ঐহাক্কী নুংশিজরবা ইচিল-ইনাও অমসুং ইচল-ইচেশিং।
ঙসি ঐহাক মকোকথোংবা সেবারী অমগুম অমুক হন্না ময়ামগী মরক্তা লাকচরি। অদুবু মসিগী মমাংদসু দামন ওইগেরা, দ্যু ওইগেরা, সিলবাসা ওইগেরা, লমদম অসিগী খুঙ্গংশিং ওইগেরা ঐহাক্কী ওইনদি অনৌবা নত্তে। কয়ারক হন্না লাকচনবগী খুদোংচাবা ফংজখ্রে। দাদরা নগর হবেলী অমদি দামন অমসুং দ্যুগী লম্বীশিংদা স্কুতর তোংদুনা চৎপগী তঞ্জা ফংজখি। মফম অসিগী চাকচা য়ুথক, চৎন লোনচৎ, মফম অসিগী নাগলি, পুম্নমক মফম অসিদা লাকপা মতমদা লিরবা ৱাফমশিং নিংশিংলকই। ময়ামগী নুংশিবনা ঐহাক্কী পুক্নিং শুমহৎপিরি।
মরূপশিং, ২০১৭কী এপ্রিল থাদা ঐহাক্না ময়ামগী মরক্তা লাকচখিবা মতম অদুদা প্রোজেক্ত কয়া অমগী উরেপ উয়ুং তমজখি। ঐহাক্না নুঙাইবা ফাওই মদুদি অসুক য়াম্না তেনখ্রবা মতম অসিদা থবক অয়াম্বা লোইশিনলক্লে অমসুং মদুগী মনুংদা কয়া অমদি ঙসি শঙ্গাবগী থৌরম চত্থরি। ঙসি অমুক হন্না অদোম ময়ামগী মরক্তা লাকচবা অসিদা মফম অসিদা লুপা কোতি ১৪০০ হেনবা প্রোজেক্তশিং শঙ্গাখ্রে অমদি উরেপ উয়ুং তমখ্রে। প্রোজেক্তশিং অসিনা লমদম অসিগী কনেক্তিবিতী, ইনফ্রাস্ত্রকচর, হকশেল অমসুং এজুকেসন, তুরিজম, সংস্কৃতি, হেরিতেজ অসিগুম্লবা তোঙান তোঙানবা এস্পেক্তশিংগা মরী লৈনবা মফম অসিগী ইন্দস্ত্রীশিংবু ইনোৎ পীনবগীদমক ঙসি মফম অসিদা অনৌবা ইন্দস্ত্রীয়েল পোলিসী অমসুং অনৌবা আই.তি. পোলিসীসু হৌদোকখ্রে। অনৌবা চহী অসিদা খুদোলশিং অসিগীদমক ময়াম পুম্নমকপু হন্না-হন্না নুঙাইবা ফোংদোকচরি।
ইচিল-ইনাও অমসুং ইচল-ইচেশিং, সবকা সাথ সবকা বিকাসকী মন্ত্রদা চৎলিবা কেন্দ্র সরকারনা দিবেলপমেন্তকী ইচেল মঙাগীদমক মপুং ফানা কত্থোক্লি। অঙাংশিংগী মহৈ মশিং, নহাশিংগী শেন্দান লম্বী, অহলশিংগী হিদাক লাংথক, লৌমীশিংগী ইথৈ লৌখোং অমদি মীপুম খুদিংমক্কী হিয়ারিং, মসি ঐখোয়গীদমক দিবেলপমেন্তকী হায়ৱেনি। ঐহাক্না উরুবদা অপেনবা ফাওই মদুদি হৌখিবা চহী মঙাদা দামন, দ্যু অমদি দাদরা নগর হবেলীগী দিবেলপমেন্ত অনৌবা থাক অমদা য়ৌরে। ঙসি দামন, দ্যু অমদি দাদরা নগর হবেলী অনিমক মপান্দা খোংহাম খুৎহাম চোয়দ্রে হায়না লাওথোকখ্রে। ঙসি য়ুনিয়ন তেরিতোরী অনিমক্কী য়ুমথোং খুদিংদা মৈগী কনেক্সন লৈরে, ঙসি লমদম অনি অসিদা লৈরিবা প্রধান মন্ত্রী আৱাস য়োজনাগী মখাদা য়ুম ফংবা য়ারবা লায়রবশিং অদুবু য়ুমশিং ফংহন্নবা অয়াবা পীখ্রে। ঙসি লমদম অনি অসিদা লৈরিবা আয়ুশ্মান য়োজনাগী কানবা ফংগদবশিং অদুদা গোল্দ কার্দ ফংহনবগী থবক চত্থখ্রে।
