Share
 
Comments
A fit mind in a fit body is important: PM Modi
Lifestyle diseases are on the rise due to lifestyle disorders and we can ensure we don't get them by being fitness-conscious: PM
Let us make FIT India a Jan Andolan: PM Modi

মন্ত্রীপরিসদতা ঐহাক্কী খোংলোয় ওইরিবা শ্রীমান নরেন্দ্র সিংহজী তোমর, দোক্তর হর্শবর্ধনজী, রমেশ পোখরিয়াল নিশঙ্কজী অমদি থৌরম অসিবু লমজিংলিবা শ্রীমান কিরেন রিজিজুজী, মফম অসিদা তিনবীরিবা শক্নাইরবশিং, শান্ন-খোৎনবগী জগৎকী লংলবা থৱানমিচাকশিং অমসুং ঐহাক্কী নুংশিজরবা মহৈরোই ইচিল-ইনাও অমসুং ইচে-ইচলশিং,

ঐখোয়দি স্কুল চৎতে, কোলেজ চৎতে হায়না মীওই খরনদি খল্লমগনি, অদুবু মোদীজীনা করিগীদমক মহৈরোয় খক্তদমক হায়রিবা করিগীনো। ময়াম পুম্নমক মফম অসিদা লাকপীরি, চহীদি ওইনীংবা ওইজসনু, অদুবু অদোমগী নুংদা লৈরিবা মহৈরোয় অদু হিংলি হায়বা ঐহাক্না থাজৈ।

ময়াম পুম্নমকপু নেস্নেল স্পোর্তস দেগী য়াইফ-পাওজেল পীজরি। ঙসিগী নুমিৎ অসিমক্তদা ঐখোয়না মেজর ধ্যানচান্দগী শক্তমদা অথোয়বা স্পোর্তস পর্সন অমা ফংখি। মহাক্কী ফিৎনেস, স্তেমিনা অমসুং হোক্কী স্তিকনা মালেম অসিবু শুমহৎখি। অসিগুম্লবা মেজর ধ্যানচান্দজীগী মফমদা ঐহাক্না ঙসি ইকোক নোন্দুনা খুরুমজরি।

ঙসিগী নুমিৎ অসিদা ফিৎ ইন্দিয়া খোংজং, অসিগুম্লবা অনৌবা খোংথাং হৌদোকপনা মশা-মউ ফবা ভারতকী মায়কৈদা মরুওইবা খোংথাং অমা থাংজিল্লে অমদি ৱাখল্লোন অসিদা খোংজং অসিগীদমক ঐহাক্না স্পোর্তস অমসুং য়ুথ এফিয়র্স মন্ত্রালয়বু হন্না-হন্না নুংঙাইবা ফোংদোকচরি।

ঙসি মফম অসিদা উৎখিবশিং অদুদা মিৎকুপ খুদিং ফিৎনেসকী পাওজেল অমা নত্ত্রগা অমদি পীখি। ত্রেদিস্নেল ওইবা মওংদা ঐখোয় ইশানা ইশাবু মতৌ করম্না ফিৎ ওইনা থম্বা য়াবগে হায়বদু খ্বাইদগী ফবা মওংদা উৎখি। ঙসি লান্থোকখিবশিং অদুগী ৱাখল্লোন পুথোকখিবশিংবু তৌবীমল খঙবা উৎচরি। মসিদগী অফবা প্রোফেস্নেল ভিদিও অমা শেমলগা স্কুল কোলেজ পুম্নমক্তা য়েংহনগদবনি, মরমদি মীয়য়ামগী ইহৌ অমা ওইহনগদবনি।

