ঐখোয়গী ইরক্তা তিল্লরিবা হোম মিনিস্তর, শ্রী অমিত শাহ জী, পার্লিয়ামেন্তকী মেম্বর, শ্রী নিশিকান্ত দুবে জী, হোম সেক্রেতরী, চীফ ওফ আর্মী স্তাফ, চীফ ওফ এয়র স্তাফ, দি.জি.পি. ঝারখন্দ, দি.জি. এন.দি.আর.এফ., দি.জি. আই.তি.বি.পি., লোকেল এদমিনিস্ত্রেশনগী মরুপশিং, ঐখোয়গী ইরকসিদা তিল্লরিবা থৌনা ফরবা জৱান পুম্নমক, কমান্দোশিং, পুলিস পার্সোনেলশিং, অতোপ্পা মরুপ-মপাংশিং,
নখোয় ময়াম পুম্নমকপু খুরুমজরি!
নখোয়না নুমিৎ হুম্নি, পুং ২৪ লেপ্তনা য়াম্না লুবা রেস্ক্যু ওপরেশন অসিবু মপুং ফাহনখি অমসুং লৈবাক মচা কয়া অমগী পুনশি কনখি। লৈবাক পুম্বনা নখোয়গী থৌনাবু থাগৎনখি। ঐহাক্না মসি বাবা বেদ্যনাথ জী থৌজালনি হায়না লৌই। তৌইগুম্বশুং মী খরগী পুনশি কনবা ঙমখিদবা অসি য়াম্না নুংঙাইতে। মী খরা অমনা অসোক-অপনসু নংখি। মরাইবক থিরবা ঈমুংশিংগীদমক্তা ঐখোয়না নুংঙাইতবা ফোংদোক্লি। ঐহাক্না অসোকপশিং অদুবু য়াম্না থুনা ফবা ওইরসনু হায়না নিজরি।
মরুপশিং,
ওপরেশন অসিবু তি.ভি.গী খুত্থাংদা য়েংখিবশিংনা অঙকপা, ঙৱাবা ফাওখি। নখোয় ময়ামদি থৌদোক থোকফম অদুদা লৈরিবনি। নখোয়গীদমক্তা ফিভম অদু কয়া য়াম্না লুরমগনি। অদুবু লৈবাক অসিনা মখোয়গী প্রজা শিংনা অৱাবা তাবা মতমদা মখোয়বু ঙাক-শেন্দুনা থম্নবা অমসুং অশোই-অঙাম য়াওহন্দনবা কেপাসিতী লৈবা আর্মদ ফোর্সশিং, এয়র ফোর্সশিং, এয়র ফোর্স, আই.তি.বি.পি., এন.দি.আর.এফ. অমসুং পুলিস পার্সোনেলগী মওংদা হৈ-শিংলবা ফোর্সশিং লৈবগীদমক চাউথোকচৈ। অসিগী লাইবক থিবা থৌদোক অমসুং রে্ক্যু মিসন অসিনা পরা কয়া অমা তম্বীরি। নখোয়গী এক্সরিয়েন্স অসিনা তুংদা য়াম্না কান্নহনগনি। ঐহাক্না নখোয় ময়ামগা ৱারী-ৱাতাই শাবগীদমক্তা য়াম্না হরাওই। মরমদি মসিগী ওপরেশন অসিবু ঐহাক্না লেপ্তনা শেন্দুনা অমসুং থবক খুদিংমকপু য়েংশিন্দুনা লাকখি। অদুবু ঙসিদি ঐগী ওইনা মসিগী মতাংদা নখোয়গী চিন্দগী খঙবা হায়বসি য়াম্না তঙাইফদে। খ্বাইদগী অআনবদ আএন.দি.আর.এফ.কী থৌনা ফরবশিংগী মনাক্তা চৎসি। এন.দি.আর.এফ.না থৌনা লৈনা অমসুং কন্না হোৎনদুনা মশাগী ওইবা শকফম অমা শেমখি। ভারত অসিদা লৈরিবা এন.দি.আর.এফ.পু মখোয়গী হোৎনজমনগীদমক্তা থাগৎপীবা অমসুং মশক খঙবীফম থোকই।
লোইশিনবদা থমখিবা ৱারোল
