প্রধান মন্ত্রীনা ঙসি রসিয়াগী ফেদেরেসনগী রাস্ত্রপতি হিস এক্সেলেন্সী ব্লাদিমির পুতিনগী তেলিফোন কোল অমা ওকখি।
রসিয়াগী রাস্ত্রপতিনা ঙসি প্রধান মন্ত্রী মোদীগী মপোক নুমিৎকী য়াইফ পাউজেল পীরকখি। থৌওং অসিগীদমক্তা প্রধান মন্ত্রী মোদীনা তৌবীমল খঙবসু উৎখি।
লুচিংবা অনিমক্না ভারত অমসুং রসিয়াগী মরক্তা লৈনরিবা “অখন্নবা অমসুং মরু ওইবা স্ত্রেতজিক ওইবা খুৎশম্নবা” অসিবু মপাঙ্গল হেন্না কনখৎহন্নবগী মতাংদা য়ানবগী ৱারী শাবতা নত্তনা কোবিদ-১৯গী লায়চৎ লৈজরবসু লৈবাক অনিগী মরক্তা লেপ্তনা তেংবাংবগী থৌওং পাঙথোক্লিবা অসিগী মতাংদসু ৱারী শাখি। হীরম অসিগা মরী লৈননা হন্দক্তা ঙাকশেল অমসুং এক্সতর্নেল এফিয়র্সকী মন্ত্রীনা মোস্কোদা কান্নরবা খোঙচৎ অমা চৎখিবগী মতাংদসু ৱারী শাবদা পনখি।
প্রধান মন্ত্রী মোদীনা রাস্ত্রপতি পুতিনবু হন্দক্কী চহিসিদা এস.সি.ও. অমসিং ব্রিক্সকী মীফমদা রসিয়ানা মাই-পাক্না লুচিংখিবিগীদমক্তা থাগৎপা ফোঙদোকখি। রাস্ত্রপতি পুতিন্না হন্দক্কী চহিগী লোইরকপদা পাঙথোক্কদবা এস.সি.ও. অমসিং ব্রিক্সকী সম্মিৎকা লোয়ননা ভারতনা য়ুম্বু ওইগদবা সরকারগী মকোক থোংবশিংগী এস.সি.ও.গী কাউন্সিলদসু শরুক য়ানিংবগী ইথিল ফোঙদোকখি।
প্রধান মন্ত্রী মোদীনা রাস্ত্রপতি পুতিন মশামক্নসু ভারতকা লৈনরিবা মরী অসিবু হেন্না ফগৎহন্নবা হোৎনবগীদমক্তা থাগৎপা ফোঙদোকখি অমসুং লৈবাক অনি অসিগী মরক্তা তুংদা লাক্কদবা মতম চাবা পুঙফম অমদা পাঙথোক্কদবা থৌরমদা রাস্ত্রপতি পুতিনবু ভারত্তা তরাম্না ওক্নিংবগী অপাম্বসু ফোঙদোকখি।
