২০১৯, নবেম্বর ০৩দা অসিয়ান-ইন্দিয়া সমিৎ মমাংদা প্রধান মন্ত্রী নরেন্দ্র মোদীনা ম্যান্মারগী স্তেত কাউন্সিল্লর ওং সান সু চিগা উনখ্রে। ২০১৭কী সেপ্তেম্বরদা মহাক্না ম্যান্মারদা চৎলুবা অমসুং ২০১৮গী জনুৱারীদা অসিয়ান-ইন্দিয়া কম্মেমোরেতিব সমিৎ শরুক য়ানবা স্তেত কাউন্সিল্লরনা ভারত্ত লাক্লম্বা অদু নীংশিংলদুনা লৈবাক অনিগী মরক্তা লৈনবা মরি ফগৎলক্লিবা অসিদা লুচিংবশিংনা অপেনবা ফোংদোকখি।
ভারতকী এক্ত ইস্ত পোলিসীদা ম্যান্মার অসি মরুওইনা লৌরিবা অদু প্রধান মন্ত্রীনা থমখি। লম্বী, হিথাংফমশিং অমসুং অতোপ্পা মচাকশিং শেমগৎতুনা ম্যান্মার ফাওরগা খা-নোংপোক এসিয়া লৈবাকশিংগা শম্ননবা ভারতনা লেপ্তনা হোৎনরিবা অদু মহাক্না পনখি। ভারতনা মখা তানা ম্যান্মারগী পুলিস, মিলিতরী, সিবিল সর্বেন্ত, মহৈরোইশিং অমসুং মীয়াম মতেং পাংগনি। মী চৎথোক-চৎশিন হেনগৎহনবা অমসুং লৈবাক অনিগী মরক্তা নোংথক্কী লম্বী পাকথোক-চাউথোকহনবা অমসুং ২০১৯গী নবেম্বরদা য়াঙ্গুনদা ভারত সরকারনা য়ুম্বু ওইদুনা কম্বোদিয়া, লাউজ, ম্যান্মার অমসুং ভিয়েতনামগী ললোন-ইতিক্কী থৌরম অমা পাংথোকপা লুচিংবশিংনা য়ানখি।
মহাক্কী সরকারগা ভারতকা মরূপ ওইবগী মরুওইবা অদু স্তেত কাউন্সিল্লর দাউ সু চিনা অমুক হন্না থমখি অমসুং ম্যন্মারদা গনতন্ত্র চাউখৎনবা অমসুং ম্যান্মার চাউখৎনবা ভারতনা লেপ্তনা মতেং পাংবগীদমক মহাক্না থাগৎখি।
অপুনবগী মরি ফগৎহনবদা শান্তি লৈবা অমসুং তংদু-লৈতাবা ঙমখৈ অমা লৈহনবা হায়না লুচিংবা অনিনা য়ানখি। ভারত-ম্যান্মার ঙমখৈদা থবক তৌনবা লালহৌলুপশিংগী মফম অমা পীদনবা ম্যান্মারনা মতেং পীনবা প্রধান মন্ত্রীনা তকশিনখি।
হান্না পানখৎলবা য়ুম ২৫০ শানবা ভারতকী প্রোজেক্ত মপুং ফাদুনা চহি অসিগী জুলাইদা ম্যান্মার সরকারদা শীন্নখ্রে। রাখিনেদা ভারতনা অহেনবা মতেংশিং পীনবা থৌরাং তৌরি হায়না প্রধান মন্ত্রীনা ফোংদোকখি। বঙ্গলাদেশতা লৈরিবা লাঞ্জেন্নরকপা মীওইশিং অশোই-অঙাম য়াওহন্দনা মখোয়গী ময়ুম রাখিনে স্তেত্তা হনখিনবা প্রধান মন্ত্রীনা তকশিনখি।
লাক্লিবা চহিদা অৱাংবা থাক্কী মীফমশিং পাংথোক্নবা লুচিংবা অনিনা য়ানখি অমসুং হিরম খুদিংমক্ত মতেং পীনবা অসি লৈবাক অনিমক্কী মরুওইবা অপাম্বনি হায়বা য়ানখি।
When Act East & Neighborhood First converge
— Raveesh Kumar (@MEAIndia) November 3, 2019
PM @narendramodi had a constructive meeting with Myanmar’s State Counsellor Daw Aung San Suu Kyi to enhance cooperation in capacity building, connectivity and people-to-people ties, among other areas. pic.twitter.com/WmlEmmYF4t
