QuotePM Modi dedicates Bansagar Canal Project to the nation, move to provide big boost to irrigation in the region
QuotePM Modi lays foundation stone of the Mirzapur Medical College, inaugurates 100 Jan Aushadhi Kendras
QuotePrevious governments left projects incomplete and this led to delay in development: PM Modi
QuoteThose shedding crocodile tears for farmers should be asked why they didn’t complete irrigation projects during their tenure: PM Modi

উত্তর প্রদেশকী রাজ্যপাল শ্রীমান রাম নাইক, মুখ্য মন্ত্রী শ্রীমান য়োগী আদিত্যনাথ, উপ-মুখ্য মন্ত্রী শ্রীমান কেশব প্রসাদ মৌর্য়, কেন্দ্রগী মন্ত্রীপরিসদতা ঐহাক্কী খোংলোই ইচল অনুপ্রিয়া, রাজ্য সরকারদা মন্ত্রী ওইবীরিবা শ্রীমান সিদ্ধার্থ নাথ, শ্রীমান গর্ববাল সিংহ, শ্রীমান আশুতোস তন্দন, শ্রীমান রাজেশ অগ্রৱাল, ভার্তীয় জনতা পার্তীগী প্রদেশ প্রসিদেন্ত দাক্তর মহেন্দ্র নাথ পান্দে, সংসদ শ্রী বিরেন্দ্র সিংহ, সংসদ ভাই ছোতে লাল অমদি মফম অসিদা তিনবীরিবা ঐহাক্কী নুংশিজরবা ইচল-ইচে অমসুং ইচিল-ইনাওশিং।

ঙসাইদগী য়ামখ্রবা মীয়াম্না নাকল অনিমক্তগী লাক্লিবা অসি ঐহাক্না উবা ফংলি। ইচল-ইচে অমসুং ইচিল ইনাওশিং বিনধ্য চিংশাং অমসুং ভাগিরথকী মরক্তা লৈরিবা লমদম অসি চহি চা কয়াদগী মপাল নাইদ্রবা ওইথোকপা য়াবা কয়াগী কেন্দ্র ওইদুনা লাক্লি। অদুগুম্লবা ওইথোকপা য়াবশিং অদু থিদোকপা অমদি মফম অসিদা পায়খৎলিবা চাউখৎ থৌরাংগী থবকশিংগী মরক্তা ঙসি অদোমগী থৌজাল ফংজনবগী খুদোংচাবা অদু ঐহাক্না ফংজরে।

মমাংদা, মার্চ থাদা ঐহাক মফম অসিদা সোলর প্লান্ত শঙ্গাবা লাকখি অমসুং ঐহাক্কা লোয়ননা ফ্রান্সকী রাষ্ট্রপতিসু লাকখি অমদি মতম অদুদা ঐখোয় অনিবু ইমাগী অয়েকপা শক্তম অমসুং ইনফীগা লোয়ননা তরাম্না ওকপীখি।

য়োগীজীগী লুচীং মখাদা এন.দি.এ.গী সরকার শেমখিবা মতুংদগী পুর্বাঞ্চলগী লমদমশিংদা চংশিল্লক্লিবা চাউখৎ থৌরাংগী খোংজেল অদুগী মহৈ অদু ঙসিদি উবা ফংবা হৌরক্লে। লমদম অসিগী লাইরবশিংগী ওইগেরা, তোল্ল-তারবশিংগী ওইগেরা, লমদম অসিগী মীয়ামগীদমক সোনেলাল পতেলগুম্বা থবক কন্না শুবা মীওঈশিংনা মংলম্বা মংলান অদু মপুং ফাহন্নবগী মায়কৈদা ঐখোয় অমত্তা ওইনা পুন্না হোৎনরি। নুমিৎ নিনী অসিদা চাউখৎ থৌরাংগী তোঙান তোঙানবা প্রোজেক্তশিংবু পুর্বাঞ্চলগী মীয়ামদা খুৎশিন্নবা নত্রগা অনৌবা থবক হৌদোকপগী তাঞ্জা অদু ঐহাক্না ফংজরে। লৈবাক অসিগী খ্বাইদগী শাংবা পুর্বাঞ্চল এক্সপ্রেসৱে ওইগেরা, নত্রগা বরানসতা লৌমীশিংগীদমক হৌদোক্লিবা পেরিশেবল কার্গো সেন্তর ওইগেরা, নত্রগা রেলৱেগা মরি লৈনবা প্রোজেক্তশিং ওইগেরা, মদুনা পুর্বাঞ্চলদা চত্থরিবা চাউখৎ থৌরাংদা খুমাং চাউশিলহল্লগনি।