নখোয় ময়াম্না য়াম্না য়াংনা থবক পাংথোককিবা অসি য়াম্না শিংথানিংঙাইনি। অমসুং বাম্না কোওর্দিনেতেদ ওইবা মওংদা তৌখি, প্লানিং তৌদুনা তৌখি। অহানবা নুমিৎকী নুমিদাংদা পাউ লাকখি। মসিগী মতুংদা পাউ লাকখি মদুদি হালিকোপ্তর পুবা হায়বসি য়াম্ন আলুগদৌরি মরমদি হেলিকোপ্তরগী ভাইব্রেশন অমসুং মখোয়গী নুংশিৎ অদুনা তরা অদু করিগুম্বাা নোম্লবদি, ত্রোলী অদুদগী তোংলিবা মীশিং অদু মপান্দা তারক্লবদি, এলিকোপ্তর পুবা হায়বসি য়াম্না খন্থনিংঙাই ওইবা ৱাফম অমনি, নুমিদাংদুমা অদুগী মতাংদা খন্ন-নৈনখি। অদুবু পুম্নমক অসিগী মথক্তা নখোয়না কো্র্দিনেশনগা লোইননা থবক তৌখিবা অদু উরগা ঐহাক্না অসিগুম্বা খুদোংথিবা থৌদোকশিংদদি রেসপোন্স তাইম অসি অসি য়াম্না মরু ওইবা ফেক্তর অমা ওই। নখোয়গী খোংজেলনআ মসিগী ওপরেশন অসিগী মাইপাকপা নত্রগা পাক্তবা হায়বদু লেপকদৌরিবনি। মীয়ম্না য়ুনিফোর্মদা য়াম্না থাজবা থম্মি। অৱাবা তারবা মীশিংনা নখোয়বু উবা মতমদা, মখোয়না মখোয়গী পুনশি অদু অশোই-অঙাম য়াওররোই হায়না থাজৈ, অনৌবা আশা অমা মখোয়দা ফাওরকই। নখোয়না লৈবা মতমদতা আশাগী অনৌবা মঙাল ফংলিবনি। অহল ওইরবা প্রজাশিং অসমুং অঙাংশিংগীদমক্তা অসিগুম্বা মতম অসিদা অখন্নবা মিৎয়েং থম্বা হায়বসি য়াম্না তঙাইফদে অমসুং নখোয়না নখোয়গী প্লানিংদা অমসুং ওপরেশনদা মসিগী ৱাফম অসিবু য়াম্ন আমরু ওইনা লৌখি অমসুং য়াম্না নিংথিজনা পাংথোকখিবা অদুগীদমক্তা ঐহাক্না য়াম্না পেঞ্জৈ। নখোয়গী ত্রেনিং অদু য়াম্না ফৈ, মসিগী ফীল্দ অসিদা কয়া য়াম্না ফজানা ত্রেনিং তৌখি হায়বদু খঙলে অমসুং কয়া য়াম্না এদভেনঞ্চরস ওইবগে অমসুং করম্বা মওংদা নশানা নশাবু মসি পাংথোক্নবগীদমক্তা শেম-শাবগে। অনৌবা এক্সপরিয়েন্স খুদিংগী নখোয়না নশাবু হেন্না এমপাৱর তৌখৎলি। এন.দি.আর.এফ. অমসুং রেস্ক্যু তীম পুম্নমকপু অনৌবা সাইন্স, অনৌবা ইক্যুইপমেন্তশিং পাইহনবা ঐখোয়গী ফিরেপনি। মসিগী ওপরেশন অসি সেন্সিতিবিতী, অন্দরস্তেন্দিং অমসুং থৌনাগী মমি তাই। ঐহাক্না মসিগী লাইবক থিবা থৌদোক অসিদগী নান্থোক্তুনা অসোই-অঙাম য়াওদনা থোরকখিবা মীওই খুদিংমক্না অশুক চাউবা খুদোংথিবা থৌদোক অসিফাওবা য়াম্না ৱাখল লৈনা থবক তৌবগীদমক্তা থাগৎপা ফোংদোক্লি। ঐঙোন্দা হায়রকখি মদুদি মীশিংনা মথক্তা য়ান্না-য়ান্না পুং কয়া অমা লেনখি , অহিং চুপ্পা তুমখিদে। অদুবু মসিগী ওপরেশন অসিদা মখোয়গী অখাং কনবা , মখোয়গী থৌনা-লিংজেল অদু ওপরেশন অমদা য়াম্না শিংথানিংঙাই ওইবা ৱাফম। প্রজা পুম্নমক্না থৌনা-লিংজেল লৈরমদ্রবদি, জৱান ময়াম অসি শিজিন্নরবা ফাওবদা মসিগী ফল অসি পুরকপা ঙম্লম্লোই। মরম অদুনা পন্দুনা লৈরিবা প্রজাশিংগী থৌনা-লিংজেল অদুসু য়াম্না মরু ওই। নখোয়না নশাবু শেন্নদুনা, মীয়মাদা পাঙ্গল থৌনা হাপ্পি অমসুং মখা তাবদি ঐখোয়গী রেস্ক্যু পার্সোনেলশিংনা পাংথোক্লে। ঐহাক্না মফম অদুগী লোকেলগী প্রজাশিংনা পুং ২৪ অহিং কয়া নকোয়গী মতেং পাংখি, মফম অদুদা মখোয়না তৌবা ঙম্বা পুম্নমক তৌখি। মখোয়না