Share
 
Comments
NRIs are not only the Brand Ambassadors of India but also represent its strength, capabilities and characteristics: PM
With its rapid progress, India is being seen on a high pedestal across the world and is in a position to lead the global community: PM Modi
India is on course to become a global economic powerhouse, says PM Modi

মোরিসিয়সকী প্রধান মন্ত্রী য়োর এক্সিলেন্সী, প্রবিন্দ জগনাথজী, মহাক্কী লোয়নবী শ্রীমতি কবিতা জগনাথজী, উত্তর প্রদেশকী রাজ্যপাল শ্রীমান রাম নায়কজী, কেন্দ্রগী মন্ত্রীমন্দলদা ঐহাক্কা থবক তৌমিন্নরিবা সুশ্মা স্বরাজজী, মুখ্য মন্ত্রী শ্রী যোগী আদিত্যনাথজী, হরিয়ানাগী মুখ্য মন্ত্রী শ্রী মনোহর লালজী, উত্তরাখন্দগী মুখ্য মন্ত্রী শ্রী ত্রিবেন্দ্র সিংহ রাৱতজী, মন্ত্রীপরিশদকী ঐহাক্কী মরূপলোয়শিং অমসুং মালেমগী মফম কয়াদগী লেংবিরক্লিবা, অমদি কাশীদা লাকপীরিবা ঐহাক্কী নুংশিজরবা ইচিল-ইনাও অমসুং ইচল-ইচেশিং।

অহানবা মক্তদা ময়াম পুম্নমকপু হন্না-হন্না তৌবিমল খংবা উৎচরি, তরাম্না ওকচরি। ময়াম পুম্নমকপু মফম অসিদা অদোম অদোমগী ইপা ইপুশিংগী লৈপাক লৈহাওগী মনম অদুনা চিংদুনা পুরক্লি। হয়েং প্রবাসী ভারতীয় সম্মান ফংলগদবা মহাক অদু ঐহাক্কী মায়কৈদগী য়াইফ পাওজেল পীজরি। ঙসিগী নুমিৎ অসি ঐহাক্কীদমক অখন্নবা নুমিৎ অমনি।

মরূপশিং, ঙসি ময়ামগী মফমদা ঐহাক্কী ওইবা ৱাফম হৌদ্রিঙৈগী মাংওইননা দাক্তর শ্রী শ্রী শ্রী শিবকুমার স্বামীজীনা লৈখিদবদা ঐহাক্না অৱাবা ফোংদোকচরি। তুমকুরগী শ্রী সিদ্ধ গঙ্গা মথতা ঐহাক্না মফমদগী আশির্বাদ লৌজনবগী তঞ্জা কয়ারক হন্না ফংজখি। মহাক্কা উনবা খুদিং ঐহাকপু মচাগুম্না লুনা চান্না তৌবিদুনা থৌজাল কয়া পীবীরম্মি। অসিগুম্বা অফাওবা লাইনিংবা অমনা চৎখিবা অসি ঐখোয় পুম্নমক্কী ওইনা অৱাবগী মশক্নি, মীওইবা জাতিগী য়াইফনবগীদমক মহাক্না লৌরম্বা থৌদাং অদু লৈবাক অসিনা মতম পুম্নমক্তা নীংশিংদুনা লৈরগনি। ঐহাক্না ইকোন নোন্দুনা মফমদা খুরুমজরি। মফমদা ইকায় খুম্নবা উৎচরি।

ইচিল-ইনাও অমসুং ইচল-ইচেশিং, মালেমগী মফম কয়াদা খুন্দা লৈতাদুনা লৈখ্রবা ভারত মচা ময়াম পুম্নমক্কা ৱারি শান্নবগী থৌরম অসি ঐখোয়গী নুংশিজরবা লৈখিদ্রবা অতল বিহারি বাজপাইজীনা হৌদোকপীরম্বনি। অতলজীনা লৈখিদ্রবা মতুং মসিনা অহানবা প্রবাসী ভারতীয় সম্মেলন্নি। তঞ্জা অসিদা ঐহাক্না অতলজীগী মফমদা ইকায় খুম্নবা উৎচরি, মহাক্কী অসিগুম্লা চাউরবা ৱাখল্লোন অসিগীদমক খুরুমজরি।

