Share
 
Comments
“Big and bold decisions have been taken in this Vidhan Sabha building”
“This Assembly is an example of how equal participation and equal rights are pursued in democracy to social life”
“The concept of democracy in India is as ancient as this nation and as our culture”
“Bihar always remained steadfast in its commitment for protecting democracy and democratic values”
“The more prosperous Bihar gets, the more powerful India's democracy will be. The stronger Bihar becomes, the more capable India will be”
“Rising above the distinction of party-politics, our voice should be united for the country”
“The democratic maturity of our country is displayed by our conduct”
“The country is constantly working on new resolutions while taking forward the democratic discourse”
“Next 25 years are the years of walking on the path of duty for the country”
“The more we work for our duties, the stronger our rights will get. Our loyalty to duty is the guarantee of our rights”

খুরুমজরি!

পুৱারী ওইরবা থৌরম অসিদা ঐখোয়গী ইরক্তা য়াওরিবা বিহারগী রাজ্যপাল শ্রী ফাউ চৌহানজী, মীয়াম্না পাম্নরবা মুখ্য মন্ত্রী শ্রী নিতিশ কুমারজী, বিধান সভাগী স্পীকর শ্রী বিজয় সিনহা জী, বিহার লেজিস্লেতিব কাউন্সিলগী প্রসিদেন্তগী থৌ পুরিবা শ্রী অৱধেশ নারায়নজী, উপ মুখ্য মন্ত্রী শ্রীমতি রেনু দেবিজী, তারাকিশোর প্রসাদজী, বিরোধীগী লুচিংবা শ্রী তেজস্বী য়াদবজী, মন্ত্রী, লেজিস্লেচর, অতোপ্পা দিগনিতরী পুম্নমক, নুপী অমদি নুপাশিং।

ময়াম পুম্নমক্তা, বিহারগী মীয়ামবু বিহার বিধান সভা ভৱানগী চহি চামা শুবগী থৌরমনা লাকপদা য়াইফ-পাউজেল পীজরি। বিহারবু নুংশিবা মীওই অদুদা বিহারনা নুংশিবা শরুক কয়া হেনগৎনা অমুক হন্না উৎপা হায়বা অসি বিহারগী মচৎনি। ঙসি ঐহাক্না লৈবাক অসিগী অহানবা প্রধান মন্ত্রী ওইনা বিহার বিধান সভা কমপ্লেক্সতা লাকপগী খুদোংচাবা ফংজখি। ঐহাক্না মীনুংশিং অসিগীদমক ঐহাক্না বিহার মীয়ামবু ইকো নোন্না খুরুমজরি। ঐহাক্না মুখ্য মন্ত্রী অমসুং স্পীকরদা থমোয় শেংনা তৌবীমল খঙবা উৎচরি।                                                               

মরুপশিং,

ঐহাক্না শতাবদী সমৃতি স্তম্ভ মীকুপ খরগী মমাংদা শঙ্গাবগী খুদোংচাবা ফংজখি। স্তম্ভ অসিনা বিহারগী মতিক-ময়াই লৈরবা পুৱারীগী খুদম অমা ওইবা খক নত্তনা মসিনা বিহারগী এস্পিরেসন কয়াবু ইথিল পীরগনি। মীকুপ খরগী মমাংদা বিহার বিধান সভা ম্যুজিয়ম অমসুং বিধান সভা গেস্ত হাউসকী উরেপ-উয়ুং তমখি। ঐহাক্না চাউখৎ-থৌরাংগী থবকশিং অসিগীদমক নিতিশ কুমারজী অমসুং বিজয় সিনহাজীবু থাগৎপা ফোঙদোকচরি। ঐহাক্না এসেমব্লী কমপ্লেক্সতা লৈবা শতাবদী পার্কতা কল্পতরু থাবগী নুংঙাইরবা এক্সপরিয়েন্সসু ফংজখি। কল্পতরু হায়বা উ-পাম্বী অসিনা ঐখোয়গী থাজবা অমসুং অনীংবশিং থুংহল্লি হায়না থাজনৈ। মসি দেমোক্রেসীদা পার্লিয়ামেন্তেরী ইন্সতিত্যুসনশিংগী থৌদাংনি। বিহার বিধান সভানা মান্নবা ৱাখল্লোনগা লোয়ননা থৌদাং অসি লৌখিগনি অমসুং বিহার অমদি লৈবাক অসিগী চাউখৎ-থৌরাংদা চাউনা শরুক তমখিগনি।

