এক্সিলেন্সীশিং, নুপী অমদি নুপাশিং, খুরুমজরি !
জয়পুর- দি পিঙ্ক সিতীদা তরাম্না ওকচরি! লমদম অসি মাগী দাইনামিক অমসুং এন্তরপ্রাইজিং ওইবা মীয়ামগীদমক খঙনৈ।
মরুপশিং,
পুৱারী পুম্বদা ত্রেদনা ৱাখল্লোন, নাৎ অমসুং তেক্নোলোজী একচেঞ্জ তৌহন্দুনা লাকখি। মসিনা মীয়ামবু নকশিন্নহনখি। ত্রেদ অমসুং গ্লোবেলাইজেসন্না মীওই মিলিয়ন কয়াবু শাথিবা লাইররম্বদগী কোকহনবা ঙমখি।
এক্সিলেন্সীশিং,
ঙসি ঐখোয়না ভারতকী ইকনোমীদা গ্লোবেল ওপতিমিজম অমসুং থাজবা উবা ফংলি। ভারত অসি পুকচেল চাউবা, খুদোংচাবশিং অমসুং ওপ্সনশিংগী অপুনবা অমা ওইনা উখি। হৌখিবা চহি মাপন অসিদা ভারতনা মঙাশুবা খ্বাইদগী চাউবা গ্লোবেল ইকনোমী ওইবা ঙমখি। ঐখোয়না 2014দগী ‘রিফোর্ম, পরফোর্ম, অমসুং ত্রান্সফোর্ম’গী খোঙচৎ চৎখি। ঐখোয়না কম্পিতিতিবনেস অমসুং ত্রান্সপরেন্সী হেনগৎহনখি। ঐখোয়না দিজিতাইজেসন চাউথোকহনখি অমসুং ইন্নোবেসন থৌগৎখি। ঐখোয়না দেদিকেতেদ ফ্রৈৎ কোরিদোরশিং অমসুং ইন্দস্ত্রিএল জোনশিং শেমগৎখি। ঐখোয়না রেদ তেপতগী রেদ কার্পেৎতা লাকখি অমসুং FDI লিবরেলাইজ তৌখি। মেক ইন ইন্দিয়া অমসুং আত্মনির্ভর ভারতনা মেন্যুফেকচরিংদা শাহৌ অমা পীখি। পুম্নমক অসিগী মথক্তা ঐখোয়না পোলিসী স্তেবিলিতী পুরকপা ঙমখি। ঐখোয়না মথংগী চহি খরদা ভারতপু অহুমশুবা খ্বাইদগী চাউবা গ্লোবেল ইকনোমী ওইহন্নবা ফিরেপ লৌখি।
মরুপশিং,
লাইচৎতগী হৌরগা জিও-পোলিতিকেল তেন্সনশিং ফাওবা হৌজিক থৈংনরিবা মালেমগী শীংনবশিং অসিনা মালেমগী ইকনোমীবু চাংয়েং তৌখি। G20 ওইনা ঐখোয়না মালেমগী ত্রেদ অমসুং ইনভেস্তমেন্তশিংদা নৌবা থাজবা থম্নবা থৌদাং লৌরি। ঐখোয়না তুংদা লাকপা চৈথেংশিং থেংনবা ঙম্বা মপাঙ্গল কনবা অমসুং ইনক্লুসিব ওইবা গ্লোবেল ভেল্যু চেনশিং শেমগৎপা তাই। মতাং অসিদা ভারতকী জেনরিক ফ্রেমৱার্ক ফোর মেপ্পিং ভেল্যু চেন্স অমা শেম্নবা প্রপোজেল অসি মরু ওই। ফ্রেমৱার্ক অসিনা ভলনরেবিলিতীশিং এসেস তৌনবা, রিস্কশিং হন্থহন্নবা অমসুং রেজিলিয়েন্স হন্থহন্নবা পান্দম থমখি।
এক্সিলেন্সীশিং,
ত্রেদতা তেক্নোলোজীগী ত্রান্সফোর্মেতিব পাৱর য়াওদবা য়াদে। ভারতনা ওনলাইন সিঙ্গল ইনদাইরেক্ত তেক্স – GST – দা ওন্থোক্তুনা ইন্তর-স্তেৎ ত্রেদ শাহৌ পীরিবা সিঙ্গল ইন্তর্নেল মার্কেৎ অমা শেম্বদা মতেং পাংখি। ঐখোয়গী য়ুনিফাইদ লোজিস্তিক্স ইন্তর-ফেস প্লেৎফোর্মনা ত্রেদ লোজিস্তিক্স হোংদোকহনখি অমসুং হেন্না ত্রান্সপরেন্ত ওইহনখি। অতোপ্পা গেম চেঞ্জর অসিনা ‘ওপন নেৎৱার্ক ফোর দিজিতেল কম্মর্স’না ওইখি মসিনা ঐখোয়গী দিজিতেল মার্কেৎপ্লেস ইকো-সিস্তেম দেমোক্রেতাইজ তৌগনি। ঐখোয়না মসি পেমেন্ত সিস্তেমগীদমক ঐখোয়গী য়ুনিফাইদ পেমেন্তস ইন্তর-ফেসত হান্ননা তৌখ্রে। প্রোসেসশিং দিজিতাইজ তৌবা অমসুং ই-কম্মর্স শীজিন্নবনা মার্কেৎ এক্সেস হেনগৎহনবা