Share
 
Comments
নীং তম্বা চহি ৭০গী মতুং অসি ফাওবদা খু্ঙ্গং ১৮,০০০না অসুম্মক মমদুনা লৈরম্বা হায়বসি লাইবক থিবনিঃ প্রধান মন্ত্রী মোদী
২০০৫দা, য়ু.পি.এ. সরকারনা খুঙ্গং পুম্নমকপু ২০০৯ ফাওবগী মনুংদা মৈ ফংহনগনি হায়না ৱাশকখি। মতমদুগী লৈঙাক্কী চুপ্লি পাইখিবা পার্তীগী প্রসিদেন্তনা থোরক্তুনা য়ুমথোং খুদিং মৈ ফংহনবগী ৱাফম ফোংদোকখি।অদুবু মদু ওইখিদেঃ প্রধান মন্ত্রী
রেদ ফোর্তকী ফম্বাক্তগী ঐনা খুঙ্গং খুদিংমক মৈ ফংহনগনি হায়না লাউথোকখি। ঐখোয়না হায়খিবদুদা থবক তৌখি অমসুং খুঙ্গং পুম্নমক্তা চৎখিঃ প্রধান মন্ত্রী
মৈ ফংলমদবা অপুনবা খুঙ্গং ১৮,০০০গী মনুংদা খুঙ্গং ১৪,৫০০দি নোংপোক ভারত্তনি। ঐখোয়না মদু হোংদোক্লেঃ প্রধান মন্ত্রী