মরূপশিং, করিগুম্বা ঐহাক্না হৌখিবা চহী অহুমগী ৱা পুথোক্লগদি য়ুনিয়ন তেরিতেরী অনি অসিদা চাওরাক্না লুপা কোতি লিশিং মাপলগী শেনফম থাদখ্রে। কোতি লিশিং মাপল হৌজিক ঐখোয়গী লৈবাক অসি কদায়দগী কদায় য়ৌরবগে হায়বদু অদোম্না খন্দুনা য়েংবিয়ু। শেনফমশিং অসিনা প্রোজেক্ত কয়া অমা পায়খৎলে। কয়া অমদি পায়খৎপা লোয়খ্রে। মসিগী মনুং চন্না ঙসি মফম অসিদা হকশেলগা মরী লৈনবা প্রোজেক্ত কয়া অমগী উরেপ উয়ুং তমখ্রে অমদি শঙ্গাখ্রে। অদোম্না মতম কয়াগী মমাংদগী পাংথোক্নবা তক্নদুনা লাকপা অদুসু মপুং ফারে। দাদরা নগর হবেলী, দামন অমসুং দ্যুনা নিং তম্লবা মতুং চহী তরাগী খুজিং কয়াগী মতুংদা অহানবা মেদিকেল কোলেজ ফংলে। ঙসি ফাওবা য়ুনিয়ন তেরিতোরী অনিমক্না চহীদা তোঙান তোঙানবা মফমশিংদা শুপ্নতগী সিৎ ১৫ খক্তমক ফংলম্মি। হৌজিক্তি হোৎনবনা মরম ওইদুনা মফম অমখক্তদা সিৎ ১৫০ মসিগী অনৌবা মেদিকেল কোলেজ অসিদা হৌদোক্লে। চামগা য়াঙ্খৈ অসিনা অরোইবা ওইরোই। থবক হেঙ্গৎলক্লিবা মখৈ মহৈরোয়গী মশিংসু হেঙ্গৎলক্কনি।
ইচিল-ইনাও অমসুং ইচল-ইচেশিং, মতম মাংহনলুবা তৌদনা বিলদিং অমদা চহী অসি মক্তদগী মেদিকেল কোলেজ মথৌ হৌহন্নবসু হোৎনরি। মেদিকেল এজুকেসনবু পুক্নিং থৌগৎনবগীদমক্তা সিলবাসাদা পেরা মেদিকেলগী চাওরাক্না চানি য়াঙ্খৈ অমদি দামনদা নর্সিংগী সিৎ ৫০গীসু থৌরাং তৌরে হায়না ইফমদা তাকপিররে। হোৎনরিবশিং অসিনা নহা ওইরিবা মরূপশিংদা কানহনবগা লোয়ননা মফম অসিগী হেল্থ সর্বিস ফগৎহনবদসু মতেং ফংলগনি।
মরূপশিং, লুপা কোতি ২০০ চংনা শাগদৌরিবা কোলেজ অসিদা নত্তনা হেল্থ অমসুং ৱেলনেস সেন্তরগী ওইবা মফম অসিদা শেমগৎলিবা নেৎৱার্ক অসিনা জেনরেল ওইবা অনাবশিংবু মওং তানা লায়েংবগী খুদোংচাবসু য়ুমগী অনকপা মফমদা ফংবসু ঙমহল্লগনি। আয়ুশ্মান ভারত য়োজনাগী মখাদা অসিগুম্বা হেল্থ এন্দ ৱেলনেস সেন্তর দর্জন ১৫শু মফম অসিদা হৌদোকখ্রে।