মরুপশিং,

বিধান সভাগী বিল্দিং অসিদা অমগী মথংদা অমা অচৌবা অমসুং মরু ওইবা ৱারেপ কয়া লৌখি। নীংতম্বা ফংদ্রিঙৈ মমাংদা রাজ্যপাল সত্যেন্দ্র প্রসন্ন সিনহানা বিধান সভা অসিদগী য়েলহৌমীগী উধ্যোগশিং পুক্নীং থৌগৎনবা ওইবা স্বাদেশি চরখা শীজিন্ননবা অপীল তৌখি। নীংতম্বা ফংলবা মতুং বিধান সভা অসিদা জমীন্দারী এবোলিসন এক্ত পাস তৌখি। মসিগী চৎনবী অসি তুং ইন্দুনা নিতিশজীগী সরকারনা পঞ্চায়তশিংদা নু্পীশিংগীদমক চাদা ৫০ খাক্তুনা থমখিবা বিহারনা অহানবা রাজ্য ওইহল্লিবা বিহার পঞ্চায়তি রাজকুম্বা এক্ত পাস তৌখি। বিধান সভা অসিনা দেমোক্রেসীদগী হৌদুনা খুন্নাইগী পুন্সিরোল ফাওবদা চপ মান্ননা শরুক য়াবা অমসুং চপ মান্নবা হকশিং ফংহনবা হায়বা অসি করম্না ঙাক্না চৎপগে হায়বগী খুদম অমা ওইরি। ঙসি কমপ্লেক্স অসিদা ঐহাক্না বিধান সভা বিল্দিং অসিগী মরমদা ৱা ঙাংজবা মতমদা ঐহাক্না খল্লি মদুদি চহি ১০০ শুবা বিল্দিং অসিনা অথৌইবা মীওই কয়াগী খোঞ্জেলশিং তাখি। করিগুম্বা ঐহাক্না মমিং পন্দুনা লৈরবদি মতম কোন্নরোই অদুবু বিল্দিং অসিনা পুৱারী শেমখিবা মীওইশিংবু উবা ফংখি। স্পীচকী ইনর্জী অসি লোইনাইদে হায়না হায়নৈ। পুৱারী ওইরবা বিল্দিং অসিদা ফোঙদোকখিবা ৱাফমশিং, বিহার চাউখৎহনবগা মরী লৈনবা ফিরেপশিং অসি ঙসিসু ঐখোয়গী ইরক্তা ইনর্জী ওইনা লৈরি। ঙসি ফাওবা ৱাহৈশিং অদু খোন্থাং য়ৈরি।

মরুপশিং,

বিহার বিধান সভাগী চহি চামা শুবগী থৌরম অসি নীংতম্বগী অমৃত মহোৎসবকী মতমদা তাররে। বিধান সভাগী বিল্দিংগী চহি ১০০ শুবগী থৌরম অমসুং লৈবাক্কী নীংতম্বগী চহি ৭৫ অসি মতাং চানা তামিন্নরুবা নত্তে। তামিন্নরুবা অসিনা মান্নবা পুৱারী থেংনমিন্নখি, অমসুং অর্থ চেল্লবা পাউজেলশিং পুরি। নাকল অমরোমদা চম্পরন সত্যাগ্রহ অসিগুম্বা বিহারদা খোঙজংশিং চংশিনখি অমরোমদনা পৃথিবীনা দেমোক্রেসীগী ভেল্যুশিং অমসুং ৱাখল্লোনশিংগী লম্বেল ভারত্তা তাকপীখি। দিকেদ কয়া ঐখোয়দা লোইলম লৈঙাক অমসুং লোইলমগী ৱাখল্লোন অসিনা মরম ওইরগা ভারতনা দেমোক্রেসী ফংখি হায়না তাক্নবা হোৎদুনা লাকখি। অদুবু মীওই অমনা ৱাফম অসি ফোঙদোকপা মরমদা মহাক্না বিহারগী পুৱারী অমসুং বিহারগী হেরিতেজ অসি খুমজিন্নবা হোৎনরি। মালেমগী য়াম্লবা শরুকশিংনা সভ্যতা অমসুং নাৎকী মাইকৈদা মখোয়গী অহানবা খোঙথাংশিং থাংবা হৌবা মতমদা, বৈশালীদা অখন্নবা দেমোক্রেসী অমা চল্লাইখি। মালেমগী অতোপ্পা লমদমশিংদা দেমোক্রেতিক রাইতশিংগী মতাংদা খঙবা হৌরকপা মতমদা লিচ্ছবি অমসুং বজ্জিসংঘগুম্বা রিপব্লিকশিংদি মখোয়গী পন্দোম লোম্বা ঙমখ্রে।

