ঐহাক্কী নুংশিজরবা ইচিল-ইনাও অমসুং ইচল-ইচেশিং,
খুরুমজরি,
গনপতি বপ্পা মোরেয়া, গনপতি বপ্পা মোরেয়া।
মফম অসিদা লাক্ত্রিঙৈ মাংওইননা পার্লেদা লৈরিবা লোকমান্য সেবা সংঘদা গনপতি বপ্পাবু খুরুমজবগী তাঞ্জা অদু ঐহাক্না ফংজখি। চহী অসি লোকমান্য সেবা সংঘগী গনেশউৎসবকী চামা শুরকপা চহীসুনি। লোকমান্য তিলকনা সমাজবু হেন্না চেৎশিলহন্নবগীদমক পাকথোক চাউথোকহনখিবা ত্রেদিসন অদু ঙসিদি মালেম পুম্বদা তাবা ফংলে। ঐখোয়গী অনৌবা রাজ্যপাল শ্রীমান কোশিয়ারীজীসু মফম অসিদা লেংবীরক্লি। মহাক উত্তরাখন্দগী মুখ্য মন্ত্রী ওইবীরম্মি। ঐহাক্না ভারতিয়া জনতা পার্তিগী সঙ্গথনগী থবক তৌরিঙৈ মতমদা, করিগুম্বা মতমদা উত্তরাখন্দদা চৎপা মতমদা মহাক্কী লমজিং লমতাক্কী মখাদা থবক তৌজখি।
মরূপশিং,
মুম্বাই অমসুং মহারাস্ত্র মীয়ামগী অচম্বা মতৌ অমসুং থৌজালনা ঐহাকপু মতম পুম্নমক্তা শুমহৎপীরি। মীখলগী কেম্পেন মনুংদা মহারাস্ত্রগী শহর কয়াদা চৎখি, অদোম ময়ামগা ৱারী শান্নখি। মুম্বাইদা পাংথোকখিবা নুমিদাংগী মীফম অদু ফন্ন কুইনা শক্ন শোন্নখি। ইকায় খুম্নবা অসিগীদমক, থৌজাল অসিগীদমক ঐহাক্না অদোমগী লমন তোনশিঞ্জরে।
মরূপশিং,
ঐহাক্না রসিয়াদা লৈরিঙৈ মনুংদা মুম্বাইগী নোংজু নুংশাগী মতাংদা খঙবা ঙমখি। ঙরাং অয়ুক খক্তদা ঐহাক মফম অদুদগী হল্লকপনি অদুদগী নুমিদাংৱাইরমদা বেঙ্গলুরুদা চৎখি। বেঙ্গলুরুদা অহিং চুপ্পা অমা ইসরোগী বিজ্ঞানিক মরূপশিংগা লোয়ননা লৈমিন্নখি। মখোয়না উৎখিবা থৌনা অদু উবদা ঐহাক হায়নীংঙাই লৈতনা ইন্সপায়র ওইখি। ইশাগী পান্দম অদুগীদমক মতৌ করম্না অয়ুক নুমীদাং খাক্তনা থবক তৌবগে, মতৌ করম্না খুদোং চাদবা ফিভমদসু, অচৌ অচৌবা মায়োক্নরকপা কয়াদসু মতৌ করম্না ইশাগী পান্দম অদু ফংবগে হায়বদু ঐখোয়গী বিজ্ঞানিকশিং, ঐখোয়গী ইঞ্জিনীয়রশিংদগী ঐখোয় পুম্নমক্না তম্নীংঙাইনি।
ইচিল-ইনাও অমসুং ইচল-ইচেশিং,
ঐখোয়গী শাস্ত্রদা ৱাখল্লোন কয়া অমা লৈরি। ভর্তিহরিনা হায়বীরম্মি-
