঙবু শেম্লি, মসি অফবা ৱাফম অমনি‍। মালেম পুম্বগী কম্পনীশিংনা থৌরম অসিদা শরুক য়াবা উরি‍। ফম্পাক অসিদা লুপা করোর লিশিং কয়াগী খোঙবু শেমগদৌরিবনি‍। মসিনা নহাশিংবু মশিং য়াম্না থবক পীনবগী খুদোংচাবা ফংলক্কদৌরিবনি‍।

মরূপশিং,

২১শুবা চহিচা অসিদা ভারতনা ঙসি লৈরিবা থাক অসিদগী খোঙফম হন্দনা মাঙদা চঙশিনগদবনি‍। মমাঙ চহিদা ভারত্তা রেকোর্দ ওইনা দোলর বিলিয়ন ৮৪গী ফোরেন দাইরেক্ত ইনভেস্তমেন্ত ফংবা ঙমখি‍। অদুগা অদোমসু খঙই মদুদি ফীভম অসি মালেম পুম্বনা কোবিদকী মালেমগী লাইচৎ মায়োক্নরিঙৈ মতমদা ফংবা ঙমখিবনি‍। মায়কৈ খুদিংদা তম্বা ঙমদবা ফীভম লৈখি‍। ভারত্তসু লাল অমদি লাইচৎকী ফীভম্না শাফু কন্না পীখি‍। মদু ওইদুনসু, ঙসি মালেম পুম্বনা ভারতকী মায়কৈদা থাজবা কয়াগা লোয়ননা য়েংলক্লি‍। মতম অসি শেন্মিৎলোন্দা তম্বা ঙমদবা মতম্নি, অদুম ওইনমক লৈবাক পুম্বনা ভারতকী শেন্মিৎলোনগী য়ুম্ফম চেৎনা লৈ হায়বা ৱাফমসিদা থাজবা থম্লি‍। ঙসিগী মচেৎ মচেৎ তারবা তানফম অসিদা ভারতনা মালেমগা খুৎশম্নদুনা মালেম পুম্বগী ওইনা থবক তৌনবগীদমক লাউরি‍। অসিগুম্বা ফীভমসিদা সপ্লাই চেন্দা অপনবা থোকখিবা থেংনরি, অদুম ওইনমক ভারতনা মথৌ তাবা পুম্নমক্কী মফমদা হিদাক লাংথক অমসুং ভেক্সিন ফংহন্নবা থাজবা পীখি‍। মতমদু কৈথেলদা অকা অকুম নাইবা মতম্নি, অদুম ওইনমক ভারত মচা করোর ১৩০গী মঙলান্না ঐখোয়গী ইয়ুমগী কৈথেল মপাঙ্গল কন্না লৈনবা গরেন্তী পীদুনা লৈখি‍। অদুগা খ্বাইদগী মরুওইবা ৱাফম অমনা, মতম অসি মালেমগী লাংফমগী মতম ওইরবসু, মালেম পুম্বগী অখঙ অহৈ, অমসুং শেন্মিৎলোন নৈনবা পুম্নমক্না ভারতকীদমক অরংবা মফম অমা লাক্কনি হায়না ফোঙদোক্নরি‍। অদুগা ঐখোয়না ঐখোয়গী য়ুম্ফম চেৎশিলহন্নবগীদমক লেপ্পা লৈতনা থবক তৌরি মরমদি ভারতকী শেন্মিৎলোন নুমিৎ খুদিং হেন্না কনশিল্লক্নবনি‍। হৌখিবা থা খরসিদা ভারতনা তৌখিবা ফ্রী ত্রেদ দীল পুম্নমক অসিদগী মালেম্না ঐখোয়না শেম শারিবা অসি উবা ফংবিগনি‍।

 