মরূপশিং, ময়াম পুম্নমক কাশীদা লৈবিরি মরম অদুনা কাশী অমসুং ময়াম পুম্নমক্তা মান্নবা অমসু উবা ফংজরি। ময়ামসু ইশা ইশাগী থম্মোয়দা ভারত অমসুং ভারতমচা ওইবগী মতৌ অদু পুন্সিন্দুনা লৈবাক লৈহাও অসিগী ইনর্জী অদু মালেমদা মশক তাক্লি। মরূপশিং, ঐহাক্না অদোম্বু ভারতকী ব্রান্দ এম্বেসেদর ওইনা লৌবগা লোয়ননা ভারতকী পাঙ্গল শক্তী অমদি ভারতকী এবিলিতী, লৈবাক অসিগী স্পিসিয়েলিতীগী মীহুৎ অমদি খুদম ইনা লৌজৈ। অদোম্না বসুদেব কুতুম্বকম অসিগুম্বা ভারতকী ইমুং মনুংগী ওইবা ভেল্যু অসি ঙাক্তুনা থম্লি। অদোম অদোম্না লৈরিবা লমদমশিং অদুদা মফম অদুগী সমাজকী লম খুদিংমক্তা লিদরশিপকী থৌদাং লৌরিবা অদু উবা ফংই, মোরিসিয়সনা শ্রী প্রবিন জগনাথপু কত্থোকপগা লোয়ননা মাংলোমদা ইনখৎপীরি, মসিদসু নত্তনা পোর্তুগাল, ত্রিনার্দ, তোবেগো অমদি আয়র্লেন্দগুম্বা তোঙান তোঙানবা লৈবাকশিংনা অসিগুম্বা মতিকচাবা মীওইশিংগী লমজিংবা অদু ফংবা ঙম্লি। মখোয়গী হৌরকফম অদু ভারত্তা লৈরি।

মরূপশিং, ময়াম পুম্নমক্কী মতেংনা হৌখিবা চহী মরি মখায় অসিদা ভারতনা মালেমদা মশাগী ইকায় খুম্নবা মফম অমা ফংনবগী মায়কৈদা য়াম্না চাউবা খোংথাং অমা থাংজিল্লি। ভারত অসি হোংদোকপা য়াররোয় হায়না মমাংদা মীয়াম্না হায়নরম্মি। ঐখোয়না ৱাখল্লোন অসিমক হোংদোক্লে। ঐখোয়না অওনবা পুরক্তুনা উৎলরে।

মরূপশিং, ঙসিদি মালেম অসিনা ঐখোয়গী ৱা, ঐখোয়গী সজেসনবু পুক্নিং চংনা তাবিরদুনা খঙবসু খঙবিরে। মহৌশাগী ফিভম ঙাক্তুনা থম্বা অমসুং মালেমগী প্রোগ্রেসতা ভারতকী থৌদাংবু মালেম্না খংবিরি। য়ুনাইতেদ নেসনগী খ্বাইদগী চাউবা ইনবাইরনমেন্ত এৱার্দ চেম্পিয়ন্স ওফ দি আর্থকা লোয়ন লোয়ননা সিওল পিছ প্রাইজ ফংবা অসিনা মসিগী খুদম্নি।

মরূপশিং, ঙসিদি ভারত অসি তোঙান তোঙানবা হিরমশিংদা মালেম্বু লমজিংনবা ফিভমদা লৈরে। ইন্তরনেস্নেল সোলর এলাইন্স হায়বদি আই.এস.এ. অসি অসিগুম্বা প্লেৎফোর্ম অমনি। মসিগী থোংদা ঐখোয়না মালেম অসিবু ৱান ৱার্ল্দ, ৱান সন, ৱান গ্রীদকী মায়কৈদা পুবা পাম্লি। মসি ঐখোয়গী পান্দম অদুগী শরুক অমনি মদুগী মখাদা ঐখোয়না ভারতকী সমস্যাশিংগী অদুগুম্লবা সোলুসন থৌরাং তৌরি মদুনা অতোপ্পা লৈবাকশিংগী খুদোংচাদবসু কোকহনবা ঙমহনবনি। লোকেল সোলুসন গ্লোবেল এপ্লিকেসনগী এপ্রোচ্ছকা লোয়ননা ঐখোয়না থবক তৌরি। রিফোর্ম, পরফোর্ম, ত্রান্সফোর্ম অমসুং সবকা সাথ সবকা বিকাসকী ফোর্মুলাদা চৎতুনা লৈবাক অসিনা হৌখিবা চহী মরিমখায় অসিদা করি ফংবা ঙমখিবগে হায়বদুগী শক্তম অমা ময়ামগী মফমদা থমজগে।

