Share
 
Comments

থাইলেন্দা অদিত্য বিরলা গ্রুপকী সনা ফুদোংবা থৌরম পাংথোক্নবা ঐখোয় মফম অসিদা তিল্লরি। ভারতকা অচেৎপা নাৎকী মরী লৈনরিবা থাইলেন্দা ঐখোয় লৈরে। অমসুং মসিগী লৈবাক অসিদা ভারতকী মাংজিল থারিবা ইন্দস্ত্রী হাউস অমা চহি ৫০ থবক তৌরকপগী থৌরম ঐখোয়না পাংথোক্লি।

ভারত্তা হোংলক্লিবা অফবশিংগী শক্তম অমা ঙসি ঐনা নখোয়দা খঙহন্নবা খৌরাংনা ঙাইরি। ঐনা মপুংফানা থাজবগা লোইননা হায়রি মদুদি হৌজিক ভারত্তা লৈবগী খ্বাইদগী ফরবা মতমনি।

হৌখিবা চহি ৫দা হিরম কয়াদা ভারতকী মাইপাকপা কয়া উরে। মসি সরকার খক্তনা মরম ওইদুনা ওইরকপা নত্তে। ভারতনা ব্যুরোক্রেতশিংগী মওংদা থবক তৌবা লেপ্লে।

চহি কয়া শেনফমশিং লায়রবশিংগী চাদিং তৌরগা লায়রবশিংদা য়ৌরমদবা অদু খঙবদা নখোয় অঙকপা পোক্কনি। দি.বি.তি. হৌদোক্তুনা মসিগী চৎনবী অসি ঐখোয়গী সরকারনা মুৎথৎলে। দি.বি.তি. হায়বদি দাইরেক্ত বেনিফিৎ ত্রান্সফর হায়বনি। দি.বি.তি.না মিদলমেনগী চৎনবীগী অমসুং মতিক চাদবা লোইশিল্লে।

তেক্স লৌবগী থবক ফগৎলকপা

ঙসিদি ভারত্তা থবক কন্না শুবা তেক্স থিবা মীওইশিংগী মশিং হেনগৎলে। ঐখোয়না শিংথাবা য়ানা থবক তৌরিবা হিরম অমদি তেক্স লৌবা অসিনি। ভারত অসি মীয়ামগী খনবা খ্বাইদগী ফবা তেক্স লৌবগী লৈঙাকশিংগী মনুংদা অমা ওইবদা ঐ হরাওই। মসি হেন্না ফগৎহন্নবা ঐখোয়না হোৎনরি।

 

ভারত শেন থাদনবগী পাম্নবা মফম অমা ওইরে

ঐনা হৌজিক হায়রি মদুদি শেন থাদনবা মালেমগী খ্বাইদগী পাম্নবা ইকোনোমীশিংগী মনুংদা ভারত অমা ওইরে। হৌখিবা চহি মঙাদা ভারতনা য়ু.এস. দোল্লর বিল্লিয়ন ২৮৬কী এফ.দি.আই. ফংখি। মসি হৌখিবা চহি ২০দা ভারতনা ফংখিবা অপুনবা এফ.দি.আই.গী তঙ্খাই অমনি।

দোল্লর ত্রিল্লিয়ন ৫গী ইকোনোমী অমগী মঙলান

হৌজিক ভারতনা দোল্লর ত্রিল্লিয়ন ৫গী ইকোনোমী অমগী মঙলান অমা শাগৎলি। ২০১৪দা ঐগী সরকার থবক পায়বা হৌবদা, ভারতকী জি.দি.পি. দোল্লর ত্রিল্লিয়ন ২ রোম ওইখি। চহি ৬৫দা ত্রিল্লিয়ন ২। অদুবু চহি ৫দা ঐখোয়না চাউরাক্না দোল্লর ত্রিল্লিয়ন ৩গী ময়া য়ৌহনখি।

ঐনা চাউথোকচবা করিগুম্বা অখন্নবা অমা লৈরবদি, মদু ভারতকী হৈশিংবা অমসুং হৈশিংবা মীওইশিংনি। ভারত অসি মালেমদা খ্বাইদগী চাউবা স্তার্ত-অপ ইকো-সিস্তেমশিং লৈবদা অঙকপা ওইরোই।

ভারতনা নুংঙাইরবা মতমদা মালেমনা নুংঙাইগনি। ভারতনা চাউখৎপগী ঐখোয়গী পান্দমদি হেন্না ফবা মালেম অমা লৈবাক অসিনা লমজিংবনি।

এক্ত ইস্ত পোলিসী

ঐখোয়গী এক্ত ইস্ত পোলিসীগী মখাদা, লমদম অসি শম্নবা হেনগৎহন্নবা ঐখোয়না অখন্নবা মীৎয়েং চংলি। থাইলেন্দগী নোংচুপ থংবা হিথাংফমশিংগা ভারতকী নোংপোক থংবা হিথাংফমশিংগা হকথেংননা শম্নবনা ঐখোয়গী শেন-থুমগী মতেং পীনবা হেনগৎহনগনি।

শেন থাদনবা অমসুং লাইনা ললোন-ইতিক চৎথনবা ভারত্তা লাকউ। অনৌবা পুথোক্নবা অমসুং হৌদোক্নবা ভারত্তা লাকউ। খ্বাইদগী ফবা লমকোয়ফমশিং অমসুং মীয়াম্না তরাম্না ওকপা ফংনবা ভারত্তা লাকউ। খুৎ ৱাংনা থাগৎতুনা ভারতনা অদোম্বু ঙাইজরি।

 

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India achieves 40% non-fossil capacity in November

Media Coverage

India achieves 40% non-fossil capacity in November
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 4 দিসেম্বর, 2021
December 04, 2021
Share
 
Comments

Nation cheers as we achieve the target of installing 40% non fossil capacity.

India expresses support towards the various initiatives of Modi Govt.