য়োর হায়নেস, মাই ব্রদর,
ঙসিগী ভর্চুএল মীফমদা তরাম্না ওকচরি৷ অহানবদা, ঐনা অদোমবু অমদি য়ু.এ.ই.বু থাগৎপা ফোংদোকচবা পামজৈ৷ কোবিদকী চেলেঞ্জশিং অসি লৈনা-লৈনা, এক্সপো ২০২০ শিনখিবা অসি অদুক্কী মতিক পুক্নিং হুনা ফজৈ৷ লাইবক থিবদি, এক্সপো অসিদা শরুক য়ানবা ঐনা য়ু.এ.ই.দা লাকপা ঙমখিদ্রে, অমদি ঐখোয়না শক শক উনদুনা ৱারি শানখিবা অসি য়াম্না কুইরক্লে৷ অদুবু চেলেঞ্জ পুম্নমক লৈদুনসু ঙসিগী ভর্চুএল মীফম অসিনা ঐখোয়গী মরক্তা লৈরিবা মরুপ-মপাং ওইবগী মরী অদু অনৌবা থাকশিংদা য়ৌনবা চৎলি হায়বদু উৎলি৷
য়োর হায়নেস,
ঐখোয়গী মরী অসি ফগৎহন্নবা হোৎনবদা অদোম্না লৌখিবা থৌদাং অদু অদুক্কী মতিক মরু ওই৷ কোবিদ লাইনা-লাইচৎকী মতম ফাওবদা য়ুয়এয়ইয়দা লৈরিবা ভারত মচাশিংবু অদোম্না য়েংশিনবিরিবা অদুগীদমক ঐনা অদোমবু মতম পুম্নমক্তা থাগৎপা ফোংদোক্লগনি৷ য়ু.এ.ই.দা হন্দক্তা ইকুই কুইদ্রিঙৈদা তেরোরিস্ত এতেকশিং চৎথরকখিবা অদুদা ঐখোয়না হকচিন্নবা য়ানিংদবা ফোংদোক্লি৷ ভারত অমসুং য়ু.এ.ই.না তেরোরিজমগী মাইয়োক্তা মতম পুম্নমক্তা অমতা ওইনা লেপমিন্নগনি৷
লৈবাক অনিমক্কী ওইনা চহি অসি অখন্ননা মরু ওই৷ য়ু.এ.ই. শেমখিবা চহি ৫০ শুরকপগী মপোক-কুমওন অদোম্না পাংথোক্লি অমদি লাক্কদৌরিবা চহি ৫০ অসিদা য়ু.এ.ই.না পাম্লিবা মংলান অদুসু অদোম্না থমখ্রে৷ চহি অসিদা ঐখোয়না নিং-খম তম্বা চহি ৭৫ শুরকপগী নুংঙাইবা ফোংদোক্লি৷ লাক্কদৌরিবা চহি ২৫ অসিগীদমক ঐখোয়না নিংজবা পান্দমশিং থমখ্রে৷ লৈবাক অনিগী তুংগী ওইবা মংলান অসিদা কম্মন ওইবা কয়া অমা লৈরি৷
য়োর হায়নেস,
ঙসি ঐখোয়গী লৈবাক অনিমক্না কমপ্রিহেন্সিব ইকোনোমিক পার্তনরশিপ এগ্রীমেন্ত শহি পীনখিবা অসিদা ঐ য়াম্না নুংঙাইবা ফাওই৷ অসিগুম্না য়াম্না মরু ওইবা এগ্রীমেন্ত অমবু থা অহুমদগী তানা চংদুনা ঐখোয়না য়াশিন্নবা পুরকপা ঙমখিবা অসি পনবদা শিন্থানিংঙাই ওই৷ মহৌশাগুম্না, অসিগুম্না অসিগুম্বা এগ্রীমেন্ত অসিগীদমক ৱারোইশিন পুরক্নবা হোৎনবদা চহি কয়া অমা চংলিবনি৷ মসিগী এগ্রীমেন্ত অসিনা নুংদা চেল্লিবা মরুপ-মপাং ওইবগী মরী, সেয়র তৌরখিবা মংলান অমসুং লৈবাক অনিগী মরক্তা থম্নরিবা থাজনবা অদু উৎলি৷ মসিনা ঐখোয়গী শেল-থুমগী ওইবা মরীশিংদা অনৌবা পুৱারি অমা পুরক্লগনি হায়না ঐনা থাজৈ৷ অমদি লাক্কদৌরিবা চহি মঙা অসিদা ঐখোয়গী ললোন-ইতিক অসি বিলিয়ন $৬০দগী বিলিয়ন$১০০দা চাওখৎলক্লগনি৷