মরূপশিং

ঙসি ঐখোয়না লেপ্লিবা পন্দোল অসি য়ৌরক্নবগী খোঙচৎ কদায়দগী হৌরকখিবগে হায়বসি নীংশিংবা মথৌ তাই‍। চহি ৯-১০গী মমাঙদা ঐখোয়গী লৈবাক পোলিসী লেভেলদা পন্দুনা লাংফম কয়া মায়োক্নদুনা লৈরম্মী‍। লৈবাকসিবু ফীভম অদুদগী মপান্দা পুথোরক্নবগীদমক ঐখোয়গী খোঙজঙ হোংদোকপা মথৌ তাখি‍। ঐখোয়না ইনভেস্তরশিংবু রেদ তেপকী লাংদা থুহন্বগী মহুত্তা চঙলকপদা রেদ কার্পেৎ থাবিবগী ফীভম শেমগৎখি‍। ঐখোয়না অয়েৎ অপন থোকহনগদবা অনৌবা কাঙলোনশিং শেম্বগী মহুত্তা লৈরম্লিবশিং রেস্নেলাইজ তৌখি‍। ঐখোয়না বিজিনেস তৌবগী মহুত্তা অতৈসু চাওখৎলকপা ঙম্নবগীদমক বিজিনেসকীদমক মফম শেমখি‍। ঐখোয়না নহাশিংবু কাঙলোন্দা পুন্দুনা থম্বগী মহুত্তা মখোয়গী মতিং হেনগৎহন্নবগী খুদোংচাবা পীখি‍।

মরূপশিং,

অনৌবা ভারত শেমগৎপা হায়বসি, ইচঙ থৌবা রিফোর্ম, অচৌবা ইনফ্রাস্ত্রকচর অমসুং খ্বাইদগী ফবা তেলেন্তনা ওইথোকপা ঙমহনগনি‍। ঙসি লৈঙাক্কী হীরম খুদিংদা ইচঙ থৌবা রিফোর্ম পুরক্লি‍। শেন্মিৎলোনগী লমদা জি.এস.তি. অমসুং আই.বি.সি.গুম্বা রিফোর্মশিং পুরকখ্রে‍। বেঙ্কিং সেক্তরদা রিফোর্ম অমসুং মপাঙ্গল কনবা মেক্রো-ইকনমিক ফন্দামেন্তেলশিংগী খুত্থাঙদা শেন্মিৎলোনবু মপাঙ্গল কনখৎহল্লি‍। মতৌ অসুম্না য়ু.পি.আই.গুম্বা খোঙথাঙশিংনা লৈবাকসিদা দিজিতেল রিভোলুসন পুরক্নবগী খোঙফম শেমখি‍। ঐখোয়না মতমগা চুনদ্রবা কাঙলোন ১৫০০ হেন্না মুত্থৎখি, মথৌ তাদ্রবা কমপ্লাইএন্স লিশিং ৪০ হেন্না মুত্থৎখি‍। ঐখোয়না চৎন-পথাপ কয়াবু দি-ক্রিমিনেলাইজসু তৌখি‍। ঐখোয়না কোর্পেরেৎ তেক্স কিবগী চাং হন্থহনবনচিংবা খোঙথাঙশিং লৌখৎপগা লোয়ননা ফেসলেস এসেসমেন্তনচিংবগী খুদোংচাবশিংদা ত্রান্সপেরেন্সী হেনগৎহনখি‍। ভারত্তা এফ.দি.আই.গী অনৌবা সেক্তরশিংগী থোঙ কয়া হাংদোরক্লি‍। ভারত্তা দ্রোন, জিও-স্পেসিএল সেক্তর, স্পেস সেক্তর অমসুং দিফেন্স সেক্তর ফাওবদা ইনভেস্তমেন্তকী মফম হেনগৎহল্লি‍।

মরূপশিং,

রিফোর্মগা লোয়ননা ইনফ্রাস্ত্রকচরগী লমদসু ভারতনা খোঙজেল য়াঙনা মাঙদা চঙশিল্লি‍। মতমগা চুনবা ইনফ্রাস্ত্রকচর লৈহন্নবগীদমক ভারত হান্নদগী হেন্না খোঙজেল য়াঙদা অমদি পাক চাউনা থবক পায়খৎলি‍। অদোম্না এয়রপোর্তশিং অসিবু খুদম ওইনা য়েংবা য়াই‍। হৌখিবা চহি ৮সিদা ওপরেস্নেল এয়রপোর্তকী মশিং শরুক অনি হেনগৎলে‍। চাউরাক্না এয়রপোর্ত ৭০রোমদগী ১৪০দা হেনগৎলে‍। অদুগা হৌজিকসু অনৌবা এয়রপোর্ত কয়া ভারত্তা শাগৎলি‍। মতৌ অসুম্না মেত্রো ত্রেন্না ময়োল্লম মঙা কোনশিল্লম্বদগী ময়োল্লম ২০দা শন্দোকখ্রে‍। হন্দক্তা হৌদোকখিবা নেস্নেল লোজিস্তিক্স পোলিসী অসিনা চাওখৎ খোঙজেল হেনগৎহনবদা মতেং ওইরগনি‍।

