প্রধান মন্ত্রী, শ্রী নরেন্দ্র মোদীনা ঙসি কর্নাতকাগী বেলগাবীদা লুপা করোর ২,৭০০ হেনবগী তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তমখ্রে অমসুং শঙ্গাখ্রে। মহাক্না লুপা করোর ১৬,০০০রোম ওইবা পি.এম. কিসানগী মখাদা ১৩শুবা ইন্সতোলমেন্ত থাদোকখ্রে। প্রধান মন্ত্রীনা নৌনা শেমগৎলবা বেলগাবী রেলৱে স্তেসন বিল্দিং জাতিদা কত্থোকখ্রে। মহাক্না জল জীবন মিসনগী মখাদা মলতি-ভিলেজ স্কিম প্রোজেক্ত তরুক্কী উরেপ-উয়ুং তমখ্রে।
থৌরম অদুদা ৱা ঙাংলদুনা প্রধান মন্ত্রীনা হায় বেলগাবীগী লম্বা লৈত্রবা মীনুংশিং অমসুং থৌজালশিংনা মীয়ামগী য়াইফনবা থবক তৌনবা অমসুং শক্তিগী হৌরকফম ওইনবা সরকারবু ইথিল পীরি। মসি ঙসি ফাওবা লোইলম লৈঙাক্কী মায়োক্তা খোলাউ লাউখিবগীদমক নীংশিংনরিবা কিত্তুরগী মহারানি চেন্নমা অমসুং য়াওল্লোই ক্রান্তিবীর সঙ্গোল্লী রায়ন্নাগী লমদমনি হায়রদুনা প্রধান মন্ত্রী হায়, “বেলগাবীদা লাকপা অসি লাইফমলেন অমদা লাকপগা পাংখক ওই”।
মন্ত্রীনা বেলগাবীনা শরুক তমখিবশিং অদু পল্লদুনা হায় মদুদি মসিনা ঙসিগী লান্থেং অমদি ভারত নৌনা হীংগৎহন্নবা হোৎনবদা মফম অমা কল্লি। কর্নাতকাগী স্তার্তঅপ কলচরগা চাংদম্নরদুনা প্রধান মন্ত্রীনা হায় বেলগাবী অসি চহি চা কয়াগী মমাংদগী স্তার্তঅপশিংগী মফম ওইদুনা লাকী অমসুং বাবুরাও পুসল্করনা য়ুনিৎ অমা লিংখৎপনা বেলগাবীবু তোঙান-তোঙানাবা ইন্দস্ত্রীশিংগী বেস ওইহনখিবা অদু খুদম ওইনা পীখি। প্রধান মন্ত্রীনা হায় দবল ইঞ্জিন সরকারনা হৌজিক মতম অসিদা বেলগাবীগী থৌদাং অসি হেন্না মপাঙ্গল কনখৎহনবা পাম্মি।
ঙসি উরেপ-উয়ুং তমখিবা অমসুং শঙ্গাখিবা প্রোজেক্তশিংগী মতাংদা পল্লদুনা প্রধান মন্ত্রীনা হায় মসিনা বেলগাবীদা অনৌবা শক্তি অমদি খোঙজেল হাপ্লগনি। মহাক্না লমদম অসিগী প্রজাশিংবু কন্নেক্তিবিতী অমসুং ঈশিংগী ফেসিলিতীশিংগা মরী লৈনবা লুপা করোর কয়াগী প্রোজেক্তশিংগীদমক নুংঙাইবা ফোঙদোকচরি। বেলগাবীগী খুত্থাংদা লৈবাক অসিগী লৌমী খুদিংমক্না অখন্নবা খুদোল অমা ফংলি, মসিদা পি.