মরুপশিং,

লৈবাক অসিগী অমসুং ঐখোয়গী নাৎকী চহি লিরিবা অসিগুম্না ভারত্তা দেমোক্রেসীগী ৱাখল্লোনগী চহিসু লিরি। চহি লিশিং কয়াগী মমাংদা ঐখোয়গী বেদশিংদা হায়রমখি -  ত্বন বিশো ব্রনতাম রাজ্যায় ত্বা-মিমা প্রদিশ পঞ্চ দেবী। হায়বদি নীংথৌ অসি প্রজাশিংনা পুন্না খল্লি অমসুং স্কোলরশিংগী কম্মিতিশিংনা মহাকপু খল্লি। চহি কয়াগী মমাংদা বেদশিংদা পুম্নমক হায়বিরমখি। ঙসিমকসু ঐখোয়গী সম্বিধান্দা এম.পি.শিং-এম.এল.এ.শিং, মুখ্য মন্ত্রী – প্রধান মন্ত্রী, রাস্ত্রপতি খনবা অসি দেমোক্রেতিক ভেল্যুশিংদা য়ুম্ফম ওই।  ভারতনা দেমোক্রেসী অসি মান্নবা ৱাখল্লোন পুরক্নবা পাম্বৈ অমা ওইনা লৌখি। ভারতনা পুন্না অমসুং চান্না চিন্ননা হিংমিন্নবগী ৱাখল্লোন্দা থাজবা থম্মি। ঐখোয়না অচুম্বদা থাজবা থম্মি, ঐখোয়না তেংবাং পীনবদা থাজবা থম্মি, ঐখোয়না চান্না-চিন্ননা হিংবদা থাজবা থম্মি অমসুং ঐখোয়না খুন্নাইগী অপুনবা শক্তিদা থাজবা থম্মি। মরম অসিনা ঐখোয়গী বেদশিংনা মন্ত্র পীবিখি– সম গচ্ছধবম সম বদধবম, সম ৱো মনাসি জানতাম। সমান মন চিত্তমেসা। হায়বদি ঐখোয়না পুন্না চৎমিন্নসি, পুন্না ঙাংসি, অমনা অমগী ৱাখল্লোন খঙমিন্নসি হায়বনি। বেদদা মখা তানা অসুম্না হায়রমখি - সমানো মন্ত্র: সমিতি সমানী। সমান মন চিত্তমেসা। হায়বদি ঐখোয়না পুন্না খনসি, ঐখোয়গী কম্মিতিশিং, ঐখোয়গী কম্মিতিশিং অমসুং হাউসশিং অসি খুন্নাইগী য়াইফনবগা মান্নগদবনি অমসুং ঐখোয়গী থমোয়শিং অসিসু চপ মান্নগদবনি। ভারত খক্তনা জাতি অমা ওইনা থমোয়দগী দেমোক্রেসীবু য়ানীংবগী ৱাখল্লোন চেল্লি। মরম অসিনা ঐহাক্না মালেমগী তোঙান-তোঙানবা লৈবাকশিংদা চৎপা মতমদা, অচৌবা গ্লোবেল ফোরমশিংদা য়াওবা মতমদা ঐহাক্না চাউথোকচবা পোকই মদুদি ঐখোয়গী নাকোংদা অফবা ৱাহৈশিং তাবা ফংখি। ঐখোয়দা হঞ্জিন হঞ্জিন তাকপীখি মদুদি ঐখোয়না মালেমগী খ্বাইদগী চাউবা দেমোক্রেসী অমনি। ঐখোয়না মালেমদা খ্বাইদগী চাউবা দেমোক্রেসী ওই অমসুং মসি হঞ্জিন হঞ্জিন তাবনা ঐখোয়না মসি য়াজৈ। ঙসিসু ঐহাক্না মালেমগী ফম্পাক অমা হেক্তদা চৎপা মতমদা ঐহাক্না চাউথোক্না হায়জৈ অদুদি ভারত অসি মালেমগী দেমোক্রেসীগী মমানি। বিহারগী মতিক-ময়াই লৈরবা হেরিতেজ অমসুং পালিদা লৈরিবা পুৱারীগী চে-চাংশিং অসিনা মসিগী হিংদুনা লৈরিবা খুদম ওইরি। বিহারগী মতিক-ময়াই অসি কনাগুম্বা অমত্তনা মুত্থৎপা অমসুং লোৎশিনবা ঙমলোই। মহাক্না মখা তারদুনা হায়খি, “বিল্দিং অসিনা হৌখিবা চহি চামা অসিদা ভারতকী দেমোক্রেসীগী মপাঙ্গল কনখৎহনখি, মরম অসিনা মসিবু ঐখোয়না ইকাই খুম্নফম থোকই।

