Jharkhand: PM inaugurates and laid the foundation of a slew of projects in the health, education, water supply and sanitation sectors
The Central government is focusing on the health of the people of Jharkhand: PMThere were only three medical colleges since independence in the state before and now three more have been added: PM in Jharkhandভারত ইমানা – য়াইফরে
ভারত ইমানা – য়াইফরে
ফম্বাকথক্তা লেংশিনবীরিবা শক্নাইরবা পুম্নমক অমসুং ঐখোয়বু থৌজাল পীবীনবা মশিং য়াম্না লেংবীরক্লিবা ঐহাক্কী নুংশিজরবা ইচিল-ইনাও অমসুং ইচল-ইচেশিং।
হজারিবাগকী ঐহাক্কী নুংশিজরবা ইচিল-ইনাও অমসুং ইচল-ইচেশিং মমাংদসু ঐহাক হজারিবাগতা লাকচখ্রে, মীওই কয়ানা ঐহাকপু থৌজাল পীবীনবা লেংবীরকখি, অদুবু মতম পুম্নমক্তা মমাংগী রেকোর্দ থুগায়দুনা তিনবীরিবা অসি করিগীনো হায়বদু ইফমদা খঙহনবিয়ু। মশিং অসুক য়াম্না ময়াম্না লেংবীরক্লিবা, অসুক য়াম্না নুংশিনা থৌজাল পীনবীরিবা অসিনা ঐখোয়বু ময়ামগীদমক অহিং নুংথিল খাক্তনা কোইচেল চেন্নবগী থৌনা অদু পীনবীরি, ময়ামগীদমক থবক তৌনবা থৌনা অদু পীনবীরি। ঝার্খন্দগী লৈপাক লৈহাও রিভোলুসনগী লৈপাক লৈহাওনি, রিভোলুসনরীশিংগী লৈপাক লৈহাওনি। ভগৱান বির্সামুন্দাগী লুচিং মখাদা চত্থখিবা নীংতম ইহৌ নত্ত্রগা সত্যগ্রহগী খোংজং ওইগেরা, লৈপাক লৈহাও অসিনা মশিং য়াম্লবা সেনানীশিং পীনবীরি, রিভোলুসনরী পীনবীরি। ঐহাক্না লৈপাক লৈহাও অসিগী মপারী, অথৌবা বিজয় সোরেনবু অমুক হন্না ইকায় খুম্নবা উৎচরি। ঐহাক্না গুমলাদা লৈরিবা মহাক্কী ইমুং মনুংগী মফমদা থম্মোয় শেংনা খুরুমজরি। মহাক্কী মচাশিংনা পুংফম অসি য়াম্না ইচং থৌনা মায়োক্নরি।
মরূপশিং, ঙসি ঐহাক মফম অসিদা ঝার্খন্দগী চাউখৎ থৌরাংগীদমক হৌখিবা চহী মরি মখায়দগী পায়খৎলক্লিবা থবকশিং অদুদা অহেনবা খোংজেল পীনবগীদমক লাকচরি। মেদিকেল কোলেজ বিলদিং, হোস্পিতাল, ইঞ্জিনীয়রিং কোলেজ, ঈশিংগী অৱাবা কোকহনগদবা পাইপ লাইন, নমামী গঙ্গে প্রোজেক্তকী উরেপ উয়ুং তম্বা অমসুং শঙ্গারিবা অসিনা মফম অসিদা মরুওইবা খুদোংচাবশিংগী ইনফ্রাস্ত্রকচরদা শক্তি ফংলগনি। মসিগীদমক ঐহাক্না ময়াম পুম্নমকপু নুংঙাইবা ফোংদোকচরি। স্মার্তফোন লৈনবা সরকারনা তেংবাং পীরিবা লমদম অসিগী লৌমী লিশিং কয়াবুসু ঐহাক্না নুংঙাইবা ফোংদোকচরি।