ঙসি ঐহাক্না অহানবা ওইনা মৈ ফংখিবা অদুগুম্লবা খুঙ্গং লিশিং ১৮গী মরূপশিংগা উনজবগী তাঞ্জা ফংজরে। অমম্বা মরক্তা চহি কয়া হৌখ্রে, অদোমগী খুঙ্গংদা মঙাল য়ৌরক্কনি হায়বা থাজরম্লোয়। ঙসি ময়ামগী নুংঙাইবা মরক্তা শরুক য়াবা ফংজবা অসিদা ঐহাক নুংঙাইবা ফাওই। অদোমগী মায়থোংদা তারিবা মোমোন মীনোক, মৈ লাক্লবা মতুং পুন্সিদা পুরক্লিবা অহোংবশিং অসি মসানা অচৌবা ৱাফম অমনি। পোকপদগী মৈঙাল উদুনা লাক্লবা অমম্বা থেংনদ্রিবা মীওইশিং অদুনা অমম্বা লৌথোকখিবগী নুংঙাইবা অদু খঙবা নত্তে। উপনিষদশিংদা অসুম্না হায়রি, তমসো মা জ্যোতির্গময় হায়বদি অমম্বদগী মৈঙালদা পুদুনা চৎলো হায়বনি। ঙসি ঐহাক্না লৈবাক অসিগী অমম্বদগী অঙানবদা লাক্লবা অদুগুম্লবা মীওইশিং অদুগা উনবগী তাঞ্জা ফংজরে। চহি কয়া মম্লুরবা মতুংদা খুঙ্গং অদুগী পুন্সিদা মঙাল ফংলে। ঐখোয় পুম্নমক্না নোংমদা পুং ২৪ ফংই। ঐহাক্কী ইফমদসু পুং ২৪ লৈ, অদোমগীসু পুং ২৪ লৈরি। মীপুম খুদিংমক্না পাম্লিবা অসি কান্নবা মওংদা মতম য়াম্না শিজিন্নবা অদুনি, মদুনা ঐখোয় ইশাগী, ঐখোয়গী ইমুং মনুংগী, ঐখোয়গী খুন্নাইগী অমদি ঐখোয়গী লৈবাক্কী চাউখৎনবা লম্বী য়াৎলকই। অদুবু অদোমগী নোংমগী পুং ২৪ অদুগী মনুংদা পুং ১০ নত্রগা ১২দি অদুমক হৌখি। হৌজিক্তি লেমহৌরিবা পুং ১২ নত্রগা ১৪ অদুসু থবক তৌবা য়ারে। ঐখোয়গী লৈবাক অসিগী মনুং য়াম্না হুঞ্জিনবা খুঙ্গং লিংশিং কয়াদা লৈরিবা মীওইশিংনা চহি কয়া মতৌ অদুম্না হিংদুনা লাক্লি। নীং তম্বা ফংলবা মতুং চহি অসুক কুইরবা ফাওবা মৈ ফংদবা অদুগুম্লবা খুঙ্গংশিংগী পুন্সি অদু নুমীৎ থোক্লকপদগী হৌরগা নুমীৎ তাবা ফাওবদং অক্নবা লৈরম্মি। নুমীৎকী মঙাল খক্তনা মখোয়গী থবক তৌবগী পুংজা লেপলম্মি। মদুনা অঙাংশিংগী লাইরিক পাবা ওইগেরা, চাক থোংবা থাকপা ওইগেরা, চাক পীজ পীথক তৌবা ওইগেরা নত্রগা ইমুংগী থবক মচা মশু ওইগেরা। লৈবাক অসিনা নীং তম্বা ফংখিবা চহি কয়া হৌখ্রে। অদুবু অদোম্না মসি তাবদা অঙকপা ফাওগনি মদুদি ঐখোয়না সরকার পায়রকপা মতম অদুদা লৈবাক অসিগী মৈ ফংদ্রিবা খুঙ্গং ১৮০০০ হেন্না লৈরমখি। মমাংদা পাল্লমবা সরকারশিংনা মৈ ফংহন্নবা ৱাশক কয়া শকখি অদুবু ৱাশকশিং অদু থবক ওইনা পাংথোক্লমখিদে। মায়কৈ অদোমদা থবক অমত্তা পায়খৎখিদে। ঙসিদগী চহি ১৩ মমাং হায়বদি ২০০৫দা কংগ্রেসকী সরকার লৈরম্মি। মনমোহন সিংহনা প্রধান মন্ত্রী ওইবিরম্মি অমসুং মহাক্না ২০০৯ ফাওবদা লৈবাক অসিগী খুঙ্গং পুম্নমক্তা মৈ ফংহল্লগনি হায়না ৱাশকপীখি অমদি মতম অদুগী কংগ্রেসকী প্রসিদেন্তনদি ২০০৯ ফাওবদা ইমুং খুদিংদা মৈ ফংহল্লগনি হায়না অহেনবা ৱাফম থমবীখি। মখোয়না ২০০৯দা খুঙ্গংশিংদা চত্তুনা ৱাহং-পাউহং তৌরম্লবা, রিপোর্ত থৌরাং তৌরম্লবা, সিভিল সোসাইতীশিংগা ৱারী শানরমবা তারগদি ২০০৯ দা নত্রবসু ২০১০দা, ২০১১দদি ফংহল্লমবা য়াই, অদুবু মতম অদুদা ৱাশক অদু মপুং ফানা পাংথোকখিদে। মসিবু মখোয়না য়াম্না লুম্না লৌখিদে। ঙসি ঐখোয়না ৱাশকখিবা অদু লুম্না লৌবনা কদায়দা করি ৱাৎলিবগে হায়না ঙসিদি থিজিন খোৎচিনবা হোৎনরি। মসিমক লোকতন্ত্রগী পাঙ্গলনি হায়না ঐহাক্না লৌই।

২০১৫গী ওগস্ত ১৫দা ঐহাক্না লালকিলাদগী লাওথোকখি। ঐখোয়না নুমীৎ লিশিং অমগী মনুংদা লৈবাক অসিগী খুঙ্গং খুদিংদা মৈ ফংহন্নবা পান্দম থমখি। অৱাংদগী হৌরগা খা ফাওবা, নোংপোক্তগী হৌরগা নুংচুপ ফাওবা লৈবাক অসিগী মফম খুদিংদা লৈরিবা মৈ ফংদ্রিবা খুঙ্গংশিংবু পন্দিৎ দীনদয়াল উপাধ্যায় গ্রাম জ্যোতি য়োজনাগী মখাদা মফমশিং অদুদা মৈ ফংহন্নবা থবক্তা ঐখোয় চংশিনখি। য়োজনা অসিগী মখাদা খুঙ্গংগী লমদমশিংদা ইলেক্ত্রিসিতী সপ্লাইগা মরি লৈনবা হিরম খুদিংমক য়াওহল্লে। য়োজনা অসিদা খুঙ্গংশিংগী ইলেক্ত্রিফিকেসনগা লোয়ননা দিস্ত্রীব্যুসন সিস্তেম্বু হেন্না ফগৎহন্নবা অমদি লৌমীশিংদা মৈ ফংহন্নবা অতোপ্পা ফিদর অমগী খুদোংচাবসু হৌদোকখি।

