প্রধান মন্ত্রী শ্রী নরেন্দ্র মোদীনা সেপ্তেম্বর ২৯, ২০২০গী অয়ুক পুং ১১ তাবদা ভিদিও কন্ফরেন্সকী থোংদা নমামি গঙ্গা মিসনগী মখাদা উত্তরাখন্দদা অচৌবা প্রোজেক্ত তরুক শঙ্গারগনি।
প্রোজেক্তশিং অদুদা য়াওরিবদি এম.এল.দি. এস.তি.পি. ৬৮ অমা শাবা, হরিদ্বারগী জগজীতপুরদা হান্নদগী লৈরবা এম.এল.দি. ২৭ অপগ্রেদ তৌবা অমসুং হরিদ্বারগী সরাইদা এম.এল.দি. এস.তি.পি. ১৮ অমা শাবনি। এম.এল.দি. জগজীতপুর প্রোজেক্ত ৬৮ শঙ্গাখিবা অসিনা হাইব্রিদ এন্যুতীগী পি.পি.পি. মোদতা লৌখৎপা মপুং ফানা লোয়শিনখিবা অহানবা সুএরজ প্রোজেক্ত ওইরি।
রিশিকেশকী লক্কাদঘৎতা এম.এল.দি. এস.তি.পি. ২৬ শঙ্গারগনি।
হরিদ্বার-রিশিকেশ জোন্না গঙ্গা তুরেলদা থাদরিবা অমোৎপা ঈশিং অসি শরুক ৮০% ওইরি। মরম অসিনা মসিগী এস.তি.পি.শিং শঙ্গাবনা গঙ্গা তুরেল নান্না থম্বদা অচৌবা থৌদাং অমা লৌরগনি।
মুনি কি রেতি তাউনগী চন্দ্রেশ্বর নগরদা লৈরিবা এম.এল.দি. এস.তি.পি. ৭.৫ অসিনা লৈবাক অসিগী অহানবা মথোল ৪গী সিৱেজ ত্রীৎমেন্ত প্লান্ত ওইরগনি, মসিদা লম লৈতগী খুদোংচাদবা অসি খুদোংচাবা অমদা ওন্থোক্কনি। এস.তি.পি. অসি এস.ক্যু.এম. ৯০০দগী পীকপা লমদা শাখি মসি এস.তি.পি.শিংগী মথৌশানা মথৌ তাবা লমগী কেপাসিতীগী ৩০% খক্তা ওইরি।
প্রধান মন্ত্রীনা চোর্পনিদা এম.এল.দি. এস.তি.পি. ৫ শঙ্গারগনি অমসুং বদ্রিনাথতা এম.এল.দি ১ অমসুং ০.০১ এম.এল.দি.গী কেপাসিতীওইবা এস.তি.পি. অনিসু শঙ্গারগনি।
গঙ্গা তুরেলগী মনাক্তা লৈবা গঙ্গা তাউন ১৭তগী থোক্লকপা পুলুসন য়েংশিন্নবা উত্তরাখন্দদা হৌজিক পুন্না প্রোজে্ত ৩০ (১০০%) লোয়শিনখ্রে, মসি অচৌবা মাই পাকপা অমনি।
প্রধান মন্ত্রীনা গঙ্গা তুরেলদা য়ুম্কম ওইবা চৎনবী, বাইদাইবর্সিতী অমসুং গঙ্গা তুরেলদা চত্থরিবা শেংদোকপগী থবক থৌরমশিং পুম্নমক অসি উৎনবা অহানবা ম্যুজিয়ম ওইরিবা “গঙ্গা অভালোকন” অসিসু শঙ্গাগনি।ম্যুজিয়ম অসি হরিদ্বারগী চান্দি ঘৎতা লৈ।
থৌরম অসিদা নেস্নেল মিসন ফোর ক্লিন গঙ্গা অমসুং ৱাইল্দলাইফ ইন্সতিত্যুৎ ওফ ইন্দিবাগা পুন্না ফোংমিন্নবা লাইরিক “রোৱিং দাউন তো গঙ্গিস” লোঞ্চ তৌগনি। মচু কয়া য়াওরবা লাইরিক অসি গঙ্গা তুরেলগী বাইওদাইবর্সিতী অমসুং কলচর পুনশিন্নবা খোঙথাং অমনি। মসিনা কনাগুম্বা অমনা গঙ্গাগী হৌরকফম গাউমুখতগী সমুদ্রদা তাদ্রিঙৈগী অরোইবা পোইন্ত গঙ্গা সাগর ফাওবা হী হোন্থবগী ৱারী শাগৎলি।
প্রধান মন্ত্রীনা জল জীবন মিসন অমসুং জল জীবন মিসনগী মখাদা লৈবা ‘গ্রাম পঞ্চায়তশিং অমসুং পানি সম্মিতিগী মর্গদর্শিকা’গী লোগোগী মাইখুম হাংদোক্কনি।
লিঙ্ক অসিদা চংবীয়ু: https://pmevents.ncog.gov.in/