মরূপশিং, ঝার্খন্দ অসি মালেমগী খ্বাইদগী চাউরবা হেল্থ ইন্সুরেন্স স্কিম আয়ুশ্মান ভারত, পি.এম.জে. হৌদোকখিবগী সাখি ওইরি। ময়াম পুম্নমক্কী থৌজালদগী স্কিম অসিনা ঙসিদি লৈবাক পুম্বদা লায়রবা ইমুং লাখ কয়াবু অনা অয়েক্তগী কোকহনবীরি। স্কিম অসিগী কানবা ঝার্খন্দসু ফংলি। লমদম অসিগী মীওই লিশিং ৫৭পু অরুবা লৈনাদগী লেম্না লায়েংখ্রে। জমসেদপুরদা আয়ুশ্মান স্কিমগী মতেংনা লৈবাক অসিদা অনিশুবা ত্যুমরগী ওপরেসন পাংথোকখিবা অদু হন্দক্তা ঐহাক্না মীদিয়াদা উবা ফংখি। ঐহাক্না ঙাইহাক্কী মতুংদা রাঞ্চীদা স্কিম অসিনা কানবা ফংলবা বেনেফিসরী কয়াগা উনদুনা মখোয়গী এক্সপরিয়েন্সকী ৱাফমশিং তারগনি, মখোয়গা ৱারী শান্নরগনি।
মরূপশিং, ঝার্খন্দা হেল্থ সর্বিসশিং হেঙ্গৎহন্নবা কেন্দ্র সরকারনা রাজ্য সরকারগা পুন্দুনা লেপ্পা লৈতনা হোৎনরি। দেবগরদা এইম্সকী মতুংদা ঙসি জিলা অহুম-দুমকা, হজারিবাগ অমসুং পলামুদা মেদিকেল কোলেজ শঙ্গারিবা অসি ঐখোয়গী অদুগুম্লবা হোৎনরিবশিং অদুগী মহৈনি। চহী অহুমগী মমাংদা ঝার্খন্দা শুপ্নতংগী মেদিকেল কোলেজ অহুম খক্তমক লৈরম্মি, ঙসিদি য়েংবিয়ু নোংমা খক্তদা মেদিকেল কোলেজ অহুম হাংদোক্লে। মেদিকেল কোলেজশিং অসিনা নহাশিংবু লমদম অসিমক্তদা মেদিকেল তম্বা ফংবগা লোয়ননা হকশেলগী খুদোংচাবসু ফগৎহল্লগনি। মসিগা লোয়ননা হজারিবাগ, দুমকা, পলামু অমসুং জমসেদপুরদা ফমুং ৫০০ লৈগদবা হোস্পিতালশিংগী উরেপ-উয়ুংসু তম্লে।
ইচিল-ইনাও অমসুং ইচল-ইচেশিং, হকশেলগা খ্বাইদগী নক্নবা মরী অসি থক্নবা ঈশিংগা লৈনরি, লু-নানবগা লৈনরি। ঝার্খন্দা অফবা থক্নবা ঈশিং ফংহন্নবসু লেপ্পা লৈতনা সরকারনা হোৎনরি। ঐখোয়গী সরকারনা লুপা কোতি লিশিং কয়া চংনা প্রোজেক্ত ৩৫০দা থবক তৌরি। অসিগুম্লবা প্রোজেক্ত ১১গী শঙ্গাবা অমসুং উরেপ উয়ুং তম্বাগী খুদোংচাবা অদুসু ঐহাক্না ঙাইহাক্কী মমাংদা ফংজখ্রে।