য়োর হায়নেস,
ললোন-ইতিক, ইনবেস্তমেন্ত, ইনর্জী অমসুং মীগা-মীগগী মরক্তা লৈরিবা কন্তেক্তশিং অসিনা ঐখোয়গী কোওপরেসনগী পিল্লরশিং ওইখ্রে৷ মতম অসিমক্তদা, অনৌবা হিরম কয়া অমদসু ঐখোয়না কোওপরেসন পীনবা হেনগৎলকপগী ওইথোকপশিং লৈ৷ ঐখোয়গী ইরক্তা ফুদ কোরিদোরশিংদা অনৌবা য়ানা ৱারোল থম্লকপা অসি য়াম্না অফবা ইনিসিয়েতিব অমনি৷ ফুদ প্রোসেসিং অমসুং লোজিস্তিক্স সেক্তরশিংদা য়ু.এ.ইয়না শেল থাদগদৌরিবা অসিবু ঐখোয়না তরাম্না ওক্লি৷ য়ু.এ.ই.গী ফুদ সেক্যুরিতগীদমক মসিনা ভারতপু থাজবা পার্তনর অমা ওইহল্লগনি৷
স্তার্ত-অপশিংগী ফিল্দদা ভারতনা মমাংগী মতমদা অমুক্তা ফংখিদ্রিবা প্রোগ্রেস ফংবা ঙমখ্রে৷ হৌখিবা চহিদা, ভারত্তা য়ুনিকোর্ন ৪৪ থোক্লকখি৷ জোইন্ত-ইনকুবেসন অমসুং জোইন্ত-ফাইনান্সিংগী খুৎথাংদা ঐখোয়না লৈবাক অনিমক্তা স্তার্ত-অপশিংবু পুক্নিং থৌগৎপা য়াই৷ মতৌ অসিগুম্না, ঐখোয়গী প্রজাগী স্কিল হৈবা হেনগৎহন্নবগীদমক, ঐখোয়না মোদর্ন ইন্সতিত্যুসন্স ওফ এক্সিলেন্সতসু কোলাবোরেৎ তৌবা ঙমগনি৷
মমাংগী থাদা জম্মু অমসুং কাশ্মীরগী লেফতনেল গভরনরগী য়ু.এ.ই. খোংচৎ মাই পাক্না লোইশিনখ্রবা মতুংদা, ইমিরেৎ কম্পেনী কয়া অমনা জম্মু অমসুং কাশ্মীরদা শেল থাদনিংবগী অপাম্বা উৎলকখ্রে৷ জম্মু অমসুং কাশ্মীরদা হোস্পিতেলিতী, লোজিস্তিকশিং অমসুং হেল্থকেয়র য়াওনা সেক্তর পুম্নমক্তা য়ু.এ.ই.না শেল থাদগদৌরিবা অদু ঐখোয়না তরাম্না ওক্লি৷ অদুগা অদোমগী কম্পেনীশিংদা খুদোংচাবা মখল পুম্নমক ফংহনগনি৷
য়োর হায়নেস,
মথংগী চহিদা, ভারতনা জি-২০ মীফম, অমদি য়ু.এ.ই., সি.ও.পি.-২৮ শিল্লগনি৷ ক্লাইমেতকী ইসু অসি মালেমগী ওইবা থাক্তা য়াম্না মরু ওইবা হেনগৎলক্লি৷ এজেন্দা অসি মমাই চুম্বদা ঐখোয়না কোওপরেসন পীনরিবা অসি হেনগৎহনবা ঙমগনি৷ ৱাখল মান্নবা পার্তনরশিংগা থবক তৌমিন্নবদা লৈবাক অনিমক্কী পোজিতিব ওইবা ৱাখল অমসু লৈজে৷ "ভারত-য়ু.এ.ই.-ইজরেল-য়ু.এশ.এ.", গ্রুপ অসিনা ঐখোয়গী কল্লেক্তিব ওইবা পান্দমশিং মরু ওইনা তেক্নোলোজী, ইন্নোবেসন অমসুং ফাইনান্সকী হিরমশিংদা থম্লিবা পান্দমশিং অসি হেন্না খুমাং চাওশিলহল্লগনি হায়না ঐনা থাজৈ৷
য়োর হায়নেস,
অসিগুম্না ভর্চুএল মীফম অসি মাই-পাক্না শিনবিবগীদমক অদোমবু ঐগী থামোইদগী অমুক্কা হন্না থাগৎপা ফোংদোকচরি৷
দিসক্লেমর: মসি প্রধান মন্ত্রীগী ৱারোল অদুগী মরিক চুম্বা ৱাহন্থোক্নি৷ অশেংবা ৱারোল অদু হিন্দিদা পীখি৷