মরুপশিং,

বিল্দিং অসি মীনাই নাইথাং ওইরিঙৈ মনুংদা ফাওবা দেমোক্রেতিক ভেল্যুশিং শোকহনখিদবা ৱাখল্লোন অদুগা মরী লৈনৈ। মসি শাখিবা মতম অমসুং শাবা লোইরবা মতুংগা মরী লৈনবা থৌদোকশিং অদু ঐখোয়না হঞ্জিন হঞ্জিন নীংশিংবা তাই। শ্রী কৃষ্ণ সিংহজী, শ্রী বাবুনা করম্না ব্রিতিশকী মমাংদা কন্দিসন থমখিবা, মহাক্কী সরকারনা ব্রিতিশনা খুৎথিংজিন্দ্রবা মতমদা শেমগনি হায়খি। সরকার থাদোক্তুনা শ্রী বাবুজীনা করম্না লৈবাক অসিদা অনীশুবা লাঞ্জাও থোকহনখিবা। অমসুং ইচিল-ইনাওশিং ঐখোয়না করম্না নীংতম্বা ফংলবা মতুংদা বিহারনা দেমোক্রেসী অমসুং দেমোক্রেতিক ভেল্যুশিং ঙাকশেন্নবগীদমক খোঙফম চেৎনা মতম চুপ্পদা লেপখি। বিহারনা নীংতম্বা ফংলবা ভারত্তা দা. রাজেন্দ্র প্রসাদবু ভারতকী অহানবা রাস্ত্রপতি ওইনা পীখি। লোকনায়ক জয়াপ্রকাশ, কার্পূরি থাকুর অমসুং বাবু জগজীবন রাম অসিগুম্বা লুচিংবশিং অসি লমদম অসিদগী হৌরকখি। লৈবাক অসিগী সম্বিধানবু নমথনবা হোৎনরকখিবা মতমদা বিহারনা মাং থানা থোরক্তুনা মসিগী ময়োক্তা খোঙজং চংশিনবা হৌখি। বিহারনা চাউখৎপা হেল্লিবা মখৈ ভারতকী দেমোক্রেসীনা হেন্না শক্তি লৈরক্কনি। বিহারনা মপাঙ্গল কনবা হেল্লিবা মখৈ ভারতনা তৌবা ঙম্বা হেন্না হেনগৎলক্কনি