মীশিং য়াম্বা য়ামদবা থিদনা খুঙ্গং খুদিংমকপু মৈ ফংহন্নবা পান্দমদা থবক তৌরি। গ্রিদকা শম্নহনবা ওইথোক্লোইদবা খুঙ্গংশিং অদুদা ওফগ্রিদকী থোংদা মৈ ফংহন্নবা থবক পায়খৎলি। ২০১৮গী এপ্রিল ২৮ অসি ভারতকী চাউখৎ খোংথাংগী খোংচৎতা পুৱারী ওইরবা নুমীৎ অমা ওইনা নীংশিংনরগনি। মনিপুরগী লাইশং খুঙ্গং অসি পাৱর গ্রিদনা শম্নহল্লবা ইকোন কোনবা খুঙ্গং ওইখি। নুমীৎ অসি লৈবাক মীয়ামগীদমক চাউথোকচনীংঙায় মীকুপ ওইখি। ঐহাক্না অহানবা মক্তদা অদুগুম্লবা লাইশং খুঙ্গংগী মীয়ামগা ৱারী শানবা পাম্লি। অহানবা মক্তদা মখোয়না করি হায়রিবগে হায়বা অদু মখোয়দগী তারসি, মসি মনিপুরগী সেনাপতী জিলাদা লৈবা খুঙ্গংনি…..

ঐহাক্কী নুংশিজরবা ইরৈবাকচাশিং য়েংবীয়ু, মতৌ করম্না মৈ ফংলবা মতুং পুন্সিদা লায়থোকহল্লকপগে হায়বা তোঙান তোঙানবা এক্সপরিয়েন্সশিং হৌজিক ঐখোয়না তাবা ফংখ্রে। মৈ ফংলমদবা খুঙ্গং ১৮০০০ অদুগী মনুংদা অয়াম্বদি য়াম্না থাপ্পা মফমশিংদা লৈরি। চিংগী লমদমগী উন্না কুপ্পা চিংশিংদা, অশুকপা উমংশিংনা কোয়শিনবা মফমশিং নত্রগা তেরোরিস্ত অমসুং নক্সালাইতশিংনা মরম ওইদুনা তংদু লৈতাদবা লমদমশিংদা লৈরি। খুঙ্গংশিং অসিদা মৈ ফংহনবা অসি অরাইবা নত্তে। খুঙ্গংশিং অসিদা চত্থোক চৎশিন তৌনবা খুদোং চাবসু লৈতে অমদি অরাইবা মওংদা য়ৌশিনবসু য়ারমদে। নুমীৎ হুম্নি মরিনি খঙনা চৎলগা য়ৌবা খুঙ্গংশিংসু য়াওরি। মপোৎ মচৈশিং অদু তোঙান তোঙানবা খুত্থাংদা শগোলদা, লেংবান্দা, হিশিংদা পুদুনা চৎখি। জম্মু কাশ্মিরগী খুঙ্গং ৩৫ অমসুং অরুনাচল প্রদেশকী খুঙ্গং ১৬তা হেলিকোপ্তর শিজিন্নদুনা মপোৎ মচৈ য়ৌহনখি। মসি সরকারগী এচিবমেন্ত নত্তে মসিদি অয়ুক নুমিদাং খঙদনা মরেংবান্দা ইলেক্ত্রিক পোস্ত পুদুনা চৎলিবা সরকারগী অপিকপা থবক তৌরিবশিং, ইলেক্ত্রিসিয়ানশিং, তেক্নিসিয়ানশিং অমদিং শিন্মীশিং অদুগী এচিবমেন্তনি হায়না ঐহাক্না লৌই। ঙসি হিন্দুস্থানগী খুঙ্গং খুদিংদা মঙাল য়ৌহনবা ঙম্লিবা অসি থবক অসিগা শম্নরিবা মীওইশিংনা হোৎনখিবা অদুগী মহৈনি। ঐহাক্না মখোয়শিং অদুবু লৈবাক মীয়ামগী মায়কৈদগী হন্না হন্না থাগৎপা ফোংদোকচরি।