ইচিল-ইনাও অমসুং ইচল-ইচেশিং, ঙসি মফম অসিদা ইথৈ-লৌখোংগা মরী লৈনবা প্রোজেক্ত কয়া অমসু হৌদোকখ্রে। মসিনা মপুং ফানা লোইশিল্লবা মতমদা হজারিবাগকা লোয়ননা রামগর, পলামু, গোদা, নোংচুপ থংবা সিংঘভুমগী হেক্তর লিশিং কয়াগী লমদমদা ইথৈ লৌখোং ফংহনবা ঙম্লগনি। মমংদা ঐহাক্না পলামুদা চৎখিবা মতম অদুদা চহী কয়াদগী পন্দুনা লৈরক্লবা মন্দলদাম অমসুং কোয়ল প্রোজেক্তসু থবক হৌখ্রে। প্রোজেক্তশিং অসিনা লমদম অসিগী লৌমীশিংগী তুংগী লাইবক মশেক মঙাল থোকহল্লগনি।
মরূপশিং, ঝার্খন্দ সরকারনা কেন্দ্র সরকারগী মরু মরাংদগী বাজার ফাওবগী কেম্পেন অদু থবক ওইনা পাংথোকপদা পুক্নীং চংলি। ঙসি লৌমীগী ইমুং মনুংশিংদা স্মার্ত ফোন পীনবা স্কিম হৌদোক্লি, লৌমী খরদা চেক মনাসু খুৎশিন্নখ্রে। স্কিম অসিনা লমদম অসিগী লৌমী লাখ ২৭তা কানবা ফংহল্লগনি। স্মার্ত ফোন অসিগী মতেংনা হৌজিক্তি লৌমীশিংনা মহৈ মরোং য়োনবগা মরী লৈনবা দিজিতেল ওইবা মওংদা পীথোক পীশিন তৌনবদা লায়থোকহল্লগনি, মখোয়না নোং চিংগী ফিভমসু ফোন্দা য়েংবা ঙম্লগনি, লৌউ শিংউবগী অনৌবা তেক্নিকশিংগী মরমদা খঙবা ঙম্লগনি অমসুং মদুগা লোয়ননা সরকারগী অতোপ্পা স্কিমশিংগসু হকথেংননা শম্নহনবা ঙম্লগনি।
মরূপশিং, কেন্দ্র সরকার ওইগেরা নত্ত্রগা ঝার্খন্দগী সরকার ওইগেরা, লৌমীশিংবু মিদলমেনশিংদগী নান্থোকহন্নবা, মসি ঐখোয়গী খোংথাংনি। মরম অসিননি রাশনবু ওইরবসু, পেন্সনবু ওইরবসু, স্কোলরশিপ্পু ওইরবসু, সরকারগী মতেং পুম্নমক বেনেফিসরীশিংগী বেঙ্ক একাউন্তা দাইরেক্ত য়ৌহল্লে। ঐখোয়গী সরকারনা প্রধান মন্ত্রী কিসান সম্মান নিধী পুদুনা লাক্লে। মসিগী মখাদা একর মঙা নত্ত্রগা মদুদগী তানা লৌ লৈবা লৌমীশিংবু মখোয়গী বেঙ্ক একাউন্তা দাইরেক্ত ওইনা পৈশা ত্রান্সফর তৌরগনি। মথংগী চহী তরাদা লুপা কোতি লাখ তরেৎ মখায় ঐখোয়গী সরকারনা লৌমীশিংগী বেঙ্ক একাউন্তশিংদা দিপোজিৎ তৌরগনি। শেনফম অসিনা মখোয়না মতম চানা মরু মরাং লৈবা, হিদাক লাংথক লৈবা, হার লৈবদা চাউনা মতেং ওইরগনি অমদি মখোয়না শেন্দোয় চাবশিংগী ময়ুমদা শেন্দোয় চাউনা পীদুনা পৈশা লৌরুবগা মথৌ তাদ্রে। মসিনা লৈবাক অসিগী লৌমী চাউরাক্না কোতি ১২দা কানবা ফংহনবদা ঝার্খন্দগী লৌমীশিংগী ইমুং লাখ ২২দা অপনবা য়াওদনা কানবা ফংহল্লগনি।