মরুপশিং,

আজাদী কা অমৃত মহোৎসব অমসুং পুৱারী ওইরভা বিহার বিধান সভাগী চহি ১০০ শুবগী কুমওন অসিনা ঐখোয় পুম্নমক্কীদমক, মীয়ামগী মীহুৎ খুদিংমক্কীদমক্তা মুন্না খন্থনবা অমসুং সেল্ফ-এনলাইসিসকী পাউজেল অমা পুরদুনা লাক্লি। ঐখোয়না ঐখোয়গী দেমোক্রেসী হেন্না মপাঙ্গল কনখৎহল্লবি, ঐখোয়গী নীংতম্বা অমসুং ঐখোয়গী হকশিংগীদমক ঐখোয়না পাঙ্গল হেন্না ফংগনি। ঙসি ২১শুবা চহিচা অসিদা মালেম্না খোঙজেল য়াংনা হোংলক্লি। অনৌবা মথৌ তাবশিংগী মতুং ইন্না, ভারতকী মীয়ামগী অনীংবশিং, ঐখোয়গী নহারোলশিংগী অনীংবশিং অসি হেনগৎলক্লি। ঐখোয়গী দেমোক্রেতিক সিস্তেমশিংনা খোঙজেল য়াংনা চাউখৎলক্লি। অমসুং নীংতম্বগী চহি ৭৫ শুরকপা অসিদা লৌরিবা অনৌবা ফিরেপশিং অসি মাংদা পুখৎপগী থৌদাং অসি পার্লিয়ামেন্ত অমসুং বিধান সভাশিংগী লৌগদবনি। মসিগীদমক ঐখোয়না অয়ুক নুমিদাং খাইদনা থমোয় শেংনা হোৎনবা মথৌ তাই।  লৈবাক অসিগী এম.পি.শিং ওইনা, রাজ্য অসিগী এম.এল.এ.শিং ওইনা ঐখোয়না দেমোক্রেসীনা মায়োক্নরিবা শীংনবা খুদিংমক পুন্না মাইথিবা পীবা হায়বা অসি ঐখোয়গী থৌদাং ওইহনগদবনি। পার্তী-পোলিতিক্সকী খেন্নবা থম্লিবা অসিদগী থোরক্তুনা ঐখোয়গী খোঞ্জেল অসি লৈবাক্কীদমক অমসুং লৈবাক্কী য়াইফনবগীদমক অমত্তা ওইনা পুনশিনগদবনি।ঐখোয়গী থবক্না ঐখোয়গী লৈবাক্কী দেমোক্রেতিক মেচুরিতী অদু উৎলি। বিধান সভাগী হাউসশিং অসি মীয়ামগা মরী লৈনবা হীরমশিংদা পোজিতিব দাইলোগ তৌনবা সেন্তর ওইহল্লসি।

মরুপশিং,

লৈবাক অসিনা অফবা অওনবা অমা উবা ফংবদা ঙসি ঐহাক্না য়াম্না নুংঙাইবা পোকই। করিগুম্বা ঐখোয়না পার্লিয়ামেন্তগী মতাংদা ৱারী শারবদি, হৌখিবা চহি খরা অসিদা এম.পি.শিংগী এতেন্দেন্সতা অমসুং পার্লিয়ামেন্তগী প্রদক্তিবিতীদা চাউনা হেনগৎলকখি।অমসুং বিজয়জীনা বিধান সভাগী অখুপ্পা মরোল পীবিখ্রে। পোজিতিবিতী, দাইনামিজম হায়রিবা হীরমশিং অসি পাকশন্না নৈনখ্রে, মরিক চুম্না থমখ্রে।

মরুপশিং,

মমাংগী বজেৎ সেসন্দসু লোক সভাগী প্রদক্তিবিতী অসি চাদা ১২৯ ওইখি। রাজ্য সভাদা রেকোর্দ তৌখিবা প্রদক্তিবিতী অসি চাদা ৯৯ ওইখি। মরম অসিনা লৈবাক অসিনা অনৌবা ফিরেপশিংদা থবক পাইখৎলি, দেমোক্রেতিক দিসকোর্সসু মাংদা পুখৎলি। অমসুং মীয়াম্না মখোয়না খনবখিবা মীশক অদুনা কন্না হোৎনবা উবা মতমদা, মখোয়গী ৱাখল্লোন অদু হাউসতা পুখৎপা মতমদা মখোয়না দেমোক্রেসীদা থম্বা থাজবা অদু হেনগৎলি হায়বা ঐখোয় পুম্নমক্না খঙই। মসিগী থাজবা অসি হেনগৎহনবা হায়বা অসি ঐখোয় পুম্নমক্কী থৌদাংনি।