চাউখৎ থৌরাংগী অসিগুম্লবা পরিং অসি মখা চত্থনবগীদমক ঙসি ময়ামগী মরক্তা ঐহাক অমুক হন্না লাকচরি। ঙাইহাক্কী মমাংদা পুৱারী ওইরবা বানসাগর দাম য়াওনা চাউরাক্না লুপা কোতি লিশিং মরিগী প্রোজেক্তশিং খরনা হৌদোকখ্রে অমদি খরনা উরেপ উয়ুং তমখ্রে। ইথৈ লৌখোং, হকশেল অমদি অথিংবা লৈতবা ত্রাফিক্কা মরি লৈনবা প্রোজেক্তশিং অসিনা লমদম অসিগী মীচম মীয়ামগী পুন্সিদা চাউনা অহোংবা পুরক্লগনি। অদোমগী লমদম মির্জাপুর ওইগেরা নত্রগা সোনভদ্র ওইগেরা নত্রগা ভদোহী ওইগেরা নত্রগা চন্দোলী ওইগেরা নত্রগা ইলাহবাদ ওইগেরা মতম পুম্নমক্তা লৌউ শিংউবা অসি মফম অসিগী পুন্সিগা তৎন-থানবা য়াদ্রবা শরুক অমা ওইরি।

মরূপশিং, চাউরাক্না লুপা কোতি লিশিং অহুম মখায়গী বানসাগর প্রোজেক্ত অসিনা মির্জাপুর খক্তা নত্তনা ইলাহবাদ য়াওনা লমদম অসিগী লৈবাক হেক্তর লাখ অমা মখায়দা ইথৈ লৌখোংগী খুদোংচাবা ফংলগনি। করিগুম্বা প্রোজেক্ত অসি মমাংদা লোইরম্বা তারগদি হৌজিক ময়াম্না ফংগদৌরিবা কান্নবা অসি ঙসিদগী চহি কুনগী মমাংদা ফংলম্লগনি হায়বদি অরেম্বদা মীয়ামগী চহি কুন মাংখ্রে। অদুবু মমাংগী সরকারশিংনা লমদম অসিগী লৌমীশিংগী খনবীখিদে। প্রোজেক্ত অসি চহি ৪০গী মমাংদা ৱারেপ লৌখি, ১৯৭৮দা প্রোজেক্ত অসিগী উরেপ উয়ুং তমখি, অদুবু থবক হৌবদা চহি ২০ চংখি। মদুগী মতুং চহি কয়া অসিদা সরকার কয়া লাকখ্রে অদুবু প্রোজেক্ত অসিগী মরমদা ৱারী তৌবা নত্তনা মীয়ামদা করিসু ফংখিদে।

২০১৪দা ময়ামনা ঐখোয়বু সেবা তৌজনবা তাঞ্জা অদু পীবীখি অমদি মদুগী মতুং ঐখোয়গী সরকার অসিনা পন্দুনা লৈরিবা প্রোজেক্তশিং অদু মখা চত্থনবা থবক পায়খৎপা হৌখিবা অদুদা প্রোজেক্ত অসিসু মাংদা লাকখি। মদুগী মতুং বানসাগর প্রোজেক্তপু প্রধান মন্ত্রী কৃষি সিঞ্চাই য়োজনাগী মখাদা শম্নহন্দুনা মপুং ফাহন্নবা অকনবা মওংদা হোৎনখি অখন্ননা হৌখিবা চহি অমগা থা অহুম অসিদা য়োগী অমসুং মহাক্কী কাংবুনা খোংজেল য়াংনা থবক পায়খৎহনবগী মহৈ ওইনা বানসাগরনা ময়াম পুম্নমক্কী পুন্সিদা নুংঙাই য়াইফবা পুরক্নবা থৌরাং তৌদুনা লৈরে। বানসাগরদা নত্তনা চহি কয়াদগী লোইশিন্দনা লৈরক্লবা সর্য়ু নহর রাষ্ট্রীয় পরিয়োজনা অমসুং মধ্য গঙ্গা সাগর পরিয়োজনাদসু খুমাং চাউশিন্না থবক চত্থরি।

