২০২০গী জনুৱারি ২৫দা মীফম পাংথোকখ্রবা মতুংদা ঙসি পাংথোকলিবা মীফম অসি পি এম ওইনা য়েংশিন্নবা খ্বাইদগী নৌবা মীফম্নি । কেন্দ্র, রাজ্য অমসুং লৈকায়গী থাক্ত অকক্নবা মফমশিংদা সরকারনা থবক পায়খৎনবা ঙসিগী মীফম অদুনা অমুক হন্না ৱারেপ লৌখি । জান ভাগিদারিগী মখাদা লনাই অমসুং মীয়াম শরুক য়াহন্দুনা থবক পায়খৎনবা তকশিনখি । তেস্ত তৌনবা মফমশিং পাকথোক চাউথোকহনবা অমসুং লায়না শন্দোক্লিবা মফমশিং অমসুং হিদাক-লাংথক ফংলবা মফমশিংগী জি আই এস দেতা বেজ শেমগৎনবা ৱারেপ লৌখি ।
প্রধান মন্ত্রীগী প্রিন্সিপাল সেক্রেতরি পি কে মিশ্রানা লুচিংদুনা ঙসি পাংথোকখিবা মীফম্নাকোরোনা ভাইরস থেংন্নবা সরকারনা শেম-শারিবশিং অমুক হন্না য়েংশিনখ্রে । ২০২০গী জনুৱারি ২৫দা মীফম পাংথোকখ্রবা মতুংদা ঙসি পাংথোকলিবা মীফম অসি পি এম ওইনা য়েংশিন্নবা খ্বাইদগী নৌবা মীফম্নি । ঙসিগী মীফম অদুদা কেবিনেত সেক্রেতরি, ফোরেন সেক্রেতরি , হেল্থ মিনিস্ত্রিগী সেক্রেতরিশিং, সিবিল এভিয়েসন, ইনফোরমেসন অমসুং ব্রোদকাস্তিং, সিপ্পিং, তুরিজম, এয়রপোর্ত ওথোরিতি ওফ ইন্দিয়াগী চেয়রমেন, এম ঐচ এ অমসুং দিফেন্স ফোর্সশিংগী মকোক থোংবা লুচিংবশিং, নেসনেল দিজাস্তর মেনেজমেন্ত ওথোরিতি, নিতি অয়োগ অমসুং প্রধান মন্ত্রী ওফিসকী ওফিসিয়েলশিং শরুক য়াখি ।
লায়না অসি হৌরকফম ওইরিবা লৈবাক অসি য়াম্না নক্নবা ওইবনা ভারতনা ভাইরস অসি থেংন্নবা পায়খৎলিবা থবকশিং পুম্নমক্না থাগৎনখি । রাজ্যশিংগা খুৎশম্নদুনা সরকারগী মরক্ত মখা তানা অহেনবা থবকশিং পায়খৎনবা ৱারেপ লৌখি ।
থরমেল ইমজেরি খুৎলায়শিং শীজিন্নদুনা ইন্তরনেসনেল এয়রপোর্তশিং অমসুং হিথাংফম পুম্নমক্ত স্ক্রিন তৌনবগী অনৌবা থৌরাং অমা হৌদোকলে অমসুং লমকোয়বা মীওইশিংনা চৎপা মফমশিং অমসুং মপান লৈবাক্তগী হল্লকপা মীওইশিং তঙাইফদনা দেক্লারেসন ফোর্ম মেনশিন্নবা খঙহনখ্রে । ঐখোয়গী কংফালগী শরুক্ত লৈরিবা ইন্তেগ্রেতেদ চেক পোস্তশিংদা স্ক্রিন তৌনবা থবকশিং পায়খৎলিবা অসি হোম মিনিস্ত্রিনা রাজ্য সরকারশিং অমসুং জিলা থাক্কীগী ওফিসিয়েলশিংদা অমুক হন্না য়েংশিন্না খঙহনখ্রে । মসিগী মতাংদা বিউরো ওফ ইমিগ্রেসন অমসুং হোম মিনিস্ত্রিদা নেসনেল ইনফোরমেতিক্স সেন্তরনা দরকার ওইবা মতেং পাংগনি ।
রাজ্য সরকারশিংগা খুৎশম্নদুনা জিলা থাক ফাওবদা চপচাবা তেস্ত তৌবা, ইসোলেসন অমসুং ক্বারেনতাইনগী খুদোংচাবশিং য়াংনা ফংহন্নবা ৱারেপ লৌখি । হায়রিবা থবকশিং অসিদা এম ঐচ এ, এম ও দি, রেলৱেজ, লেবর, হেল্থ মিনিস্ত্রিশিংনা মতেং পাংগনি ।
মীয়ামদা মতম চানা পাউ খঙহন্নবা অমসুং মরি লৈনবা তৌগদবা অমসুং তৌরোইদবশিং তাক্নবা থবক হেল্থ মিনিস্ত্রিনা ইনফোরমেসন অমসুং ব্রোদকাস্তিং মিনিস্ত্রিগা লোয়ন্না হুমেন রিছোস দিবলপমেন্ত মিনিস্ত্রি অমসুং এন দি এম এ য়াওনা পায়খৎলগনি । মসিগী মতাংদা হেল্থ মিনিস্ত্রিনা মতম চানা মীয়ামদা মতম মতমগী অচুম্বা দেতা ফংহন্নবা সিস্তেম অমা হৌদোক্লে । তেস্ত তৌনবা মফমশিং পাকথোক চাউথোকহনবা অমসুং লায়না শন্দোক্লিবা মফমশিং অমসুং হিদাক-লাংথক ফংলবা মফমশিংগী জি আই এস দেতা বেজ শেমগৎনবা থবক পায়খৎলে । চহি অসিগী জনুৱারি ২৩দগী লৈবাক শীনবা থুংনা পুং ২৪গী মেদিকেল হেল্প লাইন অমা হাংদোকলে অমসুং হৌজিক ফাওবদা ফোন কোল ৬০০০ হেন্না ফংলে ।
ভাইরস অসিনা মীয়ামগী হকশেলদা শিংনরক্লিবা অসি থেংন্নবা মীয়াম অমসুং লোকেল বোদিশিং শরুক য়াহনবগী মতাংদা খন্নখি । মীফম অদুনা লনাই কাংলুপশিং হেন্না শরুক য়াহন্নবগী মতাংদা ৱারেপ লৌখি ।
মীয়াম পুনবা থবকশিং পাংথোক্তনবা হকশেলগী অখঙ-অহৈশিংনা খঙহনখি অমসুং হৌজিক লৈবাক অসিদা পাংথোক্কদবা মালেমগী কনফরেন্সশিং অমসুং মীফমশিংগী মমাংদা হেল্থ মিনিস্ত্রিগা ৱা তান্নবা হায়না ৱারেপ লৌখি ।
ঙসি প্রধান মন্ত্রীনা তুইত অমদা হায়খি, কোবিদ-১৯ নোবেল কোরাভাইরস শন্দোকপা থিংনবা মালেমগী অখঙ-অহৈশিংনা মী য়াম্না পুনবা হন্থনবা পাউতাক পীরি । মরম অদুনা, চহি অসিগী য়াওশঙগী থৌরম অমতা শরুক য়াদনবা ঐনা ৱারেপ লৌরে ।
