Share
 
Comments

য়োর এক্সিলেন্সী

রাষ্ট্রপতি জোকো ৱিদোদো,

শক্নাইরবা দেলিগেৎশিং,

মীদিয়াগী মীহুৎশিং,

সেলামৎ সিয়াং

খুরুমজরি!

মসি অসিগুম্লবা মমিং চৎপা অমদি ফজখ্রবা লৈবাক অসিদা ঐহাক্কী অহানবা খোংচৎনি। ঐহাক্না অহানবা মক্তদা খোংচৎ অসিবু মওং তানা শিনবীরিবা অমদি ঐহাকপু তরাম্না ওকপীরিবা অসিগীদমক রাষ্ট্রপতি ৱিদোদোগী মফমদা তৌবিমল খঙবা উৎচরি। ইন্দোনেসিয়াগী থোইদোক হেন্দোকপা শক্লোন অদু উৎলদুনা, মীয়াম অমসুং অপীক অপীকপা অঙাংশিংনা নাৎকী ফিজোল শেৎলদুনা ঐহাকপু তরাম্না ওকপীখিবা অদু থোইদোক হেন্দোক্না ঐহাক্কী থমোইদা অপেনবা ফাওখি।
মরূপশিং,

হন্দক্তা থোকখিবা তেরোরিস্ত এতেক্তা ইন্দোনেসিয়াগী মীচম খরা লৈখিদবা অদুদা ঐহাক নুংঙাইতবা ফাওই। অসিগুম্বা মখলগী এতেক্ত অসি ভারতনা অকনবা মওংদা য়ানিংদে। অসিগুম্লবা অৱাবা তানফম অসিদা ভারতনা ইন্দোনেসিয়াগা লোয়ননা খোংফম চেৎনা লেপলি। অসিগুম্বা মখলগী থৌদোকশিং অসিনা পাউজেল অসি পীরি মদুদি তেরোরিজম থেংননবগীদমক মালেমগী থাক্তা অমত্তা ওইনা পুন্দুনা হোৎনরিবশিং অদুদা খোংজেল য়াংশিলহনবা মথৌ তারি।
মরূপশিং,

ইন্দোনেসিয়াগী ফিলোসোফী অসি ইন্দোনেসিয়াগী মীয়ামগী তাঞ্জা মেঞ্জা খঙবা অমদি মাংজৌননা উবা ঙম্বা অদুগী অহিংবা খুদম্নি। সমুদ্রগী ওইবা য়ুম্লোন্নবশিং অমদি স্ত্রাতেজিক পার্তনরশিংগী মওং মতৌদা ঐখোয়না মায়োক্নরিবা অৱাবা অসি অমত্তনি। সমুদ্র লম্বীশিংগী সেক্যুরিতী অমদি প্রোতেক্সন শোয়হন্দবা অসি ঐখোয়গী ইথৌনি। ঙসিগী অহোংবা লাক্লিবা ইন্দো-পেসিফিক লমদম অসিদা ঐখোয়গী অখন্নবা জিও-স্ত্রাতেজিক লোকেসন লৈরি। ঐখোয়না অমত্তা ওইনা দিবেলপমেন্ত অমদি মহৌশাগী ফিভমদা মায়োক্নরিবশিং অদু থেংনরি।

মরূপশিং,

ভারতকী এক্ত ইস্ত পোলিসীগা লোয়ননা “সাগর”- সেক্যুরিতী এন্দ গ্রোথ ফোর ওল ইন দ রিজনগী ওইবা ঐখোয়গী মীৎয়েং, রাষ্ট্রপতি ৱিদোদোগী মেরিতাইম ফলক্রম পোলিসীগা মান্নবা লৈরি। ২০১৬কী দিসেম্বর থাদা রাষ্ট্রপতি ৱিদোদোগী ভারত খোংচৎ মনুংদা ঐখোয়না রোদমেপ অমা থৌরাং তৌখি। ঙসি ঐখোয়গী মরক্তা য়ানখিবা অদুনা ঐখোয়গী বাইলেতরেল রিলেসন অসি হেন্না ফগৎহনবদা মতেং ওইরগনি। ঐখোয়না ঐখোয়গী পার্তনরশিপ অসি কমপ্রিহেন্সিব স্ত্রাতেজিক পার্তনরশিপকী মওংদা অপগ্রেদ তৌনবা ৱারেপ লৌখিবা অদুদা ঐহাক নুংঙাইবা ফাওই। ঐখোয়না ২০২৫ ফাওবদা নাকল অনিগী ওইবা ললোন ইতিক অসি বিলিয়ন দোলর ৫০ ফাওবা য়ৌহন্নবা খোংথাং লৌখৎলে। অমদি খোংথাং অসিদা মতেং পাংনবগীদমক ঐহাক্না ঐখোয়গী সি ই ও ফোরমগী পোজিতিব ওইবা থৌদাং অদুগীদমকসু থাগৎপা ফোংদোকচরি।