মরূপশিং, চহি কয়াগী মমাংদা ময়াম্না ফংলমগদবা খুদোংচাবা অদু ফংখিদে। চাউরাক্না লুপা কোতি চাহুমগী বজেৎকা লোয়ননা হৌখিবা প্রোজেক্ত অসি মতম অদুদা লোইশিল্লম্বা তারগদি লুপা কোতি চাহুম খক্তদা মপুং ফানা লোইশিল্লমগনি অদুবু মতম অদুদা লোইখিদবনা মরম ওইদুনা মতম্নদি হৌখিবনা, পোৎ চৈগী মমলসু তাংখৎখিবনা লুপা কোতি চাহুমগী প্রোজেক্ত অদু লুপা কোতি লিশিং অহুম চামঙা চংনা লোইশিনবা ঙমখিবনি। ময়াম্না হায়বিয়ু মসি মমাংদা পাল্লমবা সরকারশিং অদুগী মরাল নত্তবরা?

ইচল-ইচে অমসুং ইচিল ইনাওশিং, ঙসি ঐহাকনা লমদম অসিগী লৌমীশিংগা উনবা মতম অসিদা করিগুম্বা খরা নিজনীংলি, পীনবীগদ্রা? লমদম অসি ইমা বিন্ধ্যবাসিনীগী লমদম্নি, লমদম অসিদা অদোম্না ৱাশকখিবা অদু পাংথোকপা তাই। পাংথোক্কদ্রা? য়েংবীয়ু লুপা কোতি লিশিং অহুম চামঙা চংখ্রে, চহি ৪০ মাংখ্রে, হৌখ্রবদি হৌখ্রে। হৌজিক্তি ঈশিং য়ৌরে। ঈশিং য়ৌরক্লিবা লৌমী ইচল-ইচে অমসুং ইচিল ইনাওশিংনা দ্রিপ ইরিগেসন নত্রগা স্প্রিঙ্কলর ফাউন্তেনগুম্বা ইরিগেসন অমদি ঈশিং মরিক মরিকশিং কন্নবগী মায়কৈদা থবক তৌবা ঙমগদ্রা? ঐহাক্না ময়ামদগী মসি নিজরি, ঐহাক অতৈ অতোপ্পা পামজদে। ইমা বিন্ধ্যবাসিনীগী অসিগুম্লবা প্রসাদ অসিগী ইরিক অমা ফাওবা লেম্না মাংহল্লোই হায়না ৱাশকপীয়ু। দ্রিপ ইরিগেসন্না মখল খুদিংগী লৌউ-শিংউ পাংথোকপা য়াই। মাইক্রো ইরিগেসন্দা সরকারনা সবসিদী পীরি, পৈশা পীরি, ময়াম্না মসিগী কান্নবা লৌবীয়ু অমদি ঐহাক্না লাকচরিবা অসি ময়ামগী সেবা তৌবা লাকচরিবনি।

ঐহাক্কী ইচল-ইচে অমসুং ইচিল ইনাওশিং, ঐখোয়না এম.এস.পি.বু শরুক অমা মখাই ওইহন্নবা ৱাশকখি, ঙসিদি মদু থবক ওইনা পাংথোক্লে। ফৌ ওইগেরা, চুজাক ওইগেরা, মাইরোংবী ওইগেরা, শগোল হৱাই ওইগেরা নত্রগা মুগ ওইগেরা, খরীফকী পোত্থোক ১৪গী সপোর্ত প্রাইসতা লুপা চানিদগী হৌরগা লুপা লিশিং অমগা চানিপাল ফাওবা হেঙ্গৎহনখ্রে। লৌমীশিংনা পোত্থোকশিং অসিদা ফংলিবা অদুগী মথক্তা চাদা ৫০ হেন্না কান্নবা ফংহন্নবা ৱারেপ লৌখি।