ইচিল-ইনাও অমসুং ইচল-ইচেশিং, ঙায়হাক্কী মমাংদা মফম অসিদা আয়ুশ্মান ভারত, প্রধান মন্ত্রী জন আরোগ্য য়োজনাগী বেনিফিসরী খরদা কার্দ য়েন্থোকখ্রে। মালেমগী অসিগুম্বা খ্বাইদগী চাওবা হেল্থ কেয়ার প্রোজেক্ত অসি মালেম পুম্বনা ঙংনা শক্নরি। ময়াম্না মসিবু মোদীকেয়ার হায়না হায়নৈ। হায়নবগী মরমদি স্কিম অসিগী মখাদা নুমীৎ খুদিংগী লৈবাক অসিদা চাওরাক্না লায়রবা লিশিং ১০ হেনববু লেম্না লায়েংবা ফংহল্লি। হৌজিক মসি হৌদোকখিবা নুমীৎ ১০০ খরদমক হেনবদা ঙায়রি। অসুক তেনখ্রবা মতম অসিদা চাওরাক্না লায়রবা অনাবা লাখ তরেৎ হেন্না হোস্পিতালশিংদা লায়েংখ্রে।
মরূপশিং, হিদাক লাংথক্কা লোয়ন-লোয়ননা মহৈ তম্বগী খুদোংচাবসু পাকথোক চাওথোকহল্লে। ঙায়হাক্কী মমাংদা মফম অসিদা এজুকেসনগা মরী লৈনবা অনৌবা সংস্থান ময়ামদা খুৎশিন্নখ্রে। দ্যুগী এজুকেসন হব, মসিগী সিস্তেম পুম্নমক্না মফম অসিগী নহাশিংবু য়ুমগী মনাক মক্তদা অফবা এজুকেশন ফংহনবদা মতেং ওইরগনি।
ইচিল-ইনাও অমসুং ইচল-ইচেশিং, হিদাক লাংথক অমসুং এজুকেসনগা লোয়ন-লোয়ননা লায়রবা অমা ফাওবা ময়ুম লৈজদবা ওইহন্দনবা সরকারনা হোৎনরি। প্রধান মন্ত্রী আৱাস য়োজনাগী মখাদা খুঙ্গং অমসুং শহরশিংদা লৈরিবা লায়রবশিংবু মখোয় মশাগী ওইবা চেক্কী য়ুম ফংহন্নবা কমপ্রেহেন্সিব কেমপেন লৈবাক পুম্বদা চত্থরি। হোৎনরিবা অসিগী মায়কৈদা খোংথাং অমগা থাংজিন্দুনা দাদরা ননর হবেলী অমসুং দামন দ্যুদা ঙসি য়ুম কয়া অমগী উরেপ উয়ুং তমখ্রে। মসিগী মথক্তা অনৌবা য়ুমশিংগী কন্সত্রক্সন ৱার্ক্কী উরেপ উয়ুংসু ঙায়হাক্কী মমাংদা তমখ্রে। মদুদা দামনগী ইন্দস্ত্রীয়েল এরিয়াদা থবক তৌরিবা শিন্মীশিংগী ইমুং মনুংগীদমক শেম্লিবা হাউজিং প্রোজেক্তসু য়াওরি।
মরূপশিং, হৌখিবা চহী মরিমখায়দা দাদরা নগর হবেলীগুম্বা অপিকপা এরিয়াদা লিশিং অমদগী হেনবা শহরগী লায়রবশিংগী য়ুমগীদমক থবক তৌখ্রে, শেম্বা হৌখ্রে। হৌখিবা চহী মরিমখায় অসিদা অদুগুম্লবা কমেন্তকা লোয়ননা, অদুগুম্লবা ফীদ অমদি স্কেলদা লায়রবশিংগী য়ুম শাবগী থবক চত্থরিবা অসি মমাংদা অমুক্তা ওইখিদ্রি। মমাগী সরকারনা মখোয়গী চহী ৫গী মতমদা শুপ্নতগী য়ুম লাখ ২৫ খক্তমক শাহনবা ঙমলম্বা অদু ঐখোয়গী সরকারনা হৌজিক চহী মঙা অসিদা য়ুম কোতি অমগা লাখ ২৫ হেন্না কন্সত্রক্সন তৌবা লোয়রে।