ঙমগনি। নখোয়গী গ্রুপনা ‘হায় লেবেল প্রিন্সিপল্স ফোর দি দিজিতাইজেসন ওফ ত্রেদ দোক্যুমেন্তস’তা থবক পাইখৎপদা ঐহাক্না নুংঙাইবা পোকই। প্রিন্সিপলশিং অসিনা ক্রোস-বোর্দর ইলেক্ত্রোনিক ত্রেদ মিজরশিং ইমপ্লিমেনত তৌবা অমসুং কমপ্লায়েন্সকী পোৎলুম হন্থহনবদা লৈবাকশিংগী মতেং পাংবা ঙমগনি। ক্রোস-বোরদর ই-কম্মর্সনা মখা তানা খুমাং চাউশিল্লকপা অসিদা শীংনবা কয়াসু লৈগনি। ঐখোয়না অচৌবা অমসুং অপীকপা সেল্লরশিংগী মরক্তা থোং মান্ননা চাংদম্নবা ঙমহন্নবা পুন্না থবক তৌবা তাই। ঐখোয়না ফিয়র প্রাইস দিস্কোবরীদা অমসুং গ্রিভান্স হেন্দলিং মেকানিজমশিংদা কঞ্জুমরশিংনা মায়োক্নরিবা সমস্যাশিং কোকহনবা তঙাই ফদে।
এক্সিলেন্সীশিং,
ভারতনা WTOবু মরু ওইনা লৌবগা লোয়ননা রুল-বেজ, ওপন, ইনক্লুসিব, মলতিলেতরেল ত্রেদিং সিস্তেমদা থাজবা থম্মি। ভারতনা 12 শুবা WTO মিনিস্ত্রিএল কনফরেন্সতা গ্লোবেল সাউথকী খুদোংচাদবশিং পুথোকখি। ঐখোয়না লৌমীশিং অমসুং অপীকপা বিজিনেসমেন কয়াগী য়াইফনবা অমত্তা ওইনা য়ানবা পুরকপা ঙমখি। ঐখোয়না MSMEশিংনা গ্লোবেল ইকনোমীদা লৌরিবা থৌদাং অসি য়েংলগা মখোয়দা অহেনবা মীৎয়েং চংবা তাই। MSMEশিংনা থবক পীবদা চাদা 60দগী 70 অমসুং গ্লোবেল GDPগী চাদা 50 শরুক তমখি। ঐখোয়না মখা তানা মতেং পীবা মথৌ তাই। মখোয়বু শক্তি পীবনা খুন্নাইদা শক্তি পীবগা মান্নৈ। ঐখোয়গীদমক MSME হায়বা অসিগী ৱাহন্থোক অসি – মেক্সিমম সপ্পোর্ত তু মাইক্রো, স্মোল, অমসুং মেদিয়ম এন্তর্প্রাইজ হায়বনি। ভারতনা MSMEশিংবু ঐখোয়গী ওনলাইন প্লেৎফোর্ম – গভর্নমেন্ত ই-মার্কেৎপ্লেসকী খুত্থাংদা পব্লিক প্রোক্যুরমেন্তদা ইন্তিগ্রেদ তৌখি। ঐখোয়গী MSME সেক্তরগা লোয়ননা ঐখোয়না অকোইবদা ‘জিরো দিফেক্ত’ অমসুং ‘জিরো ইফেক্ত’ পীবা হায়বা কাংলোন অসি ঙাক্না চৎনবা থবক পাইখৎখি। গ্লোবেল ত্রেদ অমসুং গ্লোবেল ভেল্যু চেনশিংদা মখোয়না শরুক য়াবা হেনগৎলকপা অসি ভারতকী প্রসিদেন্সীগী মরু ওইবা মীৎয়েং অমনি। প্রপোজ তৌখিবা ‘MSMEশিংদা ইনফোর্মেসন অপনবা লৈতনা পীনবা জয়পুর ইনিসিএতিব’ অসিনা MSMEশিংনা মার্কেৎ এক্সেস তৌবা ৱাৎপা অমসুং বিজিনেসকা মরী লৈনবা ই-পাউ ফংদবগী মায়োক্নরিবা শীংনবা অসি কোকহনবা ঙমগনি। ঐহাক্না থাজৈ মদুদি গ্লোবেল ত্রেদ হেল্প দেস্ক অপগ্রেদ তৌবনা গ্লোবেল ত্রেদতা MSMEশিংনা শরুক য়াবা হেনগৎহনগনি।
এক্সিলেন্সীশিং,
ইমুং অমা ওইনা মালেমগী ত্রেদ অমসুং ইনভেস্তমেন্তদা নৌনা থাজবা থম্বা ঙম্নবা হোৎনবা অসি ঐখোয়গী অপুনবা থৌদাংনি। ঐহাক্না থাজৈ মদুদি নখোয়না গ্লোবেল ত্রেদিং সিস্তেমবু তপ্না-তপ্না হেন্না রিপ্রজেন্তেতিব অমসুং ইনক্লুসিব ওইবা তুংলমচৎ অমদা ওন্থোকপা ঙম্নবা পুন্না হোৎনগনি। ঐহাক্না খন্ন-নৈনবা অসি মাইপাকপা ওইনবা য়াইফ মঙ্গোল পীজরি। হন্না-হন্না থাগৎচরি।