মরূপশিং,

ঙসিগী নুমিৎ অসি মালেমগী ফম্বাক্তা মচু অহুমগী ফরালগী মগুন হেঙ্গৎহল্লিবা ঐখোয়গী অদুগুম্লবা নহা ওইরিবা শান্নরোইশিংবু নুংঙাইবা ফোংদোকপগী নুমিৎসুনি। বেদমিন্তন ওইগেরা, তেনিস ওইগেরা, এথেলেতিক্স ওইগেরা, বোক্সিং ওইগেরা, রেস্তলিং ওইগেরা নত্ত্রগা অতোপ্পা মশান্না ওইগেরা, ঐখোয়গী শান্নরোইনা ঐখোয়গী অনীংবা অমসুং অপাম্বদা অনৌবা ইনোৎ পীরি। মখোয়না ফংলক্লিবা তকমান অদু মখোয়গী হোৎনজমনগা লোয়ননা অনৌবা ভারতকী অনৌবা থৌনা অমসুং অনৌবা আত্মবিশ্বাসকী হৌরকফমসুনি। হৌখিবা চহী মঙাদা ভারতকী স্পোর্সকীদমক হেন্না ফবা এতমোসফিয়র অমা শেমগৎনবা হোৎনখিবা অদুগীদমক ঐহাক নুংঙাইবা ফাওই, মদুগী কান্নবা অদু ঙসি ঐখোয়না উবা ফংলি।
মরূপশিং,

ফিৎনেস অসি স্পোর্ৎসকা মরী লৈনৈ। অদুবু ঙসি হৌদোক্লিবা ফিৎ ইন্দিয়া খোংজং অসিদি স্পোর্ৎসতগীসু হেন্না মাংলোমদা চংশিন্নবনি। ফিৎনেস অসি ৱাহৈ নত্তে মসিদি নুংঙাই য়াইফবা পুন্সিগী য়াম্না মরুওইবা অমনি। ফিৎনেস ঐখোয়গী পুন্সিগী মরুওইবা শরুক ওইদুনা লাক্লি।

মরূপশিং,

ফিৎনেস অসি দরকার ওই হায়বদি ঐখোয়সু খঙই, অদুগা ইখঙ খঙহৌদনা অসিগুম্বা খোংজং চংশিনবগী করি মথৌ তাবগে হায়না মীওই খরনা খল্লমগনি হায়বা ঐহাক খঙই। মরূপশিং, দরকার ওই অদুগা ঙসিদি অমুক হেন্না দরকার ওইরি। ফিৎনেস অসি ঐখোয়গী পুন্সি মহিং, ঐখোয়না লৈরিবা মওং-মতৌগী শরুক ওইদুনা লাক্লি, অদুবু মসিমসু অচুম্বনি মদুদি মতমগী মতুং ইন্না ঐখোয়গী সমাজদা ফিৎনেস অসি নীংবা কায়নীংঙাই ওইরক্লি।

মতম অসি মতৌ করম্না হোংলক্লি, মদুগী খুদম অমা ঐহাক ময়ামদা থমজগে। চহী তরাগী খুজিং খরগী মাং ফাওবা মীচম প্রজা অমনা নোংমদা কিলোমীতর ৮-১০ খোংনা চৎনরম্মি, পুং অমা অনি সাইকল থৌনরম্মি, করিগুম্বা কান্দা বস তোংনবা চেন্দুনা তান্নরম্মি। হায়বদি পুন্সিদা ফিজিকেলগী ওইবা থৌওং পাংথোক্লম্মি। অদুবু তপ্না-তপ্না তেক্নোলোজী হোংলক্লকপগা লোয়ননা চত্থোক চৎশিন তৌনবা অনৌবা পাম্বৈ থোরকপনা খোংনা চৎপা হন্থরে। ফিজিকেল এক্তিবিতী হন্থরে।

মরূপশিং,

লাইফস্তাইল দিজওর্দরনা মরম ওইদুনা লাইফস্তাইল দিজিজ ওইরক্লিবনি। হৌজিক্তি ঐখোয়না লাইফস্তাইলদা অহোংবা পুরক্তুনা লাইফস্তাইল দিজওর্দরবুসু চুমথোকপা য়ারে। ঐখোয়গী নোংমগী রুতিন্দা অহোংবা খরা-খরা পুরক্তুনা, ঐখোয়গী লাইফস্তাইলদা অহোংবা পুরক্তুনা লৈনা কয়া অমদগী ঐখোয়না ঙাকথোকপা ঙম্লে। হোংলক্লিবশিং অসিবু লৈবাক মীয়ামদা খঙহনবা অসিমক ফিৎ ইন্দিয়া খোংজংনি। অদুগা মসি সরকারগী ওইবা খোংজংদি নত্তে। সরকারনদি কেতালাইতিক এজেন্ত অমা ওইনা হিরম অসি মাংদা পুখৎকনি, অদুবু ইমুং খুদিংমক্কী এজেন্দ ওইহনগদবনি, মসি ইমুং খুদিংদা খন্ন-নৈননবা হিরম অমা ওইহনগদবনি।