মরূপশিং,

ঐনা ইনভেস্তরশিংগী পুক্নিংবু মরুওইনা পি.এম. গতিশক্তি নেস্নেল মাস্তর প্লানী মায়কৈদা চিংশিঞ্জরি‍। গতিশক্তি নেস্নেল মাস্তর প্লান্না ইনফ্রাস্ত্রকচর শেমগৎপগী মওং মতৌ হোংদোক্লে‍। হৌজিক্তি প্রোজেক্ত অমগী খুজিল থৌরাং য়াৎপদা মদুগী দাইমেন্সন ৩দা ইহান হান্না মীৎয়েঙ থম্লি‍। নৌনা শেমগৎলক্লিবা ইনফ্রাস্ত্রকচরগা লোয়ননা হান্নদগী লৈরবা ইনফ্রাস্ত্রকচরগী মেপ শেম্লি‍। অদুগা মদুবু মপুং ফানা পায়খৎনবগী খ্বাইদগী তেনবা অমদি মতিক চাবা লম্বী পরিংগী লমদা খন্নৈ‍। মসিদা লাস্ত মাইল কন্নেক্তিভিতীদা মরুওইবা মীৎয়েঙ থম্লি‍। মায়কৈ অসিদা পোত্থোক অমদি সর্ভিসশিং মালেমগী থাক্কী ওইহন্নবগী লমদসু মীৎয়েঙ থম্লি‍।

মরূপশিং,

ঙসি মালেমসিনা ইন্দস্ত্রী ৪.০গী মায়কৈদা খোঙ থাংজিল্লকপসিদা, ইন্দস্ত্রীগী য়াওল অসিদা ভারতকী নহাশিংগী থৌদাং অমসুং ভারতকী নহাশিংগী হৈশিংবা য়েংলগা মালেম্না ঙক্নরি‍। ভারতকী নহাশিংনা, হৌখিবা চহিশিংদা মফমসিদা য়ুনিকোর্ন ১০০ হেন্না শেমগৎখ্রে‍। ভারত্তা চহি ৮দা স্তার্তঅপ লিশিং ৮০ হেন্না থোরক্লি‍। অদুগা ভারতকী সেক্তর খুদিংদা, নহাশিংগী পাঙ্গল থৌনানা মাঙদা চঙশিনবা ঙম্লি‍। মমাঙ চহিদা ভারতনা রেকোর্দ ওইনা এক্সপোর্ত তৌখি‍। কোবিদকী মতুংদা ওইখিবা ফীভমদা হায়রিবা ফীভম অসি য়াম্না মরু ওইখি‍। ভারতকী নহাশিংগী মতিং ফুদোকহন্নবগীদমক ঐখোয়না ইন্দিয়ন এজুকেসন সিস্তেমদা মরুওইবা অহোংবা পুরকখি‍। হৌখিবা চহি খরসিদা ভারত্তা য়ুনিভর্সিতী, তেক্নোলোজী য়ুনিভর্সিতী অমসুং মেনেজমেন্ত য়ুনিভর্সিতী মশিং চাদা ৫০গী চাংদা হেনগৎলক্লি‍।

মরূপশিং,

ইনভেস্তমেন্ত অমসুং হ্যুমেন কেপিতেলদা মীৎয়েঙ থমদুনা চাওখৎপগী অৱাংবা পান্দম ফংবা ঙমগনি হায়বা ৱাখল্লোনগা লোয়ননা মাঙদা চঙশিন্দুনা ঐখোয়না হকশেল অমসুং মহৈ মশিংগী লমদা শেল থাদবা হেনগৎহনখি‍। ঐখোয়গী পান্দমদি প্রদক্তিভিতী হেনগৎহনবসুনি, অদুগা হ্যুমেন কেপিতেল ফগৎহনবসুনি‍। ঙসি ঐখোয়না মালেমগী খ্বাইদগী চাউবা মেনুফেকচরিং ইন্সেন্তিব স্কীমশিংগী মরক্তা অমা চৎনহল্লি, অদুগা নাকল অমদনা মালেমগী খ্বাইদগী চাউবা হেল্থ এস্যুরেন্স স্কীমগী কান্নবসু ফংহল্লি‍। নাকল অমদা ঐখোয়গী লৈবাকসিদা এফ.দি.আই. খোঙজেল য়াঙনা হেনগৎলক্লি অদুগা নাকল অমদনা মেদিকেল কলেজ অমসুং লায়েংশঙগী মশিংসু হেনগৎলক্লি‍। নাকল অমদা ঐখোয়না বিজিনেসকী লম্বী পরিংদা লাক্কদবা খোঙলৌ পল্লৌবশিংবু লৌথোক্লি অদুগা নাকল অমদনা হেল্থ এন্দ ৱেলনেস সেন্তর লাখ অমা মখায় লিংখৎলি‍। নাকল অমদা ঐখোয়না লৈবাক শিনবা থুংনা হায়ৱেগী লাং থাক্লি অদুগা নাকল অমদনা ময়ামগী তোইলেৎকী অমদি থক্নবা অফবা ঈশিং ফংহন্নবগী মিসন পায়খৎলি‍। নাকল অমদা ঐখোয়না মেত্রো, এয়রপোর্ত অমসুং রেলৱে স্তেসনশিংদা তুংলমচৎকী ওইগদবা ইনফ্রাস্ত্রকচর শেমগৎপদা পুক্নিং চঙলি অদুগা নাকল অমদনা ঐখোয়না স্মার্ত স্কুল লিশিং কয়া লিংখৎলি‍।