মরুপশিং,

মতমগা লোয়ননা ঐখোয়না অনৌবা আইদিয়া, অনৌবা ৱাখল্লোন মথৌ তাই। মরম অসিনা মীয়াম্না হোংলকপগা লোয়ননা দেমোক্রেসীদা অনৌবা দাইমেন্সনশিং হাপচিনবসু মথৌ তাই। অহোংবশিং অসিগীদমক ঐখোয়না অনৌবা পোলিসীশিং মথৌ তাই অদুবু অরিবা পোলিসীশিং অমসুং অরিবা আইনশিং অসি মতমগা চুনবা মওংদা শেমদোকপা তাই। মমাং চহিদা পার্লিয়ামেন্তনা অসিগুম্বা আইন ১৫০ মুত্থৎখি। আইনশিং অসিনা মরম ওইদুনা মীচম প্রজাশিংনা সমস্যশিং মায়োক্নখি, লৈবাক্না খুমাং চাউশিনবদা অপনবা থোকহল্লম্বা অদু কোকহনখি, অনৌবা থাজবশিং পোকহনখি। রাজ্যগী থাক্তা অসিগুম্বা চহি কয়াদগী চৎনরকপা অরিবা আইন কয়া লৈ। ঐখোয়না পুন্না মসিদা মীৎয়েং চংবা মতম ওইরে।