অদুগা মরূপশিং, ভারত খক্তদা ইখঙ খঙহৌদনা অসিগুম্বা মখলগী দরকার ওইবা অসি ফাওরকপা নত্তে। মতমগী মতুং ইন্না হোংলক্লিবা অসি ভারত্তা খক্তা নত্তে। ঙসিদি মালেম পুম্বদা অসিগুম্বা মখলগী খোংজংগী দরকার ওইবদু ফাওনরক্লে। লৈবাক কয়ানা মখোয়গী লমদমদা ফিৎনেসকী এৱ্যারনেস হেঙ্গৎহন্নবা চাউর-চাউরবা খোংজং চংশিল্লি। ঐখোয়গী য়ুম্লোন্নবদা চাইনানা হেল্থদী চাইনা ২০৩০, মিসন মোদ অসিদা থবক তৌরি। হায়বদি ২০৩০ ফাওবদা চাইনাগী নাগরিক খুদিংমক মশা-মউ ফহন্নবগীদমক মখোয়না মপুংফাবা তাইম তেবল শেম্লে। মতৌ অসুম্না ওস্ত্রেলিয়ানা মশাগী নাগরিকশিংগী ফিজিকেল এক্তিবিতী হেঙ্গৎহন্নবা অমদি ইনএক্তিব হায়বদি তনবগী হৈনবী অদু হোংদোক্নবগীদমক মখোয়না ২০৩০ ফাওবগী পান্দম থম্লি। ২০২০ ফাওবদা অনৌবা মীওই লাখ মঙা নুমিৎ খুদিংগী এক্সরসাইজকী রুতিনগা শম্নহন্নবা খোংজং চংশিল্লি। অমেরিকানা ২০২১ ফাওবদা মখোয়গী শহর লিশিং অবু ফ্রী ফিৎনেস খোংজংগা শম্নহন্নবা থবক তৌরি। জর্মনিদসু ফেৎকী মহুৎ ফিৎ, মসিগী চাউরবা খোংজং চংশিল্লি।

ঙসিদি ভারত্তা দাইবেতস, হাইপরতেন্সনগুম্বা তোঙান তোঙানবা লাইফস্তাইল দিজিজশিং মশিং হেঙ্গৎলক্লি। চহী ১২-১৫গী অঙাং ফাওবা দাইবেতিক পেসেন্ত ওইরে হায়বা করিগুম্বা কান্দা তাবা ফংলি। অদোমগী মনাক নকপদা য়েংবা মতমদা মসিনা শোকহল্লবা মীওই কয়া অমা অদোমনা থেংনগনি। চহী ৫০-৬০গী মতুংদা হার্ত এতেক্কী খুদোংথিবা হেঙ্গৎলকই হায়না মমাংদা ঐখোয়না তান্নরম্মি, অদুবু ঙসিদি চহী ৩০গী, চহী ৩৫গী, চহী ৪০গী নহা ওইরিবা ইচাশিং হার্ত এতেক্না লৈখিদ্রে হায়বা পাও মরক মরক্তা তাবা ফংলি। ফিভম অসি য়াম্না পুক্নিং ৱানীংঙাইনি, অদুবু ফিভম অসি ওইরগসু আশাগী মঙাল অমদি লৈরি। ঐহাক মহৌশানা পোজিতিব থিঙ্কিং লৈবা মীওইনি। মরম অদুনা ঐহাক্না অফবা পোৎলম খরদি থি-হুম্দুনা পুথোক্লি।