পান্দম অমা হেক্তবু ফংনবা হোৎনবা মীওই মখল অহুম লৈ। খ্বাইদগী মখা থংবদা মায়খিগনি হায়বা কিবদগী হৌজিক ফাওবা হোৎনদবা মীওইশিং। মদুগী মথং ময়াইদা খুদোংচাদবা কয়া মায়োক্নবদগী হোৎনবা হৌরগা চেনখিবা মীওইশিং লৈরি অমসুং অহানবদা খুদোংচাদবা কয়া মায়োক্নরবসু লেপ্পা লৈতনা হোৎনবা মীওইশিং লৈরি।
মরূপশিং,
ইসরো অমসুং মসিগা লোয়নরিবা মখোয়শিং অদু অহুমশুবা কাংলুপ অসিগী মীওইশিংনি। মিসন অদু মায় পাক্ত্রিঙৈ মাংওইননা মখোয় লেপথোকপা তৌদে নত্ত্রগা চোকথবা লৈতে নত্ত্রগা পোত্থাদে। মিসন চন্দ্রয়ান ২দা ঐখোয়না খুদোংচাদবা অমা মায়োক্নরবসু, ইসরোগী বিজ্ঞানিকশিংনা পান্দম অদু ফংদ্রিবা ফাওবা লেপথোকপা তৌখিরোই। থাবু খুদুম চনবগী পান্দম অদু শোয়দনমক্কী ফংগনি। ওর্বিতরবু লুনর ওর্বিত্তা মায় পাক্না থমখিবা অদু পুৱারী ওইরবা এচিবমেন্ত অমনি।
মুম্বাইগী মথংদা ঔরঙ্গবাদ চৎনবা ঐহাক্কী প্রোগ্রমসু লৈরি। মফম অদুদসু প্রোজেক্ত কয়া অমা হৌদোক্লগনি। ঐহাক্না অখন্ননা মুম্বাই অমসুং মসিগী সবঅর্বান লমদমশিংদা লৈরিবা মীয়াম্বু হন্না-হন্না য়াইফ-পাওজেল পীজরি। লুপা কোতি লিশিং ২০ হেনবগী থবক ঙসি মফম অসিদা হৌরে। অনৌবা মেত্রো লাইন ওইগেরা, মেত্রো ভবন ওইগেরা, মেত্রো স্তেসনশিংদা অনৌবা ফেসিলিতীশিং ওইগেরা, বান্দ্রা-কুর্লা কমপ্লেক্সপু ইস্তর্ন এক্সপ্রেস হায়ৱেগা শম্নহনবগী প্রোজেক্ত ওইগেরা, প্রোজেক্ত পুম্নমক অসিনা মুম্বাইগী ইনফ্রাস্ত্রকচরদা অনৌবা মায়কৈ অমা পীবগা লোয়ননা মফম অসিগী মীয়ামগী পুন্সিবু লায়থোকহনবদসু মতেং ওইরগনি।
বান্দ্রা-কুর্লাবু এক্সপ্রেস হায়ৱেগা শম্নহনবগী প্রোজেক্তনা প্রোফেস্নেল লাখ কয়াগী পুন্সিবু হেন্না লায়থোকহল্লগনি।
ইচিল-ইনাও অমসুং ইচল-ইচেশিং,
ভারতনা ৫ ত্রিলিয়ন দোলর ইকোনোমী অমা ওইরক্নবগী পান্দম লোমদা চংশিল্লিবা অসিদা ঐখোয়গী শহরশিংসু ২১শুবা চহীচাগী শহরশিং ওইহনগদবনি। মোবিলিতী ওইগেরা, কনেক্তিবিতী ওইগেরা, প্রদক্তিবিতী ওইগেরা, সস্তেনেবিলিতী ওইগেরা নত্ত্রগা সেফতী ওইগেরা, হিরম খুদিংমক্ততা হেন্না ফবা সিস্তেম অদু ঐখোয়না থৌরাং তৌগদবনি। পান্দম অসিগী পরিংদা, মোদর্ন ইনফ্রাস্ত্রকচর শেমগৎপদা সরকার অসিনা মথংগী চহী মঙাদা লুপা লাখ ১০০ চাদিং তৌগনি, মদুনা মুম্বাই অমসুং অতোপ্পা শহর কয়াদা কান্নহল্লগনি।