ঙসি ভারত অসি মালেমগী খোংজেল য়াংনা চংশিল্লক্লিবা ইকোনোমিক ইনর্জীনি। শান্ন-খোৎনবদসু ঐখোয় অচৌবা শক্তি ওইনবগী মায়কৈদা চংশিল্লি। ঙসি ইনফ্রাস্ত্রকচরগী অচৌবা অমসুং মোদর্ন রিসোর্স শেমগৎলে অমদি স্পেসকী লমদসু রেকোর্দ থম্বা ঙম্লে।

ঙসি ঐখোয় মালেমগী খ্বাইদগী চাউবা স্তার্ত-অপ ইকো সিস্তেম ওইবগা লোয়ননা মালেমগী খ্বাইদগী চাউবা হেল্থকেয়ার স্কিম আয়ুশ্মান ভারতসু পায়খৎলি। ঙসি ঐখোয়গী নহাশিং মেক ইন ইন্দিয়াগী মখাদা রেকোর্দ ওইবা থাক্তা মোবাইল ফোন, কার, বস, ত্রক, ত্রেন শেম্লি অমদি মদুমক লৌবুক্তা রেকোর্দ ওইবা মওংদা পোত্থোক পুথোক্লি। ময়ামদা ঐহাক খুদম অমা পীজগে।

মরূপশিং, অদোম ময়ামগী মরক্তগী মীওই কয়া অমনা লৈবাক অসিগী হান্নগী প্রধান মন্ত্রীনা শেঞ্জা-থুমজাগা মরী লৈনবা ৱাফম হায়খিবা অদু শোয়দনা তাবিরম্লগনি। মহাক্না হায়বিখি মদুদি, কেন্দ্র সরকারনা দিল্লীদগী থাদোকখিবা শেনফম অদুগী শুপ্নতগী চাদা ১৫ খক্তমক মীয়ামদা য়ৌবা ঙম্মি। কিগুম্বা দিল্লীদগী লুপা অমা থাদোকখিবা মতমদা পৈশা ১৫ খক্তমক খুঙ্গংদা য়ৌরম্মি, পৈশা ৮৫দি মাংখিরম্মি। মসি ঐখোয়গী হান্নগী প্রধান মন্ত্রী অমনা ঐখোয়গী লৈবাক্তা হায়বিরম্বনি। চহী অদদুক য়াম্না লৈবাক অসিদা সরকার পায়খিবা পার্তী অদুনা লৈবাক অসিদা পীখিবা সিস্তেম অদু প্রধান মন্ত্রী ওইনা মহাক্না য়াজখি। অদুবু অৱাবদি মথংগী চহী ১০-১৫গী শাসন মনুংদসু লুত অসি লীকেজ অসি থিংনবা হোৎনখিদে। অনাবগী লাইওংদি খংলে, নারে হায়বসু য়াজরে অদুবু লায়েংনবা মায়কৈদা খনখিবা লৈখিদে, করিগুম্বা অমত্তা তৌখিদে। লৈবাক অসিগী মিদল ক্লাসনা পুকচেল শেংনা তেক্স থিদুনা লৈরম্মি অমদি চাদা ৮৫গী লুত অসিসু চত্থরম্মি।