অদোম্না য়েংবীয়ু মুম্বাইগী ৱাফম লাকপা মতমদা ঐখোয়না উরিবা অসি অচৌ অচৌবা বিলদিংশিং মৈঙালনা পুম্লং লংলবা শহর অমসুং লম্বী সরকশিং নীংশিংলকই। মুম্বাইদগী খরা চৎলগা এলিফেন্তা আইলেন্দ লৈরি। মফম অসি লমকোয়বশিংগা য়াম্না পুক্নীং চিংশিনবা মফমনি। এলিফেন্তাগী শুরুংশিং য়ুনেস্কোগী ৱার্ল্দ হেরিতেজকী মনুং চল্লি। মফম অদুনা নুমীৎ খুদিংগী লৈবাক অসিগী অমদি মীরমগী লম কোয়বা য়াম্না লাকই। ঐহাক্না ৱাফম অসি খঙলুবদা অঙকপা ফাওই মদুদি মুম্বাইগা অসুক য়াম্না নক্নরিবা অমদি লমকোয়বশিংগী অসুক য়াম্না চাউবা মফম ওইরবা ফাওবা নীং তম্বা ফংলবা মতুং চহি অসুক কুইবসি এলিফেন্তা ইথৎকী খুঙ্গংশিংদা মৈ ফংলমদে অমদি মসি ঐহাক্না কৈদৌনুংদা পাউচেদা পাখিদ্রি, তি.ভি.দা উখিদ্রি। সমুদ্রদা কেবল তিংদুনা মফম অদু ফাওবা মৈ ফংহল্লে। ঙসিদি খুঙ্গংশিং অদুগী অমম্বা অদু মাংখ্রে।

অতোপ্পা মফমশিংদা অমুক চৎলসি, অহানবদা ঝারখন্দা চৎলসি….

ইচল-ইচে অমসুং ইচিল-ইনাওশিং য়েংবীয়ু, মমাংগী সরকারশিংনা নোংপোক লমদমগী চাউখৎ থৌরমদা অখন্নবা চংলমদে। লমদমশিং অসি চাউখৎপা অমসুং অতোপ্পা খুদোংচাবশিং ফংলমদে। লৈবাক অসিগী মৈ ফংদবা খুঙ্গং ১৮০০০গী মনুংদা খুঙ্গং ১৪৫৮২ হায়বদি চাউরাক্না খুঙ্গং ১৫০০০দি নোংপোক লমদমদা লৈরম্মি অমদি মদুগী ১৪৫৮২ অদুগী মনুংদা খুঙ্গং ৫৭৯০ হায়বদি চাউরাক্না খুঙ্গং ৬০০০তি অৱাং নোংপোক লমদমগী খুঙ্গংশিংনি। ঐখোয়গী সরকার শেম্লবা মতুং এপ্রোচ অসিগা লোয়ননা মাংলোমদা চংশিল্লম্মি অমদি ঐখোয়না নোংপোক থংবা লমদম্বু দিবেলপমেন্তকী মরুওইবা ইচেলদা তিলহন্নবা মায়কৈদা হোৎনবা হৌখি। মসিগীদমক অহানবদা মথৌ তারিবা অসি মফম অদুগী খুঙ্গংশিংদা মৈ ফংহনবনি অমদি ঙসিদি নোংপোক থংবা ভারত খক্তা নত্তনা লৈবাক অসিগী খুঙ্গং খুদিংদা মৈ ফংহনবা অসিদা ঐহাক্না নুংঙাইবা ফাওই। খুঙ্গংগী অমম্বশিং অদু কোকখ্রে। মৈ লাকপনা করি তৌরকই, পুন্সিদা করি অহোংবা পুরকই হায়বা নখোয়দগী হেন্না কনানা খঙগনি। ঐহাক্না লৈবাক মায়ামদগী অইবা পাউজেল কয়া ফংই। প্রজা মীয়াম্না ইফমদা মখোয়গী এক্সপরিয়েন্সশিং অদু সেয়র তৌরকই। ঐহাক্না অদুগুম্লবা অইবা পাউজেলশিং অদু পাবদা কান্নবা কয়া অমা তমজবা ফংজৈ।