মরূপশিং,

রিনউএবল ইনর্জীগী লমদা ঙসি ভারতনা ফংলিবা পন্দোল অসি মালেম পুম্বগী ওইনা ফিদম্নফম্নি‍। হৌখিবা চহি ৮সিদা লৈবাক্কী রিনিউএবল ইনর্জীগী মতিং শরুক ৩ হেনগৎলে, অমদি সোলর ইনর্জীগী মতিং শরুক ২০ হেনগৎলে‍। গ্রীন গ্রোথ অমসুং সস্তেনেবল ইনর্জীগী মায়কৈদা পায়খৎলিবা খোঙথাঙশিংনা য়াম্লবা ইনভেস্তরশিংগী পুক্নিং চিংশিল্লি‍। থাদখিবা শেনফমগী শেন্দোং পাম্লবা অদুগা লৈবাক লৈহাও অসিগী থৌদাং য়াবা পাম্বশিংনা ভারতকী মায়কৈদা থাজবগা লোয়ননা য়েংলি‍।

মরূপশিং,

ঙসি কর্নাতকাগা মরুওইবা ৱাফম অমগা মরী লৈনৈ‍। কর্নাতকাদা দবল ইঞ্জিনগী মতিং লৈ হায়বদি কেন্দ্র লৈঙাক অমসুং স্তেত লৈঙাক অনিমক পার্তী অমত্তনা লুচিংলি‍। মসিসু কর্নাতকানা হীরম কয়াদা মাঙজিল থানা চেনখৎপগী মরম অমসুনি‍। ইজ ওফ দুইং বিজিনেসতা কর্নাতকানা লেপ্পা লৈতনা মকোক থোংবা মফমদা মফম কন্দুনা লাক্লি‍। মসিনা মরম ওইরগা এফ.দি.আই.গী লমদা কর্নাতকানা মকোক থোংবা স্তেতশিংগী লিস্ততা য়াওবা ঙম্লিবনি‍। ফোর্চুন ৫০০ কম্পেনীশিংগী মনুংদা ৪০০দি কর্নাতকাদা লৈ‍। ভারতকী ১০০ প্লস য়ুনিকোর্নশিংগী মনুংদা ৪০ হেন্না কর্নাতকাদা লৈ‍। কর্নাতকা ঙসিদ মালেমগী খ্বাইদগী চাউবা তেক্নোলোজী ক্লস্তরশিংগী মরক্তা খুৎ থেক্তুনা পানরি‍। কর্নাতকাদা ইন্দস্ত্রীদগী হৌরগা ইনফোর্মেসন তেক্নোলোজী ফাওবদা, ফিন্তেক্তগী হৌরগা বাইওতেক ফাওবদা, স্তার্ত-অপতগী হৌরগা সস্তেনেবল ইনর্জী ফাওবদা, হীরম খুদিংদা চাওখৎপগী অনৌবা পুৱারী ইরি‍। চাওখৎপগী দেতা খরদদি কর্নাতকা ভারতকী অতৈ স্তেতশিংগীতা নত্তনা অতৈ লৈবাকশিংগসু চাংদম্নবা ঙম্লি‍। ঙসি ভারতনা নেস্নেল সেমি-কন্দক্তর মিসনগা লোয়ননা মেনুফেকচরিং দোমেনগী অনৌবা তাঙ্ক অমদা খোঙ থাংজিল্লি‍। মসিদা কর্নাতকাগী থৌদাং য়াম্না মরু ওই‍। চিপ দিজাইন অমসুং মেনুফেকচরিংগী লমদা মফমসিদা তেক ইকো-সিস্তেম্না অনৌবা পন্দোল লোমহনবা ঙমগনি‍।

