দিশেম্বর ১, ২০২৩দা য়ু.এ.ইগী দুবাইদা পাংথোকপা ত্রান্সফোর্মিং ক্লাইমেত ফাইনান্সকী কোপ-২৮ প্রসিদেন্সি সেসন্দা প্রধান মন্ত্রী শ্রী নরেন্দ্র মোদী শরুক য়াখ্রে। চাউখৎলক্লিবা লৈবাকশিংদা ক্লাইমেগী শেন্থং লাইনা অমসুং হোংনা ফংহন্নবগী মতাংদা থৌরম অদুদা মীৎয়েং থমখি।
সেসন মনুংদা, লুচিংবশিংনা “অনৌবা মালেমগী ক্লাইমেত ফাইনান্স ফ্রেমৱার্ক য়ু.এ.ই দিক্লারেসন” চৎনখি। দিক্লারেসন অদুদা য়াওরিবা মচাকশিংগী মনুংদা থাজবা পীখিবশিং থবক ওইনা পাংথোকপা অমসুং পান্দমশিং ফংবা অমসুং ক্লাইমেত এক্সনগীদমক শেন্থং পীবা য়াওরি।
মহাক্কী ৱারোলদা প্রধান মন্ত্রীনা হায়খি গ্লোবেল সাউথকী ৱাফমশিং য়াম্না মরুওই অমসুং চাউখৎলক্লিবা লৈবাকশিংনা মখোয়গী ক্লাইমেতকী পান্দমশিং ফংনবা অমসুং মখোয়গী এন.দি.সিশিং থবক ওইনা পাংথোক্নবা ক্লাইমেত ফাইনান্সকী খুদোংচাবা ফংহন্নবা থবক পায়খৎকদবনি।
লোস এন্দ দেমেজ ফন্দ থবক ওইনা পাংথোকপা অমসুং কোপ-২৮তা য়ু.এ.ই ক্লাইমেত ইনভেস্তমেন্ত ফন্দ লিংখৎপদা প্রধান মন্ত্রীনা তরাম্না ওকখি।
ক্লাইমেত ফাইনান্সকা মরী লৈনবা মখাগী ৱাফমশিং অসি থবক ওইনা পাংথোক্নবা প্রধান মন্ত্রীনা কোপ-২৮তা তকশিনখি:
- ক্লাইমেত ফাইনান্সকী নিউ কল্লেক্তিপ ক্বান্তিফাইদ গোল খুমাংচাউশিনহনবা
- গ্রিন ক্লাইমেত ফন্দ অমসুং এদাপতেসন ফন্দ হেনগৎহনবা
- ক্লাইমেত এক্সনগীদমক এম.দি.বিশিংনা অহোংবা শেন্থং ফংহনবা
- চাউখৎলবা লৈবাকশিংনা ২০৫০ ফাওবগী মনুংদা মখোয়গী কার্বোন ফুতপ্রিন্ত মুৎথৎপা
