প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা জনুৱারী ১৬, ২০২১গী অয়ুক পুং ১০.৩০ তাবা মতমদা কোবিদ-১৯ বেক্সিনেসন দ্রাইবকী পান ইন্দিয়া রোলাউৎ হৌদোক্কনি। মসি লৈবাক অসিগী শরুক পুম্নমক থুংনবা কোনশিল্লিবা মালেমগী খ্বাইদগী চাউবা বেক্সিনেসন প্রোগ্রাম ওইরগনি। হৌদোক্লিঙৈ মনুংদা ভর্চ্যুএল ওইনা রাজ্য অমসুং য়ু.তি. পুম্নমক্তা লৈবা পুন্না সাইৎ ৩০০০গা কন্নেক তৌগনি। হৌদোকপগী নুমিৎতা সাইৎ অমমমদা বেনিফিসরী ১০০রোম হিদাক কাপকনি।
বেক্সিনেসন প্রোগ্রাম অসি মরু ওইবা মীওই কাংলুপ হান্না কাপ্পা হায়বা প্রিন্সিপলদা য়ুম্ফম ওই অমসুং সরকার অমদি লনাই সেক্তরশিংগী আই.সি.দি.এস. ৱার্করশিং য়াওনা হেল্থ কিয়র ৱার্করশিংদা হন্দক্কী তাঙ্কক অসিদা বেক্সিন অসি কাপকনি।
বেক্সিনেসন প্রোগ্রাম অসিদা কো-ৱিন শীজিন্নগনি, মসি কেন্দ্রগী হকশেল অমসুং য়াইফ-য়ুম্বাল মন্ত্রালয়না পুথোকপা ওনলাইন দিজিতেল প্লেৎফোর্ম অমনি মসিনা বেক্সিনগী স্তোকশিংগী রিএল তাইম ইনফোর্মেসন পীবা, থম্বগী তেম্পরেচর খঙহনবা অমসুং কোবিদ-১৯ বেক্সিনগীদমক্তা বেনিফিসরীশিং অমমমতা ত্রেক তৌবা য়াহনগনি। দিজিতেল প্লেৎফোর্ম অসিনা বেক্সিনেসন সেসনশিং পাঙথোক্লিঙৈ মনুংদা থাক পুম্নমক্তা প্রোগ্রাম মেনেজরশিংগী মতেং পাংগনি।
কোবিদ ১৯ লাইচৎ, বেক্সিন রোল আউৎ অমসুং কো-ৱিন সোফৱেয়র হায়রিবশিং অসিগা মরী লৈনবা খঙনিংবশিং কোকহন্নবা দেদিকেতেদ ২৫x৭ কোল সেন্তর – ১০৭৫ - থমখ্রে।
সিবিল এভিএসন মন্ত্রালয়না থৱায় য়াওনা মতেং পাংদুনা লৈবাক অসিগী রাজ্য/য়ু.তি. পুম্নমক্তা কোবিশিল্দ অমসুং কোবাক্সিন অনিমক্কী দোজশিং মরাং কাইনা য়ৌহনখ্রে। হায়রিবা অসি মখা তানা জিলাশিংদা রাজ্য/য়ু.তি. সরকারশিংনা য়ৌহনখ্রে। জন ভাগিদরীগী প্রিন্সিপলদা প্রোগ্রাম অসি হৌনবা শেম-শাবা পুম্নমক লোইখ্রে।