মরূপশিং,

অদোমসু খঙলিবদুনি, ইনভেস্তর অমনা মেদিয়ম তর্ম মিসন অমসুং লোং তর্ম ভিজনগা লোয়ননা মাঙদা চঙশিল্লি‍। অদুগা ভারত্তা পুক্নিং থৌগৎনিংঙাই ওইবা লোং তর্ম ভিজন অমসু লৈরি‍। নেনো য়ুরিয়া, হায়দ্রোজেন ইনর্জী, গ্রীন এমোনিয়া, কোল গেসিফিকেসন নৎত্রগা স্পেস সেতলাইতকী লমদা ওইরবসু ঙসি ভারত মশাগী চাওখৎপনা মালেমগী চাওখৎপা পুরক্কনি হায়বা ৱাখল্লোনগা লোয়ননা মাঙদা চঙশিল্লি‍। হৌজিক ভারতকী অমৃৎ কালনি‍। অজাদী কে অমৃৎ মহোৎসব অসিদা লৈবাক মীয়াম্না অনৌবা ভারত শেমগৎনবগী ফিরেপ লৌদুনা মাঙদা চঙশিল্লি‍। ঐখোয়না ২০৪৭ ফাওবদা চাওখৎলবা ভারত অমা ফংবা ঙম্নবগী পান্দম থম্লি‍। মসিগীদমক অদোমগী ইনভেস্তমেন্ত অমসুং ইন্সপিরেসন অনিমক পুনশিনবা য়াম্না মরুওই‍। মরমদি, ভারত্তা শেল থাদবা হায়বসি, ইনক্লুজন, দিমোক্রেসীদা শেল থাদবনি‍। ভারত্তা শেল থাদবা হায়বসি মালেমসিদা শেল থাবনি‍। ভারত্তা শেল থাদবা হায়বসি হেন্না ফবা গ্রহ অমগীদমক শেল থাবনি‍। ভারত্তা শেল থাদবা হায়বসি হেন্না তরু তনানবা হেন্না শাফবা গ্রহ অমগীদমক শেল থাদবনি‍। লাউ, ঐখোয় পুন্না মীওই করোর কয়াগী পুন্সিদা অওনবা পুরক্নবগী পান্দমগা লোয়ননা চৎমিন্নসি‍। থৌরম অসিদা শরুক য়ারিবা মীপুম খুদিংগী মফমদা ঐনা য়াইফরোল পীজরি‍। কর্নাতকাগী মুখ্যমন্ত্রী, মহাক্কী কাঙবু পুম্বা, কর্নাতকা লৈঙাক্কী অমদি কর্নাতকাগী ইচিল-ইনাও পুম্নমকপু থম্মোয়নুংদগী য়াইফরোল পীজরি, হন্না হন্না থাগৎচরি‍।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Rs 1,780 Cr & Counting: How PM Modi’s Constituency Varanasi is Scaling New Heights of Development

Media Coverage

Rs 1,780 Cr & Counting: How PM Modi’s Constituency Varanasi is Scaling New Heights of Development
...

Nm on the go

Always be the first to hear from the PM. Get the App Now!
...
The world class station of Jhansi will ensure more tourism and commerce in Jhansi and nearby areas: PM
March 26, 2023
Share
 
Comments

The Prime Minister, Shri Narendra Modi has said that the World Class Station of Jhansi will ensure more tourism and commerce in Jhansi as well as nearby areas. Shri Modi also said that this is an integral part of the efforts to have modern stations across India.

In a tweet Member of Parliament from Jhansi, Shri Anurag Sharma thanked to Prime Minister, Shri Narendra Modi for approving to make Jhansi as a World Class Station for the people of Bundelkand. He also thanked Railway Minsiter, Shri Ashwini Vaishnaw.

Responding to the tweet by MP from Jhansi Uttar Pradesh, the Prime Minister tweeted;

“An integral part of our efforts to have modern stations across India, this will ensure more tourism and commerce in Jhansi as well as nearby areas.”