খুরুমজরি
খুরুমজরি, গুজরাতকী মুখ্য মন্ত্রী শ্রী ভুপেন্দ্র পতেল, শ্রীমদ রামচন্দ্র জীনা হোৎনজরম্বশিংবু মঙফাওনবা ঙমহনখিবা, শ্রীমান রাকেশজী, পার্লিয়ামেন্ততা ঐহাক্কী মরুপ ওইরিবা শ্রী সি. আর. পাতিলজী, গুজরাতকী মন্ত্রীশিং, দিগনিতরীশিং, য়াইফরবা থৌরম অসিদা লেংশিনবীরিবা নুপী অমদি নুপাশিং,
ঐখোয়গী শাস্ত্রশিংদা অসুম্না হায়নৈ -
সহজীবতী উনায়স্য, ধর্মো য়স্য জীবতী।
হায়বদি কনাগুম্বগী গুনসিং, কনাগুম্বগী থৌদাংশিং মুৎনাইদনা লৈহৌরবদি, মহাক অদুবু হিংদুনা লৈহৌই, অমর ওইনা লৈহৌই। কনাগুম্বগী থবকশিং অসি অমর ওইরবদি, মখোয়গী ইনর্জি অমসুং ইন্সপিরেসন অসিনা মিরোল কয়া খুন্নাইগী সেবা তৌদুনা লৈহৌই।
শ্রীমদ রাজচন্দ্র মিসন, ধরমপুরগী ঙসিগী থৌরম অসি মুৎপা নাইদ্রবা ৱাখল্লোনগী খুদম অমনি। ঙসি মল্তি স্পেসিএলিতি হোসপিতাল শঙ্গাখ্রে, এনিমেল হোস্পিতালগী য়ুম্ফম থোনখ্রে। মসিগা লোয়ননা নুপীশিংগী সেন্তর ওফ এক্সেলেন্সকী শাবগী থবকশিংসু ঙসিদগী হৌরে। মসিনা গুজরাতকী ইচল-ইচেশিং, লায়রবশিং অমসুং ত্রাইবেলশিং, মরুওইনা খা গুজরাতকী মরুপশিং, ঐখোয়গী ইমা-ইচলশিংদা য়াম্না কান্নগনি। মোদর্ন ফেসিলিতিশিং অসিগীদমক ঐহাক্না রাকেসজী, মিসন পুম্নমকপু, অদোমগী ভক্তশিং অমসুং সেবাব্রতি পুম্নমকপু থাগত্পা ফোঙদোকচরি।
অদুগা ঙসি ঐহাক্না ধরমপুরদা অসিগুম্বা য়াম্লবা মীয়াম উবা ফংবা মতমদা ঐহাক্কী ৱাখলদা অসুম্না খনখি মদুদি ঙসি ঐহাক্না রাকেসজীগী ৱাফম কয়া তানবা খুদোংচাবা অমা ফংগনি, অদুবু মহাক্না মহাক্কি ৱা ঙাংবা অদু য়াম্না থুনা লোইশিনখি। মহাক্না রনছোরদাস মোদীজীবু নীংশিংখি। ঐহাক্না মফম অসি নীংথিনা খঙই। চহি কয়াগী মমাংদা নখোয়গী মরক্তা লৈরমখি। করিগুম্বা মতমদা ধরমপুর, করিগুম্বা মতমদা সিধুবর। হান্নদি নখোয়গী মরক্তা হিংলমখি অমসুং ঙসি ঐহাক্না চাউখত্পগী অসিগুম্বা চাউরবা তাঙ্কক অমা উবা মতমদা মফম অসিগী মিয়ামগী ইনোৎ উবা ফংই অমসুং ঐহাক্না ৱাফম অসিদা নুংঙাইবা ফাওই, মুম্বাইদগী মীয়াম্না মফম অসিদা লাক্তুনা সেবাদা শরুক য়ারি।