মরূপশিং,

লাইফস্তাইল দিজওর্দরনা মরম ওইদুনা লাইফস্তাইল দিজিজ ওইরক্লিবনি। হৌজিক্তি ঐখোয়না লাইফস্তাইলদা অহোংবা পুরক্তুনা লাইফস্তাইল দিজওর্দরবুসু চুমথোকপা য়ারে। ঐখোয়গী নোংমগী রুতিন্দা অহোংবা খরা-খরা পুরক্তুনা, ঐখোয়গী লাইফস্তাইলদা অহোংবা পুরক্তুনা লৈনা কয়া অমদগী ঐখোয়না ঙাকথোকপা ঙম্লে। হোংলক্লিবশিং অসিবু লৈবাক মীয়ামদা খঙহনবা অসিমক ফিৎ ইন্দিয়া খোংজংনি। অদুগা মসি সরকারগী ওইবা খোংজংদি নত্তে। সরকারনদি কেতালাইতিক এজেন্ত অমা ওইনা হিরম অসি মাংদা পুখৎকনি, অদুবু ইমুং খুদিংমক্কী এজেন্দ ওইহনগদবনি, মসি ইমুং খুদিংদা খন্ন-নৈননবা হিরম অমা ওইহনগদবনি।

অদুগা মরূপশিং, ভারত খক্তদা ইখঙ খঙহৌদনা অসিগুম্বা মখলগী দরকার ওইবা অসি ফাওরকপা নত্তে। মতমগী মতুং ইন্না হোংলক্লিবা অসি ভারত্তা খক্তা নত্তে। ঙসিদি মালেম পুম্বদা অসিগুম্বা মখলগী খোংজংগী দরকার ওইবদু ফাওনরক্লে। লৈবাক কয়ানা মখোয়গী লমদমদা ফিৎনেসকী এৱ্যারনেস হেঙ্গৎহন্নবা চাউর-চাউরবা খোংজং চংশিল্লি। ঐখোয়গী য়ুম্লোন্নবদা চাইনানা হেল্থদী চাইনা ২০৩০, মিসন মোদ অসিদা থবক তৌরি। হায়বদি ২০৩০ ফাওবদা চাইনাগী নাগরিক খুদিংমক মশা-মউ ফহন্নবগীদমক মখোয়না মপুংফাবা তাইম তেবল শেম্লে। মতৌ অসুম্না ওস্ত্রেলিয়ানা মশাগী নাগরিকশিংগী ফিজিকেল এক্তিবিতী হেঙ্গৎহন্নবা অমদি ইনএক্তিব হায়বদি তনবগী হৈনবী অদু হোংদোক্নবগীদমক মখোয়না ২০৩০ ফাওবগী পান্দম থম্লি। ২০২০ ফাওবদা অনৌবা মীওই লাখ মঙা নুমিৎ খুদিংগী এক্সরসাইজকী রুতিনগা শম্নহন্নবা খোংজং চংশিল্লি। অমেরিকানা ২০২১ ফাওবদা মখোয়গী শহর লিশিং অবু ফ্রী ফিৎনেস খোংজংগা শম্নহন্নবা থবক তৌরি। জর্মনিদসু ফেৎকী মহুৎ ফিৎ, মসিগী চাউরবা খোংজং চংশিল্লি।

মরূপশিং,

ঐহাক্না ময়ামদা লৈবাক খরা খক্তমক্কী মমিং পঞ্জবনি। লৈবাক কয়া অমদি মতম কয়া মমাংদগী থবক অসি হৌখ্রে। লৈবাকশিং অসিদা মীয়াম্না ফিৎনেসকী দরকার ওইবদু খঙই, মদু ওইরবসু মখোয়না মখোয়গী লমদা অখন্নবা খোংজং চংশিল্লি। করিগীনো হায়বদু খন্দুনা য়েংবীয়ু। মরমদি মীওই খরা খক্তমক ফিৎ ওইবা নত্তবা, লৈবাক পুম্বা ফিৎ ওইরবা মতমদতা লৈবাক্কী কান্নবা পুরক্কনি। অনৌবা ভারতকী মীওই খুদিংমক ফিৎ ওইনা লৈনবা, মশাগী ইনর্জী অদু অনাবশিং লায়েংবদা শিজিন্নবা নত্তনা মশাবু মাংলোমদা চংশিনবদা, মশাগী ইমুং-মনুং, মশাগী লৈবাকপু মাংলোমদা চংশিনবদা শিজিন্ননবা মায়কৈদা ঐখোয়না মাংলোমদা চংশিনবা তাই।