এম. কিদানদগী ফন্দশিংগী তৌবা ত্রাঞ্চে অমা থাদোকখি। প্রধান মন্ত্রীনা হায়, “বত্তন অমা নম্বা খক্তনা লৈবাক্কী লৌমী করোর কয়াগী বেঙ্ক একাউন্তশিংদা লুপা করোর ১৬,০০০ ত্রান্সফর তৌখি। মহাক্না হায় মিদলমেন য়াওদনা অচৌবা শেনফম ত্রান্সফর তৌবা অসিনা মালেম শিনবা থুংবদগী মীয়ামগী মীৎয়েং চীংশিনখি। কোংগ্রেসকী মতমগা চাংদম্নরদুনা প্রধান মন্ত্রীনা মতম অদুগী প্রধান মন্ত্রীনা লুপা ১ ত্রান্সফর তৌবদা লায়রবশিংদা পৈশা ১৫ খক্তা য়ৌই হায়রম্বা ৱাফম অদু নীংশিংইখি। প্রধান মন্ত্রীনা অকনবা ৱাফমগা লোয়ননা হায়খি “অদুবু মসিদি মোদীগী সরকারনি”, “শেল খুদিংমক নখোয়গীনি অমসুং মসি নখোয়গীদমক্তনি”। প্রধান মন্ত্রূনা ভারতকী লৌমী পুম্নমক্তা য়াইফরবা য়াওশঙগী য়াইফ পাউজেল পীরদুনা হায় মদুদি মখোয়না য়াওশঙগী মাংওইননা অখন্নবা খুদোল অমা ফংলি।
প্রধান মন্ত্রীনা হায় ঙসিগী হোংলক্লিবা ভারতনা শোত্থরবশিংদা মরু ওইবা মীৎয়েং চংবগা লোয়ননা চাউখৎ-থৌরাংগী প্রোজেক্তশিংদা অমগী মথং অমা লোইশিনবা ঙম্লি অমসুং অপীকপা লৌমীশিংদা হৌজিক পালিবা সরকারনা মরু ওইবা মীৎয়েং চংলি হায়না ফোঙদোকখি। মহাক্না হায় হৌজিক ফাওবদা পি.এম. কিসান সম্মান নিধিগী খুত্থাংদা অপীকপা লৌমীশিংগী একাউন্তশিংদা লপা করোর লাখ ২.৫ দিপোজিৎ তৌখ্রে মসিগী মনুংদা নুপী লৌমীশিংগী একাউন্তশিংদা লুপা করোর লিশিং ৫০ হেন্না দিপোজিৎ তৌখি। প্রধান মন্ত্রীনা হায় শেনফম অসিনা লৌমীশিংগী অপীকপা অদুবু মরু ওইবা তঙাই ফদবশিং থুংহল্লি।
প্রধান মন্ত্রীনা নৌহৌনা ফোঙদোকখি মদুদি লৈবাক্কী লৌউ-শিংউগী বজেৎ অসি ২০১৪গী মমাংদা করোর ২৫,০০০ ওইরম্বা অদু হৌজিক ১,২৫,০০০দা হেনগৎহন্দুনা শরুক মঙা হেনগৎহনখি। মহাক্না হায় মদুদি মসি লৈবাক্কী লৌমীশিংবু শৌগৎলিবা বি.জে.পি. সরকারগী ফিরেপ অদুগ খুদমনি। প্রধান মন্ত্রীনা তেক্নোলোজী শীজিন্নবনা লৌমীশিংদা হকথেংননা কান্নবা পীরি হায়খি অমদু জন ধন বেঙ্ক একাউন্তশিং, মোবাইল কন্নেক্সনশিং অমসুং আধারবু খুদম ওইনা পীখি। মহাক্না হায় সরকার অসিনা লৌমীশিংনা মথৌ তারকপদা বেঙ্কশিংদগী তেংবাং ফংহন্নবা পান্দমগা লোয়ননা লৌমীশিংবু কিসান ক্রেদিৎ কার্দশিংগা কন্নেক্ত তৌরি।