ঙসিদি লৈবাক অসিগী খুঙ্গং খুদিংদা মৈ ফংহল্লে। অদুবু ঐখোয়না মসি খক্তদা পেন্থোক্তে, মরম অদুনা হৌজিক খুঙ্গংশিংদগী মাংলোমদা চংশিন্দুনা পন্দিৎ দীনদয়াল উপাধ্যয়গী অনত্যোদয়গী মংলান অদু মংফাওহন্নবা ঐখোয়গী সরকার অসিনা লৈবাক অসিগী য়ুমথোং খুদিংবু মৈ ঙালহন্নবা খোংথাং পায়খৎলে অমদি মায়কৈ অসোমদা প্রধান মন্ত্রী সহজ বিজল হর ঘর য়োজনা, সৌভাগ্য য়োজনা হৌদোক্লে। য়োজনা অসিগী মখাদা খুঙ্গংদবু ওইগেরা নত্রগা শহরদবু ওইগেরা লেমহৌরিবা ইমুংশিংদা মৈগী কনেক্সন ফংহল্লি অমদি মসিগী মখাদা লাইরবা ইমুং কোতি মরিবু মৈগী কনেক্সন ফংহন্নবা ঐখোয়না পান্দম থম্লি। মসিগীদমক ঐখোয়না মিশন মোদ অমদা থবক তৌরি। হৌজিক ফাওবদা য়োজনা অসিগী মখাদা য়ুম লাখ ৮৫-৯০ হেনবদা মৈ ফংহনখ্রে। লাইরবা ইমুংশিংদা মৈগী কনেক্সন লেম্না ফংহল্লে। মদু শেল পুথোকপা ঙম্বা ইমুংদগী শুপ্নগী লুপা ৫০০ খক্তমক লৌগনি, মদু কনেক্সন ফংহল্লবা মতুং অরাইবা মওংদা তাঙ্কক ১০ থোক্না মৈগী বিলগা লোয়ননা শিংদোকপা ঙমহল্লগনি। য়ুমথোং খুদিংদা মৈ ফংহন্নবা পান্দম অদু লেপ্নখিবা মতমগী মনুংদা মপুংফানা লোইশিন্নবা অনৌবা তেক্নোলোজীসু শিজিন্নরি। অতেনবা মতমগী মনুংদা মীয়ামগী য়ুমথোং খুদিংদা মৈ য়ৌহন্নবা খুঙ্গংশিংদা কেম্পশিংসু হাংদোক্লি। মফমশিং অদুদা প্রোসেস পুম্নমক লোয়শিন্দুনা অনৌবা কনেক্সন পীরি। মসিগী মথক্তা মনুং হুঞ্জিনবা লমদমশিংদা লৈরিবা ইমুংশিংগীদমক সোলর ইনর্জী ফংহনবগী খোংথাংসু পায়খৎলি। ইনর্জী অসি লায়রবগী মায়োক্তা লান্থেংননবা অফবা খুৎলাইসু ওইহনবা য়াই। লৈবাক পুম্বনা অদোম্বু তারি। খুঙ্গং কয়া অমসু লৈরি, মতম য়াম্না ফংদ্রে, সংসদগী মীফমসু চত্থরি, ঐহাক য়ৌদবা য়াদবনি অদুবু খুঙ্গং খরদি নমস্তে তৌবা পামজৈ। বস্তরবু নমস্তে, অলীরাজপুরবু নমস্তে, সীহোরবু নমস্তে, নবপারাবু নমস্তে, সীতাপুরবু নমস্তে অমদি করি করিগুম্বা মতমদা অদোম্না ঐখোয়গী বিরোধিশিংগী ভাশন তি.ভি.দা উবিরমগনি, পাউ-চাদা পাবীরমগনি। য়ুম কয়াদা মৈ ফংদ্রি হায়না মখোয়না লাও খোংলি। ঐখোয়দি মখোয়না চহি ৭০দা পাংথোক্লমদবা থবকশিং অদু পাংথোক্নবা হোৎনবনি।