ইচল-ইচে অমসুং ইচিল ইনাওশিং, ৱারেপ অসিনা উত্তর প্রদেশ অমসুং পুর্বাঞ্চলগী লৌমীশিংদা চাউনা কান্নহল্লগনি। হন্দক্তগী ফৌ ক্বিন্তল অমদা লুপা চানি হেন্না ফংলগনি। ফৌগা লোয়ননা সরকারনা হৱাইদসু এম.এস.পি. হেঙ্গৎহল্লে। হৱাই মাইরোংবীদা সরকারগী মমলদা লুপা চানিগা তরামঙা হেঙ্গৎলে। মরূপশিং ঐখোয়গী সরকার অসিনা লৈবাক অসিগী লৌমীশিংগী খুদোংচাদবশিং অদু খঙনা মদু লৈহন্দনবা নুংথিল নুমিদাং খঙদনা থবক তৌরি। য়ুরিয়াগীদমক খৎন-চৈনবা য়াওনরম্মি, অহিং চুপ্পা পরেংদা লেপ্পা তারম্মি, ব্লেক মার্কেৎতগী য়ুরিয়া লৈবা তারম্মি। হৌখিবা চহি মরিদা অৱাবা অসি লোইখ্রে। থবক পুম্নমক অসি অদোমগী আর্শিবাদ অমদি মতেংনা ওইথোকপা ঙমহনখিবনি।

ইচল-ইচে অমসুং ইচিল ইনাওশিং, ঐহাক্না মফম অসিগী লৌমীশিংদা প্রার্থনা অমা তৌবা পামজৈ, ঐখোয়না ২০২২ ফাওবদা লৈবাক অসিগী লৌমীশিংগী শেন্থোক শরুক অনি ওইহনবা পাম্লি অমদি মসি অরুবা থবক নত্তে। ঐহাক খুদম মচা অমখক পীজগে, হৌজিক্তি সরকারনা ৱাবু নাপীগী কাংলুপতা চলহল্লে। মরম অদুনা অদোম্না অদোমগী লৈপন্দা ৱা থাবা য়ারে, ৱা য়ানবা য়ারে, ৱা য়োনবা য়ারে, সরকারনা অদোম্বু থিংবা থম্লরোয়। ঙসি লুপা কোতি লিশিং কয়াগী ৱা মপাল লমদগী পুশিল্লক্লি। ঐখোয়না চৎন-কাংলোনৎ শেমদোক্লে, আইন শেমদোক্লে। মমাংদদি ৱাবু উ ওইনা লৌনরম্মি, ঐখোয়না ৱাবু নাপী কাংলুপ্তা চলহল্লে। ঐখোয়গী লমদম অসিদা ধুপ শানবা, তেলঙ্গা শানবা ৱা মপাল লমদগী পুশিল্লকপা তারি। লৈবাক অসিগী লৌমীশিংনা চহি অমগী মনুংদা ওইরিবা ফিভম অসি ওন্থোকপা য়াই, শেনফম অদু লৌমীশিংনা ফংবা য়াই। ঐহাক্না লৌমী ইচিল-ইনাওশিংদা হায়জনীংবদি অদোম্না লৌউ-শিংউবগী মথক্তা সরকারগী তোঙান তোঙানবা স্কিমশিংগী কান্নবা লৌবিয়ু অমদি অদোমগী শেন্থোক হেঙ্গৎহন্নবগী মায়কৈদা মাংলোমদা চংশিনবীয়ু। অদোমগী পুন্সিবু য়াইফহন্নবগীদমক, কনেক্তিবিতী হেঙ্গৎহন্নবগীদমক ঙসি মফম অসিদা থোং খরা শঙ্গাখি অমদি খরনা উরেপ উয়ুং তমখি। হৌজিক্তি চুনার সেতুনা চুনার অমসুং বরানসীগী মরক্তা লাপ্নরিবা অদু হন্থহল্লে। নোংজুথা মতমদা মফম অসিগী মীয়াম লিশিং কয়া লৈবাক অসিগী অতোপ্পা মফমশিংগা শম্নহন্দে হায়বা ইফমদা খঙহনবীরে। হৌজিক্তি অনৌবা থোং অসিনা খুদোংচাদবা অসি লৈহল্লরোই।