ইচিল-ইনাও অমসুং ইচল-ইচেশিং, মদুশু শুপ্নগী ফকলাং মরিদু খক্তা নত্তে, মসিদা সৌভাগ্য য়োজনাগী মখাদা লেম্না ইলেক্ত্রিসিতীগী কনেক্সনসু ফংহল্লে। তোয়লেৎসু য়াওরে। চাকখুমদা উজ্জ্বলা য়োজনাগী মনুংচন্না লেম্না এল.পি.জি. গ্যাস কনেক্সনসু পীরে। দাদরা নগর হবেলীগী ৱা হায়রগদি মফম অসিদা ইচল-ইচে লিশিং ১৩দা লেম্না গ্যাস কনেক্সন পীখ্রে। অসিগুম্বা মখলগী খুদোংচাবা কয়া অসিনা লায়রবগী আত্মাবিশ্বাস হেঙ্গৎহনবদা মতেং ওইরে। মরূপশিং, মীচম প্রজাগী পুন্সী লায়থোকহন্নবগীদমক লৈবাক অসিগী স্মার্ত সিস্তেমশিং শেমগৎলি। সিলবাসা অমসুং দ্যু শহরবু স্মার্ত সিতী শেমগৎনবা প্রোজেক্ত কয়া অমদা থবক চত্থরি। মফম অসিগী লম্বী-থোং ওইগেরা, লৈরক খুল্লক ওইগেরা, সীবর অমদি ঈশিংগী সিস্তেম ওইগেরা, লু-নানবগী ফেসিলিতী ওইগেরা থাক খুদিংমক্তা থবক চত্থরি। ঙাইহাক্কী মমাদা স্মার্ত সিতীগা মরী লৈনবা প্রোজেক্ত কয়া অমাগী উরেপ উয়ুং তম্বা অমদি শঙ্গাবগী থৌরম পাংথোকখ্রে।
মরূপশিং, সিলবাসাগা লোয়ন লোয়ননা দামন অমসুং দ্যুশু দিবেলপমেন্তকী স্পীদ পীরি। দামন গঙ্গাদা শারিবা অনৌবা থোং, অনৌবা সিৱেজ লাইন অমদি ত্রীতমেন্ত প্লান্তগুম্বা ফেসিলীতিশিংনা দামন মীয়ামগী পুন্সী লায়থোকহল্লগনি। মরূপশিং মমাংদা ঐহাক্না মফম অসিদা লাকলম্বা মতম অদুদা ত্রাইবেল ইমুং কয়াদা ইংখোলগী চে-চাং য়েন্থোকখি। ঙসিসু মরূপ খরদা ইংখোলগী পতা য়েন্থোকপগী তঞ্জা অদু ঐহাক্না ফংজখি।
ইচিল-ইনাও অমসুং ইচল-ইচেশিং, ইংখোল ওইগেরা, জঙ্গলগী পোত্থোক ওইগেরা, মহৈ-মশিং ওইগেরা, শান্ন-খোৎনবগা মরী লৈনবা ওইগেরা, থাক খুদিংমক্তা ত্রাইবেলশিংগী য়াইফনবগীদমক লেপ্পা লৈতনা হোৎনরি। মরূপশিং, ত্রাইবেলশিংগী শেন্থোক্কা লোয়ন-লোয়ননা কলচরগী প্রোতেক্সনগীদমকসু অকনবা মওংদা হোৎনরি। ঙসিসু মফম অসিদা পুৱারি অমসুং সংস্কৃতিক হেরিতেজকা মরী লানবা প্রোজেক্ত কয়া অমা পায়খৎপা হৌখ্রে। কলচরেল সেন্তর ওইগেরা, অরিবা লানবনগী প্রোতেক্সন ওইগেরা, দ্যুদা আই.এন.এস. খুখরীগা মরী লৈনবা মেমোরিয়েল সাইত ওইগেরা, মসি অকক্নবা মওং মতৌদা লমদম অসিগী সংস্কৃতি ঙাক্তুনা থম্লগনি।
