প্রধান মন্ত্রী শ্রী নরেন্দ্র মোদীনা য়ুনাইতেদ কিংদমদা হন্দক্তা পাংথোকখিবা মীখলদা মায় পাক্লকপদা য়ুনাইতেদ কিংদমগী প্রধান মন্ত্রী বোরিস জোনসনগী মফমদা তেলিফোন্দা নুংঙাইবা ফোংদোকখ্রে।
প্রধান মন্ত্রীনা শ্রী জোনসনগী মফমদা ফোংদোকখি মদুদি য়ুনাইতেদ কিংদমগী প্রধান মন্ত্রী ওইনা মহাকপু অমুক হন্না খল্লকপা অসি য়ুনাইতেদ কিংদমগী মীয়াম্না মফমদা অমসুং কঞ্জারবেতিব পার্তীদা থাজবা থম্বা অদু উৎলি।
ভারতকী মীয়ামগী মায়কৈদগী অমদি মহাক্কী মায়কৈদগী য়াইফ পাউজেল পীরদুনা প্রধান মন্ত্রীনা থাজবা থমখি মদুদি মহাক্কী লুচিং মখাদা ভারত অমসুং য়ুনাইতেদ কিংদমগী মরক্তা স্ত্রাতেজিক পার্তনরশিপ মখা তানা চেৎশিল্লগনি।
শ্রী বোরিস জোনসন্না প্রধান মন্ত্রীবু মহাক্কী য়াইফ-পাউজেলগীদমক থাগৎপা ফোংদোকখি। মহাক্না ভারত-য়ুনাইতেদ কিংদমগী মরী মখা তানা চেৎশিলহন্নবা মহাক্কী ওইবা ৱাফম থমখি।
প্রধান মন্ত্রীনা শ্রী জোনসনগী মফমদা অথুবা মতমদা ভারত্তা লাকপীনবা বার্তন অমা তৌখি। বার্তন অদু তরাম্না লৌখি।
