প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলগী মীফম মনুংদা ২০১৯গী লোক সভাগী মীখল মতুংঅহানবা ওইনা অচৌবা অনৌবা খোংথাং অমগী অয়াবা পীখ্রে, মদুনা লৌমী কোতি কয়াদা কান্নবা ফংহল্লগনিঅমদি শা–শনশিং মশা–মউ ফগৎহল্লগনি।
অনৌবা খোংথাং অসিদা শা–শন লোইরিবা লৌমীশিংবু খোং অমসুং চিনগী লাইনা অমসুং ব্রুসেলোসিস লাকশিন্নবায়াওরি। মন্ত্রীমন্দলনা মথংগী চহী মঙাদা লৈবাক অসিদা লাইবস্তোকশিংগী মরক্তা লাইনাশিং অসি মপুংফানা লাকশিন্নবালুপা কোতি ১৩,৩৪৩গী অপুনবা শেনফম অমা অয়াবা পীখ্রে।
খোং অমসুং চিনগী লাইনা অমসুং ব্রুসেলোসিসকী অকিবা:
লাইনাশিং অসি শন, ইরোই, য়াও, হমেং, ওক অসিনচিংবা লাইবস্তোকশিংগী মরক্তা য়াম্না নাগনবা লাইনানি।
করিগুম্বা শন/ইরোই অমা খোং অমসুং চিনগী লাইনানা নাবা তারগদি থা মরিদগী তরুক ফাওবগী ওইনা শঙ্গোমচাদা ১০০ মাংহল্লি। অদুগা ব্রুসেলোসিসনা নাবা তারগদি শা অদু মপুন্সি চুপ্পগী ওইনা শঙ্গোম পুথোকপগী চাংচাদা ৩০ হন্থহল্লি। ব্রুসেলোসিসনা শাশিংগী মরক্তা মচা ওইবা ঙমহন্দে। ব্রুসেলোসিস অসি ফার্মদা থবকতৌরিবা মীওইশিং অমসুং লাইবস্তোকশিংগী মপুশিংদসু শন্দোরকপা য়াই। লাইনা অনিমক শঙ্গোমগীপোত্থোক অমসুং অতোপ্পা লাইবস্তোক পোত্থোকশিংদা চাউনা মাংহল তাকহল্লি।
ঙসি লৌখিবা মন্ত্রীমন্দলগী ৱারেপ অসিনা মেনিফেস্তোদা য়াওখিবা অচৌবা ৱাশক অদু মপুং ফাহল্লে। মসিনালৈবাক অসিগী শা–শন লোইরিবা লৌমীশিংদা অৱাবা কোকহল্লে।
শাশিংবু ঙাকপী শেনবীবা অমসুং নুংশিবীবা:
খোং অমসুং চিনগী লাইনাগী ওইনা স্কিম অসিনা শন অমসুং ইরোই কোতি ৩০ অমসুং য়াও/হমেং কোতি ২০ অমদি ওককোতি অমবু থা তরুক তরুক কান্নরগা তিকা থাবা য়াওরি, অদুগা ব্রুসেলোসিস কন্ত্রোল প্রোগ্রাম অসি চাদা ১০০ কোন্সিনবাঙম্নবা শন অমোম কোতি ৩.৬দা তিকা থাগনি।
হৌজিক ফাওবগী ওইনা প্রোগ্রাম অসিগী অচংবা মমল কেন্দ্র সরকার অমসুং রাজ্য সরকারগী মরক্তা সেয়র তৌনদুনালাক্লি। হৌজিক্তি প্রোগ্রাম অসিগী অচংবা শেনফম পুম্নমক কেন্দ্র সরকারনা পুথোক্নবা ৱারেপ লৌরে।
