ভিদিও কনফরেন্সকী খুৎথাংদা ফেব্রুৱারি ১৯,২০২১গী অয়ুক পুং ১১ তাবদা বিশ্ব-ভারতীগী কনভোকেসন্দা প্রধান মন্ত্রী শ্রী নরেন্দ্র মোদী ৱা ঙাংগনি। থৌরম অদুদা নোংচুপ বঙ্গালগী রাজ্যপাল অমসুং বিশ্ব-ভারতীগী রেক্তর, শ্রী জগদিপ ধানখার; য়ুনিয়ন ইজুকেসন মিনিস্তর দোক্তর রমেস পোখ্রিয়াল নিশঙ্ক অমসুং ইজুকেসনগী রাজ্য মন্ত্রী শ্রী সঞ্জয় ধোত্রে শরুক য়াগনি। থৌরম অদুদা মহৈরোয় ২৫৩৫ মখোয়গী দিগ্রিশিং লৌগনি।
বিশ্ব-ভারতীগী মরমদা
১৯২১দা গুরুদেব রবিন্দ্রনাথ তেগোরনা বিশ্ব-ভারতী লিংখৎখি। মসি লৈবাক অসিদা খ্বাইদগী লীরবা সেন্ত্রেল য়ুনিভর্সিতিনি। ১৯৫১গী মে থাদা, বিশ্ব-ভারতী অসি সেন্ত্রেল য়ুনিভর্সিতি অমা ওইনা লাউথোকখি অমসুং সংসদকী এক্ত অমনা “লৈবাক্কী মরুওইবা মহৈলোয়শঙ অমনি” হায়না লাউথোকখি। য়ুনিভর্সিতি অসি মফম কয়াদা লিংখৎলকপা অনৌবা মতমগী য়ুনিভর্সিতিশিংগী মওংদা তপ্ন-তপ্না ওল্লক্লবশু, গুরুদেবনা পুথোক্লম্বা লাইরিক তাকপী-তম্বীবগী মওং য়ুনিভর্সিতি অসিনা ইল্লি। প্রধান মন্ত্রী য়ুনিভর্সিতি অসিগী চান্সেল্লরশু ওইরি।