ইচল-ইচে অমসুং ইচিল ইনাওশিং, অহোংবা মমলদা হেন্না ফবা হেল্থকেয়র লাইরবশিংদা ফংহনবসু সরকার অসিগী মংলান অমনি। মফম অসিদা শাগদৌরিবা অনৌবা মেদিকেল কোলেজ অসিনা মির্জাপুর খক্তা নত্তনা সোনভদ্র, ভদোহী, চন্দৌলী অমসুং ইলাহবাদকী মীয়ামদসু চাউনা কান্নহল্লগনি। হৌজিক্তি মফম অসিগী দিস্ত্রিক্ত হোস্পিতাল অসি ফমুং চামঙা লৈরগনি, মদুনা অরুবা অনাবশিং লায়েংনবগীদমক অদোম্না অরাপ্পা মফমদা চৎপগী মথৌ ওইররোই। মসিদসু নত্তনা ঙসি মফম অসিদা জন ঔশধি কেন্দ্র চামা অমুক্তদা উত্তর প্রদেশ অপুনবদা জন ঔশধি কেন্দ্র চামা হেন্নসু হাংদোক্লে। জন ঔশধি কেন্দ্রনা লাইরবা, মিদল ক্লাস অমসুং লো মিদল ক্লালশিংদা চাউনা মতেং পীরি। কেন্দ্রশিং অসিদা হিদাক চাতরেৎ হেন্না অমদি অনাবশিংনা সর্জরীগী মতুংদা মথৌ তাবা পোৎলম চামগা য়াঙ্খৈ হেন্না অহোংবা মমলদা ফংহল্লে। লৈবাক অসিগী তোঙান তোঙানবা মফমশিংদা অসিগুম্বা মখলগী জন ঔশধি কেন্দ্র লিশিং অহুমগা চামঙা হেন্না হাংদোক্লে। হিদাক মখল চানিপাল হেনবগী মমল হন্থহনবা, থমোয়গী লৈনা লৈবা মীনা শিজিন্নবা স্তেন্তকী মমল হন্থহনবা, খুউ ইমপ্লান্ত তৌবদা মমল তাথবা অসিগুম্বা তোঙান তোঙানবা থবকশিং সরকার অসিনা পায়খৎলি মদুনা লাইরবা অমসুং মিদল ক্লাসতা চাউনা কান্নবা ফংহল্লি।

মরূপশিং, হৌজিক্তি দায়লাইসিস অসি তৌদবা য়াদবা অমা ওইরে। তোঙান তোঙানবা খুঙ্গংশিংদা তোঙান তোঙানবা ইমুংশিংনা দাইলাইসিসকীদমক চৎনরি। ঐখোয়না প্রধান মন্ত্রী রাষ্ট্রীয় দাইলাইসিস প্রোগ্রাম হৌদোক্লে। দাইলাইসিস স্কিম অসিগী মখাদা ঐখোয়না জিলাশিংদা দাইলাইসিস সেন্তরশিং শেমগৎলি। অমদি লাইরবশিং, মিদল ক্লাসশিং অমসুং লো মিদল ক্লাসশিংদা লেম্না দাইলাইসিসকী খুদোংচাবা পীরি। হৌজিক ফাওবদা লৈবাক অসিদা দাইলাইসিস সেসন চাউরাক্না লাখ ২৫ লেম্না পাংথোকখরে। মসিদসু নত্তনা স্বচ্ছ ভারত মিশন্না অনা অয়েক থিংবদা কান্নবা ফংলি। মমাং চহিদা রিপোর্ত অমা লাকখি মদুদি অমাংশঙ শিজিন্নবা হেঙ্গৎলক্লিবা খুঙ্গংশিংদা অখন্ননা অঙাংশিংদা অনা অয়েক্কী চাং য়াম্না হন্থরক্লি। মদুদসু নত্তনা অহাংবদা অমাং অশোয় তৌদবা খুঙ্গংশিং অদুগী ইমুং খুদিংমক্না চাংচত্তা চহিগী ওইনা লুপা লিশিং ৫০ কনবা ঙম্লে। মমাংদদি শেনফম অসি হোস্পিতাল চৎপদা, হিদাক লাংথক লৈবা, থবক্তগী ছুতি লৌবদা চাদিং তৌরম্বনি।