মরূপশিং,

ঐখোয়গী লৈবাক অনি অসিগী মরক্তা চহি লিশিং কয়াদগী সংস্কৃতিগী ওইবা অচেৎপা মরি লৈরি। মদুগী মওং মতৌ অমা চহি অসিগী ঐখোয়গী রিপব্লিক্কী থৌরমদা পাংথোকপা পেরেদতসু উবা ফংখ্রে। চহি অসিগী পেরেদতা আসিয়ান-ইন্দিয়া রিলেসনগী অয়েকপা লাই অদুদা ভারতকী উরিশা রাজ্যগী কুমহৈ “বালী জাত্রা” অদু ময়েক শেংনা য়েক্তুনা উৎখি। চহি খুদিংগী পাংথোক্লিবা কুমহৈ অসিনা চহি লিশিং কয়াদগী লৈরক্লবা ঐখোয়গী সংস্কৃতিগী মরি অদুগী অহিংবা খুদম্নি। মথং চহি ২০১৯দা ঐখোয়না ঐখোয়গী দিপ্লোমেতিক রিলেসন হৌদোকখিবগী ৭০শুবা চহি পালন পাংথোক্কদৌরি। মতম অদুদা লৈবাক অনিমক্না থৌরম কয়া অমা পাংথোক্কনি। ভারতকী লমকোইবা কয়া অমা ইন্দোনেসিয়াদা লাকই, অখন্ননা বালীদা লাকই। লৈবাক অনিমক্তা অয়াম্বা মীওইশিংদি নহাশিংনি। নহাশিং অসিগী মংলানশিং অদু মংফাওহন্নবা অমদি মখোয়গীদমক থবক ফংহন্নবা ঐখোয়না মহৈ মশিং অমসুং স্কিল দিবেলপমেন্তকী লমদা অমনা অমদগী তম্বা য়াই।

মরূপশিং,

এসিয়ান্দা ইন্দোনেসিয়াগী পোজিতিব ওইবা থৌদাং অদু ঐখোয় খঙই। লোয়ননা কমপ্রিহেন্সিব রিজনেল কোওপরেসন অমদি ইন্তিগ্রেসনগীদমক এসোসিয়েসন্না হোৎনরিবা অদুসু খুদম অমনি অমসুং ইন্সপিরেসন্নি। ১৮শুবা এসিয়ান গেম্স ইন্দোনেসিয়ানা য়ুম্বু ওইদুনা পাংথোক্কদৌরিবা অদুগীদমক ঐহাক্না য়াইফ-পাউজেল পীজরি। মদু য়াম্না ফজবা অমদি পুৱারী ওইবা থৌরম অমা ওইগনি হায়না ঐহাক্না থাজবা থম্লি। অমদি রমজানগী শেংলবা থা অসিদা, ভারতকী মীওই কোতি চামগা কুনমঙাগী মায়কৈদগী ইন্দোনেসিয়াগী প্রজা পুম্নমক্কী মফমদা হকচাং ফবা, চাউখৎপা অমদি মায় পাকপগী য়াইফ-পাউজেল পীজরি অমদি লাক্কদৌরিবা ইদুল ফিত্তরগী নুংঙাইবা ফোংদোকচরি।

হন্না হন্না থাগৎচরি।

তরীমা কাসি বন্যাক।

 

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Over 10 lakh cr loans sanctioned under MUDRA Yojana

Media Coverage

Over 10 lakh cr loans sanctioned under MUDRA Yojana
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 10 দিসেম্বর, 2019
December 10, 2019
Share
 
Comments

Lok Sabha passes the Citizenship (Amendment) Bill, 2019; Nation praises the strong & decisive leadership of PM Narendra Modi

PM Narendra Modi’s rallies in Bokaro & Barhi reflect the positive mood of citizens for the ongoing State Assembly Elections in Jharkhand

Impact of far reaching policies of the Modi Govt. is evident on ground