প্রধান মন্ত্রী, শ্রী নরেন্দ্র মোদীনা ২০২১গী ফেব্রুৱারী ১৬কী অয়ুক পুং ১১:০০ তাবা মতমদা ভিদিও কনফরেন্সগী খুত্থাংদা মহারাজা সুহেলদেব মেমোরিএল অমসুং চিত্তৌরা পাৎকী চাওখৎ থৌরাং থবক্কী উরেপ উয়ুং তম্লগনি । উত্তর প্রদেশকী বাহরাইচতা পাকথোক্কদৌরিবা থৌরম অসিনা মহারাজা সুহেলদেবু নিংশিংহগল্লি। য়ু.পি.গী মুখ্য মন্ত্রী শ্রী য়োগী অদিত্যানাথসু থৌরম অসিদা শরুক য়াগনি।
মপুং ফাবা প্রোজেক্ত অসিদা মহারাজা সুহেলদেবগী মীতম য়ুংখৎপা অমসুং লমকোইবশিংগী মফমশিং মদুদি কেফেরিয়া, মীথুংশঙ অমসুং অঙাংশিংগী লমপাক য়াওরি।
মহারাজা সুহেলদেবগী কত্থোকপা অমসুং লৈবাকপু নিংজবা অসিনা মীয়ামগী পুক্নিং থৌগৎনিঙাইনি অমসুং মহাক্কী নিংশিং খুদমগী মফম শেমগৎপা অসিনা লৈবাক অসিদা মহারাজা সুহেলদেবগী মথৌনা লৈবা অসি হেন্না মীয়ামদা উৎলি। মসিনা লমকোইবশিংগী পুক্নিং হেন্না চিংশিন্নবা মরম ওইরি।
