প্রধান মন্ত্রী শ্রী নরেন্দ্র মোদী অমসুং রিপব্লিক ওফ মালদ্বীবকী প্রসিদেন্ত ঐচ.ই. ইব্রাহিম মোহমদ সোলিহগা ঙসি তেলেফোন্দা ৱারী শান্নখ্রে।
প্রসিদেন্ত সোলিহনা প্রধান মন্ত্রী মোদীবু কোবিদ লায়চৎ অসিবু লান্থেংনবদা ভারতনা পীরিবা কোওপরেসন অমসুং মতেং অসিদা থাগৎপা ফোংদোকখ্রে।
লুচিংবা অনিনা মালদ্বীবতা ভারতনা পীরিবা চাওখৎ থৌরাংগী প্রোজেক্তশিং চংশিল্লিবা থবকশিং য়েংশিনখি অমসুং কোবিদকী লায়চৎ মনুং অসিদা অপনবা কয়া অমগী মনুংদা অহেনবা চাওখৎপা পুরকপগীদংক অপেনবা ফোংদোকখি।
মালদ্বীব অসি ‘য়ুম্লোন্নবদা হান্না’ পোলিসী অমসুং সেক্যুরিতী এন্দ গ্রোথ ফোর ওল ইন দ রিজন (এস.এ.জি.এ.আর.)দা মরুওইবা য়ুম্বীনি হায়না প্রধান মন্ত্রীনা পাউদমখি।
ফোরেইন মিনিস্তর অব্দুলা শাহিদনা য়ু.এন. জেনেরেল এসেমব্লীগী প্রসিদেন্ত ওইনা খল্লকপদা প্রধান মন্ত্রীনা ঐচ.ই. প্রসিদেন্ত সোলিহদা হরাওবা ফোংদোকখি।
লুচিংবা অনিগী তেলেফোন্দা ৱারী শাবা অসিদা নাকন অনিগী লৈনরিবা মরী অসি য়েংশিন্নবগী খুদোংচাবা অমা পীখি অমসুং মখা তানা লৈবাক অনি অসিগী মরীদা কোওপরেসন পীনবা তাঞ্জা অমা ফংখি।
Spoke with President @ibusolih of Maldives. Assured him of India's commitment to support Maldives in the fight against the COVID-19 pandemic. We also reviewed progress of bilateral development projects. Conveyed congratulations for the election of FM Shahid as UNGA President.
— Narendra Modi (@narendramodi) July 14, 2021