মরুপশিং,

মালেমগী ওইনা ২১শুবা চহিচা অসি ভারতকী চহিচা ওইনা লৌনরি। অমসুং ঐখোয়না ৱাফম অসি লেপ্পা লৈতনা, মীওই কয়াদগী থা কয়া তারক্লে, মালেমগী মীয়াম্না তৎতনা হায়নরি, অদুবু করিগুম্বা ঐহাক্না ভারতকী মরমদা হায়রবদি ঐহাক্না হায়জনীংই মদুদি ভারতকী ওইনদি চহিচা অসি থৌদাংশিং পাঙথোক্নবা চহিচা ওইরি। ঐখোয়না চহিচা অসিদা অনৌবা ভারতকী, মথংগী চহি ২৫গী অচৌবা পান্দমশিং য়ৌনবা চংশিনবা তাই। ঐখোয়গী থৌদাংশিংনা ঐখোয়বু পান্দমশিং অসি তম্না পুগনি। মরম অসিনদা চহি ২৫ অসি লৈবাক্কী থৌদাং ঙাক্নবা লম্বেলদা চংশিল্লিবা চহিশিং ওইরগনি। চহি ২৫ অসিগী মতম অসি থৌদাং লৈবগা লোয়ননা ইশা কত্থোক্কদবনি। ঐখোয় ইশাগীদমক, ঐখোয়গী খুন্নাইগীদমক, ঐখোয়গী লৈবাক্কীদমক ঐখোয় ইশানা তৌবা ঙম্বা থৌদাং অদুদা চাংয়েং তৌবা তাই। ঙসি ভারতনা মালেমগী ফম্পাক্তা রেকোর্দ থম্মি, ভারতনা গ্লোবেল পাৱর অমা ওইরক্লি, মসিদা ভারতকী প্রজা পুম্নমক্কী শরুক য়াওরি। দেমোক্রেসীনা হাউসনা মীয়ামগী অপাম্বা অদু পুখৎলি। মদম অসিনা ঐখোয়গী হাউস অমসুং মীয়ামগী মীহুৎশিংনা তৌবা থবক্তা ইরৈবাকচাশিংগী অপাম্বা অদু মমি তাই। ঐখোয়না হাউসতা উৎলিবা মওং অসিনা হাউ মনুংদা থৌদাং লৌবদা হেন্না মীৎয়েং চংবা তাই, মসিনা ইরৈবাকচাশিংদা ইনর্জী অমসুং ইন্সপিরেসন হেন্না পীগনি। অতোপ্পা মরু ওইবা ৱাফম অমনা, ঐখোয়গী থৌদাংশিং অসি ঐখোয়গী হকশিংদগী তোখাই হায়না লৌরোইদবনি। ঐখোয়গী থৌদাংশিং অদু ঐখোয়না হেন্না পাঙথোক্লিবা মখৈ ঐখোয়গী হকশিং অসি হেন্না মপাঙ্গল কনখৎলক্কনি। থৌদাং পাঙথোকপদা পুকচেল শেংবা অসিনা ঐখোয়গী হকশিংগী গরেন্তী ওইরি। মরম অসিনা মীয়ামগ মীহুৎশিংনা ঐখোয়গী থৌদাং পাঙথোকপগী ফিরেপ অদু নীংশিংসি। ফিরেপশিং অসিনা ঐখোয়গী অমসুং ঐখোয়গী খুন্নাইগী মাইপাক্নবগী লম্বী পীগনি। ঙসি ঐখোয়না অমৃতকী লৈবাক্কী ফিরেপশিংগা মাংদা চংশিনবা মতমদা ঐখোয়গী থৌদাং পাঙথোক্নবা অঙম্বা থাক্তা হোৎনবা তাই। ঐখোয়না অমত্তা ওইনা লেপ্পা অসি মরু ওইনা লৌগদবনি। লায়রবা, দলিত, তুহৎপীরবা, খুদোংচাবা ফংদ্রবা, আদিৱাসী, মীপুম খুদিংমক্না মথৌ তাবা ফেসিলিতী ফংবা হায়বা অসি ঐখোয় পুম্নমক্কী ফিরেপনি। ঙসি লৈবাক অসিগী পান্দমশিং, মীপুম খুদিংদা য়ুম ফংহনবা, ঈশিং ফংহনবা, মৈ ফংহনবা অসি ফংনবা হোৎনবদা ঐখোয় পুম্নমক্না থৌদাং লৌগদবনি। লায়রবা, শোত্থরবা, আদিৱাসী অমসুং নুপীশিংনা বিহার গুম্বা শক্তি লৈবা রাজ্য অমদা বিহারবু মাংদা পুখৎলি অমসুং খুমাং চাউশিলহল্লি। অমসুং বিহারনা চাউখৎলবা মতমদা ভারতনা মাগী মতিক-ময়াই লৈরবা পুৱারী অদু হঞ্জিনহন্দুনা  চাউখৎপা অমসুং মাইপাকপগী অনৌবা পনখৈশিং ফংহনবা ঙমগনি। মসিগা লোয়ননা মরু ওইবা পুৱারী ওইবা থৌরম অসিদা ঐহাকপু বর্তন তৌবীরকপগীদমক, পুৱারী ওইরবা মীকুপ অসি উবা ফংনবা খুদোংচাবা অমা পীবীখিবা অসিগীদমক ঐহাক্না রাজ্য সরকার, স্পীকর সর অমসুং মফম অসিদা লেংশিনবিরিবা অহল-লমনশিংদা ঐহাক্না থমোয় শেংনা তৌবীমল খঙবা উৎচরি। ঐহাক্না য়াইফ পাউজেল পীজবগা লোয়ননা মসিগী চহি চামাগী খোঙচৎ অসিনা তুংদা লাক্কদবা চহি কয়াদা অনৌবা থৌনা পীবা ওইরসনু, থাজবা অসিগা লোয়ননা ঐহাক্না হন্না-হন্না থাগৎচরি! অমসুং নুংঙাইবা ফোঙদোকচরি!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Railways achieves 1,000 million tons milestone in freight transportation for FY 2022-23

Media Coverage

Railways achieves 1,000 million tons milestone in freight transportation for FY 2022-23
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 8 দিসেম্বর, 2022
December 08, 2022
Share
 
Comments

Appreciation For PM Modi’s Relentless Efforts Towards Positive Transformation of the Nation

Citizens Congratulate Indian Railways as it Achieves a Milestone in Freight Transportation for FY 2022-23