প্রধান মন্ত্রীনা চহি অসিগী বজেৎনা লৌউ-শিংউগী তুংলমচৎকী মথৌ তাবশিং অদু হৌজিক্কী লৈরিবা সমস্যাশিং অসিগা লোয়ননা কোকহনগনি হায়না অকনবা ৱাফম থমখি। মহাক্না হায় ঙসিগী মথৌ তাবা অসি স্তোরেজ অমদি ফার্মিং, অপীকপা লৌমীশিং ওর্গানাইজ তৌবগী শেনফম হন্থহনবা অসিনা ওইরি। মরম অসিনা বজেৎ অসিনা স্তোরেজ ফেসিলিতীশিংদা অমসুং কোওপরেতিবশিংদা মীৎয়েং চংখি। মতৌ অসুম্না মহৌশাগী লৌউ পথানা লৌমীশিংগী অচংবা শেনফম হন্থহনগনি। মহাক্না হায় পিএম. প্রনামস স্কিমগুম্বা খোঙথাংশিংনা হারশিংদা তৌবা চাদিং হন্থহনগনি।
প্রধান মন্ত্রীনা হায় “সরকারনা তুংলমচৎকী শীংনবশিং খঙদোকপগা লোয়ননা ভারতকী এগ্রিকলচরেল সেক্তর মপাঙ্গল কনখৎহনবদা মীৎয়েং চংখি”। ক্লাইমেৎ চেঞ্জকী শীংনবশিংগী মতাংদা পল্লদুনা প্রধান মন্ত্রীনা কোর্স গ্রেন নত্ত্রগা মিল্লেৎশিংগী মহৌশাদগী লৈজরক্লবা শক্তি অসি হীংগৎহন্নবা ৱাফম থমখি অমসুং মহৈ-মরোং অসি ক্লাইমেৎ অমা হেক্তা খাংবা ঙম্বগী মতিক ময়াই চেল্লি হায়খি। চহি অসিগী বজেৎকী মতাংদা পল্লদুনা প্রধান মন্ত্রীনা কোর্স গ্রেনশিং অসি শ্রী অন্ন হায়না অনৌবা মীথোল অমা পীখি। মহাক্না হায় কর্নাতকা অসি শ্রী অন্নবু শ্রী ধন্যা হায়না খঙনবা মিল্লেৎশিংগী মেন সেন্তর ওইরি অমসুং লমদম অসিগী লৌমীশিংনা শ্রী অন্নগী তোঙান-তোঙানবা মখলশিং থারি। প্রধান মন্ত্রীনা মতম অমদা শ্রী অন্ন থৌগৎনবা বি.এস. য়েদ্দয়ুরপ্পা সরকারনা চত্থখিবা মরু ওইবা কেম্পেন অদু নীংশিংলদুনা হায় ঐখোয়না মসি হৌজিক মালেমদা খঙহনবা তাই। শ্রী অন্নগী কান্নবশিংগী মতাংদা পল্লদুনা প্রধান মন্ত্রীনা হায় মসিদা শেবা লোয়ননা ঈশিং য়াম্না চংদবগা লোয়ননা লৌমীশিংদা শরুক অনি কান্নবা ফংহল্লি।
কর্নাতকা অসি মরু ওইবা চু পুথোকপা রাজ্য অমা ওইবনা চু থারিবা লৌমীশিংগী মথৌ তাবশিংগী মতাংদা শাংনা ঙাংখি। মহাক্না হায় চহি অসিগী বজেৎকী প্রোবিজন্না ২০১৬-১৭কী মমাংদা পীফম থোকপা শেনফমগী কোওপরেতিব সুগরকেন পেমেন্তগী তেক্স রিবেৎ তৌবাঅসিনা লুপা করোর লিশিং ১০রোম সু্র কোওপরেতিবতা কান্নবা পীরগনি। ইথানোল ব্লেন্দিংদা সরকারনা শাহৌ পীরিবা অসিগী মতাংদা পল্লদুনা প্রধান মন্ত্রীনা হায় ইথানোল পুথোকপনা চু থারিবা লৌমীশিংগী ইনকম হেনগৎহনবদা মতেং পাংগনি। মহাক্না হায় হৌখিবা চহি ৯দা পেত্রোলদা ইথানোল ব্লেন্দিং তৌবা চাদা ১.৫দগী চাদা ১০দা হেনগৎহনখি অমসুং সরকারনা পেত্রোলদা ইথানোল ব্লেন্দিং চাদা ২০ তৌনবা পান্দম থম্লি।
