প্রধান মন্ত্রী শ্রী নরেন্দ্র মোদী অমসুং অবু ধাবিগী ক্রাউন প্রিন্স ঐচ.ঐচ. শৈখ মোহমদ বিন জয়েদ অল নহয়ানগী মরক্তা ঙসি নুমিৎ য়ুংবা মতুংদা তেলেফোন্দা ৱারী শানখ্রে। লুচিংবা অনিনা ভারত অমসুং য়ু.এ.ই. অনিগী মরক্তা লৈরিবা নাকন অনিগী ওইবা মখল কয়াগী ওইবা হিরমশিংদা ৱারী চৎথখি। প্রধান মন্ত্রীনা কোবিদ -১৯ লায়চৎ মনুংদা য়ু.এ.ই.না ভারত্তা মতেং পাংবগীদমক থাগৎপা ফোংদোকখি। মহাক্না ২০২১গী ওক্তোবরগী ১দগী দুবইদা হৌগদবা এক্সপো-২০২০গীদমক য়াইফ পাউজেল পীখি।
লুচিংবা অনিনা লম অনিগী ওইবা মান্নবা হিরমশিংদা ৱা খন্নখি। মখোয়না তেরোরিজম অমসুং এক্সত্রিমিস্ত মফম মালেম অসিদা থমদবা অমসুং অসিগুমবা শাফু অসিদা মালেম পুম্বা অমত্তা ওইনা লেপমিন্নবা হায়না মরুওইবা পীনখি।
Had a very useful telecon with His Highness @MohamedBinZayed. Reviewed progress in our comprehensive strategic partnership and discussed recent regional developments. Appreciated UAE’s support to Indian community during Covid-19 and conveyed my best wishes for Dubai Expo.
— Narendra Modi (@narendramodi) September 3, 2021