মরূপশিং, হৌজিক ঐহাক্না ময়ামদা ঙসিগী অচুম্বা অদুসু হায়জগে। ঐখোয়না তেক্নোলোজী শিজিন্নদুনা মসিগী চাদা ৮৫গী লুত অসি চাদা চামা লোয়শিল্লে। হৌখিবা চহী মরিমখায় অসিদা চাউরাক্না লুপা কোতি লাখ ৫ লিশিং ৮০… হায়বদি চাউরাক্না ৮০ বিলিয়ন দোলর ঐখোয়গী সরকারনা তোঙান তোঙানবা স্কিমশিংগী মখাদা অচুম্বা মীওইশিংদা পীরে, তোঙান তোঙানবা বেঙ্ক একাউন্তশিংদা ত্রান্সফর তৌরে। কনাগুম্বা খরদা য়ুমগীদমক, কনাগুম্বা খরদা লাইরিক তম্বগীদমক, কনাগুম্বা খরদা স্কোলরশিপকীদমক, কনাগুম্বা খরদা গ্যাস সিলিন্দরগীদমক, কনাগুম্বা খরদা চেং হৱাইগীদমক শেনফম অসি পীখ্রে।
মরূপশিং, অসিগুম্বা চুমথোকপা অসি মমাংদসু তৌরম্বা য়াবনি অদুবু অনিবা অপাম্বা ফাওখিদে। ঐখোয়গী সরকারনা চৎলিবা লম্বী অসিদি সরকারগী মায়কৈদগী পীরিবা মতেং পুম্নমক দাইরেক্ত বেনিফিৎ ত্রান্সফর স্কিমগী মখাদা বেনিফিসরিশিংগী বেঙ্ক একাউন্তদা দাইরেক্ত ত্রান্সফর তৌবনি। ময়ামদা ঐহাক্না অতোপ্পা ৱাফম অমসু থমজগে। হৌখিবা চহী মরিমখায়দা ঐখোয়গী সরকারনা শাশিন্নবা মীওই চাউরাক্না কোতি ৭পু মশক খংদোক্তুনা মখোয়বু সিস্তেমদগী লৌথোকখ্রে। মীওই কোতি ৭ অসি কৈদৌনুংদা পোকখিদবা তশেংনা লৈতবা মীওইশিংনি অদুবু মীওই কোতি ৭ অসিনা সরকারগী কানবা লৌদুনা লৈরম্মি। চেদদি মখোয় লৈরম্মি, চেদদি মখোয় পোকখি, চাউবা মপুংশু ফাখি অমদি কানবসু লৌদুনা লাকখি। অদোম্না খনবিয়ু ব্রিতেন্দা লৈরিবা মীওই খুদিংমক, ফ্রান্সতা লৈরিবা মীওই খুদিংমক, ইতালিদা লৈরিবা মীওই খুদিংমক অসিগুম্বা লৈবাক কয়াগী মীশিংদগী হেন্না ঐখোয়গী লৈবাক অসিদা শুপ্নতগী চে খক্তদা লৈরম্মি, অমদি চে চাং খক্তদা সরকারগী ফেসিলিতীশিংগী কানবা অদু চৎখিরম্মি। অদুগুম্লবা শাশিন্নবা মীওই কোতি ৭ অদু লৌথোকপগী থবক ঐখোয়গী সরকারনা তৌখি। মসি হৌখিবা চহী মরিমখায় অসিদা লৈবাক অসিদা লাকপা হৌখিবা অদুগুম্লবা অহোংবা পুরকপা অদুগী খুদম অমনি।

মরূপশিং, সরকারনা মপুংফানা হোৎনরিবা অসিদি ময়াম পুম্নমক্না মফম অমা হেক্তদা লৈখিবা মতমদা নুঙাইনা অমসুং অশোয় অঙাম য়াওদনা লৈবা অদুনি। হৌখিবা চহী মরিমখায় অসিগী মনুংদা অৱাবা তারবা ভারত মচা লাখ অনি হেন্না সরকারনা হোৎনদুনা মালেমগী তোঙান তোঙানবা লৈবাকশিংদা মতেং য়ৌহনখি। অদোমগী সোসিয়েল সেক্যুরিতীগী লোয়ন লোয়ননা পাসপোর্ত, ভিজা, পি.আই.ও. অমসুং ও.সি.আই. কার্দকা মরী লৈননা থৌওং কয়া অমা লায়থোকহন্নবা সরকারনা হোৎনরি। প্রবাসী ভারতীয়শিংগীদমক থা খরগী মমাংদা অনৌবা খোংথাং অমসু হৌদোকখ্রে। মালেম পুম্বদা ঐখোয়গী এম্বেসিশিং অমদি কাউন্সলেতশিংবু পাসপোর্ত সেবা প্রোজেক্তকা শম্নহল্লে। মসিনা ময়াম পুম্নমক্কীদমক পাসপোর্ত সর্বিসকা শম্নবা সেন্ত্রেলাইজ সিস্তেম অমা থৌরাং তৌরগনি। মদুদসু নত্তনা হৌজিক্তি খোংথাং অমা মাংলোমদা থাংজিল্লদুনা চিপ বেজ ই-পাসপোর্ত ফংহন্নবা মায়কৈদসু থবক তৌরি।