মরূপশিং, সবকা সাথ সবকা বিকাসকী মন্ত্র অদুদা চত্তুনা কেন্দ্র সরকারনা তোল্ল-তারবশিং, কনা লৈজদ্রবশিং, শোত্থরবশিং, ত্রাইবেলশিং, নুপীশিং, নহারোলশিং-কাংলুপ খুদিংমকপু মতিক চাহন্নবা হোৎনরি। ৱাখল্লোন অসিগী মখাদা ঙসি অচৌবা এজুকেসন ইন্সতিত্যুৎ অনি শঙ্গাবা অমসুং উরেপ উয়ুং তম্বগী থৌরম পাংথোকখ্রে। মসিদা অমদি নুপীশিংগা মরী লৈনরি অমসুং অতোপ্পা অমনা ঐখোয়গী ত্রাইবেল সমাজগা মরী লৈনরি। রামগরদা ৱুমেন ইঞ্জিনীয়ারিং কোলেজ ঙসি শঙ্গাখ্রে। অদুগা হজারিবাগকী আচার্য বিনোবা ভাবে য়ুনিবর্সিতীদা সেন্তর ফোর ত্রাইবেল স্তদিজকী উরেপ উয়ুং তমখ্রে।
ইচিল-ইনাও অমসুং ইচল-ইচেশিং, কেন্দ্র সরকারনা ত্রাইবেল সমাজপু এজুকেসন অমসুং স্কিলগা শম্নহন্নবা লেপ্পা লৈতনা হোৎনরি। স্কুল এজুকেসন ওইগেরা নত্ত্রগা অৱাংবা থাক্কী এজুকেসন ওইগেরা, ত্রাইবেল সমাজগী নহারোল মরূপশিংবু মখল খুদিংমক্কী মতেং পীরি। আচার্য বিনোবা ভাবে য়ুনিবর্সিতীদা সেন্তর ফোর ত্রাইবেল স্তদিজ শাবনা লমদম অসিগী সমাজ অমসুং সংস্কৃতিবু মমুৎ তানা খঙনবা অমসুং তুংগী চারোল শুরোলশিং ফাওবা থৌওংশিং য়ৌহনবদা মতেং ওইরগনি।
মতৌ অসুম্না ঝার্খন্দ য়াওনা লৈবাক অসিগী তোঙান তোঙানবা ত্রাইবেল লমদমশিংদা একলব্যা মোদেল স্কুল হাংদোক্লি। ঝার্খন্দা অসিগুম্বা স্কুল চাউরাক্না দর্জন অনি হৌদোক্লে অমদি অনৌবা স্কুল ৭০ হাংদোকপগী থবক পায়খৎলি।
মরূপশিং, ঙসি মফম অসিদা অঙাংশিংগী ন্যুত্রিসনগী ওইবা মরুওইবা স্কিম অমসু হৌদোক্লে। মসিগী মখাদা স্কুলশিংদা অঙাংশিংবু পেকেৎতা শঙ্গোম ফংহল্লগনি। মসিনা লাইরবা অমসুং ত্রাইবেল সমাজগী অঙাংশিংবু মেলন্যুত্রিসনগী সমস্যাদগী নান্থোকহল্লগনি অমদি মসিগী মমিং কনহা দুধ য়োজনা হায়না ঐখোয়গী মুখ্য মন্ত্রীজীনা হায়বীখ্রে। হায়বদি অমরোমদা মহাক্না ভগবান কৃষ্ণবু নীংশিংলি, মতম অদুগী শঙ্গোম অমসুং মখনগী ৱাফম অদু নীংশিংলি। কনহা দুধ য়োজনানা লমদম অসিগী অঙাংশিংবু হৈথোই শিংথোইহন্দুনা লৈবাক পুম্নমক্কী মায় ওইগনি হায়না ঐহাক্না আশা তৌরি।