মরূপশিং,
লৈবাক পুম্বদা, শহর পুম্বদা মোবিলিতীবু, ত্রান্সপোর্তপু হেন্ন ফগৎহন্নবগীদমক ঐখোয়না ইন্তিগ্রেতেদ সিস্তেম অমদা মীৎয়েং থম্লি। লম্বী-থোং ওইগেরা, রেল ওইগেরা, মেত্রো ওইগেরা, অসিগুম্লবা মেদিয়ম খুদিংমকপু অমনা অমগা শম্নহনবগী থবক চত্থরি। ঙসি মফম অসিদা, মুম্বাই মেত্রোপোলিতান রিজন অসিদা হেন্না ফবা পব্লিক ত্রান্সপোর্ত সিস্তেম থৌরাং তৌনবগীদমক ভিজন দোকুমেন্ত অমসুং ফোংখ্রে। মসিদা চত্থোক চৎশিন তৌনবা তোঙান তোঙানবা মেদিয়মশিং য়াওরি, খুদম ওইনা মুম্বাই লোকেল ওইগেরা, বসশিংগী সিস্তেম ওইগেরা, নত্ত্রগা মেত্রো ওইগেরা। মসিবু মতৌ করম্না কান্নগদবা মওংদা শিজিন্নগদগে হায়বদু শন্দোক্না তাক্লি। মরুওইনা মুম্বাই মেত্রোগীদমক মাস্তর প্লান মসিদা শেমদুনা য়াওরি।
ইচিল-ইনাও অমসুং ইচল-ইচেশিং,
হৌখিবা চহী মঙাদগী লেপ্পা লৈতনা মুম্বাই মেত্রোবু পাকথোক চাউথোকপদা ঐহাক্না থৌদাং য়াবা ফংজরক্লি। চাউরাক্না লুপা কোতি লাখ অমা মখায় চংনা মফম অসিদা মেত্রো নেৎৱার্ক শন্দোক্লি। হৌজিক মুম্বাইদা শুপ্নতগী কিলোমীতর ১১ শাংবা মেত্রো নেৎৱার্ক লৈরি। অদুবু মসি ২০২৪ ফাওবদা কিলোমীতর ৩২৫ হেল্লগনি। মেত্রোগী কেপাসিতী অসি ঙসি মুম্বাই লোকেলনা পুরিবা কেপাসিতী অসিগা মান্নরগনি। মেত্রো লাইন্দা চেনগদৌরিবা কোচশিংসু মেক ইন ইন্দিয়াগী মখাদা ভারত্তা শারগনি।
ইচিল-ইনাও অমসুং ইচল-ইচেশিং,
ইনফ্রাস্ত্রকচরনা ইকোনোমী অমদি ইজ ওফ লিভিংগা লৈনরিবা মরী অদুমক এমপ্লোইমেন্তকসু লৈনরি। ইনফ্রাস্ত্রকচরদা শেল থাদরিবা মখৈ এমপ্লোইমেন্তকী খুদোংচাবা লৈগনি। করিগুম্বা ঐহাক্না মুম্বাইদা হৌদোক্লিবা মেত্রোগী থবকশিংগী ৱাফম পল্লগদি মসিনা ইঞ্জিনীয়র ১০,০০০ অমসুং স্কিল লৈবা অমসুং স্কিল লৈতবা শিন্মী ৪০,০০০না থবক ফংনবগী খুদোংচাবশিং ফংলগনি।
ইচিল-ইনাও অমসুং ইচল-ইচেশিং,