মরূপশিং, পাসপোর্তকা লোয়ন- লোয়ননা ভিজাগা মরী লৈনবা নিয়মশিংসু লায়থোকহল্লে। ই-ভিজাগী খুদোংচাবা ফংবনা অদোমগী মতমসু কনবা ঙমহল্লে অমদি খুদোংচাদবসু হন্থহল্লে। হৌজিকসু মসিদা খুদোংচাদবা লৈরগদি মদু চুমথোক্নবা থবকসু পায়খৎলি। ঐখোয়গী সরকারনা পি.আই.ও. কার্দপু ও.সি.আই. কার্দতা ওন্থোকপদসু লায়থোকহল্লিবা অদু ময়াম্না খংবিরম্লগনি।

মরূপশিং, অদোম্না অদোমগী লৈবাক লৈহাওদগী লাপ্না লৈজরবসু অনৌবা ভারত শেমগৎপদা অদোমগী লেংদ্রবা থৌদাং অদু হেঙ্গৎহন্নবা লেপ্পা লৈতনা হোৎনরি। ভারত্তা অহোংবা পুরক্লিবা অসিদা, অনৌবা খুদোংচাবশিং ফংলিবা অসিদা অদোম অদোমগা চাউরবা থৌদাং অদু য়াম্না মরু ওই। হোংলক্লিবা ভারত অসিদা অদোম্না রিসর্স এন্দ দিবেলপমেন্ত অমসুং ইনোবেসনদা চাউরবা থৌদাং লৌবা য়াই। ভারতকী স্তার্ত অপ অমসুং এন.আর.আই. মেন্তর্সপু পুল্লপ পুন্না প্লেৎফোর্ম অমদা পুরক্নবা সরকারনা হোৎনরি। দিফেন্স মেনুফেকচরিংসু অদোম অদোমগীদমক মরুওইবা সেক্তর অমা ওইবা য়াই।

ইচিল-ইনাও অমসুং ইচল-ইচেশিং, ইমা ভারতকী সেক্যুরিতী ইকোনোমীগা লোয়ন লোয়ননা ঐখোয়গী স্পিরিচুয়েল অমসুং কলচরেল হেরিতেজকসু অদোমগী মরী অদু হেন্না ফগৎনবা প্রবাসী তীর্থ দর্শন য়োজনাসু হৌদোক্লগনি। ঐহাক্না প্লেৎফোর্ম অসিদা মমাংদসু হায়খ্রে, অমদি ঙসিসু অমুক হন্না হায়জরি মদুদি অদোম অদোম্না লৈরিবা লৈবাক অদুদা অদোমগী মনাক নকপদা লৈবা য়ামদ্রবদা খংন চান্নবা ইমুং মঙা মদুসি নন-ইন্দিয়ান ওইবা ইমুং মঙাবু ভারত্তা লাক্নবা পুক্নিং থৌগৎপিয়ু। অদোম্না মতৌ অসুম্না হোৎনবা অসিনা লৈবাক অসিদা তুরিজম হেঙ্গৎহনবদা মরুওইবা থৌদাং লৌগনি।