প্রধান মন্ত্রীনা হায়, লৌউ-শিংউ, ইন্দস্ত্রী, তুরিজম অমসুং এজুকেসন অসি অফবা কন্নেক্তিবিতী খক্তনা শক্তি পীখি। মহাক্না হায় ২০১৪গী চহি মঙাগী মমাংদা কর্নাতকাগী রেলৱেজকী অপুনবা বজেৎ অসি লুপা করোর ৪,০০০ ওইরমখিবা অদু চহি অসিদা কর্নাতকাগী রেলৱেজকীদমক লুপা করোর ৭,৫০০ এল্লোকেৎ তৌখি। মহাক্না হায় ঙসি লুপা করোর লিশিং ৪৫রোমগী রেলৱেজ প্রোজেক্তশিংদা কর্নাতকাদা থবক পাইখৎপা হৌরি। মহাক্না বেলগাবীদা নৌনা শঙ্গাখিবা মতমগা চুনবা রেলে স্তেসনগী মতাংদা পল্লদুনা হায় মদুদি মসিগী ফেসিলিতীশিং অসিনা শাহৌ লৈহনবা খক্তা নত্তনা রেলৱেজতা থাজবা থম্বসু হেনগৎহল্লি। মহাক্না হায়, “কর্নাতকাগী স্তেসন কয়া অসিগুম্বা মতমগা চুনবা শক্তম অসি পীনবা থবক পাইখৎলি”। প্রধান মন্ত্রীনা হায় লোন্দা-ঘাতপ্রভা লাইন দবলিং তৌবনা খোঙচৎ অসি খোঙজেল য়াংখৎহল্লগনি অমসুং শাফহল্লগনি। বেলগাবী অসি এজুকেসন, তুরিজম অমসুং হেল্থকিয়রগী মরু ওইবা হব অমনি হায়দুনা প্রধান মন্ত্রীনা রেলৱে কন্নেক্তিবিতী ফগৎহনবনা সেক্তরশিং অসিদা শাহৌ পীরগনি হায়না ফোঙদোকখি।
প্রধান মন্ত্রীনা হায়, “দবল-ইঞ্জিন সরকারনা খোঙজেল য়াংনা চাউখৎনবা গরেন্তী অমা ওইরি”। জল জিবন মিসন অসি খুদম ওইনা পীরদুনা প্রধান মন্ত্রীনা হায় কর্নাতকাগী খুঙ্গংশিংদা লৈবা য়ুমথোং চাদা ২৫ খক্তবু ২০১৯গী মমাংদা তোতি ঈশিংগী কন্নেক্সন ফংলমখি অমরোমদা মসিগী কবরেজ অসি ঙসি চাদা ৬০দা হেনগৎহনগৎখ্রে। বেলগাবীদসু য়ুম লাখ ২দগী তানা তোতি ঈশিং ফংলমখি অদুবু মশিং অসি ঙসিদা লাখ ৪.৫ হেল্লে। মহাক্না হায় মসিগীদমক বজেৎ অসিদা লুপা করোর ৬০,০০০ এল্লোকেৎ তৌখি।
প্রধান মন্ত্রীনা হায়, “সরকার অসিনা মমাংগী সরকারনা নাথৈদুনা থম্বীরমখিবা খুন্নাইগী অপীকপা কাংলুপ খুদিংমক শক্তি পীনবা থবক তৌরি”। বালগাবী অসি আর্তিসেনশিং অমসুং হেন্দিক্রাফশিং খুদম ওইনা বেনুগ্রাম হায়বদি বেম্বু ভিলেজকীদমক খঙনবা সহর অমনি হায়না ফোঙদোক্লদুনা প্রধান মন্ত্রীনা মমাংগী সরকারনা মতম শাংনা ৱা য়ানবদা করম্না অথীংবা থমলমখিবগে হায়বা নীংশিংখি অদুবু হৌজিক পাল্লিবা সরকার অসিনা আইন অসি শেমদোকখি অমসুং ৱা থাবা অমসুং ললোনবা য়ানবা লম্বী শেমখি। মহাক্না চহি অসিগ বজেৎতা আর্তিসেন অমদি হেন্দক্রাফকী মীওইশিং সপ্পোর্ত তৌনবা অহানবা ওইনা পি.এম. বিশ্বাকর্মা য়োজনা হৌদোকখিবা অদুগী মতাংদা পনখি।