ঐখোয় পুম্নমক্কী মফমদা তাইবং মপু মহাক্না পাঙ্গল থৌনা পীগনি হায়বা ঐহাক্না থাজবা থম্লি। ঐখোয়গী ইন্তেন্সন্দি ময়েক শেংলি। ঐখোয়না ময়ামগীদমক য়াইফ থৌরাং পাংখৎখিগনি। ঐহাক্না লোইশিল্লকপা অসিদা ময়ামদা ভিদিও অমা য়েংহঞ্জনীংই। ময়াম পুম্নমক ভিদিও অসি য়েংমিন্নরসি মদুগী মতুং ঐহাক্না ঐহাক্কী ৱাফম লোইশিনজরি।

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Government healthcare spend up at 41% in FY18 from 29% in FY14

Media Coverage

Government healthcare spend up at 41% in FY18 from 29% in FY14
...

Nm on the go

Always be the first to hear from the PM. Get the App Now!
...
PM to inaugurate InFinity Forum on 3rd December
November 30, 2021
Share
 
Comments
The Forum will focus on the theme of 'Beyond'; with various sub themes including ‘FinTech beyond boundaries’, ‘FinTech beyond Finance’ and ‘FinTech Beyond Next’

Prime Minister Shri Narendra Modi will inaugurate InFinity Forum, a thought leadership Forum on FinTech, on 3rd December, 2021 at 10 AM via video conferencing.

The event is being hosted by International Financial Services Centres Authority (IFSCA), under the aegis of Government of India in collaboration with GIFT City and Bloomberg on December 3 and 4, 2021. Indonesia, South Africa and the U.K. are partner countries in the first edition of the Forum.

InFinity Forum will bring together the leading minds of the world in policy, business, and technology to discuss and come up with actionable insight into how technology and innovation can be leveraged by the FinTech industry for inclusive growth and serving humanity at large.

The agenda of the Forum will focus on the theme of 'Beyond'; with various sub themes including FinTech beyond boundaries, with governments and businesses focussing beyond the geographical boundaries in the development of global stack to promote financial inclusiveness; FinTech beyond Finance, by having convergence with emerging areas such as SpaceTech, GreenTech and AgriTech to drive sustainable development; and FinTech Beyond Next, with focus on how Quantum Computing could impact the nature of Fintech industry in the future and promote new opportunities.

The forum will witness participation from over 70 countries. Key speakers at the Forum includes Finance Minister of Malaysia Tengku Mr. Zafrul Aziz, Finance Minister of Indonesia Ms Sri Mulyani Indrawati, Minister of Creative Economy Indonesia Mr. Sandiaga S Uno, Chairman and MD, Reliance Industries Mr. Mukesh Ambani, Chairman & CEO SoftBank Group Corp. Mr. Masayoshi Son, Chairman and CEO, IBM Corporation Mr. Arvind Krishna, MD and CEO Kotak Mahindra Bank Limited Mr. Uday Kotak, among others. NITI Aayog, Invest India, FICCI and NASSCOM are some of the key partners to this year's Forum.

About IFSCA

The International Financial Services Centres Authority (IFSCA), headquartered at GIFT City, Gandhinagar Gujarat, has been established under the International Financial Services Centres Authority Act, 2019. It works as a unified authority for the development and regulation of financial products, financial services and financial institutions in the International Financial Services Centre (IFSC) in India. At present, the GIFT IFSC is the maiden international financial services centre in India.