লৈবাক মীয়ামদা ৱা ঙাংলদুনা ভারতকী মীওই পুম্বদা প্রধান মন্ত্রী নরেন্দ্র মোদীনা অপীল অমা তৌখ্রে। মহাক্না লৈবাক মীয়ামদা মার্চ ২২দা অয়ুক্কী পুং 7তগী নুমিদাংগী পুং 9 ফাওবা ‘জনতা কর্ফ্যু’দা শরুক য়াননবা হায়খ্রে। প্রধান মন্ত্রী মোদীনা লৈবাক মীয়ামদা মার্চ ২২ অসি য়ুমদগী মপান থোকপীদনবা হায়খ্রে। মহাক্না রাজ্য সরকারশিং, এন.সি.সি. অমসুং এন.এস.এস.নচিংবা লুপশিং, নহারোলশিং, সিবিল সোসাইতী অমসুং অতৈ ওর্গনাইজেসনশিংদা ‘জনতা কর্ফ্যু’দা শরুক য়াননবা অমসুং মখোয় মখোয়গী ময়ুমদা লৈননবা মীয়ামদা পুক্নীং থৌগৎনবসু ফোংদোকখি।
PM Modi also urged everyone to call and inform at least 10 other people every day about the ‘Janata Curfew’ as well as the measures to prevent spreading of Coronavirus.
PM Modi also made a special request while observing ‘Janata Curfew’.
প্রধান মন্ত্রী মোদীনা পুম্নমক্তা ‘জনতা কর্ফ্যু’গী মতাংদা নুংতিগী য়ামদ্রবদা মীওই 10দা ফোন তৌদুনা কোরোনাভাইরসকী লাইচৎ অমসুং ‘জনতা কর্ফ্যু’গী মতাংদা খঙহন্নবসু ফোংদোকখি। প্রধান মন্ত্রী মোদীনা ‘জনতা কর্ফ্যু’ পাংথোক্নবগীদমকসু অখন্ননা ফোংদোকখি।
প্রধান মন্ত্রী মোদীনা লৈবাক মীয়ামদা, হোস্পিতালশিং অমসুং মীয়ামগী ওইবা মফমশিং খুদম ওইনা এয়রপোর্তনচিংবদা অহিং-নুংথিল চুপ্পা থবক তৌরিবা হকশেল-কাংলোনগা মরী লৈনবশিংদা থাগৎপা ফোংদোক্নবা হায়খ্রে।
প্রধান মন্ত্রী মোদীনা লৈবাক মীয়ামদা হায়খি মদুদি মখোয়না এয়রলাইনশিংগী স্তাফশিং, অমোৎ-অকাই শেংদোকপা স্তাফশিং, চিঞ্জাক ফংহল্লিবশিং, রেলৱে, বস নত্ত্রগা ওতোরিক্সা থৌবশিং, সরকারগী ওফিসিএলশিং, পুলিসমেন অমসুং মীদিয়াগী মীওইশিংবু থাগৎপা ফোংদোক্কদবনি। প্রধান মন্ত্রীনা মখোয়বু ‘রাস্ত্র রক্ষক’ (লৈবাকপু ঙাকপী-শেনবীবা) হায়না কৌরদুনা হায়খি মদুদি মখোয়গী থৌদাংশিংগী লমন তোল্লবনি। প্রধান মন্ত্রী মোদীনা লৈবাক মীয়ামদা মার্চ ২২দা নুমিদাংৱাইরমগী পুং 5দা বেলকোনীদা লেপতুনা অমসুং অসিগুম্বা মীওইশিংদা তৌবীমল খঙবা উৎননবা মিনিৎ 5 খুবাক খুবীনবা ফোংদোকখি।