মরূপশিং,

পুন্সিদী অদোম্না পান্দম অমা থম্বা মতমদা পান্দম অদুগী মতুং ইন্না ঐখোয়গী পুন্সি লেনবা হৌরকই। ঐখোয় অয়ুক পুং নিপালদা হৌগৎপগী হৈনবী লৈরবা, অদুবু করিগুম্বা কান্দা অয়ুক পুং ৬তা প্লেন নত্ত্রগা ত্রেন তোংগদবা লৈরগদি ঐখোয় অদুমক হৌগৎতুনা চৎলি। করিগুম্বদা কনাগুম্বা মহৈরোই অমনা বোর্দকী পরিখাদা য়ামদ্রবদা পর্সেন্ত অসুক য়াম্না ফংদবা য়াদে হায়না লেপখিবা মতমদা মশাদা য়াম্না চাউনা অহোংবা পুরকপা অদু অদোম্না উবীরম্লগনি। মশাগী পান্দম অদু ফংনীংবগী ময়াইনা মহাক্কী তল্লম্বা অদু মাংখি, মহাক্কী সিত্তিং কেপাসিতী হেঙ্গৎলকই, মহাক্কী কন্সেন্ত্রেসন কেপাসিতী হেঙ্গৎলকই, মমান্নবশিংগা মতম লেনবা তপ্না তপ্না হন্থরকই, য়াম্না চাবগী হৈনবি হন্থরকই, তি.ভি য়েংবা থাদোরকই, মরমদি ঐহাক মসি তৌদবা য়াদে হায়না মপুক্নিংদা চপ য়ুংনা লেপখিবননি।

মরূপশিং,

স্বামি বিবেকানন্দজীনসু হায়বীরম্মি মদুদি করিগুম্বা পুন্সিদা পর্পজ লৈরবা, পেসন পুম্নমক্কা লোয়ননা মদুগীদমক থবক তৌরগদি হকচাং ফবা, নুংঙাই-য়াইফবনা মদুগী পোত্থোক ওইনা অদোমগী পুন্সিদা লাকই। করিগুম্বা ঐখোয়না পর্পজ অমগা লোয়ননা, পেসনগা লোয়ননা থবক তৌবা মতমদা, মাংলোমদা চংশিনবা মতমদা, মায়পাকপনা ঐখোয়বু ঙায়দুনা লৈরি।

ইচিল-ইনাও অমসুং ইচল-ইচেশিং,

মায়পাকপা অমসুং ফিৎনেসকী মরীসু অমনা অমগা শম্নরি। ঙসি অদোম্না মফম অমা হেক্তা লৌরগা য়েংবীয়ু, ইশাগী আইকোনবু য়েংবীয়ু, মহাক্কী মায় পাক্লকপগী ৱারীশিং য়েংবীয়ু, মহাক অদু স্পোর্তসকা মরী লৈনবা ওইগেরা, ফিলমগা মরী লৈনবা ওইগেরা, ললোন ইতিক্কা মরী লৈনবা ওইগেরা, মখোয় অয়াম্বনা ফিৎ ওই। মসি মতাং চান্নরুবা খক্তমক নত্তে। করিগুম্বা অদোম্না মহাক্কী লাইফস্তাইলগী মরমদা পারগদি অসিগুম্বা মীওই খুদিংদা মান্নবা ৱাফম অমা খঙবা ঙমগনি। মায়পাক্লবা মীওইশিংগী মান্নবা করেক্তরদি – ফিৎনেসতা মহাক্কী মিৎয়েং, ফিৎনেসতা মহাক্কী থাজবা অদুনি।