খুঙ্গংশিং অমসুং শহরশিংদা পায়খৎলিবা ইনফ্রাস্ত্রকচরগী থবকশিংনা মফম অদুগী মীওইশিংদা থবক ফংহল্লিবা, ললোন ইতিক মচা-মচা তৌবশিংগীদমক কররারগী খুদোংচাবা পীরিবা অদু মীয়াম্না ঙাংন-শক্নবা ৱাৎলে। মদুগী মরম অমদি ঙসিগী থবক তৌবগী খোংজেল অমসুং চাং অসি মমাংদা অমুক্তা ওইখিদ্রিবা মওংনি। মরম অদুনা মায়কৈ অসোমদা মীয়ামগী পুক্নিং চংবসু হন্থবা মশানা তাবনি। চহী কয়াদগী পন্দুনা লৈরম্লবা নবি মুম্বাই এয়ারপোর্তকী থবক,, মুম্বাই ত্রান্স হর্বর লিঙ্ককী থবক, মুম্বাই-অহমদাবাদ বুলেৎ ত্রেন প্রোজেক্তশিং অসি খোংজেল য়াংনা মাংলোমদা চংশিল্লক্কনি হায়বা খনখিবা লৈব্রা? প্রোজেক্ত পুম্নমক অসিনা মুম্বাই অমসুং মনাক নকপদা লৈবা মীওইশিংদা থবক ফংহন্নবগী অনৌবা তাঞ্জা পীররে।
ইচিল-ইনাও অমসুং ইচল-ইচেশিং,
করিগুম্বা ঐহাক্না খোংজেল অমসুং চাংগী মতাংদা হায়জবা তারগদি মদুগী খুদম কয়া অমা লৈখ্রে। মদু মশিং থিদুনা লৈরগদি নুমিৎ তাখিবসু য়াই। ঙসি মফম অসিদা মেত্রোগী অচৌবা প্রোজেক্ত হৌরিবা অসিদা ঐহাক্না মেত্রোগী মতাংদা ময়ামদা খুদম পীজগে।
মরূপশিং,
ঐখোয়গী লৈবাক অসিদা অহানবা মেত্রো অদু চহী ৩০-৩৫গী মমাংদগী হৌখি। মদুগী মতুং ২০১৪ ফাওবদা অচৌবা শহর খরা খক্তদা মেত্রো চেনবা ঙমলম্মি। ঙসিদি লৈবাক অসিদা শহর ২৭তা মেত্রো চেনবা হৌখ্রে নত্ত্রগা য়াম্না অথুবা মতমদা হৌগদৌরে। ঙসিদি লৈবাক পুম্বদা কিলোমীতর ৬৭৫ শাংবা মেত্রো লাইন্দা মথৌ তৌরে, মদুগী মনুংদা কিলোমীতর ৪০০দি মমাং চহী মঙাদা মথৌ তৌবা হৌখিবনি, কিলোমীতর ৮৫০দা থবক চত্থরি। কিলোমীতর ৬০০ শাংবা মেত্রো লাইনগী অয়াবা পীখ্রে।
ইচিল-ইনাও অমসুং ইচল-ইচেশিং,
চাউরাক্না কিলোমীতর ৬০০কী অনৌবা মেত্রো লাইনশিং শেম্বগী অয়াবা হৌখিবা চহী মঙাদা পীখ্রবনি। মুম্বাই ওইগেরা, পুনে ওইগেরা নত্ত্রগা নাগপুর ওইগেরা, প্রোজেক্তশিং অসিদা য়াম্না খুমাং চাউশিন্না থবক তৌরিবা অসিগীদমক ঐহাক্না ফদনবিসজীবু থাগৎপা ফোংদোকচরি।
ইচিল-ইনাও অমসুং ইচল-ইচেশিং,