মরূপশিং, লাইরবা অমসুং অনা অয়েক্কী লৌতুনরিবা অদু থুগায়নবগীদমক য়াম্না চাউবা স্কিম অমা সরকারনা অথুবা মতমদা হৌদোক্লগনি। ময়াম্নদি মদুবু মোদী কেয়র কৌনৈ, কনাগুম্বা খরনা মদুবু আয়ুশ্মান ভারত হায়না কৌনৈ, স্কিম অসিগী মখাদা লৈবাক অসিগী লাইরবা মীওই চাউরাক্না কোতি ৫০বু লুপা লাখ মঙা ফাওবা লেম্না লায়েংনবা হোৎনরি। মসিদা খোংজেল য়াংনা থবক চত্থরি অমদি য়াম্না থুবা মতমগী মনুংদা মসি সরকারনা লৈবাক পুম্বদা হৌদোক্লগনি।

মরুপশিং, লাইরবদা হিদাক-লাংথক, লৌমীদা ইথৈ-লৌখোং, অঙাংশিংদা মহৈ মশিং অমদি নহাশিংদা শেন্দাল লম্বী শোয়দনা ফংহল্লগনি। ঙসি মফম অসিদা শঙ্গাখিবা অমদি উরেপ উয়ুং তমখিবা অদুগীদমক ময়াম পুম্নমকপু অমুক হন্না নুংঙাইবা ফোংদোকচরি। উত্তর প্রদেশনা অসিগুম্লবা চাউখৎ-থৌরাংগী লম্বীদা লেপতনা চংশিন্নবগীদমক য়োগী জীবু, উত্তর প্রদেশকী মহাক্কী সরকারবু, মহাক্কী মরূপ পুম্নমকপু, মহাক্কী অপুনবা তীমবু ঐহাক্না স্কিম অমমমবু মায় পাক্না মাংলোমদা পুখৎপগীদমক থমোয় শেংনা হন্না হন্না নুংঙাইবা ফোংদোকচরি। হন্না হন্না য়াইফ-পাউজেল পীজরি অমদি অমুক হন্না ঐহাক্না ইমা বিন্ধ্যবাসিনীগী অদুগুম্লবা মীয়ামদা ঈশিংগী ইরিক অমমম শিজিন্নবা কাওবীরগনু হায়জরি। ময়াম পুম্নমক্না মশিং য়াম্না লেংবীরক্লি, অসুক য়াম্না শাখ্রবা অসিদা লাকপীরি। অদোম্না ঐহাকপু অমদি ঐখোয় পুম্নমকপু থৌজাল পীনবীরিবা অদুগীদমক অদোম্বু থমোয় শেংনা হন্না-হন্না থাগৎপা ফোংদোকচরি। খুত্তুম তাশিন্দুনা য়াম্না কন্না ঐহাক্কা লাওমিন্নসি- ভারত ইমানা য়াইফরে। ভারত ইমানা য়াইফরে। ভারত ইমানা য়াইফরে।

হন্না হন্না থাগৎচরি। 

 
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
26th global award: PM Modi conferred Brazil's highest honour — ‘Grand Collar of National Order of Southern Cross’

Media Coverage

26th global award: PM Modi conferred Brazil's highest honour — ‘Grand Collar of National Order of Southern Cross’
NM on the go

Nm on the go

Always be the first to hear from the PM. Get the App Now!
...
পি.এম. মোদীদা খ্বাইদগী ৱাংবা সিবিলিয়নগী ওনর পীখ্রে
July 09, 2025