গুজরাতকী কাচিন-কোয়া শিনবা থুংবদগী মীয়াম্না লাক্তুনা শরুক য়াররি। মপান্দগী লাকপা মীওইশিংনা মফম অসিদা য়াওররি, মরম অসিনা শীরিমদ রাজচন্দ্রজীনা মরোল থোক্তবা শেবারি অমগুম্না খুন্নাইগীদমক কত্থোকপগী মরুশিং হুলমখি, ঙসিদি মখোয় অদু অচৌবা খোঙনাং পাম্বীশিং ওইরক্লে। ঐখোয়না মসি এক্সপরিয়েন্স তৌবা ঙম্মি।
মরুপশিং,
শ্রীমদ রাজচন্দ্র মিসনগা ঐহাক্কী শাংলবা মরী অমা লৈনৈ। ঐহাক্না মখোয়না খুন্নাইগীদমক থবকশিং তৌবা অদু উবা ফংজরে মদুদি ঐহাক্না মিং অসি তাবদা ঐহাক্কী থম্মোয়দা ময়ামগীদমক ইকায়খুম্না থল্লি। ঙসি লৈবাক অসিনা নীংতম্বগী চহি ৭৫ শুরকপা মতমদা, অমৃত মহোত্সব পাঙথোকপা মতমদা, ঐখোয়দা মসিগী থৌদাং য়াবগী ৱাখল্লোন অসি খ্বাইদগী মথৌ তাই। করিগুম্বা ঐখোয়না শেংলবা লৈবাক অসিদা, অথোইবা লৈবাক অসিদা ঐখোয়না ফংলিবা অসিগী শরুক অমা ফাওবা লমন শীংবা ঙম্নবা হোৎনরবি খুন্নাই অসি হেন্না খোঙজেল য়াংনা অহোংবা পুরকপা ঙমগনি। পুজ্য উরুদেবকী লমজিং মখাদা শ্রীমদ রাজচন্দ্র মিশন্না গুজরাত্তা খুঙ্গংগী অনা-লয়েংগী লমদা শীংথানীংঙাই ওইবা থবক তৌবা অসিদা ঐহাক্না মতম চুপ্পদা য়াম্না নুংঙাইবা পোকই। অনৌবা হোস্পিতাল অসিনা লায়রবশিংগী য়াইফনবা মিসনগী পান্দম অদু মপাঙ্গল কনখৎহল্লে। মসিগী হোস্পিতাল অমসুং রিছার্স সেন্তর অসিনা মীওই খুদিংমক্তা মমল হোংবা অফবা হকশেলগী খুদোংচাবশিং ফংহনগনি। মসিনা ‘অমৃত কাল’দা মশা-মউ ফবা ভারতকী পান্দম অদু ফংনবা থৌনা হাপ্লগনি।
মরুপশিং,
আজাদী কা অমৃত মহোৎসব অসিদা লৈবাক অসিবু মীখা পোন্না লৈরম্বদগী নীংতম্বা ফংনবা হোৎনরমখিবা মাগী মচাশিংবু নীংশিংলি। শ্রীমদ রাজচন্দ্রজী অসি লৈবাক্কী পুৱারীদা চাউনা শরুক তমলমখিবা অদুগুম্লবা সন্তশিংগী মনুংদা অমনি। ভারতকী অশেংবা শক্তিগা লোয়ননা ভারতকী লৌশিং লৈবাক অমসুং মালেমদা য়ৌহনখিবা অচৌবা লুচিংবশিং অদু ঐখোয়না য়াম্না থুনা মাংজবা অসি য়াম্না নুংঙাইতবা অমনি ।
