ସଦ୍ୟ ସମାପ୍ତ ନିର୍ବାଚନରେ ବିଜୟ ପାଇଁ ଇଂଲଣ୍ଡ ପ୍ରଧାନମନ୍ତ୍ରୀ ମି. ବୋରିସ ଜନସନଙ୍କୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଟେଲିଫୋନ ମାଧ୍ୟମରେ ଅଭିନନ୍ଦନ ଜଣାଇଛନ୍ତି ।
ପ୍ରଧାନମନ୍ତ୍ରୀ ମି. ଜନସନଙ୍କୁ ଜଣାଇଥିଲେ ଯେ ଇଂଲଣ୍ଡର ପ୍ରଧାନମନ୍ତ୍ରୀ ଭାବେ ସେ ପୁନଃନିର୍ବାଚିତ ହେବା ତାଙ୍କ ପ୍ରତି ତଥା କଞ୍ଜରଭେଟିଭ ଦଳ ପ୍ରତି ଇଂଲଣ୍ଡର ଜନସାଧାରଣଙ୍କ ବିଶ୍ୱାସକୁ ପ୍ରତିଫଳିତ କରୁଛି ।
ଭାରତର ଜନସାଧାରଣ ଓ ତାଙ୍କ ତରଫରୁ ଶୁଭେଚ୍ଛା ଜଣାଇ ପ୍ରଧାନମନ୍ତ୍ରୀ ଆତ୍ମବିଶ୍ୱାସ ପ୍ରକାଶ କରିଥିଲେ ଯେ ତାଙ୍କ ଦୃଢ଼ ନେତୃତ୍ୱ ଦ୍ୱାରା ଭାରତ ଓ ଇଂଲଣ୍ଡ ମଧ୍ୟରେ ରଣନୈତିକ ସମ୍ପର୍କ ପୁନଶ୍ଚ ଦୃଢ଼ ହେବ ।
ପ୍ରଧାନମନ୍ତ୍ରୀଙ୍କ ଶୁଭେଚ୍ଛା ପାଇଁ ମି. ବୋରିସ ଜନସନ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ପ୍ରଦାନ କରିଥିଲେ । ଭାରତ-ଇଂଲଣ୍ଡ ମଧ୍ୟରେ ସମ୍ପର୍କକୁ ପୁନଶ୍ଚ ଦୃଢୀଭୂତ କରିବା ପାଇଁ ସେ ମଧ୍ୟ ତାଙ୍କ ସଂକଳ୍ପବଦ୍ଧତା ପ୍ରକାଶ କରିଥିଲେ ।
ସୁବିଧା ଅନୁଯାୟୀ ଶୀଘ୍ର ଭାରତ ଗସ୍ତରେ ଆସିବା ପାଇଁ ପ୍ରଧାନମନ୍ତ୍ରୀ ମି. ଜନସନଙ୍କୁ ନିମନ୍ତ୍ରଣ କରିଥିଲେ । ସେ ଏହି ନିମନ୍ତ୍ରଣକୁ ଗ୍ରହଣ କରିଥିଲେ ।