খঙজবা পুম্বা, মখোয়দা মদুগী পাম্বৈ লৈ অদুবু মখোয়গী দেদিকেশন অমসুং সেবা তৌবগী ৱাখল্লোন য়াম্না চাউই। মখোয়শিং অদুবুসু ধগৎনিংঙাইনি। মসিগী খুদোংথিবা থৌদোক অসিনা অমুক্কসু হন্না ময়ৈক শেংনা খঙহল্লে মদুদি লৈবাক অসিদা করিগুম্বা মতমদা খুদোংথিবা লাকপা মতমদা ঐখোয় ময়াম পুন্না অমত্তা ওইনা খুদোংথিবশিং অদুবু মায়োক্নৈ অমসুং মদুদগী নান্থোক্তুনা তাকই। সবকা প্রয়াসনা মসিগী খুদোংথিবা অসিদসু য়াম্না চাউবা থৌদাং লৌখি। ঐহাক্না বাবা ধামগী মফম অদুগী মীশিংনা মতেং পাংখিবগীদমক্তা থাগৎলি। অমুক্কসু হন্না মরাইবক থীরবা ইমুংশিং অদুগীদমক্তা নংউঙাইতবা ফোংদোক্লি অমসুং অশাওক-অপন নংলবশিং অদুবুনা য়াম্না থুনা ফগৎপা ওইরসনু হায়না নিজরি। অমসুং ওপরেশন অসিদা শরুক য়াখিবশিং পুম্নমক্তা ঐহাক্না খঙহল্লি মদুদি অসিগুম্বা ওপরেশনদা ঈশিং-ঈচাউ থোকপা, নোং চুবা হায়বসিদি তোইনা থোকপা থৌদোক্নি অদুবু অসিগুম্বা থৌদোক অসিদি য়াম্না তাংনা থোকপা থৌদোক্নি মরম অদুনা মসিগী হীরম অসিগী মতাংদা নখোয়না থেংনবা পুম্নমক নিংথিজনা ইদুনা থমজিল্লু হায়না নখোয় ময়ামদা খঙহল্লি।।
অমরোমদা নখোয়না মসিগী মেন্যুৱল শেম্বা য়াই অমসুং মসিদা থবক তৌখিবা ঐখোয়গী ফোর্সশিংনা ঐখোয়দা অসিগুম্বা থৌদোকশিংদা করম করম্বা চেলেঞ্জেস লাকপগে হায়বগী মতাংদা ত্রেনিংগী শরুক অমা ওইহৌনবা দোক্যুমেন্তেশন অমা লৈহনগদবনি। মসিগুম্বা চেলেঞ্জেস অসিবু হেন্দল তৌবা ঙম্নবা মরমদি থৌদোক অসি থোকপগী অহানবা নুমিৎ অদুগী নুমিদাংদা ঐগী মনাক্তা লাক্তুনা শাহেব হেলিকোপ্তর পুবা হায়বসি য়াম্না ৱানা থোক্কনি মরমদি তার অদুনা মসিগী ভাইব্রেশন অসি পুবা ঙম্লোই হায়না হায়খি। মদুদা ঐ ইশামক করি উপায় তৌগনি হায়না অৱাবা অমা ওইখি। মসিদা নখোয়না তাঙ্কক খুদিংমক্কী মতাংদা খঙলিবনি, নখোয়নআ থেংনরিবনি। য়াম্না থুনা অফবা ম্ংদা দোক্যুমেন্তেশন তৌরিবমখৈ, ঐখোয়না ঐখোয়গী সীস্তেমশিং অদুবু মখাতানা ত্রেনিংগী তৌবগী শরুক অমা ওইহনবা য়াই অমসুং মসিগী মতাংদা কেস স্তদী অমগী মওংদা বাম্না তোইনা শিজিন্নবা য়াই মরমদি ঐখোয়না মতম চুপ্পদা ইশাবু খুশেন্দুনা লৈগদবনি। মখাতাবাদি মফম অদুদা ফম্লিবা কমিতী অদুনা রোপ-ৱে অসি করি থোকখিবগে হায়বনচিংবা কয়া অমা রাজ্য সরকারগী মাইকৈদগী পাংথোক্লগনি। অদুবু ঐখোয়না ইন্সতিত্যুশন অমা ওইনা লৈবাক শিনবা থুংনা মসিগী সীস্তেম অসিবু ফগৎহনগদবনি। ঐহাক্না অমুক্ক হন্না নখোয় ময়ামগী থৌনা, নখোয়না হোৎনখিবা, নখোয়না প্রজাশিংগীদমক্তা মীনুংশিগা লোইননা থবক তৌখিবা অদুগীদমক্তা হন্না-হন্না থাগৎপা ফোংদোক্লি। নখোয় ময়াম্বু হন্না-হন্না থাগৎচরি!