বাপু পুজ্য মহাত্মা গান্ধী মশামক্না হায়বিরম্মি মদুদি ঐখোয়না কয়ারক হন্না পোকপা তারবসু য়াই, অদুবু শ্রীমদকীদমক্তদি অমুক খক পোকপনা য়াখি। মালেমদা লমজিংলিবা অমা ওইনা ঙসি ঐখোয়না উরিবা মহাত্মা গান্ধী, ইথিল পীখিবা মহাত্মা গান্ধীগী ৱাখল্লোন অদু অদোম্না খন্থবীয়ু। মহাত্মা গান্ধীগী ৱাখল্লোনগী লমজিং মখাদা মালেম অসিনা অনৌবা পুন্সি অমা লেপতনা থীরি। হায়রিবা ইকাই খুম্ননীংঙাই ওইরবা বাপুনা মহাক্কী স্পিরিচুএল কন্সিয়ন্সনেসকীদমক শ্রীমদ রাজচন্দ্রজীদগী ইথিল লৌরম্মি। শ্রীমদ রাজচন্দ্রজীগী লৌশিংগী ইচেল মখা তানা চত্থহল্লিবা রাকেসজীগী মফমদা লৈবাক অসি লমন য়াম্না তোনশিল্লি হায়না ঐনা খল্লি। অদুগা ঙসিদি রাকেসজীদা হোস্পিতাল অমা শাদুনা অসিগুম্বা শেংলবা থবক অমা তৌবগী মঙলান লৈরে, খোঙথাংশিং পাইখৎপা লৈরে অমসুং মসিসু মহাক্কি পুন্সিনি, অদুম ওইনমক মহাক্না প্রোজেক্ত পুম্নমক অসি রনছোরদাস মোদীদা কত্থোকখি, মসি রাকেসজীগী অথোইবা গুন অদুনি। খুন্নাইগী লায়রবা, শোত্থরবা, ত্রাইবেলশিংগীদমক অসিগুম্বা মওংদা মখোয়গী পুন্সি কত্থোকখিবা অসিগুম্বা মীশকশিং অসিনা লৈবাক অসিগীদমক ৱাখল খলহনবা ঙমহল্লি।
মরুপশিং,
মসিগী শাগদৌরিবা অনৌবা সেন্তর ওফ এক্সেলেন্স ফোর ৱুমেন অসিনা ত্রাইবেল ইচিল-ইনাওশিং অমসুং ইচানুপীশিংগী স্কিলশিং হেনগত্হন্দুনা মখোয়গী পুন্সিবু হেন্না নুংঙাইহন্নবগীদমক অতোপ্পা অচৌবা খোঙথাং অমা ওইরি। শ্রীমদ রাজচন্দ্রজীনা মহৈ-মশিং অমসুং স্কিলশিংগী খুত্থাংদা নুপীমচাশিংবু শক্তি পীনবা য়াম্না কন্না হোৎনরমখি।
মহাক্না য়াম্না চহি নৌরিঙৈদগী হৌনা নুপীশিংবু শক্তি পীনবগী মতাংদা অকনবা ৱাফম ফোঙদোক্তুনা লাকখি। মহাক্কী শৈরেং অমদা মহাক্না ইরি-
উধারে করেলু বহু, হুমলো হিম্মদ ধরী
ৱধারে-ৱাধরে জোর, দর্শব্যু খরে
সুধারনা নী সামে জেনে
কমর সীঞ্চে হন্সী,
নিত্য নিত্য কুশম্বজে, লাববা ধ্যান ধরে
তেনে কাধবা নে তমে নার কেরবনী আপো
চালো নথারা কাধোন, বীজাজে বহু নরে।
মসিগী অর্থদি ইচানুপীশিংবু মহৈ তমহনগদবনি। খুন্নাই অসি য়াম্না থুনা চাউখত্হনবা ঙমগনি, খুন্নাই অসিদা লৈরিবা ফত্তবশিং অসি ঐখোয়না য়াম্না থুনা মাংহন ঙমগনি। মহাক্না নুপীশিংনা নীংতম ইহৌদা চাউনা শরুক য়াখিবা অদুবু য়াম্না পুক্নীং থৌগৎখি। মসিগি মহৈ অসি গান্ধীগী সত্যাগ্রহশিংদা ময়েক