এক্সিলেন্সী, ঐহাক্কী মরূপ রাস্ত্রপতি ইব্রাহিম সোলিহ,
ঐখোয়গী শক্নাইরবা মালদীবকী মরূপশিং,
মপাংশিং,
খুরুমজরি।
রাস্ত্রপতি সোলিহ, অদোমগা থবক তৌমিন্নবা অসি মতম পুম্নমক্তা অপেনবা অমা ওইরি। অদোম অমসুং মালদীব অসি মতম পুম্নমক্তা ঐখোয়গী থম্মোই অমসুং ৱাখলনুংদা লৈরি।
নুমীৎ খরগী মমাংদা পাংথোকখিবা অদোমগী ওফিস পায়রকপগী চহী অমা ফারকপগী থৌরম অদুগীদমক ঐহাক্না নুঙাইবা ফোংদোকচরি। মসি মালদীবকী লোকতন্ত্র অমসুং চাউখৎ থৌরাংগীদমক পুৱারী ওইরবা চহী অমা ওইরি। মসিনা ভারত-মালদীবকী মরীদসু শিংথানিঙাই ওইরবা চহী অমা ওইরি।
ঐহাক্কী সরকারগী “নাইবরহুদ ফার্সত” অমসুং অদোমগী সরকারগী “ইন্দয়া ফার্সত” পোলিসীশিংনা সেক্তর পুম্নমক্তা ঐখোয়গী নাকল অনিগী তেংবাং পীনবা হেঙ্গৎহল্লে। ঐখোয়গী ৱারেপশিং থবক ওইনা পাংথোকপনা মালদীবকী ইকোনোমী, ইনফ্রাস্ত্রকচর অমসুং কেপাসিতী বিলদিং হেঙ্গৎহল্লে।
“মেদ ইন ইন্দিয়া” ফাস্ত ইন্তরসেপ্তর ক্রাফ অমা ঙসি ওফিসিয়েল ওইনা অদোমগী কোস্ত গার্দকী মফমদা খুৎশিন্নখ্রে। মসিগী এদভান্স ভেসেল অসি ঐহাক্কী পোক্নফম রাজ্য গুজরাত্তা L&Tনা শেম শাখিবনি। মসিনা মালদীবকী মেরিতাইম সেক্যুরিতী হেঙ্গৎহনবদা মতেং ওইরগনি অমসুং অদোমগী ব্লু ইকোনোমী অমসুং তুরিজম প্রমোৎ তৌরগনি। পেত্রোল ভেসেল অসিগী মমিং “কাময়াব” হায়না থোনবদা ঐহাক নুঙাইবা ফাওই, ধিভেরি অমদি হিন্দী অনিমক্তা মদুগী অর্থদি “মায় পাকপা” হায়বনি।
এক্সিলেন্সী,
অদ্দুগী চাউখৎ থৌরাংগীদমক অদোমগী সরকারগী মরুওইবা অদু ঐহাক নিংশিংলি। ইথৎশিংদা লৈরিবা মীয়ামগী পুন্সী মহিংদা মতেং পাংনবগীদমক হাই ইম্পেক্ত কম্যুনিতী দিবেলপমেন্ত প্রোজেক্তশিংগী খুত্থাংদা পুন্না থবক তৌমিন্নবদা ভারতনা নুঙাইবা ফাওই।
মরূপশিং,
ঐখোয়গী লৈবাকশিংগী মরক্তা লৈরিবা অচেৎপা মরীশিংগী মরুওইবা মরম অমদি ঐখোয়গী প্রজাশিংগী মরক্তা লৈনরিবা মরী অদুনি। মালদীবতা ভারতকী লমকোইবা শরুক অনি হেন্না হেঙ্গৎলে। ভারতনা ৫শুবা থাক্তগী ২শুবা থাক্তা হেঙ্গৎলে। চয়োল অসিদা, দিল্লী, মুম্বাই অমসুং বেঙ্গলুরুদগী দাইরেক্ত ফ্লাইত অহুমসু হৌখ্রে।
ভারত মচাশিংনা মালদীবতা কোইবা চৎপদা রুপে পেমেন্ত মেকানিজম্না মখা তানা হেন্না লাইথোকহল্লগনি। মসি বেঙ্ক ওফ মালদীবকী খুত্থাংদা হৌদোকখিবদা ঐহাক নুঙাইবা ফাওই।
এক্সিলেন্সী,
ঙসি ঐখোয়না মালেগী প্রজাশিংদা এল.ই.দি. স্ত্রিৎ লাইতিংসু কৎথোক্লে। মসিগী এনভাইরনমেন্ত ফ্রেন্দলী ওইবা লাইৎশিং অসিগী কান্নবা অসি মখোয়গী মফমদা পুরকপদা ভারতনা নুঙাইবা ফাওই। মখোয়না চাদা ৮০ কনবসু ঙম্লগনি।
এক্সিলেন্সী, হুলহুলমালেদা কেন্সর হোস্পিতাল অমসুং ক্রিকেৎ স্তেদিয়ম অমা শাবদসু ঐখোয়না থবক তৌরি।
ইথৎ ৩৪দা ঈশিং অমসুং সেনিতেসন প্রোজেক্তশিংদা থবক তৌরি অমদি অদ্দুদা লম্বী-থোংশিং অমসুং রিক্লেমেসনগী থবক অথুবা মতমদা হৌরগনি হায়না ইফমদা খংহনবিরে।
লাক্কদৌরিবা চহীশিংদা, ভারতকী তেংবাং মখাদা পায়খৎপা প্রোজেক্তশিংনা মালদীবকী প্রজাশিংদা হেন্না কান্নবা ফংহল্লগনি।
অচেৎপা মরূপ অমসুং মেরিতাইমগী য়ুমলোন্নবা অমা ওইবনা, মালদীবকী গনতন্ত্র অমসুং চাউখৎ থৌরাংগীদমক মখা তানা থবক তৌমিন্নখিগনি হায়না ভারতনা অচেৎপা ৱাফম থম্লি। ভারত মহাসাগর লমদমদা শান্তি অমসুং ম্যুচেল সেক্যুরিতীগীদমক ঐখোয়গী তেংবাং পীনবসু ঐখোয়না হেঙ্গৎহনগনি।
এক্সিলেন্সী,
দিল্লীদা অদোমগা উন্ননবা ঐহাক্না মীৎয়েং থম্লি। শান্তি অমসুং চাউখৎপা পুরকপা ওইরসনু হায়না ঐহাক্না মালদীবকী মরূপ প্রজাশিংদা য়াইফ পাউজেল পীজরি।
হন্না হন্না থাগৎচরি।