ঙসি ঐহাক্না অখন্ননা উত্তর প্রদেশ সরকারবুসু নুঙাইবা ফোংদোকচরি, অখন্ননা রাজ্য অমদা প্রবাসী ভারতীয় দিবসকী অসুক য়াম্না চাউখ্রবা থৌরম পাংথোক্নবা, মালেম অসিগী মশিং য়াম্লবা মীথুংলেনশিং লাক্নবা রাজ্য অদুনা য়াম্না কন্না হোৎনবা তাই, য়োজনা কয়া অমা তৌবা তাই। চহী অমগী ময়াদি মদুদা চংখি। অমদি প্রোগ্রাম অমা পাংথোক্লবা মতুং চহী অমদি অৱাবা পোত্থাবদা হৌখি। ঐহাক্না উত্তর প্রদেশপু মসিগীদমক থাগৎপা ফোংদোক্লি মদুদি কম্ভমুক চাউবা প্রোগ্রাম অমা পাংথোক্লি, অসুক য়াম্না চাউখ্রবা সিস্তেম অমা চংলি, কুম্ভ মেলাগী থৌরাং তৌবদা চহী ২-৩ লেপতনা থবক তৌবা মথৌ তাই। অমদি ঐহাক্না অঙকপা ফাওরম্মি মদুদি কুম্ভ মেলাগী থৌদাংসু উত্তর প্রদেশনা লৌরি, সরকারগী মেছিন পুম্নমক মদুদা মথৌ চিল্লি। মীওই কোতি ১০ মফম অদুদা লাকপা য়ারি। অসিগুম্বা তঞ্জা অসিদা কাশীদা অসিগুম্বা প্রোগ্রাম অসি তৌসিরা তৌরোইশিরা। ঐহাক্কী পুক্নিংদা চিংনবদি লৈখি অদুবু ঐহাক্না যোগীজীবু, মহাক্কী অপুনবা তিম্বু, উত্তর প্রদেশকী এদমিনিস্ত্রেসন অমসুং শাসনবু থমোয় শেংনা থাগৎপা ফোংদোকচরি মদুদি মখোয়না অমুক্তদা অসুক য়াম্না চাউখ্রবা প্রোগ্রাম পাংথোক্লিবা অসিনা তাক্লিবদি উত্তর প্রদেশকী সরকার, উত্তর প্রদেশকী ব্যুরেক্রেসি, উত্তর প্রদেশকী এমপ্লোই অসিসু মালেম অসিদা কনাদগীসু তাদে। মসিগীদমক ঐহাক্না অখন্ননা তৌবিমল খংবা উৎচরি।

ঐহাক্না কাশী মীয়াম্বু ইকোক নোন্দুনা খুরুমজরি, মরমদি ঐহাক্না প্রবাসী ভারতীয় দিবসপু গুজরাত্তসু পাংথোকখ্রে। গুজরাতকী মুখ্য মন্ত্রী হায়গেরা নত্রগা ঙসি প্রধান মন্ত্রীগী ফমদা য়েংগেরা, প্রবাসী ভারতীয় দিবস পালন খুদিংমক্তা শরুক য়াবা মীওই অমা অদু ঐহাক ওইরমগনি। মুখ্য মন্ত্রী ওইরিঙৈ মতমদসু লাকখি, প্রধান মন্ত্রী ওইরবা মতুংদদি তৌফদ্রবা থৌদাং ওইরে। অমুকখক ঐহাক্না ভীদিও কনফরেন্সকী থোংদা শরুক য়াখি, মদু নত্তনা ঐহাক ইশামক চৎচৈ। ঐহাক্না প্রোগ্রাম কয়া অমা উখ্রে। অদুবু কাশীনা মসিবু সরকারগী ওইবা থৌরম অমা ওইহন্দদুনা প্রজা মীয়ামগী প্রোগ্রাম অমা ওইহনখিবা, কাশীদা লৈরিবা মীপুম খুদিংমক্না মসিবু মশাগী ওইবা প্রোগ্রাম ওইহনখি। চাউরাক্না মীওই চামরিদি ইমুং মনুংশিংদা লেক চাদুনা লৈরি অমদি মফম অসিগী তেন্ত সিতীগী শক্তমসু ফজৈ মদুদি হোতেলদা লেক চারম্বা মীওই কয়া অমা হোতেল থাদোক্তুনা তেন্ত সিতীগী নুঙাইবা লৌনবা লাক্নরি হায়না ইফমদা তাকপিরে।