শেংনা উবা ফংই, মসিদা নুপিশিং চাউনা শরুক য়াখি। লৈবাক অসিগী নারীশক্তিবু নীংতম্বগী অমৃত কাল অসিদা রাস্ত্রশক্তি ওইনা মাঙলোমদা পুখৎলকপা হায়বা অসি ঐখোয় পুম্নমক্কী থৌদাংনি। ঙসি কেন্দ্র সরকারনা ইচে-ইচল অমদি ইচানুপীশিংনা মাংদা চংশিনবদা অপনবা পীরিবা খুদোংচাদবা খুদিংমক কোকহন্নবা হোৎনরি। খুন্নাই অসিনা খোঙথাংশিং অসিদা শরুক য়ারবা মতমদা অমসুং অদোমগুম্বা সর্বিস পর্সনেলশিংনা য়াওশিল্লবা মতমদা য়াম্না থুনা অহোংবা অমা লাক্কদৌরিবনি অমসুং মসি ঙসি লৈবাক অসিনা থেংনরিবা অহোংবা অসিনি।
মরুপশিং,
ঙসি ভারতনা পাইখৎলিবা হকশেলগী থৌশিল অসিদা ঐখোয়গী অকোইবদা লৈরিবা থৱাই পানবা খুদিংমক্কী হকশেলগী মরমদা খনখি। মীওইবশিংবু ঙাকথোক্নবা তীকা থাবগা লোয়ননা শা-শনশিংগীসু য়াওনা লৈবাক শীনবা থুংনা তিকা থাবগী খোঙজং অমা ভারতনা পাইখৎলি। লৈবাক অসিদা ফুত এন্দ মাউথ দিজিজ ঙাকথোক্নবাশন অমসুং ইরোইশিং য়াওনা শা-শন খুদিংমক্তা চাউরাক্না তীকা করোর ১২০ থাখি। মসিগী মনুংদা গুজরাত মশামক্তদা চাউরাক্না তীকা লাখ ৯০ থাখ্রে। লায়েংবগী মোদর্ন ফেসিলিতিশিংগা লোয়ননা লাইনা ঙাকথোক্নবা হোৎনবা অসিসু চপ মান্ননা মরুওই। ঐহাক্না নুংঙাইবা ফাওই মদুদি শ্রীমদ রাজচন্দ্র মিসন্নসু খোঙথাংশিং অসিবু শক্তি পীরি।
মরুপশিং,
শ্রীমদ রাজচন্দ্রজীগী পুন্সি অসি মতৌ করম্না স্পিরিচুএলিতি অমসুং সোসিএল রেস্পোন্সিবিলিতি অনিমক অমনা অমগী তেংবাংনবগে হায়বগী পরমান অমা ওইদুনা লাক্লি। স্পিরিচুএলিতি অমসুং সোসিএল সর্ভিসকী ৱাখল্লোন অদু পুনশিন্নখি। মপাঙ্গল কনখত্হনখি, মরম অদুনা মখোয়গী ইথিল অসি হিরম খুদিংমক্তা, স্পিরিচুয়েল অমসুং সোসিএলদা উবা ফংলি। মহাক্না হোৎনরিবা অসি ঙসিগী মতম অসিগা হেন্না মরী লৈনৈ। ঙসি ২১শুবা চহিচা অসিদা অনৌবা মীরোল অসিনা ঐখোয়গী নহা ওইরিবা মীরোলদা ময়েক শেংভা তুংলমচৎকী পোতেন্সিয়েল অমা পীরি। মীরোল অসিগী মমাংদা অনৌবা খুদোংচাবা কয়া, শীংনবা কয়া অমসুং অনৌবা থৌদাং কয়া অমা লৈরি। মেতরিএল ফোর্স ইনোভেসনগী অপাম্বা অসি নহা ওইরিবা মীরোল অসিদা য়াম্না লৈ। অদোমগুম্বা ওর্গনাইজেসনশিংনা মীরোল অসিদা লমজিংবনা মখোয়বু থৌদাং য়াবগী লম্বীদা য়াম্না থুনা চত্পদা মতেং পাংগনি। শ্রীমদ রাজচন্দ্র মিসন অসিনা জাতিগী ওইবা ৱাখল্লোন অমসুং শেবাগী খোঙজং অসি মখা তানা হেন্না চেৎশিনহল্লগনি হায়না ঐনা থাজৈ।