প্রধান মন্ত্রীনা কর্নাতকাগী লুচিংবশিংবু ইকাই খুম্নদবা অসি চৎনবী অমা ওইরকখিবা কোংগ্রেস সরকারনা কর্নাতকাবু তাথিনা তৌখিবা অদু ফোঙদোকখি। প্রধান মন্ত্রীনা হায়, “পুৱারীনা এস নিজালিঙ্গপ্পা অমসুং বিরেন্দ্র পতিলজীগুম্বা লুচিংবশিংবু করম্না কোংগ্রেসকী ইমুংনা ইকাইপা পীখিবগে হায়বগী খুদম ওইরি”। মল্লিকর্জুন খরগেজীবু মহাক্না পামজবা অমসুং ইকাই খুম্নবা অমদি মহাক্না পব্লিক সর্ভিসকীদমক কত্থোকখিবা অদুগী মতাংদা পল্লদুনা প্রধান মন্ত্রনা হায় খ্বাইদগী মকোক থোংবা মেম্বর অমবু ছত্তিসগরদা কোংগ্রেসকী থৌরম অমা পাঙথোকপদা শারবা নুংশা মরক্তা ছতিন অমা ফাওবা পীনি খঙখিদবা অদুবু নুংঙাইতবা ফোঙদোকখি। প্রধান মন্ত্রীনা হায় “খরগেজী অসি কোংগ্রেসকী প্রসিদেন্তনি অদুবু মহাকপু লোইনবীরিবা মওং অসিনা রিমোৎ কন্ত্রোল কনানা পাইবগে হায়বা অসি মালেম পুম্বনা খঙই”। শ্রী মোদীনা হায় লৈবাক অসিগী রাজনিতীগী দল কয়া ‘পরিবারবদ’ (নেপোতিজম)না শোকহনখি অমসুং মখোয়গী খয়াৎতগী লৈবাক অসিবু কনবা তঙাই ফদে হায়না অকনবা ৱাফম থমখি। মহাক্না কর্নাতকাগী মীয়ামদা কোংগ্রেসগুম্বা দলশিংদগী চেকশিন্নবা চেকশিনৱা থমখি।
ৱারোল পীবা লোইশিল্লদুনা প্রধান মন্ত্রীনা হায়, “থমোয় শেংনা হোৎনরবা মতমদা চাউখৎ-থৌরাংগী তশেংবা থবক পাইখৎপা ঙম্মি”। দবল-ইঞ্জিন সরকারনা চাউখৎ-থৌরাংগীদমক তশেংবা অপাম্বা অমসুং মাগী ফিরেপ অসিগী মতাংদা পল্লদুনা প্রধান মন্ত্রীনা লোইশিনবদা হায়, “কর্নাতকা অমসুং লৈবাক অসিগী চাউখৎ থৌরাং খোঙজেল য়াংখৎহন্নবা সবকা প্রয়াসকা লোয়ননা মাংদা চংশিনবা তাই”।
থৌরম অসিদা কর্নাতকাগী মুখ্য মন্ত্রী, শ্রী বসাবরাজ বোম্মৈ, লৌউ-শিংউ অমসুং লৌউমীশিংগী য়াইফ-থৌরাংগী কেন্দ্র মন্ত্রী, শ্রী নরেন্দ্র সিংহ তোমর, পার্লিয়ামেন্তরী এফিয়র্সকী কেন্দ্র মন্ত্রী, শ্রী প্রলহাদ জোশী, লৌউ-শিংউ অমসুং লৌউমীশিংগী য়াইফ-থৌরাংগী কেন্দ্রগী রাজ্য মন্ত্রী, কুমারী সোভা করন্দলাজে অমসুং কর্নাতকা সরকারগী মন্ত্রীশিংনা শরুক য়াখি।
বেকগ্রাউন্দ