মরূপশিং,

ফিৎনেসকী মায়কৈদা ঐখোয়না পুক্নিং চংবা মতমদা, ঐখোয়না ফিৎনেসতা পুক্নিং চংদুনা ইশানা ইশাবু ফিৎ ওইহন্নবা হোৎনবা মতমদা, ঐখোয়না ইশাগী হকচাংবুসু খঙনবা খুদোংচাবা ফংই। মসি অঙকপা ৱাফম্নি, অদুবু ঐখোয়না ইশাগী হকচাংগী মরমদা, ইশাগী পাঙ্গল, ইশাগী অশোনবশিংগী মরমদা খরা খক্ততমক খঙই। মরম অদুনা ঐখোয়না ফিৎনেসকী খোংচৎতা থোকলকপা মতমদা ইশাগী হকচাংবু হেন্না মমুৎ তানা খঙবা হৌরকই।

মরূপশিং,

ফিৎ ইন্দিয়া খোংজং অসি সরকারনা হৌদোকপা ওইরবসু, মসিবু লমজিংগদবনি ময়াম পুম্নমক্নি। লৈবাক অসিগী প্রজা খক্তনা কেম্পেন অসি মাংলোমদা পুখৎকনি অমদি মায়পাকপগী থোংজিলদা য়ৌহনগনি। ঐহাক্না ইশাগী ওইবা এক্সপরিয়েন্সকী মতুং ইন্না হায়জবা ঙম্লি মদুদি মসিদা ইনভেস্তমেন্ত জিরোনি, অদুবু রিতর্নদি অরেপ্পা লৈতে।

মফম অসিদা ফম্বাকথক্তা হ্যুমেন রিসোর্স দিবলপমেন্ত মন্ত্রী, রুরেল দিবেলপমেন্ত মন্ত্রীসু য়াওবীরি। লৈবাক অসিগী খুঙ্গং খুদিংদা, লৈবাক অসিগী পঞ্চায়ৎ খুদিংদা, লৈবাক অসিগী স্কুল খুদিংদা খোংজং অসি য়ৌহন্নবা ঐহাক্না মখোয়গী মফমদা অখন্ননা হায়জরি। খোংজং অসি মন্ত্রালয় অমখক্কী নত্তে, সরকার খক্তগী নত্তে, কেন্দ্র সরকার ওইগেরা, রাজ্য সরকারশিং ওইগেরা, নগর পালিকা ওইগেরা, পঞ্চায়ৎ ওইগেরা, দল অমা হেক্তা ওিগেরা, ফিৎনেসকা মরী লৈননা কনাগুম্বা অমত্তা প্রোব্লেম অমত্তা লৈরোইদবনি। লৈবাক পুম্বনা নোংমাইজিং খুদিংগী মসিদা পুক্নিং থৌগৎসি। মতৌ অদুম্না ফিৎ ইন্দিয়া খোংজংবুসু ঐখোয়গী পুন্সিগী শরুক ওইহল্লসি।

লাকপীরো, ঙসি অদোম্না ৱারেপ অসি লৌবীরো মদুদি অদোম ইশাসু ফিৎ ওইনা লৈগনি অমদি অদোমগী ইমুং মনুং, মরূপশিং, য়ুম্লোন্নবশিং, অমদি অদোম্না খঙবা মীওই খুদিংমকপু ফিৎ ওইহন্নবা পুক্নিং থৌগৎকনি। ইশা ফিৎ ওইরবদি ভারতসু ফিৎ ওইরে।

হায়জরিবা অসিগা লোয়ননা খোংজং অসিগীদমক ঐহাক্না অমুক হন্না লৈবাক মীয়াম্বু হন্না-হন্না নুংঙাইবা ফোংদোকচবগা লোয়ননা হন্না-হন্না থাগৎচরি। 

 
'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
21 Exclusive Photos of PM Modi from 2021
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Kevin Pietersen Applauds PM Modi As Rhino Poaching In Assam Drops To Lowest Under BJP Rule

Media Coverage

Kevin Pietersen Applauds PM Modi As Rhino Poaching In Assam Drops To Lowest Under BJP Rule
...

Nm on the go

Always be the first to hear from the PM. Get the App Now!
...
Social Media Corner 20th January 2022
January 20, 2022
Share
 
Comments

India congratulates DRDO as they successfully test fire new and improved supersonic BrahMos cruise missile.

Citizens give a big thumbs up to the economic initiatives taken by the PM Modi led government as India becomes more Atmanirbhar.