অমসুং ময়াম পুম্নমক্কী মরক্তা পাঙথোকপা থৌরম অসিদা ঐহাক্না ৱাফম অনি শোইদনা হায়জগে মদুদি অমনা, ঐখোয়না হৌজিক কোরোনাগীদমক প্রিকোসন দোজকী কেম্পেন অমা চথরি। তিকা অনি থাখ্রবশিংগীদমক, মফম খুইংদা নুমিৎ ৭৫নিগী ওইনা লেম্না, নীংতম্বগী ৭৫শুবা চহিদা অহুমসুবা তীকা থাদোক্নবগী খোঙজং অমা চত্থরি। মফম অসিদা য়াওরিবা অহল পুম্নমক্তা, ঐগী ইচিল-ইনাওশিংদা, ঐগী ত্রাইবেল ইচিল-ইনাওশিংদা, করিগুম্বা নখোয়না প্রিকোসন দোজ অদু কাপতবা তারবদি য়াম্না থুনা কাপথোকপীয়ু। মসিগী অহুমশুবা দোজ অসি লেম্না কাপ্নবগীদমক সরকারনা নুমিৎ ৭৫নিগী কেম্পন অসিসু চত্থরি। অদোম্না মসিগী কান্নবা লৌগদবনি অমসুং ঐখোয়না থবক অসি মাংলোমদা পুখত্ক্কদবনি। ঐখোয়গী হকচাংসু চেকশিন্না থম্বিয়ু, ইমুং মনুংগী মীওইশিংসু য়েংশিনবিয়ু অমসুং খুঙ্গং, লৈকাইসু য়েংশিনবিয়ু। ঙসি ঐহাক্না ধরমপুরদা হকথেংননা লাকপগী তাঞ্জা ফংলম্লবদি অখন্ননা নুংঙাইবা ফাওরমগনি, মরমদি ধরমপুরগী ইমুং কয়াগা য়াম্না নক্নবা মরী লৈনখি, অদুবু মতম ফংদবনা মরম ওইদুনা লাকপা ঙমখিদে। ভিদিও কনফরেন্সকী খুত্থাংদা ময়াম পুম্নমক্কা ৱারি শানরি। ভিদিও কনফরেন্সকীদমক থৌরম অসিসু শিনবীখিবা রাকেসজীবুসু ঐহাক্না য়াম্না থাগত্পা ফোঙদোকচরি, অদুবু হোস্পিতাল অসি শঙ্গারবা মতুংদা ঐহাক্না লাকপা ফংজরবদি য়াম্না নুংঙাইবা ফাওগনি। অদোমগী শেবা অদু উবদা নুংঙাইবা ফাওগনি। চহি কয়াগী মমাংদা লাকখিবা মতম অদুগা মরক্তা গেপ অমা লৈরি, অদুবু ঐহাক্না অমুক হন্না লাকপা মতমদা ঐহাক্না অদোমগা শোইদনা উনগনি অমসুং অদোমদা য়াইফ-পাউজেল পীজরি অমসুং অদোম্না শেমগৎলিবা সেন্তর ফোর এক্সেলেন্স শাবা অসি নুমিৎ খুদিংগী হেনগৎলকপা ওইরসনু। লৈবাক অসিগী অমসুং মালেমগী মফম খুদিংদা য়ৌবা ঙম্নবা ঐহাক্না য়াইফ-মঙ্গোল পীজরি। অদোম্বু হন্না-হন্না থাগত্চরি!