লৌমীশিংগী য়াইফনবগীদমক প্রধান মন্ত্রীনা লেপ্লিবা ফিরেপকী অতোপ্পা খুদম অমা উৎনবগী খোঙথাঙ অমা ওইনা, প্রধান মন্ত্রী কিসান সম্মান নিধি (পি.এম.-কিসান)গী মখাদা ১৩শুবা ইন্সতোলমেন্তকী লুপা করোর ১৬,০০০লোমগী শেনফম, বিনিফিসরী করোর ৮ হেনবদা দাইরেক্ত বেনিফিৎ ত্রান্সফরগী খুত্থাংদা থাদোকখ্রে। স্কিম অসিগী মখাদা ইলিজিবল ওইবা লৌমীশিংদা চহিদা লুপা ৬০০০কী শেনফম লুপা ২০০০গী মান্নবা ইন্সতোলমেন্ত অহুম থোক্না পীরি।
থৌরম অসিদা, প্রধান মন্ত্রীনা নৌনা শেমগৎলবা বেলগাবী রেলৱে স্তেসন লৈবাক্কী মফমদা কত্থোকখ্রে। রেলৱে স্তেসন অসি পেসেঞ্জরশিংদা মালেমগী থাক্কী খুদোংচাবশিং ফংহন্নবগীদমক লুপা করোর ১৯০রোম চঙনা নৌনা শেমগৎপনি। প্রধান মন্ত্রীনা লৈবাক্কী মফমদা কত্থোক্কদবা অতোপ্পা রেলৱে প্রোজেক্ত অমদি বেলাগবিদা লৈরিবা লোন্দা-বেলগাবী-ঘদপ্রভা সেক্সনগী মরক্তা পায়খৎপা রেল লাইন দব্লিং প্রোজেক্তনি। লুপা করোর ৯৩০ রোম চঙনা শেমগৎলিবা প্রোজেক্ত অসিনা য়াম্না চিনবা মুম্বাই – পুনে – হুব্বলী – বেঙ্গলুরু রেলৱে লাইনগী কেপাসিতী হেনগৎহন্দুনা, লমদম অসোমদা ত্রেদ, কম্মর্স অমদি শেন্মিৎলোনগী থবক থৌওংশিং য়োকখৎকনি।
প্রধান মন্ত্রীনা বেলগাবীদা জল জীবন মিসনগী মখাদা লুপা করোর ১৫৮৫রোম চঙনা শেমগৎকদৌরিবা অমদি খুঙ্গং ৩১৫দা মীওই লাখ ৮.৮ হেনবদা কান্নবা পীগদবা মল্তি ভিলেজ স্কিম প্রোজেক্ত তরুক্কী উরেপ উয়ুংসু তমখ্রে।
Belagavi is the land of several greats who inspire us even today. pic.twitter.com/oaGDJr4xxg
— PMO India (@PMOIndia) February 27, 2023
Another instalment of PM-KISAN has been transferred today. The amount has been directly transferred to the bank accounts of the beneficiaries. pic.twitter.com/huKCgw9BLh
— PMO India (@PMOIndia) February 27, 2023
Our government is giving priority to the deprived. pic.twitter.com/UeA4cFQydJ
— PMO India (@PMOIndia) February 27, 2023
हमारा मोटा अनाज हर मौसम, हर परिस्थिति को झेलने में सक्षम है और ये अधिक पोषक भी होता है।
— PMO India (@PMOIndia) February 27, 2023
इसलिए इस वर्ष के बजट में हमने मोटे अनाज को श्री-अन्न के रूप में नई पहचान दी है। pic.twitter.com/C8divhO6wr