প্রধান মন্ত্রী নরেন্দ্র মোদীদা লৈবাক কয়ামরুমনা খ্বাইদগী ৱাংবা থাক্কী সিভিলিয়ন ওনরশিং পীরকখ্রে। অসুম্না মশক খঙবীবা অসিনা পি.এম. মোদীগী লুচিংবা ওইবগী অমসুং ভিজন অসিনা ভারতপু মালেমগী ফম্পাক্তা থাক ৱাংখৎনবা মপাঙ্গল হাপখি হায়বা তাক্লি। মসিনা মালেমদা লৈরিবা লৈবাকশিংগা লোয়ননা ভারতকী মরী অসি ফগৎলক্লি হায়বা উৎলি।

 হৌখিবা চহি তরেৎ অসিদা পি.এম. মোদীদা পীখিবা এৱার্দশিং অদু য়েংমিন্নসি।

 লৈবাকশিংনা পীরকখিবা এৱার্দশিং:

1. ইং কুমজা ২০১৬গী এপ্রিলদা মহাক্কী সাউদী অরাবিয়াগী খোঙচৎতা প্রধান মন্ত্রী নরেন্দ্র মোদীদা সাউদী অরাবিয়াগী খ্বাইগী ৱাংবা থাক্কী সিবিলিয়ন ওনর – দি কিং অব্দুল অজীজ শাহ পীখি। প্রধান মন্ত্রীদা নিংথৌ সল্মান বিন অব্দুল অজীজনা ইকাই খুম্ননীংঙাই ওইরবা এৱার্দ অসি পীখি।

|

2. চপ মান্নবা চহি অসিদা পি.এম. মোদীদা স্তেৎ ওর্দর ওফ গাজী অমীর অমানুল্লাহ খান – অফঘানিস্তানগী খ্বাইদগী ৱাংবা থাক্কী সিবিলিয়ন ওনর পীখি।

|

3. ইং কুমজা ২০১৮দা প্রধান মন্ত্রী নরেন্দ্র মোদীনা পলেস্তাইন্দা ইতিহাসিক ওইবা খোঙচৎ অমা চৎখি, মদুদা মঙোন্দা গ্রান্দ কোলর ওফ দি স্তেৎ পেলেস্তাইন এৱার্দ পীরকখি। মসি মপালগী দিগ্নিতরীশিংদা পীবা খ্বাইদগী ৱাংবা থাক্তা ইকাই খুম্নবা উৎলিবা পেলেস্তাইনগী এৱার্দনি।

|

4. ইং কুমজা ২০১৯দা প্রধান মন্ত্রীদা ওর্দর ওফ জয়েদ এৱার্দ পীরকখি। মসি য়ুনাইতেদ অরব ইমিরেৎসকী খ্বাইগী ৱাংবা সিবিলিয়ন ওনরনি।

|

5. রুসিয়ানা প্রধান মন্ত্রী মোদীদা মখোয়গী খ্বাইদগী ৱাংবা সিবিলিয়ন ওনর – দি ওর্দর ওফ সেন্ত এন্দ্রিউ এৱার্দ ইং কুমজা ২০১৯দা পীরকখি।

6. ওর্দর ওফ দি দিস্তিঙ্গুইশ রুল ওফ নিশান ইজ্জুদ্দীন – মাল্দীবকী মপালগী দিগ্নিতরীশিংদা পীবা খ্বাইদগী ৱাংবা ওনর অসি ইং কুমজা ২০১৯দা পি.এম. মোদীদা পীখি।

|

7. পি.এম. মোদীনা ইং কুমজা ২০১৯দা ইকাই খুম্ননীংঙাই ওইরবা কিং হমদ ওর্দর ওফ দি রিনাইসসেন্স ফংখি। ওনর অসি বহরীন্না পীখিবনি।

|

8. লেজিন ওফ মেরিৎ বাই দি য়ু.এস. গভর্নমেন্ত, য়ুনাইতেদ স্তেৎস আর্মদ ফোর্সেসনা শীংথানীংঙাই ওইবা সর্ভিস অমসুং মায়পাকপশিং পুরকপদা থোইদোক-হেন্দোকপা থবক তৌখিবদা পীবা এৱার্দ অসি ইং কুমজা ২০২০দা পি.এম. মোদীদা পীখি।