মরূপশিং, এজুকেসন, স্কিল অমসুং ন্যুত্রিসনগা লোয়ননা ত্রাইবেল অথৌবশিংবু ইকায় খুম্ননবা, নীং তম্বগী ইহৌদা শরুক য়াখিবশিং অদু মখা তারকপা চারোল শুরোল ফাওবা য়ৌহন্নবগীদমকসু কয়া অমা হোৎনরি। ঝার্খন্দা শাগৎলিবা বিরসামুন্দা ম্যুজিয়ম অসি মসিগী খুদম্নি। ম্যুজিয়ম অসিনা অথোইবা ত্রাইবেল ফ্রিদম ফাইতর বিরসামুন্দাগুম্বা হীরোশিংগী শক্তম ঙাক্তুনা থম্লগনি। অসিগুম্লবা মশিং য়াম্লবা ম্যুজিয়ম কয়া অমা লৈবাক অসিগী তোঙান তোঙানবা রাজ্যশিংদা শাগৎলি, মদুদা কেন্দ্র সরকারনা রাজ্য সরকারশিংদা মতেং পীরি। ম্যুজিয়ম অসিনা ঐখোয়গী ত্রাইবেল হীরোশিংবু নীংশিংহল্লগনি, লোয়ননা লমকোইবশিংগী সেন্তরসু ওইরগনি।
মরূপশিং, ঝার্খন্দনা লু নানবগী মায়কৈদা পুক্নীং থৌগৎনীংঙাই ওইরবা থবক তৌরিবা অসিদা ঐহাক নুংঙাইবা ফাওই। চহী মরিগী মমাংদা মফম অসিদা লু-নানবগী চাং অসি চাদা ২০ ওইরম্মি, মদু হৌজিক্তি ঝার্খন্দনা মখোয় মশাবু মপান্দা খোংহাম খুৎহাম তৌবা তোক্লে। রঘুবর দাসজী, মহাক্কী তীম অপুনবা, পুম্নমকপু ঐহাক্কী মায়কৈদগী কয়ারক হন্না থাগৎপা ফোংদোকচরি।
মরূপশিং, তুরেলগী ঈশিংবু শেংদোক্নবা প্রোজেক্ত কয়া অমসু ঙসি শঙ্গাবা অমসুং উরেপ উয়ুং তম্বগী থৌরম পাংথোকখ্রে। সাহিবগঞ্জ সীৱর ত্রিৎমেন্ত প্লান্ত শঙ্গাখ্রে, মদুমক রামগর সীৱর ত্রিৎমেন্ত প্লান্ত শেমগৎপগী থবকশু ঙসিদগী হৌরে। নমামী গঙ্গে প্রোজেক্তকী মখাদা ৱাতর ত্রিৎমেন্তকা লোয়ননা তোর্বানশিং ফজহনবগী থবকসু চত্থরি। মধুসুদন ঘাৎপু ফজহনবগী থবকসু মপুং ফানা পায়খৎলে। প্রোজেক্তশিং অসি পায়খৎপা ঙম্লিবগী মরমদি চহী মরিমখায়গী মমাংদা অদোম্না কেন্দ্রদা মপুংফানা মেজোরিতী ওইবা সরকার খনবীবদগীনি।
ঐহাক্না লৈবাক্কী চাউখৎ থৌরাংগীদমক, লৈবাক অসিগী মফম পুম্নমক্কী চাউখৎ থৌরাংগীদমক পুকচেল শেংনা অয়ুক নুমিদাং খাক্তনা পাংথোকপা য়াবা পুম্নমক পাংথোকপদা অৱাৎপা লৈহল্লোয়। ময়ামগী থৌজাল অদু ইফমদা লেংদনা লৈবা ওইসনু, থাজবা অসিগা লোয়ননা ঐহাক্কী ৱাফম লোয়শিনজরি।
ঐহাক্না লৈবাক্কী চাউখৎ থৌরাংগীদমক, লৈবাক অসিগী মফম পুম্নমক্কী চাউখৎ থৌরাংগীদমক পুকচেল শেংনা অয়ুক নুমিদাং খাক্তনা পাংথোকপা য়াবা পুম্নমক পাংথোকপদা অৱাৎপা লৈহল্লোয়। ময়ামগী থৌজাল অদু ইফমদা লেংদনা লৈবা ওইসনু, থাজবা অসিগা লোয়ননা ঐহাক্কী ৱাফম লোয়শিনজরি।
খুৎ অনিমক খুৎতুম তাশিন্দুনা অহৌবা খোঞ্জেলগা লোয়ননা ঐহাক্কা লাওমিন্নরসি-
ভারত ইমানা – য়াইফরে
ভারত ইমানা – য়াইফরে
ভারত ইমানা – য়াইফরে
হন্না-হন্না থাগৎচরি।
