ফেব্রুৱারী ৯, ২০২১দা ভি.তি.সি.গী থোংদা আফঘানিস্তানদা লালন্দর [শহতুত] দাম শান্নবা মেমোরেন্দম ওফ অন্দরস্তেন্দিং [এম.ও.য়ু.] খুৎয়েক পীনবগী থৌরম অমা পাঙথোকখ্রে। প্রধান মন্ত্রী শ্রী নরেন্দ্র মোদী অমসুং আফঘানিস্তানগী রাস্ত্রপতি ঐচ.ই. দা. মোহম্মদ অশরফ ঘানিগী মমাংদা ই.এ.এম. দা. জয়শঙ্কর অমসুং মপাল থৌরম মন্ত্রী মিস্তর হনীফ অতমারনা এম.ও.য়ু. খুৎয়েক পীনখ্রে।
প্রোজেক্ত অসি ভারত অমসুং আফঘানিস্তানগী মরক্তা লৈরিবা অনৌবা দিবেলপমেন্ত পার্তনরশিপকী শরুক অমনি। লালন্দর [শহতুত] দাম অসিনা কবুল সহরগী অফবা থক্নবা ঈশিং ফংহনবা ঙম্লগনি, মনাক নকপা মফমশিংদা ঈথৈ-লৌখোংগী ঈশিং পীরগনি, হৌজিক লৈরিবা ঈথৈ-লোখোং অমসুং দ্রেনেজ নেৎৱার্ক অসি রিহেবিলিতেৎ তৌরগনি, মফম অসি ঈচাউদগী ঙাকথোকপা অমসুং লাকশিন্নবা হোৎনবদা মতেং ওইরগনি অমসুং রিজন অসিদা মৈসু ফংহল্লগনি।
২০১৬গী জুনদা প্রধান মন্ত্রী অমসুং রাস্ত্রপতিনা শঙ্গাখিবা ইন্দিয়া-আফঘানিস্তান ফ্রেন্দশিপ দাম [সলমা দাম] অসিগী মতুংদা আফগানিস্তান্দা ভারতনা শাবা অনিশুবা অচৌবা দামনি। লালন্দর [শহতুত] দামগী এম.ও.য়ু. খুৎয়েক পীনবা অসিনা ভারতনা আফঘানিস্তানগী সোসিও-ইকনোমিক দিবেলপমেন্তগী কন্না অমদি মতম শাংনা হোৎনরিবা অমসুং ঐখোয়গী লৈবাক অনিগী মরক্তা লৈরিবা পার্তনরশিপ অসিগী মমিং তারি। আফঘানিস্তানগা লোইননা ঐখোয়গী দিবেলপমেন্ত কোওপরেসন অসিগী শরুক অমা ওইনা ভারতনা আফঘানিস্তানগী প্রোভিন্স ৩৪মক য়ৌশিল্লিবা প্রোজেক্ত ৪০০ হেন্না শাবা লোইখ্রে।
প্রধান মন্ত্রীগী ৱারোলদা মহাক্না ভারত অমসুং আফঘানিস্তানগী মরক্তা লৈরুবা সিবিলাইজেসনগী ওইবা মরী অদুগী মতাংদা ফোঙদোকখ্রে অমসুং শান্তি লৈবা, অপুনবা, তংদু-লৈতাবা, চাউখৎপা অমসুং ইনক্লুসিব ওইবা আফঘানিস্তান অমগীদমক ভারতনা মখা তানা মতেং পাংখিগনি হায়না থাজবা পীখ্রে।
