খুরুমজরি!
লৈবাক্কী ঙাকশেলগা মরী লৈনবা মরু ওইবা থৌরম অসিদা লৈবাক অসিগী ঙাকশেল মন্ত্রী, শ্রী রাজনাথ সিংহজী, রাজ্যগী হাকশেল মন্ত্রী, শ্রী অজয় ভাতজী, ঙাকশেল মন্ত্রালয়গী ওফিসর পুম্নমক অমসুং লৈবাক শিনবা থুংবদা লৈরিবা মরুপশিংনা শরুক য়ারি!
শুপ্নগী নুমিৎ নিনিগী মমাংদা নবরাত্রিগী শেংলবা কুহ্মৈগী মনুংদা, অস্তমীগী নুমিৎতা ঐহাক্না কম্প্রিহেনসিব প্লানিং অমা লৌখৎতুনা ‘গতি শক্তি’গী প্রোগ্রাম হৌদোক্নবা খুদোংচাবা অমা ফংজখি অমসুং ঙসিগী য়াইফরবা বিজয় দশমীগী থৌরম অসিদা লৈবাক অসিবু মপাঙ্গল কলহন্নবা, লৈবাক অসিনু অয়ুক-নুমিদাং খাক্তনা ঙাকশেন্নবা হোৎনরিবা মীওইশিংগী শক্তি অসি মতমগা চুনবা ওইহন্নবা অনৌবা মাইকৈ অমদা পুনবা খুদোংচাবা অমা ফংজখি অমসুং মসি বিজয় দশমীগী য়াইফরবা কুহ্মৈগী অফবা খুদমশিংগা লোয়ননা পাঙথোক্লি। ভারতকী অথোইবা চৎনবী ঙাক্তুনা প্রোগ্রাম অসি খুৎশু-খুৎলাইশিং থৌনিজদুনা হৌখি। ভারত্তা ঐখোয়না শক্তি অসি শেম-শানবা পাম্বৈ অমা ওইনা উই। ৱাখল্লোন অসিগা লোয়ননা লৈবাক অসিনা মপাঙ্গল কনখৎহল্লি অমসুং মীয়াম্না লৈবাক অসিগী ফিরেপশিং অসিগী মাইকৈ চুম্লিবা মীওইশিং ওইরি। ঐহাক্না অমুক হন্না মীয়ামদা অমসুং লৈবাক পুম্বদা বিজয় দশমীগী থৌরম অসিগী য়াইফ পাউজেল পীজরি।
মরুপশিং,
ঙসি অসি হান্নগী রাস্ত্রপতী, ভারত রত্ন, দা. এ.পি.জে. অব্দুল কলামজীগী মপোক কুমওন্নি। শক্তি লৈবা ভারত অমা শেমগৎলম্বদা কলাম সাহেবনা মহাক্কী পুন্সি কত্থোকখিবগী মতৌ অসি ঐখোয় পুম্নমক্তা ইথিল পীরিবা অমা ওইরি। দিফেন্স সেক্তরদা ঙসি য়াওরগদবা অনৌবা কম্পনী ৭ অসিনা তৌবা ঙম্বা লৈবাক অমগী মখোয়গী ফিরেপ অসি চেৎশিনহল্লগনি।
মরুপশিং,
চহি অসিদা ভারতনা নীংতম্বখিবগী চহি ৭৫ শুরক্লি। মসিগী নীংতম্বগী মতম অসিদা লৈবাক অসিনা অনৌবা তুংলমচৎ অমা শেম্নবা অনৌবা ৱারেপশিং লৌরি। অদুগা চহি দিকেদ কয়া পন্দুনা লৈরম্লবা থবক অদু লোইশিল্লক্লি। ওর্দিনান্স ফেক্তরী ৪১ শেমদোক্নবা ৱারেপ, অনৌবা কম্পনী ৭ লোঞ্চ তৌখিবা অসি লৈবাক অসিগী সঙ্কল্প য়াত্রাগী শরুক অমনি। হৌখিবা চহি ১৫-২০ অসিদা মসিগী ৱারেপ অসি লৌবা ঙমদনা লৈরকখি। মসিগী কম্পনী তরেৎ অসিনা অথুবা মতমদা ভারতকী লান্মীগী পাঙ্গলগী অচৌবা য়ুম্ফম অমা ওইরগনি হায়না ঐহাক্না থাজবা থম্মি।