ময়াম্না শু নোম্বিখি, ময়াম্না প্লান তৌবিখি, ময়ামগী হুমাং শিন্থখি, অয়ুক নুমিদাং তুমদবা মখৈ, অৱা অনা খংদনা ময়াম্না হোৎনবিখি অদুবু মীয়াম্না ঐহাকপু থাগৎপা ফোংদোকপীরি। মসি অদোমগী নুংশিবা অদুননি, অদোম্না হোৎনখিবা অদুননি মদুনা মরম ওইরগা মসি পুম্নমক ওইথোকখিবা, মরম অদুনা কাশীগী পর্লিয়ামেন্তকী মীহুৎ ওইজবনা মরম ওইদুনা ঙসি তোপ তোপ্পা নুঙাইবা অমা ফাওবা ফংই অমদি ঐহাক্না থাজবা থম্লি মদুদি ঐহাক্কী কাশী অসি অদোম অদোমগী খুত্থাংদা অমুক হন্না মালেম অসিগী মীপুম খুদিংমক্কী থমোয়দা মফম কন্দুনা লৈরগনি অমদি মীপুম খুদিংমক কাশীদা লাক্নিংবা ফাওহল্লগনি।

ভারত্তা মার্চ থা অসি পরিক্ষাগী থা ওইনা তৌই অমদি ক্লাস ১০, ক্লাস ১২কী পরিক্ষা হায়বদি ইমুং মনুংদা চহী চুপ্পা অমা লৈতাফম খংদবা এতমোস্ফিয়ার অমা ওইহল্লি। মীপুম খুদিংমক্না মচাশিংবু ক্লাস ১০দা মার্ক য়াম্না ফংহন্নিই, ক্লাস ১২তা মার্ক য়াম্না ফংহন্নিই, লৈতাফম খংদবা এতমোস্ফিয়ার অমা ওইহল্লি। অদুনা ঐহাক্না মতম পুম্নমক্তা হোৎনদুনা লাক্লি মদুদি পরিক্ষাগী মাংওইননা অঙাং পুম্নমক্কা, মখোয়গী মমা মপাশিংগা, মখোয়গী গার্জিয়ানশিংগা, মখোয়গী ত্রস্তীশিংগা, মখোয়গী ওজাশিংগা ঐহাক্কা ৱারি শান্নদুনা অমদি পরিক্ষাবু অচৌবা খুদোংচাদবা অমা ওইনা লৌদনবা হায়বা য়াবা পুম্নমক হায়নবা হোৎনরি। ঐহাক্না নুঙাইবা ফাওই মদুদি হন্দক্কী জনুৱারী ২৯দা ঐহাক্না লৈবাক পুম্বগী অমদি হন্দক্তি মীরমগী মীওইশিংসু শম্নহল্লগনি। মখোয়গী মচাশিংসু, মখোয়গী ইমুং মনুংগী মীওইশিংসু নরেন্দ্র মোদী এপ্লিকেসনগী থোংদা, ভীদিওগী থোংদা শম্নরগনি। ইমুং কোতি কোতি কয়াগা লোয়ননা এগজাম ৱারিয়র্সকা মরী লৈননা ঐহাক্না ৱারি শান্নরগনি। অঙাংশিংগা ৱারি শান্নরগনি অমদি অঙাংশিংদা পরিক্ষাগী স্ত্রেস লৈতনবা মওং মতৌ হায়জনিংই, ঐহাক্না হায়রগনি, জনুৱারি ২৯, পুং ১১, অদোম অদোমসু অদোমগী ইমুং মনুংগী মীওইশিংদা পাও পীগনি হায়বা ঐহাক্না থাজববা থম্লি।

