প্রধান মন্ত্রী শ্রী নরেন্দ্র মোদীগী ইন্সত্রক্সনদা প্রধান মন্ত্রীগী প্রিন্সিপাল সেক্রেতরী দা. পি.কে. মিশ্রানা চাইনাদা খঙহৌদনা হৌরক্লিবা কোরোনা ভাইরসতা পাংথোকপা অৱাংবা থাক্কী মীফমদা সভাপতি ওইখি।
মীফম অদুগী মনুংদা ওফিসিয়েলশিংনা কোরোনা ভাইরসকী শন্দোরকপগী মরী লৈননা লৌখৎলিবা অনৌবা খোংথাংশিং, মসিবু থেংননবা থৌরাংশিং অমসুং উপায়শিংগী মতাংদা প্রিন্সিপাল সেক্রেতরীদা পাউদমখি।
হেল্থ অমসুং ফেমিলী ৱেলফেয়ার মন্ত্রালয়না হোস্পিতালদা থৌরাং তৌরিবা, লেবোরেতরীদা থৌরাং তৌরিবা, রেপিদ রেস্পোন্স তিমশিংগী কেপাসিতী বিলদিংগীদমক লৌখৎলিবা খোংথাং অমসুং মন্ত্রালয়না লৌখৎলিবা এক্সতেন্সিব সর্ভিলেন্স এক্তিবিতীশিংগী মতাংদা পাউদমখি।
প্রিন্সিপাল সেক্রেতরীনা সিভিল এভিয়েসনগী মন্ত্রালয়গুম্বা অতোপ্পা মন্ত্রালয়শিংনা লৌখৎলিবা প্রিবেন্তিব থোংথাংশিংসু য়েংশিনখি।
ওফিসিয়েলশিংনা প্রিন্সিপাল সেক্রেতরীদা থাজবা পখি মদুদি হেল্থ অমসুং ফেমিলী ৱেলফেয়ার মন্ত্রালয়না তোঙান তোঙানবা মন্ত্রালয়শিং অমসুং রাজ্য সরকারশিং অমদি য়ুনিয়ন তেরিতোরীশিংগা লোয়ননা খুৎশম্নদুনা ফিভম অসি চেকশিন্না য়েংশিল্লি।
হৌজিক ফাওবদা ইন্তরনেস্নেল এয়ারপোর্ত ৭তা ফ্লাইত ১১৫দা তোংদুনা লাকপা মীওই ২০,০০০ স্ক্রিনিং তৌখ্রে। লৈবাক্কী মফম কয়াদা লৈরিবা নেস্নেল ইন্সতিত্যুত ওফ ভাইরোলোজী লেবোরেতরীশিং ভাইরস অসি তেস্ত তৌনবা মপুং ফানা থৌরাং তৌরে। রাজ্য অমসুং দিস্ত্রিক্ত হেল্থ ওথোরিতী পুম্নমক মীৎশিং নাশিংনা লৈহনখ্রে।
মীফম অদুদা কেবিনেত সেক্রেতরী শ্রী রজিব গৌবা, সেক্রেতরী হোম এফিয়ার্স শ্রী অজয় কুমার ভাল্লা, সেক্রেতরী এক্সতরনেল এফিয়ার্স শ্রী বিজয় গোকলে, সেক্রেতরী দিফেন্স শ্রী অজয় কুমার, সেক্রেতরী হেল্থ এন্দ ফেমিলী ৱেলফেয়ার শ্রীমতী প্রীতি সুদন, সেক্রেতরী সিভিল এভিয়েসন শ্রী প্রদীপ সিংহ খারোলা অমসুং অতোপ্পা মকোকথোংবা ওফিসিয়েল কয়ানা শরুক য়াখি।