মরুপশিং,
ঐখোয়গী ওর্দিনান্স ফেক্তরীশিং অসি মতম অমদা মালেমদা খ্বাইদগী শক্তি লৈবা ইন্সতিত্যুসনসিংগী মরক্তা অমা ওইনা পান্নরমখি। ফেক্তরীশিং অসি চহি চামা য়াংখৈ হেনবগী এক্সপরিয়েন্স লৈরি। মালেমগী অহানবা লাঞ্জাওগী মতমদা মালেম অসিনা ভারতকী ওর্দিনান্স ফেক্তরীশিংগী মপাঙ্গল অদু উখ্রে। ঐখোয়না অফবা রিসোর্সশিং, মালেমগী থাক্কী স্কিলশিং শীজিন্নখি। নীংখা তম্লবা মতুংদা ঐখোয়না ফেক্তরীশিং অপগ্রেদ তৌবা, ন্যু এজ তেক্নোলোজী এদোপ্ত তৌবা মথৌ তাখি! অদুবু মসিদা মীৎয়েং নীংথিনা চংখিদে। মতম হৌখিবগা লোয়ননা ভারতনা মখোয়গী মথৌ-তাবশিংগীদমক মপাল লৈবাকশিংদা মীপাল তাংখি। অনৌবা কম্পনী ৭ অসিনা ফীভম অসিদা অওনবা পুরকপদা অচৌবা থৌদাং অমা লৌরগনি।
মরুপশিং,
আত্মনির্ভর ভারত অভিয়ানগী মখাদা লৈবাক্কী পান্দম অসি ভারত মশানা ঙমজবা মওংদা মালেমগী খ্বাইদগী চাউবা মিলিতরী শক্তি শেম্বনি, ভারত্তা মতমগা চুনবা মিলিতরী ইন্দস্ত্রী শেমগৎপনি। হৌখিবা চহি তরেৎ অসিদা লৈবাক অসিনা ‘মেক ইন ইন্দিয়া’গী লাইৱা অসিগা লোয়ননা ফিরেপ অসি মাং থানা পুনবা থবক পাইখৎখি। ঙসি লৈবাক অসিগী দিফেন্স সেক্তরদা লৈরিবা ত্রান্সপরেন্সী, ত্রস্ত, তেক্নোলোজী দ্রিভন এপ্রোচ অসিগুম্না মমাংদা অমুক্তা লৈখিদ্রি। নীংখা তম্লবা মতুংদা অহানবা ওইনা ঐখোয়গী দিফেন্স সেক্তরদা হোংবা নাইদ্রবা পোলিসীশিংগী মহুৎ অচৌবা অওনবা কয়া পুরকখ্রে, সিঙ্গল ৱিন্দো সিস্তেম অমা শিনখ্রে। মসিনা লৈবাক অসিগী থাজবা হেনগৎহনখি। ঐখোয়গী ইশাগী ওইবা ভারতকী কম্পনীশিং অসিনা দিফেন্স ইন্দস্ত্রীতা মখোয় মশাগী ওইবা ওইথোকপা য়াবশিং অদু থীবা হৌরক্লি অমসুং প্রাইবেৎ অমসুং পব্লিক সেক্তরনা নেস্নেল সেক্যুরিতীগী মিসন্দা খুৎশম্নদুনা থবক তৌরি।
