প্রধান মন্ত্রীনা ঙসি য়ুরোপিয়ান কাউন্সিলগী প্রসিদেন্ত শ্রী চার্লস মাইকেলদগী কোল অমা রিসিব তৌখ্রে।
প্রধান মন্ত্রীনা শ্রী চার্লস মাইকেলবু য়ুরোপিয়ান কাউন্সিলগী প্রসিদেন্তকী ওফিস পায়রকপদা নুঙাইবা ফোংদোকখ্রে অমসুং মায় পাকপা তেন্যুর অমগীদমক য়াইফ পাউজেল পীখ্রে। শ্রী চার্লস মাইকেলগী লমজিং মখাদা ভারত – য়ুরোপিয়ান য়ুনিয়ন পার্তনরশিপ অসি মখা তানা চেৎশিল্লগনি হায়না প্রধান মন্ত্রীনা থাজবা ফোংদোকখি।
চহী অসিগী অঙনবা শরুক্তা য়ু.এন.জি.এ.গী সাইদলাইন্দা ন্যু য়োর্কতা শ্রী মাইকেলগা মহাক্কা উনখিবা অদু নৌহৌনা নীংশিংলদুনা প্রধান মন্ত্রীনা ফোংদোকখি মদুদি ভারতনা বি.তি.আই.এ., কনেক্তিবিতী পার্তনরশিপ, য়ুরোপুল, য়ুরোএতোম, কাউন্তর তেরোরিজম, ক্লাইমেৎ চেঞ্জ অসিনচিংবা য়াওনা মুচুএল ইন্তরেস্তকী ইশুশিংদা খুমাং চাউশিন্না থবক তৌনবা ৱাফম থম্লি।
মথংগী চহীগী অঙনবা মতমদা খুদোংচাবা অমা য়েংলগা ব্রুসেলদা মথংগী ভারত – য়ুরোপিয়ন য়ুনিয়ন মীফম পাংথোক্নবা লুচিংবা অনিমক্না য়ান্নখি। মসিগী মরী লৈননা তাং অদু দিপ্লোমেতিক চেনেলগী খুত্থাংদা লেপকনি।
