প্রধান মন্ত্রী শ্রী নরেন্দ্র মোদীনা চৌরি চৌরাগী চাম্মা শুবা থৌরম উত্তর প্রদেশকী, গোরাখপুরগী, চৌরি চৌরাদা ২০২১গী ফেব্রুৱারীগী অয়ুক পুং ১১ তাবা মতমদা ভিদিও কনফরেন্সকী খুত্থাংদা হৌদোক্কদৌরি। নুমিৎ অসি ‘চৌরি চৌরা’গী থৌদোক, নিংখা তম্বগী লান্থেংদা লৈবাক্কী ওইনা শকখংলবা মফম ওইনা চহি ১০০শুবগী পাংথোক্লি। প্রধান মন্ত্রীনা চৌরি চৌরাগী চহি ১০০শুবা অসিদা কৎতুনা পোস্তেল স্তাম্প অমা থৌরম অসিদা ফোংগনি। উত্তর প্রদেশকী মুখ্য মন্ত্রীশু থৌরম অসিদা শরুক য়াগনি।
চহি চাম্মা শুবগী পাংথোকপা থৌরম অমসুং স্তেত সরকার অসিনা শিল্লিবা মখল কয়াগী থৌরমশিং অসি স্তেত অসিগী দিস্ত্রীক্ত ৭৫দা ২০২১গী ফেব্রুৱারীগী ৪দগী হৌদুনা ২০২২গী ফেব্রুৱারীগী ৪ ফাওবা চৎথগনি।