ঐখোয়গী মাংদা উত্তর প্রদেশ অমসুং তামিল নাদুগী দিফেন্স কোরিদোরশিং অসি খুদমশিং ওইরি। অতেনবা মতমগী মনুংদা অচৌবা কম্পনীশিংনা মেক ইন ইন্দিয়াদা মীৎয়েং চংলক্লি। মসিনা নহারোলশিংগীদমক অনৌবা খুদোংচাবশিং পীরি অমসুং সপ্লাই চেনশিংগী মওংদা অমসুং এম.এস.এম.ই.গী ওইথোকপা য়াবা কয়া ফংহল্লি। পোলিসীদা অহোংবশিং লাকপগী ফল অসি ঐখোয়না হৌখিবা চহি ৫দা ঐখোয়গী দিফেন্সকী এক্সপোর্ত অসি হৌখিবা চহি মঙাদা চাদা ৩২৫ হেনগৎখি অসিনি ওইরি।
মরুপশিং,
পুং খরগী মমাংদা ঙাকশেল মন্ত্রালয়না মপালদগী মখা তানা ইম্পোর্ত তৌররোইদবা তেক্তিকেল ইক্বিপমেন্ত ১০০ হেনবগী লিস্ত অমা ফোঙখ্রে। অনৌবা কম্পনীশিং অসিগীদমক্তসু ভারতনা লুপা করোর লিশিং ৬৫গী ওর্দর তৌখ্রে। মসিনা লৈবাক অসিনা ঐখোয়গী দিফেন্স ইন্দস্ত্রীদা চেৎনা থাজবা থম্মি হায়বা তাক্লি। মসিদা থাজবা হেনগৎলক্লি। কম্পনী অমনা এম্ম্যুনিসন অমসুং এক্সপ্লোসিবশিংগী মথৌ তাবা অদু থুংহল্লগনি, অমরোমদনা অতোপ্পা কম্পনী অমনা আর্মী ভেহিকলশিং মেন্যুফেকচর তৌরগনি। মসিগা মান্নবা মওংদা এদভান্স ৱিপনশিং অমসুং ইক্বিপমেন্ত ওইরবসু, ত্রুপ্স কমফর্ত আইতেমশিং ওইরবসু, ওপ্তিকেল ইলেক্ত্রোনিক্স ওইরবসু নত্ত্রগা পেরাশুতস ওইরবসু – ঐখোয়গী পান্দমদি ভারতকী কম্পনী খুদিংমক্না লমশিং অসিদা হৈবা হেনগৎহনপদা নত্তনা গ্লোবেল ব্রান্দ অমা ওইবনি। কম্পিতিতিব কোস্তনা ঐখোয়গী পাঙ্গল ওইরবসু ক্বালিতী অমদি রিলাইএবিলিতীনা ঐখোয়গী শক্তাক ওইগদবনি।
মরুপশিং,
অনৌবা থৌরাং অসিগা লোয়ননা ঐখোয়গী ওর্দিনান্স ফেক্তরীশিংদা ইন্নোভেৎ তৌবা পাম্লিবা মীওইশিংদা লৈরিবা তেলেন্ত অসি মনীং-মখা তম্না মখোয়গী তেলেন্ত উৎথোকচবা ফংলগনি হায়না ঐহাক্না থাজৈ। অসিগুম্বা এক্সপর্তশিং অসিনা ইন্নোভেসনগী খুদোংচাবা অমা ফংবা মতমদা, মখোয়না করিগুম্বা খরা উৎচনবা খুদোংচাবা ফংবা মতমদা মখোয়না অঙকপা কয়া তৌবা ঙম্মি। অদোমগী এক্সপর্তাইজকা লোয়ননা অদোম্না পুথোকপা প্রদক্তশিংনা ভারতকী দিফেন্স সেক্তরগী কেপাসিতী হেনগৎহনবতা নত্তনা নীংখা তম্লবা মতুংদা শোত্থদুনা লৈরম্বা অদু মেনখৎপা ঙম্লগনি।
মরুপশিং,