9. ভুতান্না ইং কুমজা ২০২১গী দিসেম্বরদা ওর্দর ওফ দি দ্রুক গ্যালপো, খ্বাইদগী ৱাংবা থাক্কী সিবিলিয়ন দেকোরেসন পি.এম. মোদীদা পীখি।

খ্বাইদগী ৱাংবা সিবিলিয়ন সিবিলিয়ন ওনরশিং অসিগী মথক্তা পি.এম. মোদীদা মালেম শিনবা থুংবদা লৈরিবা ইকাই খুম্ননীংঙাই ওইবা ওর্গনাইজেসনশিংনা এৱার্দ কয়া মরুম পীরকখি।

1. সিওল পীচ প্রাইজ: মসি মীওইবা জাতিগী মরক্তা ইং-চিক্না লৈহনবা, লৈবাকশিং চুংশিনহন্নবা অমসুং মালেমদা শন্তি পুরকপদা শরুক তমদুনা ফীদা অমা কনবা ঙম্বা মীওইশিংদা সিওল পীচ প্রাইজ কলচরেল ফাউন্দেসন্না তোঙান-তোঙানবা মীওইশিংদা চহি অনি খুদিংগী পীবা এৱার্দনি। প্রধান মন্ত্রীদা ইং কুমজা ২০১৮দা ইকাই খুম্ননীংঙাই ওইরবা এৱার্দ অসি পীখি।

|

2. য়ুনাইতেদ নেস্নেস চেম্পিয়ন্স ওফ দি আর্থ এৱার্দ: মসি য়ু.এন.গী খ্বাইদগী ৱাংবা থাক্কী এনভাইর্নমেন্তেল ওনর অমনি। ইং কুমজা ২০১৮দা য়ু.এন.না পি.এম. মোদীবু মালেমগী ফম্পাক্তা মহাক্না থৌনা ফনা এনভাইর্নমেন্তেলগী লুচিংবা ওইখিবগীদমক শক খঙখি।

|

3. খ্বাইদগী অহানবা ফিলিপ কোতলর প্রিসিদেন্সিএল এৱার্দ অসি ইং কুমজা ২০১৯দা প্রধান মন্ত্রী মোদীদা পীখি। এৱার্দ অসি চহিগী ওইনা লৈবাক অমগী লুচিংবদা পীবনি। এৱার্দ অসিগী সাইতেসন্না অদুদা পি.এম. মোদী অসি মহাক্না “লৈবাক্কীদমক শীংথানীংঙাই ওইবা লুচিংবা ওইবগীদমক” মহাকপু খনবনি হায়না ইখি।

|

4.ইং কুমজা ২০১৯দা, পি.এম. মোদীদা স্বচ্ছ ভারত অভিয়ানগীদমক বিল এন্দ মেলিন্দা গেৎস ফাউন্দেসন্না ‘গ্লোবেল গোলকীপর’ এৱার্দ পীখি। পি.এম. মোদীনা এৱার্দ অসি স্বচ্ছ ভারত কেম্পেন অসিবু “মীয়ামগী ইহৌ” অমা ওইনা ওন্থোকখিবা অমসুং নোংমগী পুন্সিদা লুনানবদা খ্বাইদগী মরু ওইবা মীৎয়েং চংখিবগীদমক ভারত মচা খুদিংমক্তা কত্থোকখি।

|

5. খ্বাইদগী অহানবা ফিলিপ কোতলর প্রিসিদেন্সিএল এৱার্দ অসি ইং কুমজা ২০১৯দা প্রধান মন্ত্রী মোদীদা পীখি। এৱার্দ অসি চহিগী ওইনা লৈবাক অমগী লুচিংবদা পীবনি। এৱার্দ অসিগী সাইতেসন্না অদুদা পি.এম. মোদী অসি মহাক্না “লৈবাক্কীদমক শীংথানীংঙাই ওইবা লুচিংবা ওইবগীদমক” মহাকপু খনবনি হায়না ইখি।