মরূপশিং, দাদরা অমসুং নগর হবেলীদা তুরিজমগী চাওনা ওইথোকপা য়াবশিং লৈরি। লমদম অসিবু তুরিজমগী মেপতা পুরক্নবা সরকারনা হোৎনবা য়াবা পুম্নমক হোৎনরি। সিলবাসাদা শারিবা দামন গঙ্গা রিবর ফ্রন্তকী তুংদা লৈরিবা ৱাখল্লোন অদুসু মসিনি। হৌজিক্তি মফম অসিদা লাকপা লমকোয়বা পুম্নমক্কীদমক পুক্নিং চিংশিন্নবা সেন্তর অমা মফম অসিদা শাদুনা থৌরাং তৌরে। মসিগী মথক্তা মফম সিদা স্ক্ব্যার কিলোমীতর ২০০দা শন্দোক্লিবা রিজার্ব ফোরেস্ত এরিয়া অসিসুনি। মসিগী ফোরেস্ত এরিয়া অসি তুরিজম ইন্দস্ত্রীয়েলগীদমক চপ চাবা মফম্নি। মধুবন দামগী কেতচমেন এরিয়াদা ৱাতর স্পোর্তসকী এক্তিবিতীবু পুক্নিং থৌগৎপা য়াই। দাদরা অমসুং নগর হবেলীগী ইন্তরনেৎ কনেক্তিবিতীসু হেন্না ফগৎহন্নবগীদমক মফম অসিগী মরুওইবা তিরিস্ত সেন্তরশিং অমসুং মরুওইবা মফমশিংদা ফ্রী ৱাই-ফাইগী খুদোংচাবশিং পীনবা হোৎনরি।
মরূপশিং, তুরিজমগা লোয়ননা ত্রেদিস্নেল জোবকী উপায়শিংবুসু হেঙ্গৎহনবগী থবক চত্থরি। ব্লু রিভোলুসন স্কিমগী মখাদা ঙামীশিংগী শেন্থোক হেঙ্গৎহন্নবগীদমক সরকারনা থবক তৌরি। ঙামী ইচিল-ইনাও অমসুং ইচল-ইচেশিংগীদমক ঙা ফাবা লায়হন্নবা, কৈথেল ফাওবা য়ৌহনবদা লায়থোকহন্নবগীদমক হোৎনরি। ঙামীশিংগী ত্রেদিস্নেল হিশিংবু মোদর্ন মোতোর বোততা ওন্থোক্নবা থবক চত্থরি। ঙা পুথোকপদগী হৌরগা য়োনবা ফাওবগী সিস্তেমশিংবু হেন্না ফগৎহন্নবগীদমক ঙামীশিংবু অরাইবা অমসুং অহোংবা লোনগীদমক অখন্নবা ফন্দ শেম্লে। ফন্দ অসিগী থোংদা চাওরাক্না লুপা কোতি ৭৫০০ এরেঞ্জ তৌরে।
ইচিল-ইনাও অমসুং ইচল-ইচেশিং, ঙসি লায়রবশিংগীদমক, ত্রাইবেলশিংগীদমক, মিদল ক্লাসকীদমক স্কিম কয়া অমা পায়খৎলিবা অসিগী ইন্সপিরেসন অসি সবকে সাথ সবকা বিকাসনি। মরূপশিং ঐখোয়না সরকারগী লিরবা হৈনবি অদু ওন্থোক্লে। ঐখোয়না মিংচৎকী মহুত্তা থবক্তা পুক্নিং চংলে। ঙসিদি সরকারগী স্কিমশিংগী মমিং করি ওইরি, আয়ুশ্মান ভারত য়োজনা, প্রধান মন্ত্রী আৱাস য়োজনা, প্রধান মন্ত্রী উজ্জ্বলা য়োজনা, প্রধান মন্ত্রী মুদ্রা য়োজনা, প্রধান মন্ত্রী জনধন য়োজনা, প্রধান মন্ত্রী কৃশি সিঞ্চাই য়োজনা, অসিগুম্লবা প্রোজেক্ত কয়া অমা লৈখ্রে, অদুবু করিগুম্বা অমত্তদসু মোদীগী মমিং য়াওদে।