ঐহাক্না অমুক হন্না মসিগী চাউরবা প্রোগ্রাম অসিগীদমক অমদি ঐখোয়গী মরূপ প্রবিন্দ জগনাথনা ইমুং মনুংগা লোয়ননা মফম অসিদা লেংবিরক্তুনা, মতম পীবিদুনা, প্রোগ্রাম অসিগী মগুন হেঙ্গৎহনবগীদমক মফমদা তৌবিমল খংবা উৎচরি। মহাক্কী অপোকপনা মোরিসিয়সপু শেমগৎপদা য়াম্না চাউবা থৌদাং লৌখি। অমরোমদা হায়রগদি মহাক মোদর্ন মোরিসিয়সকী আর্কিতেকচরনি। হৌখিবা নুমিৎ খরগী মমাংদা মহাক্কী অপোকপা ইমুং মনুংগা লোয়ননা অখন্নবা খোংচৎতা কাশীদা লাকপিরম্মি, ঙসিনা প্রবিন্দজীনা ইমুং মনুংগা লোয়ননা কবিতাজীবু পুদুনা লাকপিরি। ঐহাক্না অমুক হন্না ময়াম পুম্নমকপু তোঙান তোঙানবা য়াইফ পাওজেলগা লোয়ননা হন্না-হন্না থাগৎচরি।

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Trade and beyond: a new impetus to the EU-India Partnership

Media Coverage

Trade and beyond: a new impetus to the EU-India Partnership
...

Nm on the go

Always be the first to hear from the PM. Get the App Now!
...
INDIA-EU LEADERS' MEETING
May 08, 2021
Share
 
Comments

At the invitation of the President of the European Council Mr. Charles Michel, Prime Minister Shri Narendra Modi participated in the India-EU Leaders’ Meeting today.

The meeting was held in a hybrid format with the participation of leaders of all the 27 EU Member States as well as the President of the European Council and the European Commission. This is the first time that the EU hosted a meeting with India in the EU+27 format. The meeting was the initiative of the Portuguese Presidency of the Council of the European Union.

During the meeting, the leaders expressed their desire to further strengthen the India-EU Strategic Partnership based on a shared commitment to democracy, fundamental freedoms, rule of law and multilateralism. They exchanged views on three key thematic areas: i) foreign policy and security; ii) COVID-19, climate and environment; and iii) trade, connectivity and technology. They discussed forging closer cooperation on combating the COVID-19 pandemic and economic recovery, tackling climate change, and reforming multilateral institutions. India appreciated the prompt assistance provided by the EU and its member states to combat its second COVID wave.

The leaders welcomed the decision to resume negotiations for balanced and comprehensive free trade and investment agreements. Negotiations on both the Trade and Investment Agreements will be pursued on parallel tracks with an intention to achieve early conclusion of both agreements together. This is a major outcome which will enable the two sides to realise the full potential of the economic partnership. India and the EU also announced dedicated dialogues on WTO issues, regulatory cooperation, market access issues and supply chain resilience, demonstrating the desire to deepen and further diversify economic engagement.

India and the EU launched an ambitious and comprehensive ‘Connectivity Partnership’ which is focused on enhancing digital, energy, transport and people-to-people connectivity. The Partnership is based on the shared principles of social, economic, fiscal, climate and environmental sustainability, and respect for international law and commitments. The Partnership will catalyse private and public financing for connectivity projects. It will also foster new synergies for supporting connectivity initiatives in third countries, including in the Indo-Pacific.

India and the EU leaders reiterated their commitment to achieving the goals of the Paris Agreement and agreed to strengthen joint efforts for mitigation, adaptation and resilience to the impacts of climate change, as well as providing means of implementation including finance in the context of COP26. India welcomed the EU’s decision to join CDRI.

India and the EU also agreed to enhance bilateral cooperation on digital and emerging technologies such as 5G, AI, Quantum and High-Performance Computing including through the early operationalization of the Joint Task Force on AI and the Digital Investment Forum.

The leaders noted with satisfaction the growing convergences on regional and global issues, including counterterrorism, cybersecurity and maritime cooperation. The leaders acknowledged the importance of a free, open, inclusive and rules-based Indo-Pacific and agreed to closely engage in the region, including in the context of India’s Indo-Pacific Ocean’s Initiative and the EU’s new strategy on the Indo-Pacific.

Coinciding with the Leaders’ Meeting, an India-EU Business Roundtable was organised to highlight the avenues for cooperation in climate, digital and healthcare. A finance contract of Euro 150 million for the Pune Metro Rail Project was signed by the Ministry of Finance, Government of India, and European Investment Bank.

India-EU Leaders Meeting has set a significant milestone by providing a new direction to the Strategic Partnership and giving a fresh impetus for implementing the ambitious India-EU Roadmap 2025 adopted at the 15th India-EU Summit held in July 2020.