২১শুবা চহিচা অসিদা লৈবাক অমা হৈক্তগী নত্ত্রগা কম্পনী অমা হেক্তগী গ্রোথ অমসুং ব্রান্দ ভেল্যূ অসি মখোয়গী আর এন্দ দি অমসুং ইন্নোভেসন্না লেপ্পি। সোফৱেয়রদগী স্পেস সেক্তর ফাওবদা ভারতনা খুমাং চাউশিল্লিবা, ভারতকী অনৌবা মশক অসি মসিগী খুদমশিংনি। মরম অসিনা ঐহাক্না অনৌবা কম্পনীশিংদা মখোয়না অতৈগী তুংইনবা খক্তা নত্তনা তুংলমচৎকী তেক্নোলোজীশিংদা মাংজিল থানবা রিসর্চ অমসুং ইন্নোভেসন অসি মখোয়গী ৱর্ক কলচরগী শরুক অমা ওইহন্নবা অপীল তৌজরি। নখোয়না মালেমগী খ্বাইদগী অচৌবা কম্পনীশিংগা থাক মান্নদ্রবসি তুংলমচৎকী তেক্নোলোজীদা মাংজিল থাগদবনি। মরম অসিনা অদোম্না অনৌবা ৱাখল পুথোকপা, রিসর্চ ওরিয়েন্তেদ ওইবা নহাশিংদা খুদোংচাবা চাউনা পীবা, মখোয়দা ৱাখল পুথোক্নবা মনীং-মখা তমহনবা অসি মরু ওই। ঐহাক্না লৈবাক অসিগী স্তার্তঅপশিংদা হায়জনীংই মদুদি কম্পনী ৭ অসিগী খুত্থাংদা ঙসি লৈবাক অসিগী অনৌবা খোঙচৎ অমা হৌরে, অদোম্না মসিগী শরুক অমা ওইগদবনি। অদোমগী রিসর্চতা অদোমগী প্রদক্তশিংনা কম্পনীশিং অসিগী মখাদা মখোয় মশেলগী তৌবা ঙম্বশিং অদুদগী করম্না কান্নবা লৌবা য়াবগে পুথোকউ।
মসিগী রিস্ত্রকচরিং অসিনা ইন্নোভেসন অমসুং এক্সোর্তাইস হেনগৎহন্নবা অনৌবা কম্পনীশিংদা হেন্না ওতোনোমী পীরগনি অমসুং অনৌবা কম্পনীশিংনা অসিগুম্বা তেলেন্ত অসি থৌগৎকদবনি, হায়না মহাক্না মখা তাখি। মহাক্না স্তার্ত-অপশিংদা মখোয়গী রিসর্চ অমসুং এক্সপর্তাইজ অদু কম্পনীশিং অসিগী খুত্থাংদা হেনগৎহনদুনা অনৌবা খোঙচৎ অসিগী শরুক অমা ওইনবা হায়খ্রে।
মরুপশিং,
মসিগা লোয়ননা কম্পনীশিং অসিদা প্রদক্সনগী অফবা ইনভাইরনমেন্ত অমা পীবতা নত্তনা সরকারনা ফঙ্কস্নেল ওতোনোমীসু মপুংফানা পীরি। মসিগা লোয়ননা শিন্মীশিংগী অপাম্বা মপুংফানা ঙাকশেনগনি হায়না থাজবা পীরি। এক্সপর্তাইজ অসিনা লৈবাক অসিদা চাউনা কান্নবা পীরগনি অমসুং পুন্না ঐখোয়না আত্মনির্ভর ভারতকী ফিরেপ অদু থুংহনবা ঙম্লগনি হায়না ঐহাক্না থাজৈ।
ৱাখল্লোন অসিগা লোয়না অমুক হন্না ময়াম পুম্বদা বিজয় দশমীগী য়াইফ পাউজেল পীজরি। ময়াম্বু হন্না-হন্না থাগৎচরি!