মরূপশিং, অসিগুম্বা পুকচেল শেংবা অমসুং ময়েক শেংবা পোলিসীনা মখোয়দা নিংহন্নরি। মোদীনা সরকারগী অরিবা মওং মতৌ অদু করিগী ওন্থোক্লিবনো, মসিনা মখোয়দা খুদোংচাদবা থোকহনলি। মখোয়না নুঙায়ত্রিবা অসি মোদীনা শেঞ্জা-থুমজাগী মায়োক্তা অচৌবা এক্সন লৌখৎলিবা করিগীনো মসিনি। হায়গদ্রা নত্রগা হায়রোইদ্রা, শেঞ্জা –থুমজাগী মায়োক্তা লান্থেংনগদ্রা নত্রগা লান্থেংনরোয়দ্রা। লৈবাক অসিদগী শেঞ্জা থুমজা মুথৎকদ্রা নত্রগা মুথৎলোয়দ্রা। মদুনা মরম ওইরগা মখোয়শিং অসিনা অচৌবা চুংশিন্নবা অমা শেম্নবা হোৎনরি। মমাংদা ঈশিং থক থক্তুনা কংগ্রেসপু চৈরম্বা মখোয়শিং অদুসু প্লেতফোর্ম অমদা লাক্লে।
মরূশিং, মসিগী অচৌবা চুংশিন্নবা অসি মোদীগী মোয়োক্তা খক্তা নত্তে, মসি লৈবাক অসিগী মীয়ামগী মায়োক্তসুনি। মরূপশিং, মখোয়শিং অসিগী সংসার অসি মোদীবু তুকৎচবদগী হৌই অমসুং মোদীদা মচিন থিদুনা লোয়শিল্লি। ঐহাক্কী সংসার, ঐহাক্কী অয়ুক্তি লৈবাক অসিগী প্রজা কোতি চামগা কুনমঙাগী য়াইফনবগী ৱাশক্না হৌই অমদি নুমীৎ চুপ্পা অমা হুমাং থোক্না থবক তৌরুবা মতুং নুমিদাং তুম্বা চংবা মতমদা, ঙসি অফবা থবক কয়া য়াম্না তৌখি হায়না খন্দুনা লৈ। মখোয়গী সংসারদি মখোয়গী ইমুং মনুংবু মখোয়গী মচিল মনাও মচা মশুশিংবু মাংলোমদা ইনখৎপগা মীৎয়েং থম্মি অমদি য়াম্না চাওথোকপগা লোয়ননা লাওথোক্লি।
ইচিল-ইনাও অমসুং ইচল-ইচেশিং, মখোয় মশাগী ইমুং মনুং, মখোয় মশাগী কিংদম অদু কন্নবগীদমক্তা চুংশিন্নবা কয়া অমা শেমজসনু অদুবু মখোয়না তৌজরুবশিং অদুদগী চেনবদি ঙম্লোয়। হৌজিক কোলকত্তাদা অদোম্না য়েংবিয়ু… ৱেস্ত বেঙ্গোলদা ভার্তিয়া জনতা পার্তীগী শুপ্নতগী এম.এল.এ. অমখক্তমক লৈরি, শুপ্নতগী অমখক্তমক, কয়া? অমা, অদুবু মফম অদুদা বি.জে.পি.দগী নান্থোক্নবা হিন্দুস্তান পুম্বগী মীয়াম মফম অদুদা পুল্লি। এম.এল.এ. অমখক্তমক লৈবা পার্তিনা মখোয়বু তুমফম চাফম খংহনদ্রি। মরমদি অচুম্বগী লম্বীদা চৎলিবা ঐখোয়নি। এম.এল.এ. অমখক্তমক লৈজরবসু হিন্দুস্তানগী জমাত পুম্নমক মফম অদুদা অমত্তা ওইনা পুন্দুনা কনবিয়ু, কনবিয়ু, কনবিয়ু হায়না লাও খোংদুনা লৈরি।
ইচিল-ইনাও অমসুং ইচল-ইচেশিং, দলগীদমক শিবা কিদবা কয়া অমা লৈরমগনি, লৈবাক্কীদমক শিবা কিদবা ঐখোয়না অদোম অদোমগী মংলানশিং অদু মংফাওহন্ননবা ময়ামদা কত্থোক্লি। অদোমগী থৌজালগীদমক হন্না-হন্না থাগৎচরদুনা ঐহাক্কা লোয়ননা খোংজেল লাওনা হায়বিয়ু।
ভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
হন্না-হন্না থাগৎচরি।