লৈবাক অসিবু খোংজেল য়াংনা মাংলোমদা চংশিন্নবগীদমক্তা লৈবাক অসিবু ২১শুবা চহীচাগী অনৌবা থাক্কী ইফ্রাস্ত্রকচরগা শম্নহনবা মথৌ তাই। ঙসি লৈবাক অসিগী ইনফ্রাস্ত্রকচরবু হোলিস্তিক ওইবা মওংদা দিবেলপ তৌবগী থবক চত্থরি। মচেৎ মকায় নত্তে, এক ভারত শ্রেস্থ ভারতকী মিৎয়েংগা লোয়ননা ঐখোয় মাংলোমদা চংশিল্লি। ৱান নেসন, ৱান পৱার গ্রিদতগী হৌরগা ৱান নেসন ৱান মোবিলিতী কার্দ ফাওবা, ৱান নেসন ৱান তেক্সতগী হৌরগা ৱান নেসন ৱান নেৎৱার্ক ওফ ওপ্তিকেল ফাইবর ফাওবা, লৈবাক পুম্বদা ঐখোয়গী সরকারনা অনৌবা থাক্কী ইনফ্রাস্ত্রকচর শেমগৎলি।
মরূপশিং,
লৈবাক মীয়াম্না শিন্নবিরিবা থৌদাং অদু ইকায় খুম্নরদুনা অচুম্বা মায়কৈদা মরুওইবা ৱারেপ কয়া অমা লৌখ্রে। সরকার অসি শেমখিবা নুমীৎ ১০০ ফারক্লে। নুমিৎ ১০০ অসিদা মমাংদা অমুক্তা পাংথোকখিদ্রিবা, পুৱারী ওইরবা থবক কয়া অমসুং পাংথোক্লে। জলজীবন মিশন হৌদোকপা ওইগেরা নত্ত্রগা লৈবাক অসিগী লৌমী খুদিংমকপু কিসান সম্মান নিধিগী মনুংদা পুরক্নবা ৱারেপ ওইগেরা, ঐখোয়গী মুস্লিম ইচে-ইচলশিংবু ত্রিপল তলাক্কী অৱাবদগী কোকহন্নবা আইন ওইগেরা নত্ত্রগা অঙাংশিংগী সেফতীগা মরী লৈনবা আইন ওইগেরা, লম খুদিংদা খুমাং চাউশিন্না থবক তৌরি।
মরূপশিং,
বপ্পাবু বিদাই পীবা মতমদা মশিং য়াম্লবা প্লাসতিক অমসুং অতোপ্পা পোৎলম কয়া অমা ঐখোয়গী সমুদ্রদা চৎখি। ঈশিংবু মোৎশিলবা হেঙ্গৎহনবা পোৎলমশিং অদু ঈশিংদা থাদদনবা ঐখোয় হোৎনরসি। মসিদসু নত্তনা বিসর্জনগী মতুংদা ঐখোয়না ইশা ইশাগী থাক্তা সমুদ্র, তুরেল অমসু ঈশিংগী অতোপ্পা মফমশিংবু প্লাস্তিক্কী লোপুসন লৈতবা ওইহনবদা থৌদাং লৌরসি। ময়াম পুম্নমক্না থৌদাং অদু লৌগনি হায়না ঐহাক্না আশা তৌরি।
অমুক হন্না ময়াম পুম্নমকপু প্রোজেক্ত কয়া অসিগীদমক য়াইফ-পাউজেল পীজরি, হন্না-হন্না নুংঙাইবা ফোংদোকচরি। উৎসবকী মতম অসিদা অচিনবা কয়া কায়থোকপীদুনা মফম অসিদা লেংবীরকপগীদমক ময়াম পুম্নমকপু থম্মোয় শেংনা তৌবীমল খঙবা উৎচরি।
মুম্বাইনা য়ইফরে, মহারাস্ত্রনা য়াইফরে।
ভারত ইমানা – য়াইফরে
ভারত ইমানা – য়াইফরে
ভারত ইমানা – য়াইফরে
হন্না-হন্না থাগৎচরি।
